心夜來潮 (已結業)

星期四與朋友聚會， 當然去番中式餐廳以滿足不同人的選擇 , 而中式餐廳又唔一定只係去酒樓打邊奴, 去潮食潮州野都係一個幾唔錯的選擇。心夜來潮位於旺角中心對面, 一出地鐵站過條馬路就到, 位置勁方便。餐廳樓底高, 唔會逼逼澀澀。檯凳有D似去大排檔打冷, 但有冷氣涼, 食得舒服。-心夜小炒王去大牌檔叫餸食飯的例牌菜式，一定係小炒王, 心夜小炒王不只是一一堆炒雜錦, 更加入芋頭條、銀魚、蝦乾、魷魚、菜脯等食材猛火快炒, 鹹鹹香香, 鑊氣十足, 鮮香惹味, 美味盡情--傳統鴨蛋煎蠔烙在芸芸的潮州菜中，我就最愛吃煎蠔餅， 鴨蛋取其香味，蛋味更濃，做起來的鴨蛋蠔烙有鴨蛋的香味和蛋味, 也有其結實質感, 煎出來薄薄一塊，軟滑煙韌, 猛火厚油，蠔烙外酥內嫩--潮州凍烏頭潮式凍烏頭魚肉肥美香滑, 魚肉結實, 鹹鹹香香好鮮味, ,配上普寧豆醬, 好好食。-心夜一品煲 （花膠鮑魚海螺片）心夜一品煲有花膠鮑魚海螺, 又有菜, 啖啖海鮮已經很吸引, 鮑魚口感煙韌，甘香彈牙, 花膠養顏活血, 海螺片鮮甜滑嫩, 吸收了濃濃鮑汁海鮮香味的生菜更是精華, 味道濃鬱, 肉嫩味鮮，營養豐富!---鮑汁扣潮式獅子頭食材簡單卻

潮洲菜 尤其打冷大排檔 大部分係室外 呢間室內 有冷氣而去裝修好有風味   好適合一班朋友一齊食小炒 飲野傾計  店員服務態度唔錯 主動介紹招牌小菜 見到menu有⚡️#黃金蛋黃秋葵 $78 原來係炸秋葵 鹹蛋黃醬包裹住香脆秋葵 蛋黃味道唔夠濃郁     ⚡️#黑椒薯仔牛柳粒 薯仔粒粒炸得好香🤩🤩 入面係軟綿綿薯蓉 牛柳粒肉質軟  ⚡️#豉椒蒜茸炒花甲 花甲新鮮 肉質爽口 份量多  不過鑊氣唔夠😳😳  心夜來潮 旺角西洋菜南街138號福苑2樓

砂鍋粥專門店心夜來潮聞說這裏的砂鍋粥水準是一流的而且水蟹也新鮮十足，所以想跟朋友到來試一試。餐廳的位置在旺角，夜晚的時分人也很多，內裏的座位很多而且是一排排的，很有地道風味。醬滷水雙拼我們點了牛舌配豆腐，牛舌口感煙韌，而且每塊也很厚肉，用滷水煮得很入味。豆腐很滑，配上牛舌來吃是絕配。黃金蛋黃炒秋葵這一道菜是鹹蛋黃炸秋葵，外皮很脆很薄，吃下去的時候蛋黃很有鹹香味，加上秋葵的爽口，感覺非常配，這碟菜份量很多，這個可能是三到四人的份量，感覺非常化算 。潮汕砂鍋粥砂鍋粥端上來的時候是用一個木盒盛着而上面的粥是冒着煙的，非常新鮮滾熱辣，遠處已聞得一陣陣香氣，這個砂鍋粥有很多配料可以選擇，我們選了幾款配料。其中選了水蟹做配料，紅紅的水蟹非常大隻，每口也是肉，肉質很鮮甜。另外我們也選了聖子皇做配菜，蟶子皇新鮮而且彈牙，很鮮甜。還有的配菜是鮮雞件，鮮雞令整鍋粥更添鮮味，雞肉肉質嫩，有雞味。吃完所有配料再吃整鍋粥，味道好得不能形容。如果心血來潮想食砂鍋粥的話 我的推介會是這間心血來潮，價錢不貴而且水準奇高，希望下次也會再來吃一次。

今晚同朋友行完一會兒街，經過旺角鬧市看到這間潮汕菜，見價錢又合理，就入去試了。餐廳的裝潢以木枱為主，坐得也算舒服。而且地方空間頗大，可以容納很多客人，店員也態度很好，有禮貌。兩個人食，打算叫四餸，每碟size都頗大，可以叫少一樣。「鵝片」食潮汕菜必食一定非滷水鵝片莫屬。餐廳的滷水很入味，不像其他餐廳般一味鹹。鵝片的肉嫩滑，加上餐廳特別提供的辣醬和醋，很配合！「滷水拼盤」相比鵝片，滷水拼盤表現平均。拼盤有紅腸、豬腩肉、豬耳和鵝腸。每款都很入味。「胡椒豬肚湯」本身個人好喜歡胡椒豬肚湯，但坊間沒太多做得出色的。這次吃到的反而有驚喜，胡椒味出之餘豬肚也很臭，感覺得到用心做，而且飯後也沒有味精引至口渴的感覺。「混醬雙雞煲」混醬雙雞煲份量充足，適合三至四人吃。雞肉嫩滑，而且煲底很香、很入味，唯獨是對兩人來說太多就是了。整體而言，食物質素滿意，適合大夥兒朋友聚會談天說地。

本身都知道有呢間鋪頭，但鋪頭細細經常要等位，同埋比較偏向係室外，所以夏天食嘅時候都比較熱，加上佢哋出名係砂鍋粥，所以就更加熱，而家知道佢哋搬咗嚟商業大廈嘅樓上鋪，係全室內，而且冷氣好夠，裝修環境不錯地方都唔算迫，之前已經食過砂鍋粥覺得唔錯，今次想試吓佢哋其他小菜，所以我今次就叫咗京燒蝦碌，佢哋好細心咁用咗鐵板上，所以啲客都可以keep住咗熱辣辣嘅溫度，易啲蝦都幾大隻，份量亦都唔係話少，個汁就用咗類似京都骨味道嘅醬汁去整，所以幾開胃，而啲蝦肉都比較彈牙，幾新鮮，之後又係欖菜肉碎炒豆角，炒得好好味，唔會話太油膩，啲豆角都好爽口，最後就叫咗個香辣魚仔炒花甲王，夾發夾你都之後都覺得幾驚訝，因為花甲份量都好多，而且大大隻，啖啖肉，再加上用香蘭佢調味，所以比較惹味而且又不會太辣👍🏻👍🏻👍🏻

呢間餐廳我仲記得係佢岩岩開業既時候食過，個時試完個潮州生蟹後覺得好特別，隔左幾年，佢搬得近地鐵站左，再返黎回味🤗因為朋友唔食生野，所以全部都揀熟食。叫左兩個小菜，一個湯，一個米粉。我地原本只係想飲下湯，叫左個有酒既雞湯，原本諗住只係得湯，點知勁多雞係入面。可能因為有加到酒（黃酒？）入去一齊煮既關係，啲雞肉好嫩，啲湯都仲係有好多酒味，但唔會醉既，非常清甜。其實呢個已經算係一個餸，兩個人每人分到大約2-3碗湯左右。真係好多🤣，但我地都飲得曬。呢個非常推介。呢個醬啫秋葵都炒得幾好味，雖然濃味左少少，不過連埋啲肉碎一齊炒既關係，真係好送飯，可惜無叫白飯。朋友指定叫生啫魚膘煲，我都係第一次食，但佢係潮洲人，成日都會食，我覺得個口感幾特別，外層係比較膠既質地，入面個層比較爽脆，上網查完先發現原來花膠都係魚膘部位，不過我估無左入面脆個層。呢個煲可以一試。個炒米粉好好食，入面加左好多唔同配料，層次好豐富，但唔會咸，用黎送餸好正。最後pak返罐天地一號，估唔到呢度有，消一消膩。🤰🏻

屋企人話想食潮州菜，但屋企附近果啲都麻麻地，所以就去我之前係荃灣食過既心夜來潮，依家搬咗去旺角，仲方便😆叫咗呢個心夜一品煲 ($188) 食材夠哂正，有花膠，鮑魚，海螺片，花膠同鮑魚各有3件，都幾足料，海螺片切粒，口感幾好。海鮮食落都夠晒入味～傳統鴨蛋煎蠔烙 ($86) 呢個蠔餅炸得好靚好整齊，炸得好香口，蛋味好重。蠔都幾大隻，大部分都好新鮮，加埋啲蛋都香好夾。黃金蛋黃炒秋葵 ($78) 一上枱好香蛋黃味，秋葵炸得好脆，而且食得岀有咸蛋黃味，都幾特別～勝瓜鮮甜白蜆煲 ($88) 今日冇勝瓜所以轉咗娃娃菜，雖然蜆肉係十分之細隻，但係煮出嚟嘅湯就超級鮮甜！娃娃菜吸收完湯汁就更加甜更加好味😎 美中不足係食到個底度開始有沙，但係整體都唔錯。

朋友引路到旺角樓上舖的潮州菜館開餐，無他的，只因他是潮州人，這裏是他飯堂之一 😂😂。環境尚算企理，從沒在別家餐廳見過這種橢圓形的火鍋爐，算是開個眼界。點了幾道小菜，朋友極力推介，韮菜花爆炒手打牛肉餅 $88，牛肉餅彈牙，口感跟壓扁的牛丸相似；韮菜花翠綠嫩口，完全無渣，果然沒有令人失望。醬鹵鵝 $132，有鹵豆腐墊底，鹵豆腐都是喜愛的 🤗🤗。鹵水汁味道適中，但鵝件始終有骨，不及鵝片啖啖肉來得吸引。白果胡椒豬肚湯 $88，湯的味道不算濃，只屬中規中矩；但總算有個湯，對於湯水控的我來說，這是十分重要的。😂😂砂煲紅燒生啫鱔 $128，白鱔份量滿意，只是略嫌未夠肥美，味道亦調醃得不錯。配料有炸支竹、冬菇、蒜頭等，是堆合心水的配菜 😍😍黃金一口炸饅頭 $39有9件，略為炸得有點過龍，但勝在外脆內軟，加點點練奶，一口一件，受歡迎的啊！街坊價錢，味道不錯，旺角方便就腳，果然是好介紹 🤗🤗

電話 book 左枱食飯 去到 侍應問小菜 or 火鍋黑人問號❓ 乜吾係潮州菜咩⋯⋯咁小菜啦 坐低後 有個火鍋爐響枱面叫支啤酒飲左陣 吾對路喎 冇人收個爐見到有個成熟D著裇衫（其他著T-shirt) 咁問吓啦⋯⋯ 佢黑口黑面話 ‘乜你地食小菜咩’咁我地問 ‘咁可吾可以‘佢冇答行左去 跟住就鬧D 小朋友T-shirt 侍應 搞到我地勁吾好意思 其實你吾 ok 嘅話 我地可以走 反正又未叫嘢食雖然最後有個小朋友侍應幫我地拎走個爐比我地食小菜 但係感覺好差 想大家留意番 呢間餐廳係吾係主流賣潮州菜食物一般 環境麻麻 小朋友侍應 very ok裇衫侍應全程黑口黑面 我地都吾敢叫佢

呢排陪朋友行街吃嘢，吃到有啲滯。今日來到旺角見到『心夜來潮』招牌，就突然心血來潮想吃我一路喜欢嘅潮汕菜。炸饅頭上先，細細個，但口唔係太大，因此都要2啖先吃得晒，出邊脆卜卜，入面軟腍腍，好吃。芥蘭炒得翠綠，翠翠綠綠的同時也脆脆的，再加上方魚的微微魚香，實在好好味。以下呢個就屬於新派潮汕菜～紅燒砂煲生啫鱔，内有香菇絲，瘦肉絲，青，紅椒，最重要係新鮮甜美的主角鱔，好满足仲有仲有新鮮好咬口嘅蒜蓉粉絲蒸蟶子。來到一間潮式菜館，可以吃到咁豐富嘅新，舊派菜，真係唔錯。

食潮州菜，自然要打冷同蠔餅，所以每次都會去試下o唔ok，今次終於試到一間比較出色的。首先講下地點，旺角南記上面，絕對係方便，唔會搵唔到。之後講返d服務，好多鋪頭成日都會漏單或唔夠材料唔會通知，但佢會交代無咩菜，之後介紹同類或接近的菜， 值得一讚。滷水鵝片：鵝肉入口鬆化，滷水汁好入味，鵝味香濃，油香豐富，食到忍唔住要多食幾片。傳統鴨蛋煎蠔餅： 正宗嘅蠔餅係要用鴨蛋來做，因為蛋味比雞蛋香， 蠔餅會更加結實，但出面好多鋪都用雞蛋整，想唔到今次會食到鴨蛋的蠔餅。香辣魚仔炒花甲：花甲每一隻都大大隻，入口無沙，炒得好香，真係好食。下次如果要再食潮州野，一定會選擇佢。

今晚和好友吃飯，他是潮州人，我便提議來這裡吃飯，因為之前吃過覺得不錯。這裡的裝修沒有改動，都是以木枱木椅為主。潮式XO醬炒腸粉$58，腸粉外皮香脆，配合潮式XO醬內的蝦米，就更加惹味。家鄉隔水銅盤蒸雞$138，雞肉嫩滑，加上紅棗、木耳和醬油的味道，層次更加豐富。韮菜花爆炒手打牛肉餅$88，韮菜花的香味渗入爽口彈牙的牛肉餅內，十分惹味，很快就被消滅了。白果胡椒豬肚湯$88，胡椒味濃，湯頭鮮甜，是正宗潮州風味。醬鹵鵝$132，鵝肉嫩滑，醬汁味濃而不過醎，點些醋汁就不會肥膩。點完菜才看到原來出了很多新產品，看來不久又要來多次，試試新產品了。

/野山椒炒新鮮黃牛肉 💰82 7⃣睇個menu以為淨係得野山椒，點知仲有洋蔥，紅椒，青椒一起炒新鮮黃牛肉。勁嫩勁滑既黃牛肉，將三種唔同既椒香味全部吸曬，小編覺得呢道菜送飯真係頂呱呱。/白果胡椒豬肚湯 💰78 7⃣呢個湯超級足料，每一件豬肚都勁大件，with白果既清甜同埋胡椒既辣，飲完成個感覺係超級舒服。小編覺得呢個份量足以應付三至四個成年人份量，只能講話CP值超級高。/韭菜花爆炒手打牛肉餅💰88 8⃣鍾意食爽口野既朋友仔，認認真真考慮下呢道菜。多到成左山咁款既韭菜花同埋芽菜，咬落去超級清脆又爽口。仲有食得出新機既手打牛肉餅，咬落去超級彈牙又Juice。/黃金蛋黃炒秋葵 💰78 7⃣.5⃣呢道菜食到小編流曬口水lam曬脷，鹹蛋黃既鹹香同我最愛秋葵，呢個組合係好癲。佢地既可能知道鹹蛋已經有一定既鹹度可言，所以無落太多鹽做調味，味道啱啱好值得加分如果唔係真係要去洗腎。秋葵入面原本黏液依然保存，但鹹蛋黃幫無乜味道既秋葵加左好多分，值得一試。

今日經過旺角又特登上嚟食😋之前已經嚟過好幾次一樣都噤好食😃大家經過都可以去試吓🤭環境空間幾大坐得比較舒適，店員有禮貌服務態度值得一讚👍潮汕砂鍋粥🌟自行配搭任何材料，我地選擇幾款自己鍾意既海鮮。有海蝦，花甲，鮑魚，元貝，全部一樣新鮮大隻，令到粥底好鮮甜，好推介👍芥蘭炒新鮮黃牛肉🌟牛肉抄得好入味口感彈牙，可以選擇芥蘭/野山椒抄。黃金一口炸饅頭🌟炸到外層金黃色令人一口接一個😋炸得好酥脆加上煉奶真係絕配👍每次我黎都必點的。

好耐冇食潮州菜，咁岩又有朋友介紹，所以等埋男朋友放工，一齊去旺角食。呢間餐廳係樓上店，要行2層樓梯，營業到凌晨，住附近既人真係有食神。餐廳全部木紋枱櫈，好有中餐風味。每枱重有一壺涼水，夏日炎炎，好清涼。餐牌有吾同菜式，重有好多款海鮮，好似係新菜式黎，幾有趣，樣樣都好似好好食咁。甜蝦(新菜式)d蝦好爽口，又彈牙，全部都醃左醬汁上枱，好入味，完全吾腥。醬鹵鵝片切片上碟真係好方便食，份量都吾少，點埋醋，岩岩好。重有炸豆腐鋪係鵝片底，好有醬鹵味，好入味，大大件，又嫩。金沙寶寶寶呢碟個名好好笑，其實係蛋黃炸魷魚，重有芋絲、銀魚同腰果鋪係底。上碟就有濃濃既蛋黃味，魷魚又爽口新鮮。而腰果就好脆，好好味。櫻花蝦欖菜炒飯炒飯吾濕，粒粒分明，好香口，配埋櫻花蝦、翠玉瓜粒，估吾到幾有口感，份量都吾錯。