心夜來潮 (已結業)

成日聽朋友推介呢間舖頭食潮州嘢,所以帶我屋企人去試下 地點位於2樓 ,裝修有啲似竹林小店 。鋪頭都幾好生意,我嗰日好早去已經有唔少人,一陣已經滿座。潮州小菜粉麵都會有,當然唔少得大家食開嘅烏頭 ,蠔烙,海鮮都有。佢亦有招牌潮州砂鍋粥啫啫通菜啫啫通菜要好食, 在於佢要夠惹味 另外 菜要剛熟 唔可以太淋 更加唔可以生。呢度做得唔錯 , 份量仲有返咁上下!蒜香薯仔牛柳粒炒得有鑊氣 薯仔粒每一邊都係脆嘅, 牛柳粒亦都做到一口嘅size薑蔥生蠔薑蔥生蠔成煲上 ,好惹味。 蠔唔係大大隻個d 蠔 但係就好鮮味 !凍烏頭食潮州嘢我成日都覺得要食凍魚,呢度有烏頭&馬友選擇。 烏頭份量好足,我哋四個人食都覺得多, 另外啲肉係結實嘅 唔會削。正宗潮洲凍烏頭👍胡椒豬肚湯成日覺得出街應該要飲呢啲湯,因為功夫實在太多,係屋企整實在太煩 。 成個湯一啲騷味都冇 ,豬肚洗得夠乾淨 , 夠淋身。成個湯煲到奶白色 , 加埋胡椒香味 。Good! 煎蠔烙佢哋嘅蠔烙係用鴨蛋嚟做嘅,因為會香啲。咬好落好脆, 啲蠔亦都唔會過熟,仲要咬落去係有厚度架。有時出去食蠔烙係薄薄一片,我就比較鍾意呢個有厚度既 。正!

早放工，在旺角附近解決晚餐，原本打算吃南記，點知執左，於是就選了這間。六點，剛開晚市，店內裝潢充滿中國氣息!黑椒薯仔牛柳粒，牛柳粒十分惹味，牛柳粒不會太乾身，食落都算軟冧，薯仔更出色，吸哂所有精華，令人想一試再試，食停五到口！獅子球六大粒，啖啖肉，肉質較厚實，而個醬汁十分正，送飯一流，跟生菜一齊食，仲正因為呢個醬汁，我一個人食左大半碟生菜。豬油菜生。另外一提，呢間店好似有得打邊爐，下次再黎試下先！

深宵食堂，心夜來潮。呢到主打潮洲食物，今日特登黎試下Ｄ小菜。餐廳播住２０００年流行曲，邊食邊唱呀。唔知點解好多餐牌上菜色都刪走左，不過都仲有好多選擇。石版燒汁茄子好惹味既茄子，好耐冇食過高質茄子，入味得黎軟硬度又剛好。仲有Ｄ好惹味既乾蝦粒，夾埋一齊食就PERFECT。10/10蝦仁菜脯煎蛋菜脯咸咸甜甜，加埋煎蛋食好正。唯一不足就係蝦仁無調味，所以單食蝦仁會無乜味，必須要夾菜脯一同食。8/10混醬雙雞煲 乾鍋雞煲，雖然雞煲唔辣但都好夠味。雞肉嫩肉彈牙，正。9/10潮式雙丸雜菜煲絕對對得住雜菜煲呢個名，有菜心，芥蘭，生菜，娃娃菜，芹菜，小量金菇，冬菇，粉絲等。仲有潮汕牛丸，墨魚丸，非常豐富既鍋。味道就較清淡，清清地都幾好。8/10

心血來潮,就黎左心夜來潮啦!呢間店好近MTR。晚上9點都咁多人,真係好多人深夜黎食野。呢度既風格好有客棧FEEL。我晚上唔想食太多野,就叫左兩隻牛油燒帶子,GARLIC粉絲蒸大大隻既蟶子。同埋潮式冷凍鮑魚,因最少要叫2隻,好多野我都叫左2隻。中意飲可樂既我仲叫左可樂添。下次如果早D黎的話,又多人既話會叫砂窩粥,睇黎好出名咁,仲可以自選材料,但要人多叫食到。本身仲想叫鵝肉,但已經幾飽就無食到。呢度都有少少中國特色既擺設。用具都幾有特色。上菜好快。我好快就食完啦!但周圍既人都係慢慢食。

好耐之前黎過, 仲記得果次係同爸爸媽媽黎食潮州粥, 今次轉轉角色同男朋友黎, 因為只有2個人關係, 冇叫到潮州粥, 點左幾個小菜。本身係食潮州菜, 不過可能因為宜家轉左模式, 好多人上黎食都係食海鮮任食, 所以好多潮州菜式都冇左, 海鮮$199配菜任食2小時, 不過因為我地食得唔多, 最後冇吃到雖然係食小菜, 不過呢度野食既水準真心唔錯! 價錢唔貴又到位, 而且野食都唔錯醬鹵鵝腸 $58黎得食潮州野點都要叫返個鹵水野既, 鵝腸爽口脆身, 而且用左醬油煮食落都頗有味道, 最中意既係鵝腸 唔會太肥, 恰到好處~ 男朋友都話好食!潮式啫啫通菜 $68黎到就驚驚地, 因為碟碟都好大碟, 而且呢個用左好多蝦米煮成, 個啫啫通菜一上枱勁香, 格離枱都望住我地呢個啫啫通菜XD 啫啫通菜用左蝦米爆香同蝦膏煮成, 味道香但唔會過份地鹹, 送飯一流冇得頂醬香骨 ?點解會有個?????? 因為我唔記得左呢個骨叫咩名, hahahhahahaa... 不過又係幾有驚喜, 醬香骨入味而且肉煮到軟身, 但咬落又唔會過份軟身, 而且保留到一d肉汁, 醬汁唔多唔會覺得好膩口, 同埋骨與骨之間既肉係最軟最好食~砂鍋卜卜

雖然唔係潮州人，但係我同好多香港人都一樣多好鍾意打冷！旺角一路都有好幾間打冷店，今日你試呢間新鋪！我哋叫咗一碟鵝腸冷盤，鵝腸爽口帶點肥美，所以咬落口充滿油脂香，而且鵝腸經過長時間浸煮後，充滿滷水味！辣酒煮田螺，餐廳用小火鍋盛載辣酒田螺，令到田螺越煮越入味，送酒一流！炸蠔餅好好味，因為餐廳用咗鴨蛋去製作，所以蛋味更加香濃，而且餡料豐富，每啖都有蠔仔，真材實料！另外，豪餅炸得剛剛好，咬落口非常鬆脆！推介！

今日放假去左旺角中心行街，行行下又到食晚餐了於是搵間餐廳醫肚，行出來見到旺中對面樓上有幾間餐廳，見到心夜來潮個名又好似幾特別就一試啦！醬滷六小碟有豬耳仔夠淋又爽爽地，豬大腸好淋，豆腐又夠味，豬脷有咬口，紅腸又不會太咸又幾入味，豬腩肉肥瘦均勻又好入味。心夜小炒王有銀魚乾，蝦乾，菜脯，韮菜等一起炒火氣十足又鹹香十足，蝦乾又有咬口。韮菜火爆炒手打牛肉餅，炒到好香噴噴牛肉餅牛味濃郁又彈牙，韮菜又碧綠又夠味道美味可口。

呢排成日OT到好夜今晚約咗個同事一齊吹下水呻下。我地去咗呢間《心夜來潮》食潮州菜飲啤酒。我地冇叫主食，叫咗幾個菜：醬滷鵝腸：鵝腸滷得非常入味，好淋，而且非常肥美，但卻不會有很油膩的感覺，煮得很好我自己好鐘意食鵝腸，現在好少找到煮得好食的餐廳了！火焰辣酒煮醉螺：另一款推薦的菜式，首先是份量極多，有差不多40隻。螺新鮮，而且上枱後個爐會一直煮啲螺，保持溫度，越煮越入味，又辣又刺激傳統鴨蛋煎蠔烙：同一般台式蠔仔餅不同，潮式比較脆口，用來送酒一流。用鴨蛋加蔥花令入口時更香口，而且蠔仔的份量亦很多，差不多每一啖都食到有蠔仔砂煲生啫鱔：鱔又係另一道不容易煮得好食的菜式，而呢度的確係煮得唔錯。鱔本身肥美，咬下去油脂好豐富同彈口。生啫鱔係喺鱔上用上鼓汁，然後用砂煲焗熟，鼓汁很入味卻唔會蓋過咗鱔本身的味道，一流潮式啫啫通菜：本身想叫個菜清淡啲，但後來發覺都係重口味的哈哈咸咸香香的味道同通菜好夾，又係用嚟送酒的一個好選擇本來只係諗住同朋友隨便食餐飯飲杯酒，點知食到一餐咁高質的潮州菜實在係驚喜，下次再同屋企人嚟食過

今日出去同屋企去旺角買嘢,買野之前屋企人已經話想食潮州野,於是就喺出發前去openrice睇下旺角邊度有潮州嘢食,見到間心夜來潮的潮州 食肆,而且見到整體評價唔錯,於是就一早book 定檯。入到去,所有裝修都係比較傳統中式,仲有呢度 呢度嘅櫈係功夫凳嚟嘅,坐得唔係太舒服,不過有時要食好野都唔諗得咁多。所有碗碟都好有心思咁印晒logo白果胡椒豬肚湯 $88呢個胡椒豬肚湯,又足料,又惹味,4-5個人的份量都係$88,堅抵心夜小炒王 $98去到潮州舖,通常會叫返個充滿鑊氣嘅小炒王,呢度的小炒王都好足料,腰果,蝦干等樣樣有, 配啤酒一流 。潮式炒通菜 $78惹味有鑊氣,又夠大碟。鴨蛋煎蠔烙 $86蠔餅賣相唔錯,蠔仔亦非常鮮甜。薯仔牛柳粒 $108牛柳都算多,薯仔炸得好香口,牛柳整得好好味,一d都唔鞋口。總括來講,餐廳除了坐得迫了小小外,食物水準都非常之好,下次同朋友食飯都會再食多次。

個名好特別，上到去先知原來係食潮汕嘢食！個名另一意思因佢係由晏晝5點開始營業至凌晨4點深夜時份。其實好少食潮州嘢！唔知有咩特別嘢食，見到餐牌就睇到有D 推薦嘢食，跟住叫應該實無死。最後決定揀左3樣嘢食，老公話想試下個醬滷鵝片（$140）啖啖肉，味道正常但偏淡點汁食更加好，有幾塊滷水豆腐墊底！.另外最近食少左菜，所以叫左個 潮式啫啫通菜（$78）上菜食我哋都好嘩然，個通菜煲份量真係好大😆估唔到！味道都唔錯好香！.最後叫左蒜香薯仔牛肉粒（$108）一擺低已聞到蒜香味👍🏻薯仔粒新鮮炸過外脆內軟，牛肉粒都無過熟！賣相都好吸引！.聽講來緊會轉新餐牌，唔知會有咩新菜色呢？

留意左呢間餐廳好耐因為舊唐既裝修好特別 打卡一流不過而家搬左店依然有大排檔既感覺五點食early dinner就仲未有好多人人地用戰鬥碗 呢度就用自家碗飲🤣路邊炒米，味道偏淡唔會好油淋淋有肉絲冬菇蝦皮芽菜椒絲食半碟都唔會膩蜆肉蒸雞蛋，本身以為會有連殻點知原來得粒蜆肉水蛋蒸得好滑 好有嬤嬤整住家飯既感覺小炒王，當然例牌有墨魚仔，蝦干、菜莆、腰果同韭菜花呢度特別再係潮式食品加咗少少炸芋頭絲黃豆涼瓜排骨湯飲落好重薑味同酒味 唔係味精湯碟頭唔大 兩個人食四碟剛剛好

喺旺角行街行夜左，成日食嚟食去都係酒樓，好鬼悶，但係又想食中餐，所以決定嚟呢度試吓！地點超方便，就係喺旺角中心對面，超易搵！要得心夜來潮，梗係啱晒夜鬼開到凌晨！行到身水身汗，梗係要整返支啤酒，呢度用戰鬥碗飲啤酒，好盞鬼！望望餐牌其實好多嘢都試， 價錢仲好抵添！最後點左：椒鹽一字骨薑蔥生蠔金沙寶寶寶方魚炒芥蘭砂煲生嘟鱔白果胡椒豬肚湯椒鹽骨大大嚿，但係一啲都唔un, 肉質夠哂滑足料又香口！送啤酒就最啱啦！薑蔥生蠔真係唔讚唔得，首先生蠔新鮮到不得了，而且食極都仲有，有勁多舊生蠔!金砂寶寶寶用我最鍾意嘅鹹蛋黃炒，真係超惹味！完全係我杯茶鱔煲又係不得了！勁大份又鮮味！抵食過酒樓好多！豬肚湯又係最鍾意嗰陣胡椒味

朋友鍾意食潮州野，去旺角買完野肚餓，就search左附近最近嘅潮州菜館。呢間心夜來潮位置方便，旺角地鐵站一上行2分鐘就到，幾方便。餐廳名叫心夜來潮，因爲佢係夜晚5點開店到凌晨4點，幾特別。餐廳裝修幾有中國風，晚飯時間人流都多，附近枱枱都滿。潮式醃凍鮮鮑魚 $32一隻好耐冇食新鮮鮑魚，鮑魚好厚肉，咬落彈牙，加上豉油同蒜蓉，凍食做頭盤好幸福。醬滷鵝片 $140鵝片係傳統嘅潮州整法，肉唔靭，好香鵝味。白果胡椒豬肚湯 $88好足料，豬肚分量超多，有少少胡椒辣味，蘿蔔浸湯夠濃味。櫻花蝦欖菜肉鬆炒飯 $68炒飯夠穫氣，飯炒得一粒粒，幾乾身，算本日最推介，幾好食。兩個人食左大約400蚊，中間價位，都有潮州風味。呢道炒野比較出色，聞到隔離枱炒通菜、菜心都好香，炒飯都唔錯。

今晚補祝母親生日, 潮洲人當然要食番潮洲菜, 今晚就滿足一下佢, 一家人去左旺角心夜來潮食打冷。餐廳係新派大排檔格局，餐廳空間感大，座位多，坐得舒服, 傾計都唔會好辛苦。---傳統鴨蛋煎蠔烙睇佢個樣就知佢夠哂正宗，鴨蛋蛋香明顯, 外面係脆但又唔會過於油膩，蠔仔size正常數量多--潮式炒飯以蝦干本身鹹香的味道，作為整個菜式的調味,蝦米爆得香口, 加上肉碎一齊炒，非常惹味！--心夜一品煲（花膠鮑魚海螺片）慶祝母親生日當然要叫海味菜色, 心夜一品煲有齊花膠鮑魚海螺片, 勁矜貴, 花膠、螺頭都是滋陰的首選, 為自己和家人送上最豪華美味。鮑魚裙邊粗、肉肥厚, 柔嫩細滑，滋味極。花膠膠質豐富, 吃起來特別結實彈牙, 海螺肉質鮮嫩，嫩中帶微爽, 味道鮮美。最重要係下面的菜吸收晒鮑汁, 勁好味。---金沙寶寶 魷魚腰果銀魚金沙即是鹹蛋, 鹹蛋被搗碎和魷魚、腰果和銀魚一起混合炒, 蛋黃的沙沙的口感, 魷魚的鮮嫩同時有咸蛋的咸香, 入口真的會有瞬間愛上的感覺, 忍唔住一口接一口 。--凍烏頭是另一必食之選, 烏頭一食就知優質靚貨, 烏頭很肥美,而且已經切開，不用自己再剝皮, 吃不出有泥味, 夏天食真係好

今日就同屋企人黎旺角心夜來潮食宵夜😍 呢間餐廳營業時間同個名一樣，只係開夜晚到朝早👍我哋叫咗幾個小菜。首先係心夜小炒王，唔係講笑，下次黎食一定要encore!!😍😍好足料，又夠鑊氣。有韮菜，菜莆，芋頭，仲有魷魚啊😍送啤酒一流啊！🍻基本上口感又香又脆，忍唔住口，話咁快清左成碟！一品煲，好足料！有花膠，鮑魚，海螺片等等。好夠味，性價比頗高！不過美中不足係鮑魚有啲太硬，另外，醬鹵鵝不得不讚！雖然呢個菜睇落好簡單，但係製作過程好考功夫，塊塊肉都好入味，又結實，抵讚！豆腐雖然係配角,但係一啲都唔失色。