心夜來潮 (已結業)

旺角最多的就是深夜的食堂，不管多麼的夜，也總有地方食野。手打肉丸。雖然只有幾粒，但肉質非常爽口彈牙，不是一般的肉丸。加入了少許的調味，帶點點的咸香，更是惹味。炸獅子球。同白菜仔一齊煮就食得多，單單就咁炸還是第一次。肉質偏軟淋，而外皮十分的脆，配上泰式甜辣醬，十分開胃惹味。菜茶。實際上是炸米飯加上不同的配菜。湯底較咸香，因此吃上去就已經很有味道。有點菜又有花生香菇等等，很多原化又很Colourful。

朋友說想去吃潮州菜, 必然地我想起帶他去鄰近我家的三記, 但朋友又不喜三記的交通不便, 說帶我去一家於旺角中心點的潮州菜館. 還說這家並不像旺角的一般潮州菜館, 相對環境企理得多. 既然如此, 便即管一去. 入座後沒想到環境頗為雅緻, 座位帶點懷舊的感覺但不失整潔, 好感大增. 店內的碗, 筷, 湯羹均印有店名, 店子下的成本不少. 木質枱面亦有注意清潔, 不會油淋淋的. 即使是餐牌, 店方用的心思不少, 附圖的餐牌是店子的新舊餐牌, 相當用心. 餐牌上的第一頁便印有食店的簡介, 乘著等候食物時略為看了一下, 提到店子的是新派潮州菜, 內容相當有趣. 鵝件滷汁入味, 肉質視乎部位而有嫩滑及結實, 沾上醋吃一點也不油膩. 朋友想點的是醬醃螄蚶 , 但我向來怕腥, 在不知食店的手藝前不敢亂試危險度高的螄蚶. 想了一點, 便改點醬醃龍蝦, 看到這個龍蝦是每天限量供應5隻, 應是店子的招牌菜. 放心許多. 上桌的賣相, 本來鮮紅的龍蝦, 蝦肉變得像醬油般的亮黑色, 蝦膏則是帶黃色. 隨龍蝦附送上一碗白粥.醬醃過的龍蝦肉質變得結實彈牙, 蝦膏味道則更為濃厚, 味道用"鹹鮮香"三字充份表現. 配上

#深夜食堂 食晚餐宵夜最多選擇, 交通又要方便, 首選係旺角! 呢間食店係入夜時份開到天光ga!! 岩哂夜鬼朋友~ 第一次食 #潮州菜 , 果然係冇失望!【潮汕砂鍋篇】小:HK$180起; 大:HK$330起 (配料價,送粥底) 黎呢度其中必食之一就係呢個粥, 自選海鮮配料, 每份配料都標明價錢, 最低消費HK$180, 如果ORDER配料過HK$330, 就有個大SIZE既粥喇!! 我揀左一隻細膏蟹(HK$120/隻)+蟶子(HK$60/份)+鮑魚(HK$20/隻), 細SIZE夠兩個人食有餘...個粥係極之鮮甜, 而且口感好棉~岩哂宜家既寒冷天氣, 食返煲暖下胃!!【醬鹵拼盤】HK$128 潮州出名食鹵水, 所以就叫左個鹵水拼盤, 款式多, 包括紅腸, 豬?,豆腐,豬腸,五花腩...整得幾入味~【家常牙籤雞】HK$42 推介必食!! 見個名幾特別就叫黎試下...非常驚喜! 驚喜不在於牙簽, 而係脆卜卜既外皮, 包住啖啖既雞肉, 就算慢慢食, 擺左一段時間, 外皮依然KEEP到脆口, 好正!!!【醬鹵鵝翼】HK$46 入味既鵝翼~皮爽, 略帶甜味...

以前都去過旺角嘅一間心夜來潮，不過地址而家搬咗，好似嘢食款式都多咗好多，整完手機嘅晚餐就同朋友一齊去食飯。黃金一口炸饅頭＄32/8每粒饅頭都唔算大，應該係平時嘅一半左右分量，外皮都幾厚同埋好香脆，特別是加上練奶之後又香又甜，好少油冇咩熱氣嘅感覺。香辣魚仔炒聖子皇＄28@1隻至少要叫四隻，即係＄112蟶子皇本身爽口彈牙，質感香滑而且肥美，整體質素唔錯，可惜其中一件有少少沙喺裏面，不過唔太影響食用就算啦。側邊嘅青椒同埋洋蔥都可以食，炒得好香，估唔到嗰啲細細粒啡色嘅魚仔又真係幾香辣，味道介乎小辣至中辣中間。小米餃＄26裏面主要係豬肉同埋蝦米仔，細細粒幾得意一口一件，外面嘅皮唔算太薄，每口都好黏好煙韌！可以加埋個甜甜地嘅醬汁，比較杰身味道亦相得益彰。本身已經有水提供，不過都係叫咗支＄15嘅津路烏龍茶，啲侍應態度都幾好，價錢貴定平就睇點叫餸啦。平有平食貴有貴食嘅啫～PS原來唔係正門嗰邊有電梯搭，唔好咁蠢行兩層樓梯啦⋯

ABC朋友話未食過潮州菜wo~ 於是,我就帶佢試下乜野係潮州菜啦～ 等佢知道香港唔係得 上海菜，川菜同粵菜既～ 好喇～ 就帶佢試下旺角既心夜來潮啦～ 聽講入面既潮州菜，唔係平時食既打冷～～～所以決定試下～砂鍋蟹粥，潮洲粥，飯同水係分離。由於蟹唔係同粥一齊熬製，所以粥只係得味精味，無蟹既蟹既解甜。但蟹就ok 甜既～ 手工捻面猴，單睇名完全唔知係乜黎～ 上到台一望，有啲似刀削麵，但就唔係刀削，係用手摵麵團一下一下摵落去而成。入面有尤魚，蝦米，肉碎等等。味道偏咸。XO醬炒腸粉， 似上左色但無乜味既醬油炒腸粉，食唔出XO醬味～ 小米餃如果有睇我之前既食評都知我好鍾意食煙煙韌韌既野～ 呢個好好食～ 一啖一口～ 唔經唔覺就食曬，會令人想再落單。菜茶由蝦米，蔬菜，冬菇，尤魚干，炒米奇入菜湯而成。 食落幾得意，趣卜卜。味道偏咸。我同朋友食完呢餐飯，狂飲左好耐水， 好口渴～或者係因為潮州菜要咸鮮啦～所以佢地食物都偏向重口味。 如果鍾意食清淡野既朋友，就要考慮下喇!

朋友生日 一行五人 簡左呢間 見好多人都話砂鍋粥好食 叫左一個細 同幾個菜式 幾樣菜色都好好食 牙簽雞 熱辣辣 老水拼盤 普普通通 炒聖子 好新鮮 唔貴28$1只叫左5只 介蘭 勁好味 有方魚 好野味 另外仲有蠔餅 好捻口 可能馬提粉較多 唔係平時食開好翠果只 小米餃 推介 好好味 最後個粥先黎 叫左雞 蜆 螺片 元貝 但個粥無想像咁甜 比較淡 可能無落鹽 個螺片有d壓味 呢個比較失望 但價錢唔貴 員工態度好好 有求必應 帶左旦榚無帶刀都比只刀仔我地 好忙都幫手影相 唔趕人 會再去

潮式生醃海鮮近來又好像帶起了熱潮，男朋友自稱從未食過生醃海鮮，所以這天便來嘗嘗啦。食物選擇也頗多，單是生醃類別已有七款食物選擇，不過這天瀨尿蝦已賣光了，我跟男友便退而求其次選擇了生蝦。醬醃生蝦 $58起初我以為食入口會有濃烈酒味，原來只有一點點而已，但反而更能食出海蝦自身的鮮甜味道。牙籤雞 $32男朋友的心頭所愛，脆口野! 每件雞都十分的骰，外層痴滿脆米，炸得乾身之餘又不會硬柴柴，不用點甜酸醬已很夠味。傳統鴨蛋煎蠔餅 $68整餐飯我最欣賞的一道菜，菜名特別標榜『鴨蛋』二字，蛋味果真超級濃郁，蛋餅中的蠔仔隻隻肚滿腸肥，剛好熟的口感使蠔仔非常嫩滑。而整個蠔餅最出色的地方，是外圍的焦香邊位，食入口金黃香脆不用說，當中竟然有股只屬於鹹蛋黃的鹹香味，真是十級滋味!!蒜蓉椒絲炒通菜 $52通菜比平日吃到的更嬌嫩，每條都幼身細小，完全沒有過老的狀態出現，吃入口爽脆沒有渣。潮汕砂鍋粥 $240點了中膏蟹 + 蠔仔，首先視覺上已十分好看，帶淡黃色的粥底加上橙色蟹膏，整煲粥滾熱辣冒著煙地上檯。蟹膏比想像中更甘香，完全沒有因為經粥底吸收了精華後失去了原有的鮮味，反而鮮味仍能保存。$60的蠔仔亦很大手筆，幾乎

終於係旺角搵到間坐得舒服嘅潮州菜了有點懷舊擺設 但又有點潮炒聖子 勁鮮又無沙 火喉十足蟹肉蚌仔粥 足料但略嫌味道淡了一點點方魚炒芥蘭 宜架啲芥蘭係好食嘅牛雜鍋 好多牛柏葉 唔太靭幾好個汁幾好味 加少少落粥度岩岩好

去旺角食野 ， 黎黎去去都係放題，韓燒，火鍋咁，真係悶悶地，朋友咁岩鐘意食粥，就介紹去一間專門食潮州野地方餐廳裝修設計都走中國風路線，懷舊復古的傢私令人仿如置身中國，食物方面亦冇令人失望手打牛丸： 食落同普通牛丸好大分別，平時街邊牛丸一大陣雪藏味，呢間的手打牛丸完全冇這問題，而且好彈牙，牛肉味好重一口雞 ：外皮金黃色，真係一口一件，配埋酸酸甜甜的醬，香口惹味，激讚路邊炒米粉： 相貌雖然平平無奇但內有乾坤，炒得乾身，唔會食落油膩，味道仲好惹味壓軸出場有沙鍋粥，可以選不同海鮮配襯，我地選擇左蝦，田雞，鮑魚，海鮮精華完全俾粥吸收晒，材料新鮮，鮮甜美味，潮州粥唔會煲到粥好爛，一粒一粒咁，好有質感

係旺角睇戲睇夜左要搵野食就黎左呢間食潮州菜間鋪開到好夜 唔洗擔心搵唔到野食先來一款小食 牙籤一口雞食既時候真係好方便同好香同平時既炸粉外層不同，應該係用左飯黎炸？繼續熱氣到一個點炸獅子頭，呢個好彈牙肉入面有香菇 所以食起黎特別香魚香茄子用鉄板奉上 熱辣辣 食既時候要小心燙嘴朋友話要叫醬餣螄蚶第一次食，個醬油唔算好咸不過螄蚶偏細隻呢煲粥真係不得了 好大煲我地揀左水蟹同蠔仔首先粥底幾綿，加入左海鮮，鮮味十足呀結果大到食唔哂係呢度差唔多枱枱都係叫呢個粥嫁炒芥蘭加入左魚乾，帶出咸香味菜身翠嫩，爽口仲叫左罐好耐無飲既椰汁

潮州菜館去開嗰啲都係好似大排檔咁樣嘅。 今次呢間淨係環境都已經覺得好有特色！坐嘅凳都係木櫈，用嘅枱都係木枱。有少少好似返咗鄉下咁因為見到沙鍋粥話製作需時，所以第一時間就叫左煲砂鍋粥先。材料都有幾多選擇！不過朋友話想食蟹粥，所以我哋就淨係叫咗一煲蟹粥。感覺超足料！蟹肉好豐富！ 而且用砂鍋上可以保存住佢個溫度。粥煲得好綿，而且唔會覺得好水。食到綿綿既粥既感覺真係幾好，好暖胃！仲配咗芫茜同埋蔥！好貼心咁樣冇落到落去個粥到！我喜歡等大家自己鍾意加嘅就加，落幾多就落幾多！ 另外叫左個辣炒蜆，蜆肉都幾新鮮冇乜沙，辣度都ok。 仲有重點係：唔係殼多個蜆肉架！！！平時有時去大排檔食炒蜆，d肉會成日都唔見曬 。但呢度真係粒粒都有蜆肉嘅！不過因為我鍾意食辣，所以再辣啲就好喇！ 而且我相信佢炒耐啲會再入味啲嘅！ 呢個魚乾炒芥蘭令我覺得好有驚喜！媽媽話因為芥蘭 而家當做！所以好新鮮！的而且確佢個芥蘭超新鮮！冇平時嗰陣苦味！咬落去仲好爽！同魚乾一齊食都好夾！魚乾有啲咬口， 食落鹹鹹地，配埋個菜食嗰調味就啱啱好！唔會太鹹！ 黎得潮州菜館唔可以唔食嘅當然就係蠔餅喇！佢嘅蠔仔好豐富！簡直就係啖啖肉而且用咗鴨蛋煎，口

同車爸爸撐枱腳永遠都是快樂事，食乜嘢我都冇乜所謂，最緊要係食得開心，不過兩條冷真係唔食得好多嘢，所以我特別喜歡去，貪佢樣樣嘢都細細碟可以試多幾款吖嘛！有點可惜嘅就係深夜來潮已由塘尾道好有風味嘅舖位搬到去地方闊落的旺角西洋菜街樓上舖，雖然這兒不受天氣嘅影響，但係始終都覺得舊店風味較好。不過新店地方大了又光猛了，坐得較為舒適，亦都企理得多呢！這麼高興的拍拖夜，梗係要嗌支藍妹$32高興下啦！店子提供膠碗給客人飲啤酒，不過始終都係覺得玻璃或瓦的器皿飲啤酒會比較冰凍些。我只飲了一少碗，啤酒都唔算好啱飲，我都係飲番可樂$10好啲！來這兒必食的{醬醃螄蚶}$48，價錢比起以往貴了少許，但係現在多跟上一碗白粥，另外螄蚶亦都份量多了少許！還記得第一次看見這個螄蚶夾真係老鼠拉龜無從入手，現在當然得心應手啦！剝開獅蚶後內裏鮮甜美味的汁液緩緩流落白粥內，那口粥簡直係人間極品喔！呢個{小米餃}$26又係我的心頭愛，一口一粒過癮非常，肉餡充滿大地魚香，加上煙靭軟糯的餃皮，只能大叫點解會咁好食㗎^_^跟住試埋兩個新菜式，呢個叫做{爆炒醬啫秋葵}$66，用瓦

知道心夜來潮旺角店搬了位置，以前在離地鐵站比較遠的塘尾道，現在搬到了旺角中心對面，地點方便得多。經過幾次已經很想試，但一直都未有機會，這天跟寶寶經過，終於可以再嘗。新店面積大很多，不用再在塘尾道的室外排隊等食。一整層都是心夜來潮，分了2邊，一邊是提供給大伙兒聚餐的大圓枱，另一邊是For人數比少的方枱。新店的菜式選擇似乎比以前多了一點，不變的是大部份道菜式都很抵食，才不過幾十元。醬醃蠔仔($28)我個人的必點ITEM。冷盤醃蠔仔，醃得很入味，仲保留住蠔的鮮味。蠔仔都算大隻，每粒都好飽滿。最喜歡他們加了黃豆在內，咬下去的質感很好。隨醬醃蠔仔附送一碗白粥，質地都不像一般的潮洲粥，反而像廣東的粥一樣比較綿的。用濃味的醬醃蠔仔送粥(或者白飯)，就已經可以令我食光一整碗粥。香辣魚仔炒蟶子王($28/隻)蟶子王4隻起，我和寶寶2個人，點了6隻炒蟶子王，每隻都挺大斤兩，好大隻。帶點辣味，比較似是XO 醬的辣，炒出來十分惹味。而蟶子本身都好新鮮，咬落爽口彈牙。蒜蓉椒絲炒通菜($52)通菜都幾幼嫩，加上蝦米一齊炒起更提味，炒得有鑊氣又香，但唔老。不過有點偏油。每一道菜都十分好送飯，2個人分都食到好飽。酸菜

其實好幾次去完新之城行街都見到好大個心夜來潮既招牌！不過無咩腳，所以無入去食。今日難得約得成腳，大家食樓上cafe食到悶，所以我就提議食呢到。黎得潮州菜館，食嘅梗係唔少得有潮州嘅鹵水鵝同埋鹵水拼盤！ 其實如果佢一個拼盤有埋鹵水鵝就好喇！不過好多潮州菜館都係要咁樣分開叫嘅！鹵水拼盤上面有紅腸、肥豬肉、豬大腸、豬脷同埋豆腐。除咗豬脷之外，其他其實都好common！好多地方都係咁樣做拼盤。不過平時好多都會用豬耳，好少用豬脷。。。 鹵水都鹵得幾入味，大部分野都好好食！(我唔食豬脷XP) 個人最喜愛係個肥豬肉！肥得嚟唔會好溜！肥膏同埋肉嘅層次好分明！而且中間有點醋可以點，好有潮州風味！鵝肉真係啖啖肉！有啲friend會走鵝皮，但我個人就覺得鵝肉同埋鵝皮加埋一齊食先係最唔會太咸！調味調得好唔錯！潮州另外一樣好出名嘅就係手打牛肉丸！呢到既牛丸同出面街外買既牛丸好唔同。真係feel到好似漢堡咁樣好多肉mix埋一齊！係手打嘅感覺，唔算話好彈，但就好有牛肉嘅味道。 湯底好配牛肉丸！係用生菜同埋芫荽煮嘅湯底，清清地，幾好味佢呢度因為又好出名嘅沙鍋粥，所以黎呢度就唔可以唔試！叫咗隻膏蟹嘅砂鍋粥，感覺佢好足料

心夜來潮搬了新舖後第一次來，實在太好了，坐得舒服又唔使等夠鐘先開檯✌🏻️第一時間揀左海鮮item 先，今次就食膏蟹同蠔仔啦，沒令人失望呢，而且細份量已經很夠兩人食。菜茶也是很特別的一道，潮洲人一定食過，係用各種新鮮蔬菜混入炒過的米加上湯而成，十分清新不會死咸小米餃是男友大讚的一道，細細粒易入口，咸香十足炒蟶子是最有穫氣的一道，雖然好像很港式大排檔，不過好味就ok 啦💪🏻最後想讚一讚他們的服務，因檯細細，很快不夠位放食物，侍應都很快收碟。後來我食食下發覺腳受傷（完全不關事及無同侍應講過），他們竟發現了並主動遞上膠布，非常有心，不單是食物，係成件事都好impressive!😊