心之食堂 (裝修中)

餐廳環境整潔，樓底高夠光猛。牆上掛咗唔少日本名勝嘅海報，除味覺上嘅滿足，視覺上亦令食客有猶如置身日本嘅感覺🇯🇵🍆蒜香烤焗茄子有成隻碟咁大件😍肉質夠腍可輕易拉出長長嘅茄子肉，蒜香澎湃非常惹味🤤🦪蒜蓉燒蠔蒜香頻頻爆發，入口肥味多汁，滋味無窮😋🐚蒜燒日本大扇貝燒完都仲係好大粒😍肉質鮮美飽滿，蒜味香濃非常之夾！🍸海膽蟹籽杯鮮味十足😋面頭有幾片海膽，中間夾上青瓜片同沙律菜夠晒清爽，另外仲有大量蟹籽增強口感。🍛原條鰻魚石鍋飯熱氣騰騰霸氣登場，條鰻魚仲長過個石鍋碗😍石鍋夠熱保持熱食，鰻魚肥美肉質軟腍，飯嘅份量夠多，鍋底有飯焦有雙重口感享受😎

原條日本燒魷魚香噴噴，爽口彈牙好新鮮，燒汁甜甜哋好滋味😋彩虹卷入面有脆卜卜嘅炸蝦，仲有芝士、青瓜同沙律醬，口感同味道都好豐富🥰燒雞皮串好有彈性又脆口，口感特別🤩海膽蟹籽杯擺盤好靚，用咗個透明高腳杯🍸上面嘅蟹子同海膽顏色都鮮艷😍海膽甘甜，質感細膩。蟹子鹹中帶一絲甜，口感清脆。心の蛋卷賣相好可愛😍廚師用蕃茄醬畫咗個心心，仲唧咗沙律醬喺面。切開見到藏喺入面流心嘅芝士、蟹子同三文魚，鹹、酸、甜味道層次分明，呢個組合好夾！豚肉蘆筍卷豚肉塗咗少少醬汁燒十分香口，而蘆筍燒完都仲保留到脆嫩嘅口感🤩有驚喜！秋葵刺身沙律好新鮮，胡麻醬都多，成個配搭好refreshing令人胃口大開🙆🏻‍♀️

💛心之食堂📍銅鑼灣耀華街3號百樂中心12樓1203室🕒星期一至四：18:00-23:00；星期五至六：18:00-23:30（星期日休息）🍗雙色芝士炸雞（$58）外脆內嫩又juicy，拉到長長嘅絲🧀味道一啲都唔會輸比韓式芝士炸雞！🦑原條日本燒魷魚（$88）加上濃郁美味的醬油，以軟燒嘅方法嚟烘烤，不但散發出陣陣醬油芬芳香氣，烘烤後嘅魷魚仍保持柔軟🤩🍸帆立貝蟹籽杯（$68）真材實料👍🏻帆立貝有四片，厚薄適中。入面係壽司飯，蟹籽份量都多。全部都好新鮮，毫無腥味。🍢厚燒牛舌心（$58/串）牛舌心屬牛舌最嫩位置，當然要試吓😆落咗少少黑椒鹽作調味，表面燒到逼出油香。火候控制得好好，唔會過熟咬開依然嫩滑多汁。整體食物質素都好高，價錢亦唔貴，CP值爆燈⭐️值得支持嘅良心小店！

辛苦工作一個星期終於捱到星期五啦，收工後立即約fd去居酒屋chill一chill，絕對係大人嘅浪漫😏🟡海膽蟹籽杯-海膽甘甜香醇，鮮香味撲入口腔，粒粒蟹籽昇華口感🟠蒜蓉燒蠔-蒜蓉燒得好香，蠔肉肥美肉厚，想encore多兩隻😋🟤蒜燒日本大扇貝-蒜蓉一樣都係超多，大大粒扇貝彈牙清甜，超鍾意❤️⚪️汁燒白鱔-鱔肉有彈性，又不失魚肉嘅柔軟感，燒汁香甜稠身，兩者夾得天衣無縫⚫️原條鰻魚石鍋飯-白飯索滿蒲燒鰻魚嘅燒汁，熱辣辣燒起嘅鰻魚口感柔軟，撈飯食一流🍚🟣蒜香烤焗茄子-大大條烤茄子用咗蒜蓉、黑椒、孜然、燒汁調味，味道超豐富呢間居酒屋嘅食物真係有水準，平日工作咁辛苦，有時候都真係要食餐好嘅慰勞自己先可以🥰

當諗唔到食咩嗰陣，我就會去心之食堂醫肚，全因為佢地點就腳，而且性價比極高，最重要係老闆堅持每樣食物都係即叫即整，非常有誠意同用心，所以我經常都去幫襯😉鋪頭雖小但乾淨企理，大門佈置充滿和風感覺🎐🎏鹽燒雞翼｜開邊燒更方便進食，雞肉冇燒到乾爭爭，一咬開仍然Juicy，仲出晒煙添😻芝士燒蠔｜鹹鹹香香嘅芝士火炙後味道突出，蠔無腥臭味，選材優質👍🏻雙色芝士炸雞｜鍾意食濃味嘢嘅朋友必定要叫，兩種唔同嘅芝士拉絲力強，食過返尋味😽日本油甘魚、三文魚腩、甜蝦、海膽｜雖然小店主打串燒熟食，但其實佢哋嘅刺身都不容錯過，依個價錢食到咁靚同肥美咁刺身，真係回哂本👏🏼

去日本旅行一定會去居酒屋，食到好嘢之餘又可以感受地道嘅日本氣氛，真係好過癮！雖然現階段未能出發去日本旅行，但喺香港都同樣搵到地道嘅日式食堂，講緊嘅就係呢間❤️‍🔥心之食堂❤️‍🔥～我哋叫咗好多嘢食，尤其係海鮮類🌊汁燒白鱔、蒜蓉燒蠔、蒜燒日本大扇貝、原條日本燒魷魚，海鮮每日新鮮直送到店，而且調味同火喉適中，全歸功於廚師嘅功架👨🏻‍🍳呢度仲有啲創意料理，就好似呢個雙色芝士炸雞，芝士包圍住炸得外脆內滑嘅炸雞，肥都要照食😆既然嚟得居酒屋，一定要叫番杯特調飲品🍸我同朋友分別叫咗威士忌梳打同薄荷菠蘿特飲，兩杯飲品都清涼解渴，一飲而盡嘅感覺真係好爽🧊🧊

喺銅鑼灣睇完戲又夠鐘食晚餐啦，今晚決定帶朋去呢間人氣居酒屋食嘢，網上見到口碑唔錯，同埋好彩我哋六點幾就去到，如果晏啲嚟就要等位啦🙈叫咗啲海鮮，汁燒白鱔連埋魚皮一齊燒，零舍香同脆，滿分之作💯；芝士燒蠔大隻夠厚，一咬啲蠔汁爆哂出嚟，超新鮮🦪；原條日本燒魷魚不得了，淋上燒汁風味極佳，魷魚爽身好咬🫦肉類方面就叫咗鹽燒雞翼&燒雞軟骨🐓燒雞翼絕對係高水準之作，少許嘅鹽帶出雞翼嘅鮮味；雞軟骨粒粒有咬口，送酒一流🍺秋葵刺身沙律有三文魚、吞拿魚、帶子同蟹子，想轉換下口味食呢個沙律就非常之適合💚以上嘅食物我同朋友都好滿意，俾咗好高分佢哋👍🏻加上位置超方便，喺銅鑼灣行完街不妨上嚟食嘢休息吓👍🏻

心之食堂呢間居酒屋放咗喺我個checklist度已經一段時間，今日終於有機會去食😍我仲一早上網book定位，一嚟唔使等位，二嚟仲有優惠添，超正🤩！睇相已經對｛心之魚生飯｝好感興趣，全因為呢個魚生飯賣相超精美💖而且佢唔係得個樣，飯面鋪滿大量三文魚同呑盒魚，啖啖都係大海嘅滋味🌊掙扎咗好耐應該叫｛蒜蓉燒蠔｝定｛芝士燒蠔｝好，最後都係兩個都叫晒🤣蠔肉本身已經又大又甘甜，兩種煮法都好配合蠔啲味道，好彩兩款都有叫姐😚｛燒雞皮串｝雖然邪惡，燒到脆卜卜嘅雞皮好似食緊薯片咁，真係忍唔到口😋｛厚燒牛舌心｝牛味突出，脂肪分布均勻😋食完重口味嘅串燒飲埋杯｛薄荷菠蘿特飲｝就very nice ，當堂舒服哂🌱心之食堂果然冇令到我失望，仲有好多嘢食都想試，下次叫多啲朋友一齊嚟先🤤

✨支持小店系列✨今日嚟到銅鑼灣耀華街嘅「心之食堂」，佢哋除咗主打串燒燒物之外，仲有好多特色料理，全部都好值得一試💕喜歡芝士嘅朋友必食「🧀🍗雙色芝士炸雞」，溶化嘅芝士加上芝士粉，芝味十足😋炸雞鬆脆肉嫩，估唔到日式小店都有咁令人驚喜嘅芝士炸雞😎大家都會叫依個「🪨原條鰻魚石鍋飯」，鰻魚大條到連個石鍋都裝唔落，好誇張！肥美嘅鰻魚肉表面燒得香口，飯嘅份量都好多，幾個朋友share食就最適合不過🤩本身麻麻哋秋葵，不過依個「🥗秋葵刺身沙律」就令我發現原來秋葵都可以整得咁好食，因為個沙律醬實在調得好出色😍口痕叫多串「🐔燒雞軟骨」，食埋就啱啱好☺️大家記得都要多啲支持咁用心製作食物嘅小店呀✨

食過好多唔同嘅居酒屋，最深得我心嘅都係位於銅鑼灣耀華街嘅心之食堂，食物款式選擇多之外，每樣食物都係即叫即整，新鮮又熱辣辣👅今日試咗五樣嘢食，分別有：1️⃣海膽蟹籽杯：作為開胃菜嚟講真係冇得輸，海膽大大督俾得絕不手軟，鮮味喺口腔爆發💥2️⃣秋葵刺身沙律：如果鍾意食秋葵嘅話一定要叫，特別調製嘅沙律醬又酸又甜，係一道好清爽嘅刺身沙律🥗3️⃣原條日本燒魷魚：燒魷魚好蝦人整，燒得過老就會靭都咬唔開，不過呢度嘅燒魷魚就冇呢個問題，燒得軟腍加入味🦑4️⃣豚肉蘆筍卷：豚肉嘅油脂滲晒落蘆筍，所以好成功咁中和左豚肉嘅油膩感🥓5️⃣汁燒白鱔：魚皮燒到好香，鱔肉魚油豐富，啖啖肉越食越滿足🐟

難得今晚大家都得閒，即刻搞返個即興飯局，一齊去居酒屋食好嘢，把酒詳談🍶居酒屋嘅氣氛好溫馨，好適合幾個朋友聚埋一齊傾偈，而且老闆都好好傾，感覺好舒服自在☺️第一round我哋叫咗蒜蓉燒蠔🦪、蒜燒日本大扇貝🍥&蒜香烤焗茄子🍆🧄蒜蓉控一定會超滿足，因為蒜蓉嘅份量超多，但又唔會搶咗食材本身嘅味道，抵讚！第二round叫咗份主食，原條鰻魚石鍋飯🍚超搶眼，鰻魚就好似張相所見到咁大條，口感滑嫩彈牙，燒鰻魚汁焦香微甜，撈飯食一流👍🏻第三round食個刺身拼盤refresh 吓，有油甘魚、三文魚腩、甜蝦、海膽，每款刺身色澤亮麗，新鮮指數爆燈⭐️最後加單食原條日本燒魷魚🦑同厚燒牛舌心👅兩樣燒物燒嘅時間都剛剛好，內裡依舊肉汁豐富💦有咩開心得過同朋友食住串燒飲住清酒傾偈聚會🤪今晚真係好盡興，希望快啲又再一齊食飯啦🤩

今日又同朋友嚟到心之食堂開餐啦～～！店仔小小，所以嚟之前最好book定枱，咁就唔使嘥時間等位啦～必食推介實係《心之蛋卷》，每次同朋友都一定要食呢個蛋卷先至滿足🙈蛋卷入邊包咗蟹子、芝士、三文魚，超級足料！加埋茄汁同沙律醬，酸酸美味超開胃！🔥火焰牛柳串名符其實，擺盤超霸氣🙉兩大串嘅牛柳插喺菠蘿上面，有創意又好味～🔥鹽燒雞翼燒得好乾身，雞翼嘅肉仲好有肉汁，每次嚟每人至少要食三串先停到🙊🔥芝士燒蠔係最佳配搭，鹹香嘅芝士加埋爽口嘅蠔，令人回味無窮～最後試埋《秋葵刺身沙律》，秋葵夠爽口，刺身切得大大粒，撈埋激多嘅沙律醬，真係幾好食！

呢間喺銅鑼灣嘅心之食堂有好多招牌菜式，無論串燒、刺身、小食都各有千秋同捧場客，十分受歡迎～不過講到我最鍾意嘅菜式，一定係呢個❣️心之魚生飯❣️店家好用心咁將壽司飯切成一個心形，每層鋪咗唔同嘅魚生，打卡一流，女仔見到一定心心眼😍串燒嘅❣️厚燒牛舌心❣️同❣️鹽燒雞翼❣️都不容錯過～特別係牛舌心，厚切令到食落嘅口感好豐厚；雞翼就燒到脆卜卜，食多幾隻都唔會厭😚仲有❣️蒜燒日本大扇貝❣️同❣️蒜香烤焗茄子❣️都係我每次會叫嘅嘢食～大扇貝鮮甜美味，茄子柔軟多汁，兩樣嘢食都加咗蒜蓉，所以零舍惹味😋心之食堂嘅嘢食令人心心眼，無論賣相同味道都令人好喜歡😘

細妹👧🏻生日🎂梗係要食好少少，仲要難得可以一齊放假，首先去銅鑼灣🛍行街，仲要我同細妹都係超級愛🇯🇵日本料理，咁就預先book定心之食堂🎉🎉🥗秋葵刺身沙律，沙律菜非常新鮮爽脆份量頗為多，秋葵滑溜溜，沙律口感特別🤨🤨🍢燒雞軟骨，外皮又爽又香脆，而且又唔會油淋淋👏🏻🍣彩虹卷，外層鋪滿爆珠感十足嘅蟹籽，飯卷包住極之酥脆嘅🦐炸蝦，伴隨爽口清甜🥒青瓜口感油而不膩🍣心之魚生飯，魚生飯材料豐富，三文魚子粒粒晶瑩通透，咬落去勁甜鮮味，啖啖滿足😙😙細妹對呢度嘅食物都讚不絕口，見到佢生日食得咁開心🥰，而且又咁滿意證明我都冇揀錯餐廳❤️

今日要到銅鑼灣工作，收工時間想hea下嘆下🍶，但係又唔係太肚餓，就諗起心之食堂，因為知道嗰度食物選擇多元化~🦀卜卜脆的蟹籽有一點甜味，粒粒彈牙口感清脆，帆立貝大粒又新鮮，食材高質~🐂牛柳厚身肉質非常嫰滑，店員會叫你先準備好相機，然後係你面前用火槍火焰🔥~ 🐔第一次食炸雞皮好鬆脆好食，卜卜脆好有咬口而且又不油膩，佐酒一流🤨🍶食物咁出色好味，係居酒屋咁有氣氛嘅環境，梗係要飲酒慢慢嘆吓👍簡單嘅裝飾佈置，食物高質素有水準，感受到👩🏻‍🍳師傅用心製作一啲都唔馬虎，係心之食堂完全覺得好放鬆自在🏖😎