德美壽司

营业中

休息中

今日口痕想食壽司，由於擺去美心集團嘅關係唔食元氣，所以同事就介紹左我去位於尖沙咀嘅德美壽司食日本野，可以話係別有洞天嘅經驗✨雜錦天婦羅($78)雜錦天婦羅係一道值得去食嘅一道菜 雜錦天婦羅包括有炸蝦天婦羅，茄子天婦羅，魚天婦羅，每一份都係新鮮炸起，味道好香，炸蝦天婦羅足足有十幾cm長真係好誇張！✨厚燒玉子($38)係性價比最高嘅一道菜 ，一共有六粒口燒玉子而每一粒都分別寫咗德同美字 ，厚燒玉子嘅溫度冰凍 ，成個口腔都充滿着蛋味同甜味！✨三色魚生飯($129)三色魚生包括有三文魚，油甘魚同埋帶子，上邊仲灑上蟹子同埋溫泉蛋，刺身非常新鮮，每塊刺身都有好靚嘅光澤！呢一份三色魚生飯套餐仲包埋前菜沙律同埋麵豉湯，以尖沙咀嘅地段同埋味道來講，真係認真唔錯同抵食！✨芝士鰻魚卷芝士鰻魚卷入邊有大大粒芝士青瓜同埋一塊厚身嘅鰻魚食甜甜鹹鹹咁，非常好味

今日係萬聖節，夜晚黎左尖沙咀玩，所以就揀左好出名既德美壽司🍣之前一直聽人講呢間壽司好食，今次終於輪到我試下啦😃我六點半入黎已經差不多坐滿哂人，地方已經算大，夠闊落，好彩我地早少少黎唔係好洗等位就入得👍🏻 門口旁邊見到壽司師傅整壽司感覺好乾淨😃😃因為唔係好肚餓，我地只係叫左一個丼飯同兩款壽司🍣首先係拖羅蓉丼飯，佢既丼飯係跟埋麵史湯同沙律，好掋食👍🏻拖羅蓉好新鮮，而且份量超級多。佢既拖羅蓉差不多多過d飯😆所以每一啖都有拖羅既，十分滿足☺️☺️而且佢仲配埋好多大大粒蟹子，好好味😋將個細生um春蛋搞埋一齊食另到拖羅蓉更加滑，配飯食真係一流呀👍🏻之後我地仲叫左火炙三文魚壽司同埋火炙左口魚壽司🍣火炙三文魚壽司一向都係我至愛，呢個果然冇令我失望，佢火炙完有些少炭燒香味，再加強左三文魚既魚油香味，而且半生熟有入口即溶既感覺，再加埋日本白葱配合，真係好好味呀👏🏻👏🏻而火炙左口魚都好正，佢更加有入口即溶既感覺，因為佢油脂應該比較多，火炙完之後真係好正，食完成個口都係魚油香味😃總括來講，呢間德美壽司CP值真係好高，價值唔貴之餘，食物都好有質素，非常值得一試👍🏻

尖沙咀H8入面既德美壽司晚市長期爆滿，我今晚平日過黎都等左一陣先可以入左右。點解咁爆？梗係因為性價比高啦！<海膽魚生飯> ($165)呢度叫丼飯係跟埋面豉湯同沙律，啱曬一人晚餐。唔好以為跟餐既就好流，個面豉湯係有蜆肉架！味道唔會好鹹，非常啱我口味。沙律係青瓜絲，沙律醬唔算過量，夠開胃。主角非常足料。魚生有三文魚、油甘魚、帶子、三文魚籽、蟹籽、海膽，另外有蟹柳同一隻熟竹籤蝦。飯量適中，女仔應該食完就飽架。但係我作為大胃王，都係決定加單叫多樣小食。<洋風鰻魚班戟> ($61)呢個睇餐牌相幾吸引，黎到竟然真人靚個上鏡！第一次見用班戟卷鰻魚，仲有芒果同牛油果，好特別！味道超豐富，有來自芒果既鮮甜，又有牛油果既creamy，當然唔少得來自鰻魚醬既甜味同軟糯口感！食埋呢個就食飽飽，交番張枱比出面等緊位既人喇。呢度晚市限時90分鐘，因為真係太好生意喇。

得閒約左朋友去諾士佛臺飲野，於是係附近搵左間日本餐廳。有朋友係呢間食開午餐，話佢好抵食！我地今次黎就想試下佢Ｄ壽司點樣！我地今次一行６人。本身想叫佢個德美大盛，但係好可惜因為係公眾假期前夕所以無得叫。於是我地散叫左壽司黎食。叫左火灸三文魚，帶子，油甘魚，左口魚，蟹子壽司。個人最鐘意食帶子，帶子好大舊！唔會係個Ｄ得雪味既帶子，都幾鮮。因為佢係燒過再加燒汁，有本身既鮮味加Ｄ日式風味！油甘魚就比想像左無咁好食，因為食落有好多根，口感唔算好好。其他壽司都係預期中，有水準！另外再叫左牛肉鍋。平時我都係鐘意食刺身，壽司，好少係日本餐廳叫熟食。但係呢度既牛肉鍋都唔錯，個湯好甜，牛肉分量都唔少。送飯一流！

首先叫了一個刺身拼盤，有油甘魚，三文魚，吞拿魚，和甜蝦各兩隻。刺身十分新鮮，尤其是油甘魚。還叫了海膽，肥牛烏冬，青豆和壽司。其中三文魚腩很肥美，值得推薦。兩個人一餐晚飯大約八百多塊，

因為朋友生日，所以我們一起來到尖沙咀找找看有什麼餐廳好吃，看到很多人話德美壽司很好吃所以我們來到德美壽司吃吃看我們點了一碗拉面和一盤德美壽司拼盤。壽司幾好食， CP值不錯，但很多人排隊。

一直聽講在厚福街這美食集中地有一間有名的壽司店，一坐電梯上到去，果然很多人排隊，要等位。終於入坐了，壽司一定要叫壽司，我和友人便選了個壽司盛合 美，價錢相宜，有十款壽司，有質素加抵食。個人最愛吞拿魚和帆立貝，好新解，唔腥，與壽司飯完美的配合。天氣開始轉涼，當然要食個熱烏冬！這個鍋烏冬，甜甜的湯式，加上炸天婦羅和蔬菜，十分暖胃，而且不貴，最適合想秋冬食壽司之後中和番胃的溫度的朋友。最驚艷的，竟然是這個小食，天婦羅流心蛋。好正，蛋汁要流出來，外皮又夠脆😍點上天婦羅，夠惹味，好回味啊。最後還有甜品送。果然是名不虛傳的壽司店。

小弟通常寫親都好多時係唔好先寫，不過果晚去左德美食晚，覺得食飯質素唔錯，都幾好食😋，價錢又未至於話好貴，都尚算全理，不過其實這間野我之前都食，當然係好食，先會再食第二次啦！但有一點係我覺得一般呢！就係環境囉，d枱都泊得好接近，不過無計啦！香港串金呎土，總括來講，下次可以再食！👍

作為一名健身教練, 魚係我既良伴今日想吸收多d營養同蛋白質, 刺身實屬佳品! 做完gym叫埋個學生一齊去H8食營養晚餐果然係人氣日本餐廳, 排左幾個字隊先入得~ 坐低左二話不說叫盤刺身先。刺身盛合 美五款刺身都好新鮮, 最驚喜係個甜蝦, 初頭以為係手指尾size, 黎到係大隻版, 即刻覺得抵左軟殼蟹手卷又係新鮮炸, 肉都幾多唔會得炸粉, 夾埋牛油果食好match魚湯見到menu有魚湯, 唔係度度有得飲, 食日本野唔一定要飲麵豉湯既, 好多魚湯都煲得好好, 好似依個湯咁又甜又濃魚味, 有兩片好滑既魚, 仲有野菜吸左湯甜上加甜。鰻魚炒飯好欣賞依個炒飯, 首先份量好足, 飯粒粒都好香細味一下會食到魚油味, 鰻魚多而且有起碼一節手指咁大粒, 咬落就係食串燒鰻魚個種香口同豐富魚油味, 真材實料, 依個飯食到唔停得口!叫左賣單後先知原來有甜品送既, 細細件咁滿足一下味蕾同甜品胃今日食左好多魚呀, 三文魚吞拿魚油甘魚魚鰻魚, 健康營養又好味

好耐無食日本野啦, 個fd話去H8食德美壽司, 我就第一次食, 上去之前上過網睇好似好唔錯, 攪到我有d期待。刺身盛合 美五種刺身包括, 吞拿魚, 三文魚, 油甘魚, 帆立貝同埋甜蝦, 仲有德美玉子燒。刺身果然無令人失望, 好新鮮! 亦都切得厚薄適中, 甜蝦係大大隻既唔係平時食個種蝦毛仔甜蝦軟殼蟹手卷紫菜脆身, 軟殼蟹新鮮炸熱辣辣夠脆夠香口, 入面仲有牛油果蓉鰻魚炒飯相當有驚喜既一個炒飯, 用石窩上保持住高温熱辣辣, 飯炒得乾身粒粒分明又均勻, 入面加左香蔥提升香味, 最重要係鰻魚粒對比係出面食既鰻魚炒飯相對大粒又多, 相信大家都試過食鰻魚炒飯係完全唔覺鰻魚既存在, 依度唔會之餘仲啖啖都會食到焦香既鰻魚肉! 加埋木魚絲既香氣, 非常好食! 最尾原來有甜品送, 抹茶紅豆牛奶糕點, 抹茶同紅豆味都幾出, 細細件唔太甜, 都已經好滿足我地走既時候8點都未到, 外面已經埋滿哂排隊既人, 依度刺身食材新鮮, 熱食亦煮得出色, 唔怪得咁多人排隊都要食啦

在這地址已經營了一段時間的德美壽司，一直感覺也不錯的，每次來主要食壽司，今天改了習慣點了魚生飯，所以特別評鑑一下。今天點了吞拿蓉三色井，配菜有蟹柳蟹子沙拉、茶碗蒸和海帶味噌湯。三色井在餐牌上的照片除了吞拿魚蓉和三文魚子外還有帶子和海膽的，但我那碗就沒有後兩都，而變了一隻鵪鶉蛋，倒是讓人失望和有點被騙感覺。食物質素不錯的，吞拿魚蓉份量亦足。配菜方面，茶碗蒸有水準，沙拉主要青瓜多，幸好我喜歡青瓜，味噌湯就麻麻。特別要注意用餐時間，午飯限1小時，晚餐1.5小時。

已經唔知第幾次食德美喇🤩不過之前都係係紅磡食，第一次黎尖沙咀店！紅磡店稍為多小小位～客人一直源源不絕咁入嚟！好有人氣呀🤩《雜錦天婦羅》$74有蝦、魚、茄子、南瓜、露荀、冬菇～連好少見既蝦頭都有埋！天婦羅香脆，炸粉一啲都唔厚，而且唔會好多油🍤《海膽軍艦》$62海膽海水味比較重《三文魚子軍艦》$59粒粒魚子晶瑩剔透，夠脆身《帆立貝壽司》$38肥美，幾鮮甜《三文魚腩壽司》$39都算幾多魚油，肥美👍🏻《野菜牛肉鍋》$74湯底比較似壽喜燒，野菜吸晒啲湯底，食落好甜，仲有隻半生熟蛋添🥚《稻庭烏冬》+$58我哋額外加咗烏冬，本來以為佢係會放埋入個鍋入邊，但係竟然係好細心咁另上！稻庭烏冬彈牙，即使淋落湯底都無損口感🍜《牛油果軟殼蟹卷》$77牛油果綿綿既口感🥑，加上蟹籽同軟殼蟹，口感形成對比，雖然得四舊，但舊舊都好足料，加埋兩隻炸軟殼蟹腳，好滿足！最後竟然仲有蕨餅做甜品！黃豆粉唔會太甜，質地好煙銀又夠凍～好味😋

今日本來lunch帶左飯，但系由於唔想又留系公司，好想出街食下lunch，所以拉埋同事仔去左公司附近搵食。想食個幾間都要等勁鬼耐，突然記起呢度有德美! 德美出名品質高! 所以我地即刻沖左上去拎位食飯! 估唔到就黎一點半都仲要等位! 不過好彩等位個陣已經選擇好! 未入座前已經落左單，所以一埋枱等左陣就有得食啦! 前菜有面豉湯同埋帶子沙律~ 帶子沙律雖然細細個，但系帶子好甜，醬多左少少。不過OK! 烏冬餐仲會跟兩個小卷物~ 不過不失啦!吉烈豬扒烏冬會有隻流心蛋! 豬扒另上咁就唔會浸到林曬啦! 豬扒色水好靚，可惜有D皮肉分離 不過都起碼唔會乾身先啦! 而烏冬都幾大碗，流心蛋未上枱都已經爛左  可能Lunch時間大家好鬼趕啦! 不過整體黎講都系唔錯既! 

講到尖沙咀日本菜，數一數二要來試吓呢間徳美，因為呢間性價比比較高，價錢合理，食材新鮮，而且滿佈港九新界都有佢嘅分店。中午12:30嚟到，已經大排長龍，都要等左差不多20分鐘先可以入場，但進場後order完食物，食物好快就到，中午的turn over會比較高，因為佢會即刻清理枱面，然後比外面等位入去。呢個鰻魚飯雖然冇日本嗰啲咁厚身咁多肉，但係都算係唔錯，鰻魚汁比較甜，連埋大大盒嘅飯食都令到我好飽，仲有甜品送，好滿足

溫泉蛋天婦羅好特別，外脆內軟既口感層次好豐富，加上蛋味夠濃，唔係周圍有得食到。什錦天婦羅都幾抵食，咩都會D而炸蝦會有兩隻，蝦肉係實既唔會鬆散，炸漿比例亦都岩岩好，其餘既南瓜茄子等都係新鮮炸好冇番炸既感覺。燒腐皮餃子係另一個我認為必點既小食，因為暫時都冇見過其他地方有得食，腐皮煎得好香脆再加埋餃子餡肉同菜既份量適中，成個餃子都好有咬口!野菜牛肉鍋入面牛肉多得好驚人，應該係吉野家邊爐既一倍! Sukiyaki汁好濃而又唔會太咸，豆腐、金針菇同埋菜都吸收哂汁既精華!牛肉炒飯係用石鍋上，牛肉又係超級多，基本每一啖飯都食到牛肉。炒既時間亦都控制得好，唔會好油同埋D飯粒粒分明!壽司方面叫咗三文魚同埋火灸鵝肝。兩款都係即場整所以飯都有微暖而魚生係充滿油脂又冇筋!至於火灸鵝肝燒得好出色，鵝肝味濃而唔會太漏，好好食!總括黎講質數好好~最後仲有甜品蕨餅送店內爆滿,一路keep住要排隊拎飛~想食既要俾d耐性