<海膽魚生飯> ($165)
呢度叫丼飯係跟埋面豉湯同沙律，啱曬一人晚餐。
唔好以為跟餐既就好流，個面豉湯係有蜆肉架！味道唔會好鹹，非常啱我口味。
沙律係青瓜絲，沙律醬唔算過量，夠開胃。
主角非常足料。
魚生有三文魚、
油甘魚、
帶子、三文魚籽、蟹籽、海膽，另外有蟹柳同一隻熟竹籤蝦。
飯量適中，女仔應該食完就飽架。但係我作為大胃王，都係決定加單叫多樣小食。
<洋風鰻魚班戟> ($61)
呢個睇餐牌相幾吸引，黎到竟然真人靚個上鏡！
第一次見用班戟卷鰻魚，仲有芒果同牛油果，好特別！
味道超豐富，有來自芒果既鮮甜，又有牛油果既creamy，當然唔少得來自鰻魚醬既甜味同軟糯口感！
食埋呢個就食飽飽，交番張枱比出面等緊位既人喇。呢度晚市限時90分鐘，因為真係太好生意喇。
