德美壽司

营业中

休息中

好我同朋友最鐘意就係食日本菜，我地今日就去左尖沙咀食呢間平靚正既壽司。喺餐廳入面可以見到師傅喺度處理食材。打開餐牌，見到有好多選擇，而且價錢亦都唔係好貴。我地點左芝士鰻魚卷，濃香既芝士同埋惹味既鰻魚估唔到都幾夾，再加埋卷物上面新鮮既蟹子，層次豐富！另外，亦都點左碗三色魚生飯，魚生飯上面有三文魚、吞拿魚同埋帶子，三文魚同吞拿魚都好肥美，帶子就好鮮甜，正！仲點多左一個魷魚鬚做小食，幾惹味。食咁多野，但埋單都唔係好貴。估唔到會送甜品，幾驚喜！