德福閣

营业中

休息中

德福閣 Stanford Café話說我朋友生日，不如去食個自助餐，德福閣自助晚餐$368一個，性價比高，抵食，任食有我最愛的刺身，海鮮😜😜一坐底，每人有4隻生蠔食，SIZE都OK，味道不錯😀😀 之後仲每桌有蒜蓉蒸扇貝，好惹味👍👍刺身🍣🍣三文魚同埋吞拿魚都係厚切，同埋佢哋refill得好快，讚💕💕冷盤😋😋龍蝦好好食，鮮味十足，SIZE都OK大隻🥰🥰熟食🍲🥘推介豉椒炒青口，炒得好濃味，好食😍😍飲品🧃🥤🍷🍹有多款飲品選擇，汽水同啤酒任飲，仲有個飲品機，可以沖咖啡飲😆😆雪糕甜品🍦🍨🍧🍰呢度任食MOVENPICK 雪糕，雪糕有三種味有焦糖雲呢拿味朱古力，食左幾杯，食到超飽💕💕平時食buffet好少見到有MOVENPICK 雪糕👍👍餐廳環境🏖️⛱️建議要坐係海鮮吧隔離，可以方便拎冷盤龍蝦👍👍餐廳環境都好舒服，好岩同朋友食飯傾計❤❤地址：旺角豉油街118號仕德福酒店閣樓整體評分：4/5味道：4/5環境：5/5抵食：5/5

呢度酒店自助餐嘅環境非常優雅寧靜，環境舒適！  很多人都十二點前來到這裏，  估唔到呢度嘅buffet咁受歡迎！ 食物嘅種類非常多， 每樣食一口已飽滿！ 中式例如有魚柳， 白切雞，葡汁青口， 咕嚕肉，味道都非常不錯!另外日式地有壽司， 三文魚壽司及蝦壽司都好高質！另外有熱炒雜菜， 所以都可以食得好健康！海鮮有大蝦及青口， 兩樣都非常新鮮， 有甜味👍🏻👍🏻 另外每人會有兩隻肥美生蠔！飯麵類有炒麵， 香脆可口！另外甜品嘅款式都非常多， 好鍾意佢有chocolate fountain 可以掂棉花糖食！ 呢度嘅員工好多， 服務質素算不錯！  員工會定期檢查食物使唔使refill， 而且勤收碟👍🏻

　揀咗間酒店餐廳同屋企人慶祝生日～已經係第二次食，佢哋價錢唔貴但質素有保證。午市每位送4隻生蠔🦪。大隻厚肉又重海水味。冷盤質素唔錯，估唔到有熟咗嘅活青口，鮮甜彈牙幾好味。蝦肉都幾鮮甜。刺身方面有提供三文魚同埋八爪魚。即切嘅西冷賣相吸引，肉味濃郁，值得一試。餐廳仲有麵檔，提供新加坡喇沙粉面。其他嘅熟食例如咕嚕肉、海南雞、和風牛肉都好受歡迎。海南雞雞肉好滑，又唔會好肥。佢哋仲有提供三色醬，夠晒正宗。甜品方面，檸檬芝士餅清新酸甜，唔會太甜。另外仲有啫喱、布甸、奶凍，選擇都唔少。

lunch buffet 有生蠔😍原來而家有promotion lunch buffet 有4隻生蠔，二百蚊左右，認真抵玩👍🏻晤掛之得連平日lunch 都禁多人去食冷盤：煙三文魚：一個個玫瑰型，回本之選冷麵：有青瓜蟹柳紫菜加冷麵汁凍蝦：蝦新鮮又有膏青口：重海水味，回本之選熱熏：炸菜肉絲炒麪： D 麵炸過，加抽炸菜肉絲，正！咕嚕肉：夠晒淋，入味，食左好多件😋葡汁青口：有埋提子乾，青口新鮮，食左幾隻😂香草燒西冷：可要求要厚切/薄切，西冷夠淋甜品芒果布甸：必食！完全係細細個係酒樓食嘅味道，加埋花奶，無得輸焦糖布甸🍮好creamy ,奶味重大菜糕：買小見小，有埋蛋花添😋朱古力噴泉：有好多生果如西瓜，密瓜，提子，棉花糖比係吉住玩，正雪糕：任食朱古力味雲呢拿味雪糕杯，仲有雪米糍好鍾意呢度地方夠晒大，樓底夠晒高，有大型玻璃可以望街景十分開陽，侍應有禮以呢個價錢來講冇得輸，係OpenRice訂位仲有八五折添👍🏻👍🏻德福閣 (旺角)旺角豉油街118號仕德福酒店閣樓

食物選擇少，1分鐘行完自助區。食物質素差，例如生蠔腥到食唔落肚；刺身唔凍仲要唔鮮；甜品味道一般。侍應服務態度欠奉，唔會主動收碟幫人斟水，只會掛住傾計。總結：唔會再黎食比錢買難受

唔知大家平時食buffet會有咩criteria 呢？ 我哋就鍾意有海鮮嘅buffet啦🦪🦞 今次我哋就去咗位於旺角Standford Hotel入面既德福閣食自助晚餐👅 入面座位都算幾舒服 店員友善 服務殷勤👍🏻入座後無耐就會為你送上每位四隻超肥美生蠔🦪 生蠔真係幾大隻 口感creamy👍🏻 另外 每位亦送一隻蒜蓉粉絲扇貝 同樣係會送到去你面前😆 味道都唔錯㗎👅 外面自助區仲有其他海鮮 分別有青口 龍蝦同普通蝦🦞🦐 龍蝦有非常多膏 肉質新鮮彈牙😍 蝦都唔錯 都係好爽口👍🏻其餘食物雖然唔算超級多 但係應該要有嘅種類都會有 例如係沙律吧 刺身 熱食 甜品等等😋 亦有廚師即場為你切燒羊髀👅 甜品嘅選擇都唔少 有熱辣辣嘅疏乎厘 新鮮出爐口感非常鬆軟 滿滿既空氣感😍 令在場人士蜂擁而上🤣 另外亦有一啲中式甜品同西式蛋糕 仲有好耐冇食過嘅朱古力噴泉🍫 最後食埋Movenpick雪糕做甜品就非常滿足啦🌟

同朋友嘆左個好悠閒既lunch buffet🥘德福閣係豉油街較入位置，人流唔多，啱晒怕嘈既我地，唔使一堆人搶食，呢樣超好。仲有窗邊位坐😍食物方面質素平均，開始之前仲有保鮮紙包住，衛生做得好好。呢個價錢真係無投訴。冷盤凍蝦好爽帶甜🍤🍤食食下有staff拎左碟生蠔🦪比我地，之後又拎左一次。自制沙律，仲有煙三文魚都唔錯，好新鮮。熱食呢個價錢竟然有即切牛肉，雖然肉味唔算濃，但拎左件中間位食落都嫩滑。菠蘿咕嚕肉、和風牛肉同葡汁青口都唔錯。甜品慕絲蛋糕幾鬆軟🍰菠蘿夠甜！pancake食左兩次，餡料都係香蕉最夾，加朱古力醬同雲呢拿雪糕😋咖啡機mocha、latte 朱古力樣樣都有。總括而言呢間性價比好高，好啱清靜地食個lunch☺️

都有成兩年冇食過自助餐，於是我同朋友提議搵日一齊去食。我哋揀咗喺旺角嘅仕德福酒店，見佢openrice訂座有優惠，而且價錢亦都唔貴。我哋平日夜晚去到，安排咗係一張窗邊嘅四人 枱。每人會有四隻生蠔 同埋 蒜蓉粉絲蒸帆立貝 附送。 啲生蠔肥美又大隻，口感creamy，感覺新鮮。 帆立貝嘅味道都唔錯。然後我哋出去拎嘢食，張放嘢食嘅枱，好整齊又乾淨職員會定時檢查食物係咪需要refill，而且好細心，喺我打開熱盤嘅時候，會提我小心熱。第一round先拎咗冷盤先。 一口沙律有煙三文魚 或者蝦喺入面，啱曬我呢啲鍾意沙律有海鮮嘅人。第二round嘅冷盤，我哋拎咗藍青口、蟹仔、三文魚刺身，同埋凍蝦。我特別鍾意藍青口，滑又鮮甜，而蟹仔蟹肉鮮甜又有微微嘅海水味，蟹殼已預先整到半碎，食嘅時候好方便。食完冷盤係時候食啲熱食我拎咗 乾燒伊麵、 咕嚕肉、豉椒炒蜆、燒豬仔骨 同埋 炸墨魚餅。個咕嚕肉真係好好食呀，炸得啱啱好，唔會硬，而且啖啖肉，唔多肥膏，又有口感，有驚喜!  另外炸墨魚餅都唔錯，個炸漿唔厚，而且保留到墨魚餅嘅鮮甜同埋滑，抵讚!飲品方面都多選擇，有部飲品機有多種飲品斟，我揀咗蜜桃紅茶，甜甜地又有茶香。食

星期日去左仕德福酒店既德福閣食個自助午餐，每位$258包加一。仕德福酒店本身係一間幾新既酒店，搭lift去德福閣要按M字。德福閣既自助餐食物放係一張長長既枱，食物有刺身，壽司，沙律，冷盤，熱盤，麵包，湯，甜品，水果同pancake。餐廳既一邊有雪糕櫃同自助飲品，另一邊有香草燒西冷同粉麵檔。每人包四隻生蠔，超大隻而肥美又新鮮，好耐冇食過啲咁好食嘅生蠔。刺身有4款，分別係八爪魚，三文魚，吞拿魚粒，同立魚。三文魚最肥美，其他可以啦。凍海鮮有凍中蝦同加拿大青口。凍中蝦蝦頭有少少膏，味道可以。壽司有鰻魚壽司，帆立貝壽司，三文魚壽司，同熟蝦壽司。鰻魚壽司同帆立貝壽司要把握機會趁見到就好攞，質素正常，舊飯好飽肚。仲有日式冷麵，中華沙律同螺肉。沙律吧有粟米粒，紅腰豆，車厘茄，鮮青瓜，雜法國生菜。冷盤有好味既黑松露蛋沙律，麻辣木耳絲，菠蘿雞沙律，真係酸嘅柚子蓮藕片， 煙三文魚同雜凍肉。熱盤有海南鮮雞，泰式炒雜菜（應該係蝦醬炒，我食左好多補充蔬菜量），榨菜肉絲炒麵，和風牛肉，唔錯既葡汁焗青口，味道幾好而肉質唔韌既菠蘿咕嚕肉，鮮草菇扒玉子豆腐，獵户雞球，香煎鴨胸配黑車厘子汁，古法蒸龍脷柳，同雙色芝士焗薯角。

朋友喺呢頭附近返工，大家都好耐冇見面，今日約咗佢食飯，佢就提議喺佢公司附近呢間酒店食自助餐，所以朋友一早預先訂咗位。去到餐廳侍應安排我哋坐喺窗口位，而我哋個位最近就係海鮮區，所以一開始就急不及待出去拎海鮮食啦，有蝦，青口，蟹鉗，食落都覺得好新鮮，蟹鉗啖啖肉，蝦夠爽口彈牙。另外我都拎咗個日式雜錦小食係芒果沙律蝦，呢個配搭非常好食，夠曬清新。之後侍應就會主動拎生蠔畀我哋，每人有一份四隻生蠔，生蠔都好肥美，充滿海水味。之跟住就食刺身，有三文魚，吞拿魚同八爪魚，刺身都好新鮮，八爪魚夠曬爽口。而沙律菜，好多唔同嘅選擇，可以自己揀鍾意嘅配料 。之後侍應就拎咗每人一客蒜蓉粉絲扇貝，粉絲索曬蒜蓉汁，非常好味。跟住見到原本裝蟹鉗嘅碟變咗龍蝦，咁就梗係即刻出去拎返兩隻黎食啦，龍蝦啖啖肉又夠彈牙，一啲都唔黐殼。凍盤方面我揀咗巴馬火腿配蜜瓜，呢個配搭好經典好夾，所以一定要試。另外我食咗黑松露雞蛋沙律，雞蛋沙律成日都食，第一次食係配有黑松露，非常特別。蓮藕亦都好特別，係配柚子酸酸地，木耳係用麻辣調味，個麻辣好香。鴨胸同火腿都唔錯。跟住我哋坐嗰個位見到有職員整緊梳乎厘，咁我哋當然同職員講想要試下啦，侍應會幫我哋拎

今日嚟到<德福閣>嘆個lunch buffet先呢度燈光環境感覺好warm，地方雖然唔算大，但勝在五臟俱全！朱古力噴泉⛲️就係buffet嘅亮點，忍唔住即刻拮一粒棉花糖同哈密瓜插入朱古力噴泉內，實在太誘惑啦🤩甜品除咗有呢款朱古力噴泉外，仲要杞子桂花糕、法式馬卡龍、藍莓慕絲蛋糕、芒果布甸等，款式都算多！仲有即煎班㦸，旁邊有四款配料任你加👍🏻正呀各款熱盤温度夠哂熱之外，仲有即切香草燒西冷同即叫即滾湯麵，任你自選自己鍾意嘅材料！冷盤有我最愛嘅凍蝦，夠哂鮮甜😋坐坐吓會有人走埋嚟問要唔要生蠔🦪當然要啦！生蠔尚算新鮮，但唔夠甜，生蠔食入口竟然有蠔殼碎，希望日後開完蠔後清潔方面認真少少啦！

見平日無咁多人，就帶媽媽到旺角的德福閣食Buffett, 聽聞呢度好抵食又舒服，第一次來又真係不錯的感受。首先要稱讚這裡的服務實在是不錯，服務員都十分熱情招待，給我們帶位，很快還給我們上了指定龍蝦，每人都有半隻龍蝦，而且超多龍蝦膏，肉質也肥美，好正啊。之後就自助餐任食，外面真的好多好野食，熟食，刺身壽司，甜品蛋糕，湯水糖水，自製飲品，撈沙拉🥗等等，真係應有盡有。我同媽媽都吃了好多魚生，同烤羊排，還有這裡的熟食，有炸物，燒物等等。最後買單都係$200不用一個人，超抵食啊，鍾意食buffet 的可以到德福閣來嚐嚐喔。

喺旺角豉油街有一間叫做仕德福酒店，喺閣樓有一間德福閣，有下午自助餐吃，價錢228，有75折，折實加一後約200元。200元可以自由吃到唔同嘅中西甜品美食， 性價比可算高 ，如約三五知己，閒談靜坐吃吃東西， 也是一個好的選擇。 這裏的裝修不算華麗，但係簡單優雅，座位亦很寬敞舒適。食物種類尚算多元化， 有芋頭炆腩肉， 老人家肯定會鍾意，因為芋頭粉軟，腩肉淋滑。我最鍾意食係椒鹽酥炸三文魚， 味道剛剛好，唔係太鹹，但係佢炸到好鬆化，有好多三文魚肉，一啲都唔腥。不到200元，有白酒汁鮮茄汁芝士焗蠔，不錯呢。還有巴東牛肉，燒雞， 南乳鴨胸饅頭 ， 原盅臘腸排骨蒸飯，小籠包等。客人每人都有半隻肥大肉厚的焗龍蝦，蝦肉鮮甜，值回票價。日式嘅食物有壽司同埋魚生， 甜品嘅蛋糕都幾好食，好似有芝士蛋糕同朱古力mousse蛋糕，德福閣雪糕是香港製造的，有益力多味，味道唔錯呀！我覺得用黑豆磨的豆腐花最好吃，我就食咗兩碗 ，廚師即場造嘅pancake水準好高，好有蛋香味。食飽之後，再嚟一個甜甜酸酸嘅楊枝甘露，覺得非常之滿足啊！ 200元任吃的午市自助餐，德福閣是個不錯的選擇呢!

旺角嘅仕德福酒店自助餐做緊優惠，三百蚊左右已經可以嘆晚市嘅自助餐，仲送焗龍蝦同埋帶子，唔怪得咁多人黎幫襯，連閒日的晚市也近乎滿座！菜品的選擇有很多，由冷盤到熱盤、湯品、飯麵、飲料、甜點等一應俱全！奉送的龍蝦和帶子，鋪上滿滿的芝士！時令刺身是三文魚、𩶘魚、希靈魚和八爪魚，店員積極Refill，務求令食店夾極都有！海鮮冷盤有蝦、蟹、青口、蜆等，每枱也準備了手套和鉸剪，方便食用！自助餐用支裝汽水，充滿了懷舊的感覺！甜品櫃裝滿了色彩繽紛的各式甜點，旁邊即製的梳乎里也是很出色的，千萬不要錯過啊！

午餐選擇算係應有盡有，有前菜，熱盤，壽司甜品等等餐廳環境幾舒服，能夠坐低傾吓計，的確係唔錯。價錢七折之後$200有找，喺酒店buffet來講，都算係平，不過食物質素就唔能夠有太大期望。餐廳嘅服務算係幾好，侍應生都有禮貌，而且收碟，好勤快，係呢間餐廳比較可取嘅地方。