影片
更多
2021-09-12
3871 浏览
星期日去左仕德福酒店既德福阁食个自助午餐，每位$258包加一。仕德福酒店本身系一间几新既酒店，搭lift去德福阁要按M字。德福阁既自助餐食物放系一张长长既枱，食物有刺身，寿司，沙律，冷盘，热盘，面包，汤，甜品，水果同pancake。餐厅既一边有雪糕柜同自助饮品，另一边有香草烧西冷同粉面档。每人包四只生蚝，超大只而肥美又新鲜，好耐冇食过啲咁好食嘅生蚝。刺身有4款，分别系八爪鱼，三文鱼，吞拿鱼粒，同立鱼。三文鱼最肥美，其他可以啦。冻海鲜有冻中虾同加拿大青口。冻中虾虾头有少少膏，味道可以。寿司有鳗鱼寿司，帆立贝寿司，三文鱼寿司，同熟虾寿司。鳗鱼寿司同帆立贝寿司要把握机会趁见到就好攞，质素正常，旧饭好饱肚。仲有日式冷面，中华沙律同螺肉。沙律吧有粟米粒，红腰豆，车厘茄，鲜青瓜，杂法国生菜。冷盘有好味既黑松露蛋沙律，麻辣木耳丝，菠萝鸡沙律，真系酸嘅柚子莲藕片， 烟三文鱼同杂冻肉。热盘有海南鲜鸡，泰式炒杂菜（应该系虾酱炒，我食左好多补充蔬菜量），榨菜肉丝炒面，和风牛肉，唔错既葡汁焗青口，味道几好而肉质唔韧既菠萝咕噜肉，鲜草菇扒玉子豆腐，猎户鸡球，香煎鸭胸配黑车厘子汁，古法蒸龙脷柳，同双色芝士焗薯角。
德福阁既自助餐食物放系一张长长既枱，食物有刺身，寿司，沙律，冷盘，热盘，面包，汤，甜品，水果同pancake。餐厅既一边有雪糕柜同自助饮品，另一边有香草烧西冷同粉面档。
生蚝
52 浏览
0 赞好
0 留言
刺身有4款，分别系八爪鱼，三文鱼，吞拿鱼粒，同立鱼。三文鱼最肥美，其他可以啦。冻海鲜有冻中虾同加拿大青口。冻中虾虾头有少少膏，味道可以。
寿司有鳗鱼寿司，帆立贝寿司，三文鱼寿司，同熟虾寿司。鳗鱼寿司同帆立贝寿司要把握机会趁见到就好攞，质素正常，旧饭好饱肚。
仲有日式冷面，中华沙律同螺肉。沙律吧有粟米粒，红腰豆，车厘茄，鲜青瓜，杂法国生菜。
冷盘有好味既黑松露蛋沙律，麻辣木耳丝，菠萝鸡沙律，真系酸嘅柚子莲藕片， 烟三文鱼同杂冻肉。
热盘有海南鲜鸡，泰式炒杂菜（应该系虾酱炒，我食左好多补充蔬菜量），榨菜肉丝炒面，和风牛肉，唔错既葡汁焗青口，味道几好而肉质唔韧既菠萝咕噜肉，鲜草菇扒玉子豆腐，猎户鸡球，香煎鸭胸配黑车厘子汁，古法蒸龙脷柳，同双色芝士焗薯角。
香草烧西冷个样同个名牌好似有啲唔同，其实似牛肉，虽然好瘦，食落都唔算鞋。
粉面档有张纸仔比你自己拣钟意食既配料，包括米粉，油面，肥牛，鲜虾，豆卜，小鱿鱼，炸鱼片，烚蛋。汤底有清汤同喇沙汤拣。
中式汤
26 浏览
1 赞好
0 留言
水果有西瓜，哈蜜瓜，同菠萝。哈蜜瓜特别好味。水果啫喱卖相好靓。
朱古力喷泉配料有棉花糖，青提子，哈蜜瓜。青提子特别新鲜同大粒，都好甜！哈蜜瓜又甜又多汁！
甜品有合桃朱古力班尼士（合桃好足料），香芒雪花慕丝饼（好味，芒果味香而慕丝好味，全场蛋糕最好味系佢），士多啤梨朱古力挞（挞底系朱古力，上面加左吉士，再加半粒士多啤梨），杞子桂花糕（完全唔甜），法式马卡龙（至少有六款口味，系迷你size，算脆口，味道较甜，唔可以食咁多），法式焦糖炖蛋，
好滑既牛奶布丁，日式和菓子（我试左一粒，入面有豆沙馅），杂果啫喱。
班㦸同上次好似唔同左，感觉厚重左，今次只系食到两份就够啦。
配料有香蕉，提子干，杂果，柚子，梛丝，杏仁片。可以拣朱古力酱，士多啤梨酱或者忌廉。我钟意自己加雪糕一齐食，热辣辣同软淋淋既pancake加埋冰冻融紧既雪糕同埋梛丝+杏仁片同时放入口，超正！
雪糕系雀巢，有朱古力，芒果同云呢拿口味，仲有雪米糍。
自助饮品有维他命水，苹果汁同咖啡，任饮。老老实实，食物方面就唔多选择，又唔系贵价野，不过胜在乜都有啲，限量生蚝质素就超值。座位舒适，完全唔洗同人逼同赶头赶命。我哋都食到好饱，晚餐都悭返。
张贴
