德福閣

营业中

休息中

　揀咗間酒店餐廳同屋企人慶祝生日～已經係第二次食，佢哋價錢唔貴但質素有保證。午市每位送4隻生蠔🦪。大隻厚肉又重海水味。冷盤質素唔錯，估唔到有熟咗嘅活青口，鮮甜彈牙幾好味。蝦肉都幾鮮甜。刺身方面有提供三文魚同埋八爪魚。即切嘅西冷賣相吸引，肉味濃郁，值得一試。餐廳仲有麵檔，提供新加坡喇沙粉面。其他嘅熟食例如咕嚕肉、海南雞、和風牛肉都好受歡迎。海南雞雞肉好滑，又唔會好肥。佢哋仲有提供三色醬，夠晒正宗。甜品方面，檸檬芝士餅清新酸甜，唔會太甜。另外仲有啫喱、布甸、奶凍，選擇都唔少。