影片
更多
2021-09-12
2303 浏览
朋友喺呢頭附近返工，大家都好耐冇見面，今日約咗佢食飯，佢就提議喺佢公司附近呢間酒店食自助餐，所以朋友一早預先訂咗位。去到餐廳侍應安排我哋坐喺窗口位，而我哋個位最近就係海鮮區，所以一開始就急不及待出去拎海鮮食啦，有蝦，青口，蟹鉗，食落都覺得好新鮮，蟹鉗啖啖肉，蝦夠爽口彈牙。另外我都拎咗個日式雜錦小食係芒果沙律蝦，呢個配搭非常好食，夠曬清新。之後侍應就會主動拎生蠔畀我哋，每人有一份四隻生蠔，生蠔都好肥美，充滿海水味。之跟住就食刺身，有三文魚，吞拿魚同八爪魚，刺身都好新鮮，八爪魚夠曬爽口。而沙律菜，好多唔同嘅選擇，可以自己揀鍾意嘅配料 。之後侍應就拎咗每人一客蒜蓉粉絲扇貝，粉絲索曬蒜蓉汁，非常好味。跟住見到原本裝蟹鉗嘅碟變咗龍蝦，咁就梗係即刻出去拎返兩隻黎食啦，龍蝦啖啖肉又夠彈牙，一啲都唔黐殼。凍盤方面我揀咗巴馬火腿配蜜瓜，呢個配搭好經典好夾，所以一定要試。另外我食咗黑松露雞蛋沙律，雞蛋沙律成日都食，第一次食係配有黑松露，非常特別。蓮藕亦都好特別，係配柚子酸酸地，木耳係用麻辣調味，個麻辣好香。鴨胸同火腿都唔錯。跟住我哋坐嗰個位見到有職員整緊梳乎厘，咁我哋當然同職員講想要試下啦，侍應會幫我哋拎
去到餐廳侍應安排我哋坐喺窗口位，而我哋個位最近就係海鮮區，所以一開始就急不及待出去拎海鮮食啦，有蝦，青口，蟹鉗，食落都覺得好新鮮，蟹鉗啖啖肉，蝦夠爽口彈牙。另外我都拎咗個日式雜錦小食係芒果沙律蝦，呢個配搭非常好食，夠曬清新。
之後侍應就會主動拎生蠔畀我哋，每人有一份四隻生蠔，生蠔都好肥美，充滿海水味。
之跟住就食刺身，有三文魚，吞拿魚同八爪魚，刺身都好新鮮，八爪魚夠曬爽口。
而沙律菜，好多唔同嘅選擇，可以自己揀鍾意嘅配料 。
之後侍應就拎咗每人一客蒜蓉粉絲扇貝，粉絲索曬蒜蓉汁，非常好味。
跟住見到原本裝蟹鉗嘅碟變咗龍蝦，咁就梗係即刻出去拎返兩隻黎食啦，龍蝦啖啖肉又夠彈牙，一啲都唔黐殼。
凍盤方面我揀咗巴馬火腿配蜜瓜，呢個配搭好經典好夾，所以一定要試。另外我食咗黑松露雞蛋沙律，雞蛋沙律成日都食，第一次食係配有黑松露，非常特別。蓮藕亦都好特別，係配柚子酸酸地，木耳係用麻辣調味，個麻辣好香。鴨胸同火腿都唔錯。
跟住我哋坐嗰個位見到有職員整緊梳乎厘，咁我哋當然同職員講想要試下啦，侍應會幫我哋拎埋位，好細心咁叫我哋小心個梳乎厘熱，大約等一至兩分鐘先食，但如果等太耐又會塌咗落嚟，咁影完相就啱啱好可以食啦，梳乎厘夠曬鬆軟，帶有少少檸檬味，真係非常滋味，好彩有叫侍應留畀我哋。
熟食方面有蟹肉扒西蘭花，蒸魚，炸花枝餅，雞球，BBQ汁燒排骨，我覺得最特別就係呢個酥炸牛腩配咖哩汁，牛腩炆得好腍，而且炸過嘅牛腩真係好特別，第一次食，好有驚喜。
之後就係食羊髀，酒店有提供薄荷醬同黃芥末，兩個選擇我都非常鍾意，羊肉一啲都唔騷而且夠淋。
食咗咁多嘢都差唔多飽，要留返個胃嚟食甜品，桂花糕好清新，法式燉蛋真係好好食，朋友拎完一次又一次，椰子餅同埋藍莓芝士蛋糕都好有水準。
酒店仲有提供MOVENPICK雪糕，真係非常吸引，本來都好想食，不過實在太飽所以冇食到。
食到好飽，今晚非常滿足，而且呢度侍應服務都好好，好有禮貌又有笑容。價錢唔算貴而且仲要係酒店自助餐，真係唔錯!
张贴
