德昌魚旦粉 (已結業)

昨天跟家人吃午餐加下午茶, 見這餐廳有位, 所以二話不說便入去坐下了.以前常光顧, 但近年都沒有了, 原因是裝修後食物的確不大如前, 是老闆轉了嗎? 今次光顧是因方便, 而且老人家喜歡吃米粉, 所以我亦叫了他們的招牌魚蛋粉. 魚蛋粉亦不過不失, 雖然沒有前時的驚喜, 但亦不是難吃. 另外我們亦叫了兩個碟頭飯, 那是什麼餸不緊要, 問題是... 那兩個飯除了難以置信四字外, 沒有什麼字可形容, 因為實在難以置信那難吃的感覺, 跟像豬吃的是一樣. Oh my god! 難怪不用排隊了.

早幾日同家人去左德昌食飯, 諗住叫幾碟小菜, 但係聽聞佢D魚蛋好正, 咁就各自叫左碗魚蛋粉, 牛丸粉等粉麵. 先唔講食物水平, 佢地D侍應D 服務態度認真麻麻, 叫佢地比隻吉碗就好似叫佢地比DISCOUNT 咁, 唔理你. 又黑晒面咁.至於食物方面, 魚蛋及牛丸確係唔錯, 但D 河粉好碎, 湯底好味精, 飲兩淡之後要不斷飲水. 其它配料除魚蛋及牛丸水準就麻麻.

我同我既朋友去左呢一間都食飯打算叫餸食飯．．咁叫左幾碟餸．．有蝦人炒蛋，沙拉骨，０者０者雞，豉酒皇蝦碌，麻婆豆腐等．佢地一落單．，．過左冇一陣．．餸就黎啦．．上得真係快．．而且．．味道重好正喎．．我特別欣賞個蝦人炒蛋．．真係好正．．蝦係大蝦０黎架．重脆口既．．真係正呀．．重好味過d 大酒樓，不過．．如果唔知咁好味既．．見到個環境就好似一般荼餐廳咁，我諗就唔會覺得個價錢值啦．．因為．．佢地都唔算平．．好多都成５０蚊幾一個餸碟到．．但，如果只係食味道既．．都ok 架．．

平常係嚟食魚蛋粉，今次卻係食早餐....不嬲都唔知何解呢度嘅魚蛋咁出名，食落認真油蔴地...對ABC早餐冇興趣，只係叫個蛋牛治烘底加奶茶就算...包烘得不俗，微微金黃之餘亦尚算脆口，texture都幾軟熟；鹹牛肉當然係用國產罐頭貨，冇加入洋葱粒，唔收貨；蛋更係不堪入目，煎得太老，薄薄有如一塊紙皮咁，我煎得仲好過佢....奶茶有澀味，茶味不濃....以後仲去幫襯? 咪攪....

上星期夜左番屋企見仲未食飯叫左個黑椒雞扒飯當dinner一間茶餐廳黎講, 成28蚊, 仲要冇野飲! 貴到暈呀!個飯同雞扒本身普普通通但d汁好難食, 賣相又核突, 碟邊仲有條頭髮......唯一好處係夠大碟囉.不過呢個理由唔足以令我再幫襯.

估唔到佢D 小菜幾得架喎.....三個人食左: 西檸牛仔骨....琵琶豆腐....鹹蛋黃浸白菜仔....全部都好有水準.....粉麵以外都仲有大把選擇.....

前文曾經恨批過,這間土瓜灣老字號魚蛋粉已經大不如前.不過在土瓜灣,吃魚蛋粉,又似乎只此一家.水準下跌之後,再無寸進.魚蛋搓到近乎不規則形狀,魚味亦沒有以前的濃.湯底亦是要下大量魚露,才能逼出味來.難怪在晚市,大多人集中叫小菜,碟頭飯,"招牌"貨魚蛋,已淪為可有可無的大茄.越吃越懷念,昔日在對面投注站隔離的德昌.未發跡時,真有譽滿全城的級數,上世紀某日在此店吃魚蛋粉時,聽到老細同其他人講,蔡瀾美食城斟其過檔開荒.今日,蔡瀾最後都無請過佢去美食城,連開分店,越做越大,就是事實.大到連自己的招牌也忘記,很有"流氓皇帝"之感覺.

每次經過都好多人, 但係今晚終於可以試下... 呢度唔止食魚蛋粉, 基本上係一間茶餐廳.紫菜淨四寶丸:紫菜- 幾好!魚皮餃- 塊皮好厚!豬肉丸- 唔錯! 好爽...墨魚丸- 一般啦! 魚蛋- 好彈牙!整體上都唔錯! 但碗湯比較咸!

呢間係我食o左好多年o既食店，經常會幫襯，地方幾乾淨，o的炸魚片幾好味，茶餐\\\25蚊，飲紅荳冰唔使加錢幾抵，5點前有個炒粉餐\\\連飲品都係收28蚊，早兩日如常幫襯，食開生炒骨飯無以前咁好，希望佢\\\o地o的食物唔好再退步o垃！努力！

土瓜灣德昌,又係另一間食左多年的土瓜灣老店.由初頭北帝街投注站間小店做起,做到今日幾間分店,欣榮花園店,開左無幾年,最近又再裝修,生意,應該興隆.一早由得魚蛋粉食的小店,做到變成大型茶記,除左原有魚蛋粉外,仲有茶記貨式的碟頭飯小菜ABC餐.其實之前,水準尚保持到當年小店水準,魚蛋彈牙,有魚味.加埋魚露一起吃,真係天下美味.裝修之後重新開張後某日再臨,再吃招牌魚蛋粉加炸魚皮,一入口,魚蛋唔再彈牙,亦無甚味道,奶白色湯底,乏而無味,要狂加魚露,才能逼到少少味.個炸魚皮,唔脆係必然,咁夜先黎到,仲邊有脆卜卜貨色?等如凌晨時段走入去粥店,撞正隔夜油炸鬼一樣.諗起,真有點笨.對食友黎講,間食店越做越大,未必係一件好事.德昌,只係其中一間退步神速的例子.

來呢度食過兩次晚飯（前個禮拜同埋聖誕節gor日），鍾意呢度人流夠多，有齊粥粉麵飯好全面。在這裡食過雞絲炒飯、豉油煎銀雪魚、滑蛋蝦仁、腰果肉丁、咕嚕肉、例湯（淮山杞子海底椰）等，都覺得好好食，我d朋友都話得，價錢又唔貴，都好抵食。下次試d粉麵至得。

媽咪今晚o係北角o既德昌魚蛋粉買左半條魚片返屋企加. 魚片$60一磅, 都幾貴.魚片幾鹹, 而且炸o既外皮無香味, 麻麻

都有一段時間冇幫襯啦.....果晚食左個墨丸魚皮餃河粉...墨魚丸超彈牙...好好味...至於個魚皮餃....都係好好味.....成碗野我比滿分佢....至於佢出名既魚旦...可能上次食果陣...佢比左D唔熱既魚片我....所以印象中都係墨丸好味好多.....

星期六晚係同朋友係公司做秘撈, 玩到成十一點先鬆人, 因為大家都未食晚飯好肚餓, 但又唔想開大餐, 最簡單似乎係魚蛋粉攪惦. 老友們都係叫左佢地出名既魚蛋粉, 我反而想試試雲吞河. 河粉幾幼滑, 湯底唔錯, 雲吞蝦肉好爽口, 但似乎鮮味有點不足. $17蚊一碗, 幾經濟~

一行4人，想食清淡D，記得有朋友話過呢間D魚旦幾正，咁就渣車去o左試喇。一去到~~~嘩！好多人要等位；果陣先知原來呢度除o左魚旦粉之外重有小菜食，見到有好多街坊響度開緊飯。我地坐底之後，真係每人一碗粉麵，叫o左魚旦河、墨丸河、魚片同油菜。魚旦都幾大粒，算煙"un"得o黎幾彈牙；墨魚丸裏面竟然見到墨魚粒，睇o黎真係鮮制，唔錯。可惜個湯底差D，好咸，似乎都係味精作怪。叫埋飲品，每人都係$2x，抵！下次有機會試下呢度D小菜先。