影片
招牌菜
通粉很淋，汤底只有咸味，啲鸡翼又硬，好似隔夜咁，只鸡蛋又硬又冻应该是煎定的，成个早餐比较好食的就系个面包，里面夹咗一小块鲜油，连冻饮埋单26元。我个人觉得最多值18元。因为杯冻奶茶几好饮，但系就有大半杯系冰，啜两啖就饮完。
继续阅读
短短2-3年间，呢间野既加价速度及幅度可谓又迅速又惊人，尤其是最受欢迎的鱼旦粉同特餐，我唔记系2008定2009年，一年内竟然可以加左3-4次价，果时都未开始物价上涨，已经加成咁，睇下今年会唔会加得更加疯狂，今年新年前后d价钱已经唔同左喇 !!!一碗鱼旦粉，2-3年前由$15加到$22；一个特餐由$24(包冻/热饮品)加到$30(而家冻饮加$2)；仲有晚市既小菜，唔好睇佢加几蚊好似好少，其实每次已经加左你10%，真系唔觉架，你地人工有无加得咁多?!我而家已经好少去呢度食，因为佢不断加价之余，食物份量小左、质素又差左啰。
继续阅读
一行四人去晚饭。鱼蛋和鱼片爽口弹牙，河粉又薄身唔淋，汤底清清地，好味！推介星洲炒米，米粉炒得好干身，碟底少油（最重要！），叉烧、虾仔、青椒份量都算多。生炒牛肉饭唔好食，牛肉碎完全冇味，又冇咩其他配料，无味啰。两碟油菜，芥兰和菜心，不过不失啦。饮品先系致命伤。两杯冻奶茶都好．难．饮。我不是什么食家，但都觉得不能接受，茶还茶，奶还奶，水还水的「奶茶」。
继续阅读
今日经开土瓜湾, 去完欣荣花园附近银行罗完钱, 见有d肚饿想食碗粉, 就去左间大茶餐厅德昌啦~记得之前经开九龙城, 见依间野出面排晒长龙, 虽然依间系分店, 但都去试下啦~入到去, 哗, 原来间野咁大架, 入面可以等同成间美心/大快活个d, 差唔多坐满架, 坐底左就叫左碗鱼蛋粉同杯冻奶茶~侍应招呼都快手, 唔似上次德福个间野...等左唔驶几耐, 碗粉到啦, 虽然我叫鱼旦河但碗粉有几片鱼片~唔会成碗剩鱼蛋, 4粒鱼蛋3块鱼片~^^几足料架河粉都算滑, 系个汤底清左d无乜味~另外杯奶茶奶味同茶味都有~适中~唔错~
继续阅读
怀念以前工作地点土瓜湾，专登由将军澳坐车。去到立即叫一碗双白河(鱼蛋墨丸河)。 河粉不会太林，鱼蛋和墨丸是真材实料，爽口弹牙，辣椒油落少少，已经辣到飞起。唯一不好是汤底是味精汤。价钱方面贵了一点，双拼$24。
继续阅读