德國餐廳 (已搬遷) 新店位置

之前已經試過元朗分店，覺得水準都ok，今日朋友話黎試下屯門嗰間，我當然一口應承啦。Fruli Strawberry， 之前飲過一次一直無忘記過佢，今次係個 drink list 度見到簡直係喜出望外 ，不過但係點解上次喺元朗店好似唔多覺佢喺度既！？ 佢個士多啤梨味超級香，甜度亦啱啱好，作為餐前酒真係無得頂啊。煙三文魚凱撒沙律，沙律菜勁新鮮，又有小小洋蔥同埋芝士喺面，真係啱哂我，煙三文魚唔會太鹹，味道啱啱好，同啲菜夾住食就最啱 key 啦。墨西哥香蔥芝士薄餅，一上枱熱辣辣到仲有少少辣手㗎，芝士味勁濃，食得出唔止一隻芝士喺入面，熱辣辣令到啲芝士啱啱溶化，個 creamy 嘅感覺真係勁正。美式燒排骨，見到燒排骨燒到橙紅色，勁 juicy 已經令到人食指大動，一啖食落去，酸酸甜甜勁開胃，又有香烤既香味，啲肉又唔會整到好鞋，啱啱好容易切，真係想嗌多一份啊。估唔到屯門店仲比元朗店好食多啲， 以後黎屯門又多一個新蒲點啦。

以前喺屯門讀中學成班同學成日喺何福堂附近午餐不過唔經唔覺已經畢業左好耐了今晚成班舊同學約返係學校附近快餐聚會最後我哋揀咗呢間徳國菜因為我好想食佢哋嗰個豬手一坐低就梗係帶咗佢哋間餐廳最出名嘅德國豬手不過認真睇下meun的時候原來德國鹹豬手有分兩種的一種係外表炸得香脆的鹹豬手再配合德國傳統的酸菜另一種是傳統德角白豬手白豬手的外皮正正是港式那種煙煙韌銀的豬皮雖然煙煙銀銀的豬皮也好好食不過今晚我想飲酒所以始終係脆脆外皮的炸豬手更加配合睇住店員喺焗爐新鮮攞住豬手入廚房處理淨係呢個步驟都已經吸引死人睇到我流晒口水係等緊豬手期間我哋就開始點野飲見到餐廳來供應有差不多十款的啤酒雖然我今晚想飲酒但係始終唔飲得嗰啲太苦嘅啤酒所以我點左少少甜的蘋果酒strongbow飲落口果然含有豐富的果香及甜味正因為甜甜地更加容易入口等左一陣豬手便已經弄好了原來餐廳好細心已經幫我地切左做一份份了我哋成班舊同學二話不說好似成班餓狼咁分咗成隻豬手外皮超級香脆的豬手再配合爽口的豬手肉美味的鹹香用嚟送酒簡直係一流呀所以我哋揀咗香脆嘅咋豬手係冇錯嘅選擇在校我哋係吹水期間飲下啤酒見悶悶地冇嘢送我哋有叫多咗份德國超級香腸拼盤一份拼盤有

今晚女朋友原本想話去食大排檔行到去何福堂我哋兩個已經身水身汗喺咁熱嘅天氣之下行到去大排檔都已經冇晒胃口了再加上今晚的大排檔海鮮似乎麻麻哋行吓行吓發現左呢間酒吧開大冷氣又有啤酒飲我哋就改變左今晚食大排檔的主意了餐廳裝修都幾靚幾有氣氛但因為之前行左太耐所以立即叫返個沙律刺激下個胃口先叫咗煙三文魚凱撒沙律煙三文魚的份量頗多而且沙律菜十分新鮮條條食落口都十分爽口而且調味做得十分之夠芝士粉的味道做得很足見到女朋友食到笑番晒就知道佢胃口都應該好返了我就叫咗一杯hoegaarden天氣咁熱飲番杯啤酒真係好鬼爽不過女朋友就唔想飲啤酒佢就叫咗一杯藍莓梳打起初我哋都怕杯梳打太過甜但飲落又唔會喎而且藍莓的味道唔會好似藥水咁對於唔飲酒嘅女士藍莓梳打都係唔錯嘅選擇而且梳打飲落亦都冰冰涼涼我都偷偷地飲咗佢成三分一支主菜我就叫左法式焗羊架女朋友就叫咗安格斯肉眼扒廚師的手勢幾好我哋要求五成熟左右廚師果然掌握到火候牛扒同羊架外表煎得剛剛好而內面肉質就保持少少紅羊肉再配合薄荷醬更增加其羊的鮮味女朋友嗰份安格斯我都食咗少少同美國牛扒一樣牛肉味十分之重而且邊位有少少肥油牛油的香味令到成個扒更加之香羊架同埋牛扒完全滿足晒我哋兩

經過望到餐牌唔貴，決定一試。餐廳地方雖然細，但佈置很有格調。兩人嗌左一份咸豬手同一碟意粉，已經夠晒飽！Parma ham paste非常出色！面頭佈滿芝士碎，香口惹味，推介推介！豬手有白豬手同炸豬手，我地點左炸豬手。上菜時已經起好肉同切好，方便食用，讚！重點係賣相都非常好，影相一流！豬手肉質鮮嫩，味道不會太咸，配上芥末醬十分之夾！亦都無咁膩！唯一失色地方係豬皮硬到根本咬不下。。。旁邊的薯仔沙律同樣出色，會食到粒粒薯仔，酸菜不會太酸，清爽開胃！有機會一定會再幫襯！

壽星女想食德國菜，上嚟查下邊到有又近又好好食嘅西餐廳啦，搵到呢間新開嘅德國餐廳，雖然係新開，但原來有好幾間分店，最應該唔會伏得去邊入到去舖面俾我想像中細好多，得四張枱，但唔迫，坐得舒服，環境唔錯，係吧枱下面嗰四五筒氣罐就應該會嚇親人，知道安全但會自然諗到爆炸場面囉，搵野遮遮會好啲…同死黨慶生點可以手緊，叫咗全menu最貴野，美國頂級黑安格斯肉眼扒，我地嗌咗要四成熟，上菜連砧板上好搞笑，切開入面隻紅色好靚，唔會有血水，又唔會太乾身，好嫩唔難咬，個面煎得好正，同個frd一致認同呢塊係暫時食過最好食嘅Angus，好食到唔識形容，係絕對值得$280呢個價嚟到德國餐廳又點可以唔啤啤佢，嗌咗杯Allgauer Helles Wesissbier，好！大！杯！影霸氣相一流！平時嫌啤酒苦唔係好飲啤酒，但係呢個易入口，起碼我可以清到一大半…

今晚突然好想食德國咸豬手，於是乎同朋友上open rice揾下屯門區有冇德國餐廳，就顯示呢間餐廳由屯門新墟街市傍的天橋行過另一邊新墟，遠遠見到有間好似酒吧的鋪，原來就係我想去既德國餐廳。門外已經有食物餐牌和酒類餐牌可供食客參考。見到一個又高又大，好似櫻花甘靚的粉紅色啤酒紙牌，好想試一試。於是我地入去坐㡳。這裡唔少得既Draught beer, Bottle beer, 仲有soft drinks可供選擇。內裡坐位好光猛，我覺得呢間餐廳係用左德國國旗顏色(黑,紅,黃)做牆身和廚房上面餐牌，而牆上亦掛上大大細細的畫點綴。內裡坐位其實唔多，只有大概十幾個坐位。餐廳內亦有一個似係風乾機，內有三隻風乾緊的豬手，侍應見我影得甘辛苦，很樂意攞出來比我影相。😅結果我點了這杯 "Hoegaarden Roses" 紅莓啤酒。這種酒只有3%酒精濃度，甜甜地易入口，不會好勁既啤酒味，比較適合一些不嗜於酒的朋友或者女士們。不久，法式燒春雞上檯，燒春雞係原隻，廚師已切件放入籃內，並以薯條，酸菜伴隨，旁邊亦放置兩個小碗醬汁以供選擇，分別有茄汁和沙律醬。 平時見到雞皮一定會切開唔食，但燒春雞雞皮炸至皮薄香脆，沒有脂

住屯門既fd話最近有間新德國餐廳，叫我黎陪距試下，最鍾意試新野既我當然唔會托手掙啦🌞我地一行四人8點左右黎到，因為book左位所以一到就入得。餐廳環境唔錯，掛左好多有外國風情既海報 我地坐低好快就捻好要點乜菜，因為餐牌上既選擇唔多，但樣樣都好吸引咁，好在人多可以叫多幾個菜，唔係就難揀d喇🙈 呢個德國豬手認真正呀！首先夠哂份量先，一隻都夠我地四個人食，而且味道都好出色，配埋個介辣醬一流，側邊既酸菜又可以中和返食肉既油膩感，good！ 我地仲叫左個薄餅，個名我唔記得喇😂不過強烈推介呀！大家睇圖就見到d cheese幾咁放肆啦！可以拉到好高好高，個醬都同個薄餅好match，必食呀～ 食德國豬手就當然唔少得啤酒，我就叫左呢款，strawberry味既，幾fresh，易入口，岩哂女仔飲呀～我地仲有叫其他野食既，不過後來掛住食無影lu，所以食物都好唔錯呀！有機會會再黎😋

德國最出名就係香腸同酒今次第一次食德國菜，就當然要試下 首先黎個德國超級香腸拼盤果然好超級 有3種唔同嘅腸同炸薯角 同平時食嘅腸仔唔一樣，呢個好有肉味但一啲都唔咸重點係外脆內軟之餘，一咬落去會有超多肉汁 而啲薯角一食落口就知係新鮮炸啲皮超級軟，一咬已經斷入面啲薯肉多但絕對少油 非常香口之後仲叫左墨西哥香蔥芝士薄餅雖然唔係德國菜，但個人依然覺得整得相當唔錯薄餅中間比較軟，而外沿就比較脆，一塊已經有2種口感 中間仲有少少香蔥，令成個薄餅又爽口啲同香口啲芝士令到成個薄餅非常香，但一啲都唔會太濃，好評 最後當然要飲酒啦估唔到呢度有前排好出名嘅Hoegaarden Rosee!!! 桑梅味超清新，一飲就清晒口入面肉嘅咸味除左係靚靚粉紅色之餘，仲只有3%酒精，一啲都唔苦，易入口好適合我呢啲平時少飲酒嘅人 又發現一樣新野可以飲啦

死亡4月温書温到顛顛地,就梗係要約下啲frd frd出黎食飯吹下水輕鬆下啦><朋友係tuen mun讀書所以佢好熟路,今次佢就話想試下一間新開的德國餐廳Das Bier.入面座位唔多,但係氣氛好好,好warm,好relaxing,我見隔離2枱人都係外國人,想必這裡的德國菜十分正宗.我見到menu有脆豬手同ham platter食就即刻黎試下先.叫左無耐,就先黎左個Spanish Chorize & Ham Platter,賣相okay,同相一樣咁靚,用木板上,唔錯唔錯.我地食左啲ham先,拎上手有層薄薄的油,聞落好香,食落口taste到ham的喊香味,無咩筋,不得了!!!之後終於食到啲spanish辣肉腸, 少少辣啱晒啲唔食得辣的人呢.之後過左陣就黎埋個炸豬手了個炸豬手上黎果陣我地哇左一聲,個cook好細心, 幫我地起晒啲肉出黎,咁樣食方便好多呢.趁佢熱辣辣,我地已經聞到好香的豬手油香,即刻食番舊,食完果刻真係好感動,啲皮扑扑,咬落去有聲嫁!!!肉質好鮮甜好滑.仲有side dish個potato salad/薯仔泥真係好唔錯,食啖豬手食啖好fresh 的salad多多

又到家庭食飯日，爸爸鐘意食德國豬手當然睇下有冇德國餐廳，之後哥哥話屯門舊墟果邊有間細細的餐廳可以食到，之後我就去左訂位，一行4人就大約8點多到達！去到見到都幾德國感覺，待應一個加一個廚師，去到有2桌客加我地4個人已經坐左一半餐廳！～仲一路係度播緊音樂都幾舒服添。我地食左2個鐘左右已經全滿座，好彩我地訂左位…哈哈飲品牌都反而不少，有不同類型啤酒，和汽水之類，但原來係沒有熱水供應，都係以枝裝水，最後我地叫左2個啤酒和1支水比爸爸飲，原來仲有happy hr時間添，所以價錢吾太貴都抵食，至到9點鐘。餐牌有幾張，食品牌一大張，野食吾叫好多但以德國野都正常都齊晒，見到有個白豬手都幾特別，但因為爸喜歡炸都係叫左德國咸豬手和其他食物。法式燒春雞$108: 食落去皮十分脆口而且沒想到雞肉咁嫩滑，碎上所以食得好方便，睇落份量吾太多但原來食下食下都幾飽肚。最緊要仲有本人最愛的薯角，夠熱之餘仲要入面十分軟熟，而且仲有德國菜必有的酸菜添。Esprit and hoegaaden roses (hh) $38,48：啤酒方面我地選左2款，飲落好香生果香而易入口，飲品價錢因為happy hr 時段都吾貴抵飲，而且

今日同朋友去到市中心做完野找野食，係openrice找到一間德國野係附近就諗住去試下佢，去到因為6點到達，所以只有一桌客，位大約20位左右，去到見到牆身有畫和外國電影同黃色牆為主都幾特別。食德國野當然要飲啤酒啦，原來這裡有HH，至到9點！～當然同朋友啤一啤佢先啦，再叫左2款食物都已經飽肚。hoegaaden roses＄48和出面其實差不多，最後我地每人飲左2杯添，一直都喜歡這味道，淡淡啤酒香再加甜甜的紅桑子味道又吾高酒精對女仔黎講正！～之後我地叫左個細腸仔併盤Sausage platter $128原來都有4款不同腸仔選擇，幾款味道都不同，有脆口，有芝士流心，有羊肉（朋友講），本人最喜歡食脆口腸仔，仲要有剛炸香的薯角，香口又夠脆加上蕃茄醬十分好味又送啤酒一流！～之後係出面見到有個櫃內有幾隻雞轉下轉下，最後忍吾住叫左法式燒春雞$108，原來係烤完之後再炸，怪不知食落都軟熟又有雞香，份量其實都不少和切好晒好方便食，當然都包括有脆口薯角和酸度剛好的酸菜。最後我地叫左4杯啤酒加食品，每位都係240左右都抵食，沒想到屯門有間德國餐廳都吾錯喎。

一直都很喜歡看Open Rice的我，經常也會看看自己所住的區域有甚麼新餐廳開業，搜尋期間，發現了新墟附近開了德國餐廳---Das Bier!! 想起很久沒有吃德國菜，就和家人一起試試!看過Google map，得知只要經過新墟街市旁的行人天橋便能到達餐廳，搬進屯門年多，還是第一次橫跨天橋來到另一邊的新墟，有如發現新大陸一樣! 原來只要走過天橋，就即時可以見到餐廳的所在地，地點也算便利. 如果駕車來到，餐廳外面也有不少露天停車位，方便駕駛人士呢!來到餐廳時只是下午5時多，我們成為當日的首枱食客，餐廳面積不大，但牆上掛滿特色掛畫，配上鮮明的黃色牆身，裝潢都花過心思! 由於餐廳只能容納十多位客人，想來吃的朋友盡可能早點到來la~ 德國香腸拼盤 ($128)我們選了這款香腸拼盤，一客已有3款香腸，各款都很juicy，腸衣香脆，內裡充滿肉汁，其中有款香腸內有芝士流心，更為可口滋味! 伴碟的薯角也是即炸的，外脆內軟糯; 如果怕肥膩，不忘吃點酸菜，有消膩的作用呢!德國鹹豬手配酸菜及薯仔沙律 (碎上) $175鹹豬手是即叫即製的，需時約15mins，但非常值得等待!! 成品賣相相當吸引，金黃色的豬手