德國餐廳 (已搬遷) 新店位置

上次光顧同位置的前身別店，都知他快倒了，估不到他接手的是同類型的德國餐廳，仲要是我在第二區吃過的，記得他的豬手好脆，就跟朋友再嘗。店依舊都係小小，位不多，大概16個左右，說話大聲少少都怕吵到人。佈局上比前店有心機，枱椅都較舒服，之前間是黑面阿伯，現在這間感覺好啲，是笑臉相迎的姐姐。在店內相當吸引注意力的豬手櫃，有點像平時旅遊節目一樣，看著豬手制成的過程。可樂 $28點了一人的可樂，以為是一杯連冰，想不到是一枝裝來的！墨西哥香蔥芝士薄餅 $88一上碟的時候，看不見粒粒的蔥，把它拉起，沒錯！是拉，就像pizza一樣拉起，就見到芝士和蔥一起溶出，一絲絲的芝士尾令我很狼狽我習慣第一口不會沾任何醬料，才試原汁原味，口來充滿香蔥嘅味道，芝士味很淡，果然要加些醬去加重其芝士味，令味道更濃郁，餅皮很薄很脆一層一層分明，如果係薄餅愛好者一定要試。德國鹹豬手配酸菜薯仔沙律 $175嚟到德國餐廳不得不吃德國豬手，最窩心的是他是碎上，切好一件件，我們淑女不怕吃得麻煩，而又切到狼狽不堪。見到佢表面已經炸到好脆，好熱氣啊！但怎能不吃呢？咬落卜卜脆得黎又帶有咸香，不會一味得個死咸，係剛燒好的美食最佳品嚐時間。吃到尾

我幾年都唔入一次屯門，為咗一個好耐冇見嘅中學同學，因為佢搬咗去屯門，而且佢介紹仲有好多好嘢食，可以我就膽粗粗咁走咗入去 因為我都好少食德國野， 佢話佢食過兩次呢間德國菜，佢都算幾正宗同埋幾抵食 裏面真係好細得大約四張枱，佢係一個角落嗰度唔係好起眼，入到去我哋坐咗係一個烤豬手嘅爐旁邊，裝修雖然簡單但都有德國嘅風味🇩🇪因為我見到隔離枱嘅份量都算幾多，所以我哋兩個女仔就叫左兩樣野，怕會食唔晒 薯德國鹹豬手配酸菜仔沙律 佢上枱已經係一個切好晒嘅豬手， 呢一方面有別於其他既餐廳，個豬手外皮係脆，好野味，旁邊既酸菜都好特別，佢地應該係想中和番豬手嘅油膩感覺，其實都好開胃，加埋個外層脆皮完全係prefect match    香蔥芝士炸薯條  薯條加芝士既配塔，雖然食完好有邪惡感，但佢每一條薯條拉出來嘅芝士，真係令人好滿足，上面再加一啲蔥花，更加香口，另外再加埋茄汁就更好玫瑰味嘅Hoegaaden 呢個係屬於細杯，平時飲原味既都係大杯，因為覺得食德國野就要有啤酒配合就會有風味多啲，呢杯酒嘅味道好清新，有少少玫瑰味道，啤酒味都唔算太重 配合埋德國豬手真係好好好好食我上網睇返其實佢都有其他分店，之後想再

德國菜比我嘅印象，就係好肉，的確，去德國餐廳唔食豬手，好似爭左D什麼咁。去到發覺原來餐廳好細，全部只有18個位，去的時候沒其他人，但不久便坐滿了。最搶眼是那個豬手烤爐，就在我們的枱旁，有兩隻手烤緊。其次就係好多啤酒擺係度。食物選擇好少，一眼見晒。我們兩人就只叫了咸豬手，薄餅和啤酒。豬手是碎上，好方便食，唔洗自己切。D皮好似脆脆肉乾，有少少靱，只是少少，唔會咬唔開。條骨光禿禿，D肉真係切晒出黎架，味道不怎麼樣，但好喜歡那個honey mustard, 好夾，為食物加添美味。side dish 有薯蓉和酸菜。墨西哥香蔥芝士薄餅其實只是上下有塊好薄好脆的餅皮，中間夾著熔了的芝士。芝士分量十分重，勁拉絲，也吃到葱味。做法簡單但效果出色，不錯。想揀的生啤無貨，改了枝裝的 Strongbow. 味道很好，很濃郁，我好少飲啤酒都覺得好飲。不過happy hour 都要$62枝都幾貴。啤酒配豬手，無得輸。這間餐廳適合人少少的飯局，簡單的食物，飲下野，已經不錯。

去了屯門附近找朋友吃晚餐，大家也想嚐新的餐廳。德國菜餐廳比較小見，於是一同進入了這間小小的舖子光顧牆上掛滿了很多特色的相片，更有香噴噴的燒春雞放出來做裝飾可惜有d飽所以最後也沒order難得來到，但又有點怕醉，和朋友兩人叫了一杯HOEGAARDEN ROSE大愛，香香甜甜很適合女仔飲這個芝士焗薯的拉絲效果也很正也很飽肚，吃完很快便飽了德國最出名的我想應該是這個咸豬手了，外皮很香脆，但有點脆得過了頭所以有小小難咬開，豬手比較乾身，配上這個沙律吃感覺恰到好處

為左一試德國菜嘅味道,特登走入屯門食呢間德國餐廳~ 地方有少少難搵, 不過好彩一早book左, 唔洗等就入左去lu.地方唔算大,所以想食嘅就最好book左位先^^今次叫左3樣野, 第一樣就係墨西哥香蔥芝士薄餅, 見到芝士就忍唔住試一試, D芝士好多,拉到好長都唔會斷!抵讚之後當然唔少得德國鹹豬手啦, 個皮好脆超正, 仲有一個好就係佢地切好哂D肉出黎, 唔洗自己慢慢切最後食埋個德國腸拼盤有好幾種唔同嘅香腸, 食下食下就食哂了呢間餐廳雖然係以小店形式,但食物絕對有水準,值得一試!!

好耐之前無團購時已經幫襯過幾次，近年男友經常團購呢間徳國餐廳，始終抵好多，先黎個酒後吐真言兩杯大啤丫～必叫德國豬手，有分兩種，當然要脆口炸嗰隻啦，唔會好鹹，皮超脆，就算唔飲啤酒都可空口食而且碎上細件易食夠貼心燒雞皮脆無雪藏味，雞胸肉質不至太「鞋」口，味道適中，跟熱辣辣脆炸薯角份量啱啱好。由於係團購，最後埋單只需補回$81

今日專登嚟到屯門依度食一間德國餐廳，係朋友介紹我過嚟食嘅，地方其實都幾方便，輕鐵站行過嚟都係5分鐘之內，依間德國餐廳令我諗返起自己係德國嘅時候食嘅德國鹹豬手同埋德國腸。今次黎到依一間餐廳就叫左佢嘅招牌德國鹹豬手同埋雜德國腸拼盤，估唔到佢嘅鹹豬手甘香同埋咁好食，個皮係燒到外脆內軟而且味道亦唔會太濃，同埋酸菜亦都非常好食，同我以前係德國食嘅有得比呀。另外嘅德國腸拼盤亦都非常之特別，真係好足料加上佢嘅薯條食得出係岩岩炸好，加上餐廳嘅氣氛亦都唔錯，同朋友來依度飲啤酒同埋食鹹豬手真係好寫意。果一晚我哋坐咗喺度兩個鐘，環境都幾舒服我覺得依一間餐廳同朋友嚟食真係啱晒

琴日同朋友去左Pokemon go ,,所以走左去Tuen mun 個公園玩,咁梗係小不免要走黎走去,點知就俾我揾到間正野,連嘴刁既朋友都話想再試😋😋依間野主要係德國野,只從係澳洲既德國邨食過之後都未試過.入到去地方就窄左小小,不過唔緊要,食物先至係重點😁首先我地點左個芝士焗薯,兩者配合就常見,但估唔到佢地會加埋d蔥,加起上黎又真係幾正,配埋茄汁真係食到停唔到口😛之後我地嗡左薯角同燒春雞,估唔到德國人d薯角真係又香口又爽,配合佢地調既汁真係的確一讚,反而燒春雞雖然係重點,不過只能夠係不過不失.點解燒春雞只係不過不失,因為有黎緊既豬手,依間既豬手皮脆肉嫩,最貼心係師傅幫我地切哂,方便易食且啖啖肉,另外記得要配埋沙津同鹹酸菜,咁樣就唔會太過肥膩,我下次再黎一定要再點🙋🏼🙋🏼最後我就點左兩位野飲,一杯Hoegaarden 同lemon lime 的確食德國野一定要配啤酒,成晚除左小精靈,捕獲依間野都算不柱此行🌞🌞

早幾天跟朋友約了在屯門吃飯，打算一試這家一直很想嘗試的徳國餐廳。位於輕鐵何福堂站附近的這家餐廳給我一種有點隱世的感覺，但其實地理位置上很近屯門市廣場，大概步行3分鐘左右，所以也很方便。餐廳有如一家隱世小店，店內只有大概5枱四人枱，裝潢也很有一般西餐廳的味道，半開放式的水吧設計，簡簡單單的佈置給人一種舒服簡美的感覺。餐廳食物選擇不算多，但香港德國菜的主流菜式，如豬手等都供選擇，啤酒方面也有多種德國啤可供選擇最後我們二人點了一份德國豬手，一客芝士薄餅和兩杯酒，份量適中，我們兩人也吃得飽和滿足墨西哥香蔥芝士薄餅 - $88芝士味道不算太濃，但勝在質感跟味道很夾薄餅只有兩面薄薄的餅底中間夾著芝士，再加點香蒽作配答，味道不錯。沾上他他汁令芝士味變得不再單調，味道層次更豐富。值得一提的是這個芝士薄餅的半熔芝士可以讓人們拉出長長的芝士絲，十分驚喜德國鹹豬手配酸菜和薯仔沙律 - $185豬手份量十足，味道也十分令人滿意。外脆內嫩的肉塊營造的口感十分討好，味道方面也不錯，帶甜的醬汁中和肉的咸味，令肉的味道變得更鮮。配菜的設定也十分窩心，酸菜令顧客不會過膩，薯仔沙律的味道也不錯總結而言，整體感覺也令人很滿

平常我都跟朋友到處吃喝，而這次我被帶到這裡，品嘗一下歐洲風味。環境可見有一點仿酒吧的設計，也是作為啤酒坊應該有的特色，而我比較喜歡這裡雖少，但能看到外出環境，在挺寧靜的空間享受食物。德國咸豬手配酸菜及薯仔沙律這道菜是放於烤箱中慢慢烹调而成，剛上菜，陣陣香氣撲鼻而來，賣相亦十分吸引，品嚐一口，香香脆脆的皮果然沒讓人失望，一字形容---脆！再吃一塊肉配上蜜糖芥末醬，味道很是不錯，不過肉味稍微咸一點，會更能突顯肉的鮮味，但整體而言還是不錯。這是法式燒春雞！很好吃，除了好吃還是好吃，味道感覺剛好，不會燒過火而毀掉這雞。雞肉的口感也是不錯，旁邊配上酸菜也能調味一下。我亦挺喜歡炸薯作配菜，配上兩種醬料能隨意選擇，非常的方便。飲品選擇亦比較多，有不同的啤酒，不好酒類的亦能選擇一些非酒精類飲品，非常的好。這一次和朋友在此相聚也是因為他早預訂了，要不，可能我就無法享受這頓晚飯了。

中伏, 見到呢間野咁多好評就去試, 點知中哂伏1. 間鋪好迫, 坐得好唔舒服2. 服務好差, 個冷氣係咁吹住個頭, 同個waitress講完佢都係死都唔肯教個風口向上3. 沙侓份量超少, 就算一個人食都唔夠, 味道又唔見得好, 收咁既價錢唔係咁搵笨呀?4. 人地配既酸菜, 呢間配既係咸菜, 一啲酸味都無, 得個咸字, 5. 個ribs份量少, 味道差, 唔夠淋, 去其他連鎖食店食既ribs,份量足而且一定係食到損骨, 啲肉可以食哂, 但呢間既ribs好差, 啲肉係痴住哂啲骨, 份量又少, 保証你一個人食哂成份都一定唔會飽, 可以食多好多野. 6. 個豬手係OK, 但未算得上係好食, 好普通, 可以話是但一間做德國菜既都唔會比佢差, 

在 1年前無意中認識了她，早前，她結婚後住在屯門，當晚，她約我到屯門食飯，我順便把日本大阪旅行手信交給她！雖然，她比我年輕，但是處理感情事絕對比我成熟及理性得多！請教她意見真是最好不過！其實！屯門好大！我卻很少走到屯門新墟這一帶，原來這裡有不少餐廳， 沿途她還推介哪間哪間餐廳好食！ 她帶到一間離她家不遠的酒吧西餐廳 <德意時啤酒坊 Das Bier>，還要很多謝她請我食飯呢！這裡酒吧格局，簡約歐陸裝潢，富異國風情，卻是地方細小，只有好幾張張桌子！供應：啤酒、果汁、德國美食...等！當中，德國鹹豬手是招牌菜之一，也是我們必點之選！石榴汁 $40我們相約在杯渡站，大熱天時行過去，已經汗流浹背！ 點杯凍飲解渴最好不過！ 新鮮的石榴打成果汁，清新天然，夾雜一點石榴肉及纖維，真材實料！入口冰涼解渴，真是消暑涼伴！西班牙風乾火腿配凱薩沙律 $128西班牙風乾火腿油潤有光澤，入口柔軟不韌，灑上芝士粉鹹香不濃膩！我們也很滿意！  配上口感濕潤的沙律及少許酸瓜，好開胃呀！墨西哥香蔥芝士薄餅 $88送上桌時，已經香氣十足！ 超薄身的墨西哥薄餅，中間夾有一層芝士，經烘焗後半溶狀態的芝士，還可

偶爾都會黎到屯門行，知道屯門嘅大排檔同雞煲比較多，成條街都係，但經過左呢條街，會發現嘅就係呢一間das bier。呢度嘅環境細細但其實絕對唔會影響用餐嘅氣氛。反而擺脫左大排檔嘅吵鬧，有一點靜靜地又有一點羅曼蒂克嘅感覺。餐牌上嘅選擇都頗多，而最著眼嘅我會覺得係右上角嘅肉眼扒，絕對吸引到我去點佢。它是全場的焦點，頂級美國安格斯肉眼扒，我點了個七成熟，一塊塊放入口中，香噴噴的肉汁滑入口中，雖有點難咀嚼，但它的香味足以掩蓋了這一丁點的不足，牛扒底下垫了一些薯條，點了番茄醬汁，十分好吃，整體不錯喔！一般嘅西餐甚至都係飲酒，不論紅酒定啤酒，但係我反而點左果汁飲。呢一杯番石榴汁並唔比啤酒輸，雖然係冇酒精，但我中意佢嘅清新，冰涼嘅佢，飲落去淡淡清涼。脫離鬧市享受晚餐嘅地方，呢一度係幾好嘅選擇。

最近食左呢間晚餐唔錯嘅德國餐廳，除左有德國非常出名嘅香腸同鹹豬手，仲有其他唔同國家嘅西餐；包括美式燒排骨、英式炸薯條、法式燒春雞、西班牙辣肉腸併風乾火腿同墨西哥香蔥芝士薄餅等等，其實仲有好多不同國家嘅美食，唔只得德國菜架～不過既然叫得德國餐廳就緊係要嗌番德國野配啤酒啦！！菜色唔多不過每一樣都好有特色，都幾乎係個個國家嘅代表菜色。咁我地就嗌左德國鹹豬手配酸菜及薯仔沙律、香腸拼盤同埋芝士薄餅。單單睇到呢個爐就好吸引啦，幾隻豬手係入面keep住烤緊，又大隻又多肉！！好快就有得食，好似成隻雞咁大份，d外皮好脆卜卜，而入面d肉就反而好嫩好多肉汁，以為咁大塊肉會老，點之不但唔''鞋''，d肉仲好彈好有咬口添呀，味道方面就有小小鹹，不過叫得鹹豬手haha，好彩有配酸菜同沙律，酸酸地可以中和番令成道菜冇咁heavy~真係好多肉，我諗應該夠4個人share...三個人食都覺得好多呀～好有份量的豬手個腸食完先記得影，其實都係平時食個d雞肉腸同芝士腸，比較特別嘅係有一條好長嘅羊肉腸，羊肉味道好出同埋超多肉汁～一咬就溢出黎嘅感覺。。。另外個個黃色醬好辣但好惹味。仲有一個就係芝士薄餅，薄薄兩層外皮中間夾住芝士，

屯門新墟一帶有好多隱世美食，除左大排檔，雞煲，潮州打冷呢d地道美食之外，仲有唔少西餐廳。今次同一班朋友聚舊就揀左食德國餐廳，鋪頭細細間，但門外餐牌就吸引左我地入去食，入面格局都好浪漫，令人放鬆。食西餐都係嗌幾樣一齊share比較好，三人行叫左一個沙律，薄餅，香腸拼盤同咸豬手。野食都上得好快，試左個頭盤沙律先，parma ham嘅份分都幾多，上面佈滿芝士粉仲有一粒粒食落酸酸地嘅果(?)幾開胃下，不過個沙律只有一種菜有點單調。之後上嘅就係芝士薄餅，芝士迷必叫! 芝士味就唔係話好濃，不過就係因為咁食多幾塊都唔會覺得滯，而唔鍾意食芝士嘅人都接受到，仲有d他他醬可以點，我就鐘意點勁多醬黎食!下一個就係香腸拼盤啦，我一黎就話要嗌但俾朋友話冇咩特別，差d阻止左我，但我覺得好好食哈哈，可能我本身鍾意食腸仔嘅關係啦。有黑椒腸，雞肉腸，芝士腸，仲有最巨型個條就係羊肉腸，羊肉嘅味道好濃而且都係最特別，同埋隔離黃色個個醬好勁! 辣得黎好嗆~最後就係最期待嘅鹹豬手! 以為會好重味但食落又唔會太鹹wor! 重要係d肉質好嫩，以為會好難咬，原來除左有根個d位置要用d耳力之外，肉質都好軟好易入口。食食食到停唔到口，好