德國餐廳 (已搬遷) 新店位置

經過望到餐牌唔貴，決定一試。餐廳地方雖然細，但佈置很有格調。兩人嗌左一份咸豬手同一碟意粉，已經夠晒飽！Parma ham paste非常出色！面頭佈滿芝士碎，香口惹味，推介推介！豬手有白豬手同炸豬手，我地點左炸豬手。上菜時已經起好肉同切好，方便食用，讚！重點係賣相都非常好，影相一流！豬手肉質鮮嫩，味道不會太咸，配上芥末醬十分之夾！亦都無咁膩！唯一失色地方係豬皮硬到根本咬不下。。。旁邊的薯仔沙律同樣出色，會食到粒粒薯仔，酸菜不會太酸，清爽開胃！有機會一定會再幫襯！