德國餐廳 (博文街) (已結業)

好耐都無食德國餐，今晚就同男朋友去咗德國餐廳食飯。嚟到德國餐廳梗係要食豬手㗎啦，我哋叫咗一份德國豬手配酸菜仲有薯仔沙律伴碟。原來德國豬手一早已經幫我地切定，唔使我哋自己用刀切，非常方便。德國豬手嘅皮非常之香脆，豬手嘅肉非常彈牙，半肥瘦嘅肉食到一啲跟腱，非常有咬口。我哋亦都叫咗一份德國腸仔拼盤，德國香腸好香，食到啖啖肉。烤腸配芥末醬好惹味。唔好以為佢得幾條，其實食落去都幾多再加埋其他菜式，都真係好足夠。薯角係少有炸得咁香咁好食，一定要食晒！我哋另外叫咗一份意粉，呢個煙三文魚香草意粉好香，意粉係我鍾意嘅幼意粉，配埋橄欖油同埋蒜一齊炒，加埋酸酸味味嘅車厘茄，估唔到除咗豬手之外原來意粉都咁好食。唔怪得之成日見到呢間餐廳排長龍，因為啲野食真係大份同埋好正宗。

同朋友去咗奧海城行街，上網睇吓食乜好，朋友想輕鬆啲一邊飲酒一邊食嘢，所以我哋就揀咗呢間餐廳，上網睇到呢度最出名嘅就係德國豬手，我哋都要去試吓先！入到黎第一時間就決定要食德國豬手，我哋仲叫咗個蒜蓉包同煙三文魚凱撒沙律呢間餐廳有好多唔同嘅啤酒，於是我朋友就點左杯德國啤酒，由於我喉嚨唔係咁舒服所以我就點左杯熱薑蜜飲，潤潤喉煙三文魚凱撒沙律用了相當豐富，沙律菜都好新鮮非常之爽脆清新，夾埋煙三文魚一齊食夠晒滿足沙律上面仲曬咗啲芝士粉令到味道更加豐富，入口仲有陣陣嘅芝士鹹香味唔好睇小呢個蒜蓉包，啲蒜蓉拍到好幼細而且焗都非常之香脆，外脆內軟，入口仲有非常之濃郁嘅蒜蓉味自認係蒜蓉控嘅我非常之鍾意，就算齋食都覺得好好味，唔會覺得好單調。做咗主角出場啦！德國豬手非常之大隻，而且仲幫我地切開去骨，好細心，食得非常之方便豬手外皮非常之香脆，肉質非常之紮實入味無論就咁食一或點上黃芥末醬味道都非常之恰到好處，朋友仔就鍾意點唱黃芥末醬食，有少少辛辣味，味道比較惹味豬手旁邊仲配左酸菜同薯仔沙律，非常之正宗，薯仔沙律口感好幼滑。呢餐食得好滿足出面好少機會可以食到啲咁高質嘅德國豬手，下次都一定要再嚟

之前食過大埔果間覺得唔錯，今次特登約埋朋友試下大角咀呢間，舖頭位置唔多，但勝在坐位夠闊落，坐得幾舒服，仲有一排位係對門外，幾特別。菜式比較多選擇，但因為想食自己鐘意食既野，同埋上網睇都多人散叫，所以我老選擇左散叫😂😂每次西餐必食煙三文魚沙律，個汁都好夠，份量大份，先食個沙律打打底先！香腸拼盤，朋友好鐘意食腸仔，所以叫左個大既，有五款既腸，肉汁豐富。之後緊係要食豬手，有兩款，我地叫左隻焗既，我地貪佢既皮夠脆，肉夠腍同埋多肉汁，一啲都唔肥，配埋啤酒一流！

好耐冇同阿媽岀街食飯，今晚特登試下食特別啲，雖然我地都唔飲酒，但就好想食徳國豬手，朋友就介紹黎呢間徳國餐廳，佢話收工時間都好多人黎happy hour，所以特登早少少到。天未黑已經到。有幾張枱已經坐左人了。店內裝修都比較簡單，不過就係簡單先坐得舒服。黎到緊係要試下佢地個豬手同腸拼盤啦。呢個係大份香腸拼盤，份量都幾大份，有四種唔同既香腸，配上兩種唔同既醬汁你點，熱辣辣上好正，香腸內充滿肉汁，我見幾枱客都叫呢個當小食。豬手岀場，新鮮熱辣焗起，未岀黎已經聞到好香。肉好鮮嫩，皮好脆，師傅仲會幫你起埋肉，等你食得舒服啲，佢起肉會起得好徹底，骨上面冇殘餘嘅肉喺度，正

大角嘴博文街個面最近多左唔少餐廳，Das Bier就係其中之一。今日經過呢頭見到MENU同野食都幾吸引，本身我對德國野又有D興趣，咁就即興一戰吧~餐廳入面環境格局精緻我黎又有D簡潔，有種整齊嘅感覺。週圍都放滿唔同嘅酒類裝飾品，店內氣氛都幾熱鬧，坐得又幾舒服，好適合同朋友係度一路暢飲，一路高談闊論。淨係啤酒同CIDER呢度都有十幾款，好多選擇，不過可惜呢期我要戒口，唔可以飲啤酒。我揀左杯凍朱古力，香濃順滑，唔太甜，幾好味。頭盤係煙三文魚凱撒沙律，由生菜、椰菜、酸瓜、煙三文魚、炸麵包塊，再係面頭灑上一層厚厚嘅parmesan芝士碎炮製而成。沙律醬、鹹香、酸澀、魚鮮同新鮮蔬菜味道融合得非常夾，炸麵包嘅脆同爽口生菜口感具豐富層次感，值得推介！之後輪到法式蒜蓉包。店家應該係先塗左層牛油，加入蒜蓉同香草黏附係上面，再去焊焗。麵包焊到微焦，外脆內軟，但又唔會硬成舊硬哂咁，又香又好食。最後係主食德國超級香腸拼盤，有雞肉腸、豬肉腸、薯角同酸菜。酸菜醒胃一流，薄切處理口感同味道比起中式個款冇咁侵略性，唔會殘留係口太耐，從而唔影響下一道菜嘅味道。薯角炸到金黃香脆，入面係飽滿嘅薯蓉，點一點茄汁，非常香口。香腸

同朋友想食豬手好耐，醒起德國菜出名就有豬手、腸仔，即刻黎大角咀Das Bier食。今次嘅主菜必定要有豬手、腸仔啦，之後我地簡左杯熱薑蜜同埋意粉。/先黎左杯熱薑蜜，薑味唔會話超濃，飲落去會熱辣辣興果種，同蜜糖配埋夠match,暖肚精選。/香草醬煙肉三文魚意粉，三文魚好多塊，鋪滿係意粉上面，醬汁好夠，唔會好多亦唔會好少好淡。德國香腸拼盤，有三款唔同嘅腸，大大舊之餘，有一款係咬落去有芝士流出黎咁，同腸肉一齊交融，好特別，好好味。薯角焗得岩岩好，配上蕃茄醬絕配。/最後重頭戲當然唔少得德國鹹豬手配酸菜及薯仔沙律。皮炸得好脆，肉亦夠彈牙，唔會太鹹。餐廳好細心咁將肉同骨切開，方便食用。食左咁多肉，食啲酸菜可以幫手淡化肥膩感。份量太足，食到好飽，大滿足👍🏻👍🏻👍🏻

今天與朋友一起黎到奧海城附近的一間德國餐廳，因為很想食德國菜，所以想起了這間餐廳。餐廳餐牌和裝修都很有德國風味。菜單有很多傳統德國名菜，例如豬手和腸仔，豬手有2種煮法讓我們選擇。小食和主菜都很有德國特色和風味，看到也洗晒口水。而且菜單的價錢很適宜，很合理。餐廳有多種啤酒讓客人選擇。墻上掛了德國地圖，很有置身德國的味道。環境很正，很有外國風情。熱薑蜜，味道一流。暖粒粒，很暖胃，最岩女士飲用。三文魚意粉，很好味，有很多三文魚，意粉也很有彈性。腸仔拼盤，口感脆卜卜，味道一洗，配上酸菜，很開胃醒腦。十分合拍的配搭。豬手，很正，一上菜我便流晒口水，皮脆肉滑，很有德國風情，賣相也十分吸引，食過番尋味。

夜晚去咗大角咀 見到門口餐牌啲豬手香腸好吸引！即入！仲有個套餐 有豬手香腸nachos 揀埋啤酒都得！都係300幾蚊 除開兩個人幾抵食另外有生蠔同happy hour飲品價惠！主餐牌價錢標明晒喺門口 睇清清楚楚唔怕入去再左揀右揀啦不過熱氣唔想食nachos 於是無叫到餐散叫可以flexible啲！細細間唔多位但入面裝修都唔錯 有好多德國嘢裝飾店員服務又幾好 反而鍾意呢種小店feel德國脆豬手一嚟必點豬手！另有德國白豬手 不過都係忍唔住試吓個脆豬有幾脆好大份 點埋醬好正！停唔到口最鍾意食啲脆皮墨西哥芝士薄餅份量唔錯 芝士再多啲就再好啲😛不過個醬抵讚 好食德國香腸拼盤淨係識最長卷起嘅紐倫堡腸其他就唔知叫咩名 不過款款都煎到個皮脆脆地 好夠味！另外配酸洋蔥同薯角 同埋有茄汁芥末點薯角好高質 新鮮炸起好好食 夠厚身又脆皮Das Bier 招牌啤酒味道ok 清清地 下次可以試埋其他有咩分別！

夜晚行過大角咀 見到間德國餐廳好似唔錯出面有個牌sell dinner set 都幾抵！入到去裝修唔錯唔錯！氣氛幾好當然唔少得德國菜重點嘅豬手香腸 仲有其他西餐pasta🥰同好多款啤酒飲 唔飲酒精嘅亦都有果汁揀🎅好頸渴 叫咗杯啤酒飲先！呢款啤酒係個餐廳嘅名 試吓有咩特別入口味道比較淡 幾啱女仔飲 易入口啲🤤最尾無叫到餐 不過一定要嗌德國脆豬手🥰上碟發現係幫你切埋 好方便唔使自己切！啱晒我呢啲懶人🤤個皮好脆 有好多肉 配埋薯仔沙律同蜜糖芥末醬個醬都係重點！點完一兜唔夠 店員好好會再拎多啲俾你💛可以見到啲皮有幾脆 唔會軟淋淋！德國香腸都係必點 試咗個入門級嘅另外仲可以叫個超級香腸拼盤！腸嘅類別就唔係好清楚 不過每款都有唔同味道全部都啖啖肉🤯有一兩款特別多肉汁🤪熱辣辣好好食💛仲叫多個小食兩個人share薄薄嘅皮夾住芝士 唔夠喉仲可以點埋個芝士醬！個人覺得唔點醬有啲單調 點埋就啱啱好好好食🥰

星期五更係約埋朋友黎個Happy Friday～大角嘴有好多唔錯嘅美食小店，其中依間幾吸引，有德國豬手，配啤酒一流。環境雖然唔大，都幾舒服，岩晒三五知己黎飲返杯閒談。德國豬手真係必食，夠大份唔洗講，仲要味道岩岩好，唔會大咸，豬皮夠脆，仲配左薯仔沙律，解膩又好味。啤酒係德國啤酒，好岩女仔飲，易入口冇苦澀味，一啖啤酒一啖豬手，簡直冇得彈～佢地主食都唔差，培根芝士薄係最驚喜，睇落好普通，食落好好味，成個餅唔會乾身，有樣吸引力會令你無意間就食左2、3塊。意粉要左香草煙肉三文魚意粉，配料好多，意粉煮到岩岩好煙韌又彈牙，單食意粉都夠味，配埋煙三文魚一齊食更加鮮同惹味。等左好耐嘅法式燒春雞，係全隻，熱辣辣即整，雞肉仲會出煙，皮好脆好香口，雞肉好滑好多汁，配左一個好香芝士味嘅醬，配搭好好。通常我地去飲酒嘅地方食飯都會覺得好咸，因為要送酒所以會重味啲，但依間唔會，味道岩岩好，而且係醬料方面配搭好好，令到每道菜食出層次，飲酒食飯都岩。

本來openrice book 左呢間有75折，但優惠唔包呢個set 同埋飲品，而個set dinner 又真係好抵，所以決定放棄booking 個優惠。首先黎到嘅係墨西哥粟米片，好脆，好好食，睇戲食係一流，個莎莎醬就好凍，似係剛剛雪櫃拎出黎。。。之後到德國香腸拼盤，伴有茄醬同芥末醬，啲薯角好脆，好香口，香腸都煎過嘅，表面出左少少油。最後，到主菜豬手，個豬手起好晒肉出黎，表皮又好脆，啲肉唔鞋，好正。呢個set 仲包左兩杯啤酒，好抵食。

今日同朋友嚟到奧海城附近嘅呢間das bier試一試呢度嘅德國菜，呢間餐廳雖然面積唔算大，但係可能因為我哋八點幾先嚟到，所以都唔使排隊等位就有得入坐入面仲有個類似德國地圖嘅裝飾掛畫因為想自己free d咁揀返自己想食嘅嘢，所以就冇叫到set,就咁睇住Menu散嗌食德國野當然唔少得有德國腸啦，因為只係得兩個人嘅關係，好驚食得太多腸會好快就濟，所以就只係叫咗個德國香腸拼盤，比起德國超級香腸拼盤少咗條芝士腸。個德國腸拼盤仲會配左少量嘅薯條、薯角同埋酸菜，啲腸仔食落雖然唔會覺得好油膩，但係都真係會有少少濟，所以間中都要食返少少酸菜消濟，咁先至可以慢慢嘆埋落去！而且啲腸仔亦都十分juicy,大力啲咬會有啲汁彈出嚟！德國鹹豬手都係我每次食德國菜必叫嘅嘢食，呢度嘅鹹豬手唔算太鹹，冇嗰種要飲好多水嘅感覺，值得一讚嘅係個鹹豬手嘅皮真係好脆，我哋餐飯食咗好耐，但係最尾個皮都仲係脆嘅～本身好鍾意食薯條，所以就叫多咗份香蔥芝士焗薯條，仲加咗$25煙三文魚，芝士同煙三文魚嘅份量一啲都唔孤寒，而且仲為薯片增添左更豐富嘅味道～因為我哋冇估到啲嘢嘅份量咁多，所以食唔晒打包拎左返屋企🙈

上次去大角咀打波經過依度立下眼見到有間好似酒館咁既餐廳, 原來係食德國菜! 今晚約左9點打波, 於是就黎依度食個晚餐再出發啦~門口有排藍色長櫈, 就係比佢catch到我目光既, 可以見到入面唔係好大, 只有幾張枱~今晚黎食先留意到, 7點半前離座有85折, 早知早d黎啦!!!入到去坐靠牆既位, 牆身係靚靚紅磚加d裝飾, 幾有味道。依度既signature dish當然就係德國菜必食既豬手同德國腸啦, 見到隔離枱好多都食德國咸豬手配啤酒, 幾大份又好似好正咁! 但我地都驚食咁大隻豬手一陣飽得濟打唔到波, 所以今次就試住個普通既德國腸拼盤先! 再另外加左小小野食~食物大概5分鐘就上枱, 哇原來哩個德國腸份量都唔小野, 仲有薯條墊底同酸菜伴碟, 因為仲叫左2樣野食都有d驚食唔哂佢total有4款腸, 雖然唔係好分得清邊隻打邊隻~但個人最中意依款中間最粗身個隻, 腸皮咬落去係脆既, 之後入面既肉幾juicy而且好惹味薯條又炸得幾好, 唔知點解每一條都好脆卜卜但睇個樣又唔係好燶, 口感有d似用氣炸鍋做出黎個種脆卜卜咁!蒜蓉包食度有意粉or飯個d食既, 但都係一開頭驚太飽打唔到波所以諗住叫個蒜蓉

朋友聚會👭專程搵呢間可以暢談，食品賣相吸引嘅德國餐廳，門口店舖設計的概念都以休閒為主，特別適合三五知己聚會🤗等入座時喺外面睇Menu西班牙風乾火腿凱薩沙律🥗$128醬汁夠多，沙律菜新鮮，風乾火腿配沙律菜味道好夾，另外特別在配有酸瓜，很特別😋😋德國超級香腸拼盤$188香腸拼盤有兩種選擇，今次就揀咗超級香腸，五款嘅腸仔味道都各有特色，味道濃啲，最鍾意配有蜜糖醬，好味🤤🤤德國鹹豬手配酸菜及薯仔沙律$218最期待嘅德國豬手，終於有得食！豬手外脆內軟，味道唔會太咸，一啖脆皮一啖肉，啱啱好，沒有失望🤤🤤👍🏻👍🏻最後叫咗茶，冇選擇啤酒🥃Herbal Tea玫瑰味及桃味$108/2壺食完濃味的肉再配上淡淡的花茶，都係唔錯嘅選擇

今日同朋友去左奧運做瑜珈完左之後一齊食埋晚餐突然諗起附近既德國餐廳 就決定一齊去食啦之前試過另一間分店既青口好好味見到就好想點 可惜今日賣晒德國鹹豬手之前試過食其他餐廳 豬手原隻上 令客人自己切都好問麻煩呢間餐廳上菜時已經幫你切好 非常貼心味道方面都好好 唔會太咸 而且又夠脆中間會有D筋位好林 仲有兩款醬非常夾德國超級香腸拼盤上菜時驚訝份量都唔少喎而且又夠熱 酸菜都好夠味同埋有好多款腸 向有特色卡邦尼意粉意粉最怕就係太多汁或者太少汁呢碟都唔錯 因為佢d汁會粘住全部意粉條條面都有汁 而又唔會太油膩 德國啤酒 Erdinger Fischer’s Helles依到既啤酒價錢實惠 而且大大杯同朋友點左一杯一齊飲岩岩做完運動又食返晒返黎 哈