影片
大角咀近期多左唔少新开嘅特色餐厅小店，想饮杯啤酒happy hour下嘅话，呢间喺博文街嘅德国餐厅就岩哂啦! 食德国野紧系要嗌返个德国咸猪手，同喺德国嘅时候食一样都会配埋炖菜跟薯仔沙律。几正宗面皮脆卜卜，焗左既猪手少左份油腻感，入口几滑，感觉有满满嘅骨胶原，配埋佢个酸菜啖啖肉，用嚟送啤酒一流。芝士薯条薯条即叫即炸，面头d芝士焗到好金黄，超级热辣辣，薯条 偏幼身，香脆但唔油腻，搞到完全停唔到口。超正! 超邪恶! 绝对不能错过！
继续阅读
自问食遍天下猪手，无论连锁定小店，只要见到猪手就必定会嗌。 不过好多时其实都只系为咗大杯酒大块肉嘅快感，未必真系有惊为天人嘅感觉，今晚都系出于呢个前提嚟到呢间德国餐厅，估唔到会遇上喺香港食过最好食嘅猪手。德国咸猪手配酸菜及薯仔沙律 ($218)卖相对板，芝麻皮同想像中一样咁香脆，最意想唔到嘅系猪手肉质异常嫩滑，幼嫩有肉汁，软腍程度甚至比韩国食到嘅卤水猪手更甚，但同时都有咁上下实净，唔会一咬就散开晒。更加值得一赞嘅系猪皮位置嘅肥膏非常之薄，而且完全唔油腻，平时我食猪手必定会花好多时间去肥膏，但呢度嘅猪手系不自觉地觉得食埋都冇所谓咁干爽。 虽然脆皮对比上冇咁惊艳，但整体来讲都系好完美满分嘅猪手。德国香肠拼盘 ($162)香肠拼盘一般来讲都系食个感觉，纯粹白烚冇咩特别，但呢度嘅香肠感觉到用料下左苦工，每一款切开都好有肉汁。 尤其钟意芝士肠同埋咖喱香肠，咬开要小心爆汁，点埋芥茉酱一流。香草酱烟肉三文鱼意粉 ($128)想加点烧鸡点知已经卖晒，饮恨之下叫多个意粉，不过有少少嫌佢太足料，两个人夹极都好似冇夹过咁多。 香草酱好香口，烟三文鱼亦都放得好慷慨，每个人都分到几块，性价比好高。食完之后下定决心封呢度为我既猪手爱店，可惜位置真系比较隔涉，客人唔算多，热烈推介比各位香港猪手关注组嘅会友。
继续阅读
香港食正宗德国菜嘅餐厅真系唔多，今晚就约左个friend嚟饮野，个名都叫德国餐厅应该够传统啦挂。对于每餐无肉不欢嘅食肉兽嚟讲，我就决定食返个烤猪肋骨排做main course，肉质Q弹~软嫩唔韧，多汁唔干～记得要配埋黄芥末酱同酸菜一齐食食左咁多肉都要点返个沙律菜balance下嘅，佢个风干火腿沙律大大份可以share 食。本身都怕咁多菜会好斋但佢加左几块风干火腿又变得好惹味。而且个sauce味道酸酸地，开胃之余又解腻。佢个酒menu好多选择仲做紧买一送一，开心!
继续阅读
一心想食德国菜，揾到Das Bier有几间分店，嚟到先发现系小店嘅格局，感觉几温馨。虽然咸蛋黄味都好吸引，但系怕酱汁会令到猪皮变淋，所以拣咗最传统嘅口味。 首先猪皮够酥脆，上枱已经去咗骨切埋，啖啖肉好正。 猪手真系好软滑超Juicy，配菜都好有诚意。 酸菜味道唔会好抢，就咁食都唔会太酸，薯仔沙律嘅芥末蜜糖酱超惹味，样样野都好啱口味。德国香肠拼盘一碟有齐四款口味，切𠮶时要小心好多汁，从未试过简单如香草猪肉肠都会有肉汁，薯条亦都热辣辣好有薯味，配齐茄汁同芥茉酱一流。三文鱼意粉味道唔算好突出，胜在份量够多。 呢度普遍都大大份，其实两个人叫两份已经好够。平时少饮酒，但嚟到德国餐厅都衬返个气氛叫咗杯，估唔到Stella入口好顺滑，完全唔会有苦涩味，系好啱女仔饮嘅啤酒。
继续阅读
位于大角咀博文街15号地铺，听落去地方名比较陌生。 但如果话奥运站c出口就熟悉得多由网上得知有多间分店，所以感觉应该不错店舖布置充满德国感觉，主要以木质感为主体餐牌上以简单明瞭，有二人餐同散叫为主今次同友人约6时半去到，店员都好有心安排座位同防疫都做得恰当今次同友人叫左猪手，意粉同啤酒🍻德国咸猪手配酸菜及薯仔沙律($218)名不虚传首先卖相实在相当吸引，我非常喜欢会帮客人把肉同骨分离同摆得精美份量超级大，绝对要至少2人才可以解决它。皮烧得脆口之余带有少少微咸，肉亦保持湿润，不会感到很柴。配以酸菜及芥末酱一流。 薯仔以蛋黄酱制成，风味十足香草酱烟肉三文鱼意粉($128)店员送餐时已有点惊讶，烟三文鱼量几多上面再洒上芝士粉，增添颜色香草酱几清新，而且欣赏意粉有加上翠肉瓜，提升整体口感整个用餐体验相当满足份量足够外，态度亦好好。再配以啤酒作收尾真系适合消遣既地方
继续阅读