御滿屋日本料理

营业中

休息中

呢排工作好忙，想食餐勁既開心下，放題就係我既選擇啦，去左未食過既御滿屋日本料理。呢間放題有自助熟食區，有沙律、冷盤、小食、甜品。飲品有好多選擇，最鍾意有茶可以揀。放題第一輪梗係要食刺身啦，刺身件件都係厚切而且新鮮肥美，最好食係甜蝦同帶子。叫左幾款壽司都唔錯架。熟食方面，蒲燒鰻魚、羊鞍、牛舌比較出色。仲有回本既鐵板鵝肝、花膠同牛肉他他燒。可惜炸物既皮比較厚，同埋冇我鍾意食既香芋波波同牛油栗米粒。甜品細細件，食多幾件都唔怕，最緊要有每人一杯雪糕，正！

26/11/2019嗰日個同事話想食放題，仲話係要有鰻魚嘅放題，咁又係OpenRice搵左好耐，終於搵到間質素比較好然後有得任食鰻魚嘅放題餐廳。咁嗰日我哋7:00去到，因為我哋book咗位嘅關係就唔使等，咁我哋三個人佢就安排左我哋坐一個算係三個人嘅位因為第四個位係縮左入去嘅，咁坐低左當然二話不說即刻就整返幾個刺身先啦，然後就叫下羊架、壽司、鐵板料理、天婦羅同埋另一個主角——鰻魚啦！我哋等左一陣，啲嘢食都想得好快仲要都好齊，啲刺身都算比較新鮮嘅，然後啲鰻魚我都覺得同平時嘅味道差唔多冇乜分別，咁係不停食食食食食之後，最後佢就送咗一杯Movenpick or Haagen Dazs or Dreyer嘅雪糕俾我哋食，不過如果佢連雪糕都任食咁就真係冇得彈啦。

平時食開「滿屋」，呢間「御滿屋」野食會多少少選擇，亦好少漏單，價錢都算平，大$175+1，細148+1。食物都幾好食😋。唯一不足之處，好似好趕！我地差唔多5.50才到，食唔到一陣 就話要找數先 都ok可以接受，但之後一直詢問 d野齊未 可以截單未，好似一直催人快快食完走人！體驗感好差！ 應該都唔會食下一次！

午市定食 + 半自助區 + 飲品 抵食12~3點 唔限時13號~羊鞍定食 $58羊鞍2大件 調料味香 羊鞍肉嫩心粉紅22號~西京比目魚 + 3只煎餃子 $62比目魚 2片中細size 肉鮮滑 比較油膩白飯~ 珍珠米 冇乜飯香 唔軟熟自助區炒蜆 ~ 夠鑊氣 refill快 即炒唔同款好味道蜆肉脹卜卜 夠鮮夠香蜜豆炒鮮尤 ~ 尤魚微硬 蜜豆過晒火淋爛什錦咖哩 剩番薯仔 冇試凍盤 ~ 蚧子1大盤 鮮味 任取 壽司 灼三文魚腩 凍蜆 扎肉 蕃茄仔 螺肉 海草 豆腐皮 枝豆 蕃薯仔 生果沙律 沙律菜 ……腰果 炸薯條 炸雞槌 八爪魚丸 炸虾片麵豉湯 ~ 大熱 濃香白麵豉齋湯水 冇放海帶豆腐 冇咁完美玄米茶包/綠茶包 玄米茶好香咖啡/奶茶/汽水 包1杯超值低食

同朋友行完街，決定去旺角食放題， 地理位置都算方便喺瓊華中心7樓。 因為都算早六點鐘去到，所以唔需要等位， 空間唔算大，枱與枱之間距離比較少，如果想靜靜地傾計可能會有少少嘈。以放題餐廳嚟講，佢上菜速度都算快，唔會要等太耐，要上嘅嘢食亦都好齊。睇完所有嘢食，發覺佢款式都算多，一開始當然要試佢嘅刺身先啦，佢刺身都新鮮， 味道亦都唔錯。佢嘅麻辣鴨腎好好食，朋友叫咗兩次。特別要讚一讚佢嘅天婦羅蝦，炸得好好食。好喜歡佢嘅芝麻雞翼，真係好好食，個皮炸到好脆，雞肉好嫩滑。不過好可惜炸香芋波波冇貨，我好喜歡食的。佢嘅飲品櫃都好多飲品選擇。甜品方面除咗有甜品櫃，每人都會有一杯自選雪糕，而佢嘅自選雪糕係有dreyer's Haagen dazz 同 movepick 揀，都幾高質。總體嚟講都算唔錯， 性價比都幾高。

任食黎講御滿屋都算唔錯！選擇多，上菜速度快，價錢實惠。食物方面，質素都尚算新鮮。除左魚生選擇多又夠鮮美，仲有我鐘意既火炙壽司😍燒過嘅味道好香濃，連唔食生野嘅朋友都忍唔住食左幾舊！仲有好特別既係佢地有幾款創意壽司，紅玫瑰，海膽拌吞拿魚茸，味道都唔錯，勝在夠創意！除左冷食多，熱食都幾多款式，鮑汁燴花膠，炆得好淋☺辣酒煮東風螺，黃金芝士帆立貝，超推薦呢個啊！極濃郁芝士味🤤仲有大大煲蟹粥等等，好味道呢！當然唔小得炸物啦，有榴連炸彈，香濃既榴連味，心心眼😍仲有串燒，燒物，天婦羅，鐵板燒食完唔好咁快走，仲有Mövenpick雪糕食，好滿足呀！

好食放題果日肚勁餓，就決定夜晚食放題。之前試過旺角呢間御滿屋放題都幾好食，所以再嚟食。平時食放題係絕對吾會放過就係食刺身既機會，因爲難得可以任食，梗係吾會蝕底，同埋見到有好多熟食， 都忍唔住要返少少每樣試下。我個人就係好鍾意叫熟食，叫左好多，蒲燒鰻魚，燒紐西蘭羊架，牛肉他他，雞翼，牛舌，好正。鰻魚同羊架係我最愛，煮得好食，上枱嘅時候都仲熱既，食左幾轉！另一伴喜歡刺身，都叫左2-3轉，三文魚，甜蝦，油甘魚，大赤蝦，大大粒既帶子係主角，佢每一件都係厚切，絕無偷工減料，食落都係好新鮮。食咗炸雞，炸蠔，燒帶子，炸雞翼，炸榴槤，吾錯！食盡佢，仲有雪花牛肉鍋，御品鮑汁燴花膠，牛肉烏冬，牛肉鍋的牛肉油脂亦非常平均，牛肉肉質嫩滑，花膠感覺貴價，呢啲熟食都係住得唔錯。總括而言，食物水準幾高，款式都多選擇，價錢亦大眾化，而且上菜都幾快，加上無漏單，good good。

今晚係旺角食飯，想食d大家都岩食既餐廳，當然就係揀放題！乜都有，唔洗就大家😆呢間位於旺角鬧市，地鐵站一出就係，好方便。可能我哋9點幾先食，好彩唔係好多人。價錢方面以放題黎講又唔貴，黃金時間都係$190🤩飲品選擇都好多，一般大路既都有，仲有正常支裝既唔同款式既茶，呢個真係少見啲。甜品方面選擇都有唔少，有啫喱、木糠蛋糕、朱古力蛋糕。仲有迷你馬卡龍，不過就略微甜左少少。估唔到有豆腐花！主食選擇真係好多花款🤤刺身：甜蝦、玻璃蝦、三文魚、鮑魚片、帆立貝。甜蝦幾新鮮，三文魚就正常，鮑魚片幾爽口，呢個幾驚喜！帆立貝幾大隻，肉地好厚壽司：芝士鰻魚壽司、火炙香蔥三文魚腩壽司、和牛壽司芝士鰻魚壽司上面既半熔芝士同個鰻魚好夾，真心好食😍 另外一提係火炙香蔥三文魚腩壽司，連唔鍾意食蔥嘅我都覺得好食🥳三文魚腩幾滑同幾厚肉地。另外，仲有啲幾新穎既壽司款式：鵝肝吞拿魚壽司，鵝肝味幾濃郁吞拿魚就正常；生蝦刺身壽司，分開食會好啲，隻蝦就幾好食。花之戀人：三文魚幾厚身，三文魚魚子食落卜脆卜卜幾多汁；鵝肝帶子壽司同吞拿魚茸壽司幾岩女仔食，細細件一口就食晒，唔怕浪費。花膠：以放題來講幾唔錯，幾入味，汁同花膠融合為一。燒菠蘿🍍

旺角不嬲都係放題天堂🤣🤣今日黎試左 御滿屋 既放題🤪星期四夜晚7點半黎到😗餐廳都幾full 好彩等左一陣就有位👅野食種類都好多選擇🤪🤪樣樣都想試🤣🤣🤣依個時段放題價錢: $238 另收加一服務費😗放題實在太多食物🤣分享一d我特別鐘意既🤤🥳食放題當然唔少得刺身🤤🤤只可以講 鮮!!! 特別鐘意個翡翠螺🤤🤤好味!🤤🤤火炙壽司🍣都好正🤤4個款都好食!蒜香牛肉夠惹味👅醬爆呑拿魚沙律玉子都好香👅另外既係芝士蟹棒同醬爆帆立貝🤪芝味黃金蝦卷香芒蟹肉加州卷 鵝肝拌帆立貝🤤又係好推介既3款壽司🤪🤪鐵板牛油香蒜帆立貝🤤🤤勁香!!蒜味好正🤪🤪辣酒煮東風螺🤤依個都幾辣 好惹味啊!螺又夠鮮🤪有驚喜的芝麻雞翼🤤皮脆肉嫩👅💦推介!鐵板岩鹽焗牛呑🐮👅又係好濃味!牛呑夠曬冧日式牛肉他他燒🔥好食! d蒜都好正🤣🤣特別一提依度有酒提供🤤🤤試左依款梅酒🥳好味啊!唔會好重酒味🤪🤪另外依度頌有依部可以印樣既咖啡機☕️雖然印出黎唔係好清🤣🤣但都好得意🥳🥳朱古力噴泉🍫⛲️又係貪得意試🤪驚喜地!!唔係好甜!!!🤤🤤🤤正👅💦💦💦同埋每位頌會有杯雪糕🍦🤤🤤happy🥰🥰🥳

行行下街突然好想食放題，於是今次就去左旺角一間有間分店既放題店，旺角哩間貪佢夠方便就腳，地鐵站E1一出就係👍 加上價錢二百幾就食到2個半鐘，十分不錯。-一嚟梗係食左刺身先😆 帶子、甜蝦、馬刀貝、希靈魚樣樣都好平均，特別甜蝦及希靈魚夠鮮甜新鮮，所以我地都encore左2次😋 壽司卷物都算幾多款式，鰻魚壽司同牛油果壽司最為突出。-熟食方面，芝麻雞翼、吉列蠔、炸魷魚圈、燒菠蘿、燒羊架、牛肉烏冬都好正，仲有個人好喜歡燒蝦串，啲蝦大隻彈牙🦐 連女士恩物炆花膠都有得食👍👍 燒雞肉棒特別既出色，雞肉入面釀入軟骨，啖啖肉之餘亦好有嚼勁😋 飲品除一般汽水啤酒外，最特別係有部拉花咖啡機😊 可以俾你自己慢慢玩，好似仲可以影自己個樣嚟玩下，我就顧住食無玩，你地下次試完話我知感覺點啦~ 最後仲每人一杯haazgen dazs/Movenpick雪糕😋😋-總括而言，食物水準平均，款式多選擇，價錢亦大眾化，地點十分方便，係一間放題店不錯之選。

平時食放題我最肉緊就係食刺身， 因爲難得可以任食，梗係冇蝕底， 但係今次見到有好多新意嘅熟食， 都忍唔住要返少少每樣試下。呢度除咗有sake飲之外，有好多甜品可以試， 但我最鍾意嘅都係movenpick雪糕啦。 我個人就係好鍾意甜品同熟食撈亂食， 今次試咗個芝士拉絲粟米杯， 真係超爆邪惡。 刺身都係有三文魚呀，甜蝦呀嗰啲咁， 食落都新鮮。食咗炸雞翼炸蠔，仲有香辣海螺， 當然有例牌嘅天婦羅同埋少少串燒， 我最欣賞嘅係佢嘅燒牛扒同埋燒扇貝， 芝士扇貝食落去唔會粉到一咋咁，其實已經係一個好大嘅驚喜。整體嚟講食得好爽，下一次都會再食！

呢間放題黎食過幾次嚕～ 就算佢同集團既放題都食過n次！次次都揀番呢個集團，因為同集團質素都會有保證d!次次都會嚟呢個集團式嘅原因係因為覺得呢度嘅刺身比其他嘅放題新鮮，而且融雪嘅效果都做得幾好！呢度都有一啲冷盤區域，有沙律、枝豆、中華沙律、凍蝦等係等緊朋友嘅過程可以出嚟拎啲小食食吓先！今次嚟到都係食必食嘅三文魚、油金魚、甜蝦等等值得一提嘅係佢哋嘅帶子刺身係變咗厚版！已經冇再一開二嚕！放入口塞爆個口嘅感覺正😂😂😂估唔到佢哋而家仲有鵝肝多士！而且佢哋鵝肝唔係cheap cheap 嘅，鵝肝入口個感覺係會慢慢溶化，油脂慢慢係鵝肝嗰度滲入嚟個口入面！ 當然，佢哋嘅size冇平時喺餐廳食嗰啲咁大舊啦，但係呢度食無限encore都唔肉痛吖嘛😂😂😂另外仲要一題嘅就係鹽燒海蝦嘅蝦肉勁彈牙、勁爽同勁鮮甜！十足十係居酒屋入面食到嘅質素而且呢度仲有咖啡機！佢係拉花嚟嘅，你可以自己選擇圖案在杯咖啡上面！唔係間間放題都有得玩㗎一個人淨係食咗二百幾蚊，性價比都真係好唔錯👏🏻👏🏻

近排出左糧 梗係要食好啲啦☺️☺️但係又好貪心樣樣都想食啲喎所以一於食放題啦🙈🙈🙈環境幾闊落 坐起唔逼太焗促同埋自助吧枱都幾方便 一出就見到喇！有朱古力噴泉同埋日式冷盤 都幾正😝😝另外 放題必食點刺身 咁多款都唔腥嘅不過最推薦嘅係帶子 真係有陣鮮味架🙈烤物都係必食嘅item黎！特別推介係羊架啊！勁香羊味 好似食阿拉伯烤肉咁同埋烤蝦都好正！肉質好鮮甜爽口💕💕🥰甜品都係水準在線！出乎意料個葡撻啊 勁香甜酥脆☺️☺️☺️💕幸福的一晚☺️☺️🥰

星期日同友人興起想食放題，就搵到附近依間Review唔錯嘅放題試下，星期日晚8:30入座，每人$248加一刺身：一共有16種刺身，每款叫左兩片。所有刺身表面光澤十足，非常新鮮，尤其以大赤蝦最為驚喜，絕對可以同五星級酒店級嘅刺身媲美卷物：點左忌廉芝士鰻魚卷、磯之雪大蝦卷、芒果蟹子花之戀，質素同其他放題店相約，卷物Size偏迷你，鐘意食卷物又怕太飽嘅朋友都不妨多叫幾件試下炸物：炸芝心香芋丸、芝麻雞翼、芝士竹輪卷，全部熱辣辣新鮮炸起，外表香脆，唔會過分油膩另外，依間放題都值得讚賞嘅係上菜速度同服務態度，落單後平均2-3分鐘食物就到，從未試過漏單。服務員上菜收碟嘅時候都非常禮貌，值得一讚

今天行旺角行到攰攰地，朋友話想食放題，上網睇睇，選了這間位於旺角港鐵出口樓上的”御滿屋”，來到餐廳都開始要排隊，平日來說好旺，應該無選錯。自助區有十分多款式：食物有自助沙律、熱食、老火湯等等；飲品有清酒梅酒、熱泡茶、各類啤酒汽水飲品。先來刺身，點了池魚王、油甘魚、𩶘魚、大赤蝦、泰式生蝦，刺身質素都十分不錯，最突出是池魚王油甘魚香和大赤蝦，刺身肥美，大隻又新鮮，鮮甜味美。壽司：點了赤貝壽司、柚子油甘魚腩壽司、海膽魷魚、芥末八爪魚軍艦、蟹籽軍艦等等。整體質素不錯。火炙壽司：火炙蒲燒鰻魚壽司、火炙香蔥三文魚腩、火炙香蔥左口魚邊壽司、本人較喜歡火炙壽司，最喜歡左口魚邊和蒲燒鰻魚，左口油份豐富，海鰻汁豐富吸引。燒物：燒物也十分出色，推薦燒紐西蘭香草羊鞍、蒲燒鰻魚、鹽燒牛舌等都很有水準。煮物：瑤柱鮮蟹肉粥、雪花牛肉鍋和黑蒜油叉燒拉麵，份量不多，剛剛好，一點不馬夫。一品料理：日式牛油炒蜆、御品鮑汁燴花膠、瑤柱西蘭花。炸物：最愛芝麻雞翼、竹輪卷。甜品椰冰楊枝金露雪糕：限定榴槤味雪糕、Haagen Dazs、Movenpick