御滿屋日本料理

营业中

休息中

御滿屋係滿屋集團嘅其中一間放題餐廳，位於旺角胡社生行，係旺角嘅中心點，呢間放題已經有好多間分店，信心確實有保證，所以今日我就被帶來呢間御滿屋食放題！呢度嘅飲品種類非常多，除咗有清酒之外仲有多款罐裝飲品，仲有rosee beer hoegaarden，真係飲多幾支就已經回本。此外，刺身種類亦非常多，有池魚王、三文魚、大赤蝦、甜蝦、油金魚、特選吞拿魚、包片、帶子、希靈魚、八爪魚、泰式生蝦、玉子、北寄貝、𩶘魚刺身非常鮮甜和十分肥美，而每一件都非常厚切，係不知不覺間我哋都食咗一兩盤刺身，真係好容易就食回本！然後我們邊走出自助食品區，竟然有朱古力噴泉，但剛剛開始吃放題所以噴泉留待最後才吃吧！所以我們先拿了一些熱食和湯！隔咗一陣，我們點菜的食品亦陸續送上，包括香辣咖喱炒蟹、日式牛油炒蜆、雪花牛肉鍋、御品鮑汁燴花膠，香辣炒蟹有濃郁的咖喱香味，唔算太辣，非常惹味；另外牛油炒蜆蜆肉非常鮮以及冇沙，另外雪花牛肉鍋的牛肉油脂亦非常平均，牛肉肉質嫩滑。燒物方面，燒紐西蘭羊鞍羊味濃，芝麻雞翼非常香脆，有機日本番薯仔帶又甜香，而燒有機菠蘿更有爆汁的感覺；一口芝士呈拉絲狀，炸芝心香芋丸、鹽燒牛舌、蒲燒鰻魚都好好味！

每次工作壓力大，都會去食放題獎勵自己😆今次試左間放題都幾正👍🏻👍🏻好多食物選擇，而且試上菜都幾快，而且無咩漏單 good good!食放題就梗係要食刺身，三文魚甜蝦都好高質！特別有驚喜係吞拿魚，肥美新鮮👍🏻特別推介係羊架、西京燒同燒牛舌！我地加埋order左三次，真係好高質！另外壽司都細細舊，唔會食兩件就飽左！質素同元氣差唔多，都可以一戰～比較特別既仲有燒鰻魚同埋花膠仲有好多飲品！除左汽水，仲有清酒同梅酒😛😛

話說已經至少黎第三次，以前食放題真係食得好密，次次都就爆肚咁就，宜加食嘅餐廳類型款式都多左，就相對地食少左，但好難就係我成半年先食一次都仲keep到個水準！飯前果對我黎講都幾緊要，呢度有新鮮生果選擇出面仲有d小食同沙律可以配搭，呢個炸雲吞好脆口，好食！野飲選擇多，我地就精選左呢幾款覺得岩飲d魚生方面就推介泰式生蝦，角螺同帶子（平時係出面叫泰式生蝦都唔平咖！）壽司都幾精緻，重點係唔會大大舊飯食飽你，好驚喜有左口魚食，keep到份油香，新款蒜香牛油赤蝦都幾正，d牛油落埋舊飯到勁香！仲有海膽手卷都好高質，有再翻叫熟食方面羊架，尤魚牛柏葉都好食，仲有我最愛嘅榴槤波波雪糕窩夫似中西合壁，個底似牛脷酥，但你唔好理，又幾好食喎每人有一杯名牌雪糕中午嘅呢度平時晚上多左份清靜，其實都有一定數量嘅客，但因為場地大，店員將大家分配係一個地方，但個人空間感仍然十足

我好鍾意食放題，經常同三五知己去食，港九新界我都食暈晒，都可以話係半個放題之皇，今次我介紹呢間放題，我都十分推薦，宜家就為大家介紹一下。首先食放題，最重要一定係食物嘅選擇同埋質素。依間放題嘅選擇都算多，一般見到嘅刺身，壽司，串燒，炸物，煱物等等都一應俱全。刺身方面，我就試咗佢哋嘅三文魚，帶子，池魚，希靈魚，同埋八爪魚，全部都相當新鮮，刺身嘅融雪亦都令人滿意，上碟時都有碎冰鋪底，保持住刺身嘅新鮮度的溫度。壽司方面，選擇亦都好多，質素與賣相相當合理，更加重要嘅係，壽司嘅飯份量比較少，令到我依啲胃仔比較細嘅食客可以食暈晒咁多款，都唔會好快就食到飽。第二，食放題當然要講求上菜嘅速度。依間放題上菜速度都令人滿意，一般嘅刺身同埋壽司都係5分鐘內就上菜，而最耐嘅鍋物，例如雪花牛肉鍋等等都唔超過10分鐘就已經可以食到，所以，你絕對唔使驚會唔夠時間，一定可以食到飽一飽先至離場。第三，飲品都相當重要，除咗一般嘅韓國汽水，果汁味汽水外，依度有幾款啤酒我覺得都相當有誠意，包括有Somersby同Hoegarden。如果鍾意飲清酒嘅朋友，一定會更加開心，因為嗰度有唔同款式嘅清酒，梅酒俾大家無限添飲，質素都相當唔

好耐冇食放題，上網睇過食評呢間食物質素不錯又多選擇，於是今次帶個尼香港旅遊既朋友食下香港既日式方題🙂首先頭一兩次都係點刺生，甜蝦赤蝦池魚都唔錯幾新鮮，唯獨帶子大粒得驚人😱食落都有咸鮮帶甜，可以再叫呀！見到有海膽手卷當然要每人兩個先啦🤣海膽同飯既比例係二比一，可以一啖食哂。幾有海膽甜，紫菜好夠脆👍🏻👍🏻然後當然係壽司啦🙂火炙三文魚係必點，幾重油脂香👍🏻火炙芝士蟹棒壽司既芝士厚得驚人🙊蟹棒分量都唔細，同壽司店有得揮。仲有出面比較少有既和牛壽司，不過就普普通通。炸物方面有係放題好耐冇見既一口芝士，同好少見既車輪捲。炸得外脆內軟，芝士味好濃😋😋😋天富羅既炸粉唔算好厚，炸蝦都幾大隻。飲品選擇算多，酒精飲品除左有白啤仲有冷熱清酒同梅酒。清酒好易入口，不錯。每人跟一杯雪糕，有以上牌子選擇。食到呢到大概都回本喇🧐整體上食物質素都不錯，種類好多。食物上枱速度幾快，冇漏單。人手都好足夠，總有一個店員係附近。不錯呢😋😋

.🔻御滿屋日本料理小編已經好耐無食放題😆旺角咁多選擇下試左呢間👍🏻.首先食物種類好多😳自助區有大量飲品啤酒、甜品糕點、雪糕雪條、熟食生果，清酒仲可以任飲😀.刺身方面發揮正常 唔會有腥味👌🏻壽司類味道不錯 壽司飯唔會太大舊撐飽個胃😂個人喜歡雪花牛肉鍋、火炙壽司、燒比目魚😌食到最後更會送上一杯Haagen-Dazs或者Movenpick雪糕😋😋.值得讚嘅係上菜速度好快 店員亦會主動收拾碗碟👍🏻呢個價錢食放題 性價比都幾高🤓

本人和另一半都十分喜歡食放題貪佢夠哂多選擇 鐘意叫幾多件就幾多件御滿屋鄰近旺角站 行完街去食返餐十分方便🍽刺身新鮮無雪味總共有16款選擇大推帶子刺身食落鮮甜 超大粒厚肉🍽好少放題會有蒲燒鰻魚呢度嘅鰻魚十分肥美 充滿油脂 有少少入口即溶的感覺🍽燒紐西蘭羊鞍很大件 絕對沒有將貨就價食落有肉汁 肉味濃 🍽鹽燒牛舌牛舌燒得剛好外皮少少脆加埋少少鹽調味岩岩好🍽天婦羅即叫即炸上枱熱辣辣 外層炸粉唔會太厚🍽滋味一口芝士和芝士竹輪卷兩款炸物都十分邪惡超推介一口芝士外皮超薄酥脆 內𥚃充滿住流心芝士芝士控必點🍽其他食物🍽最後每人可點一杯雪糕大品牌 質素有保證放題選擇多 味道頗佳價錢合理鐘意食放題的朋友可以一試

喺香港既日式放題店真係百花齊放，有走高檔路線既，主打高級食材，當然價錢比較貴；另外亦有很多主打平民路線，價錢比較相宜，不過"中伏"既指數亦都相對上較高。呢間御滿屋放題算係我食過既放題店top3 之一，漏單數目唔高，食物質素亦高。今次撞岩星期五，夜市放題價錢係💲2️⃣4️⃣8️⃣，如果一至四，七點半前離坐，價錢仲低至💲1️⃣8️⃣5️⃣👍餐廳環境尚算闊落，menu 有成十幾張，分辨唔同食物類別，我個人食放題會主打食刺身，因為刺身一食就可以辨別食物質素，絕對無得呃。呢間御滿屋既日式料理類別真係做得好好，如果鐘意食日式料理既一定要黎試下。*食物太多，只可post 精選部份天婦羅刺身拼盤壽司燒羊架第二round 壽司鹽燒銀鱈魚牛柳粒

御滿屋 佢嘅賣點係有清酒任飲同埋佢嘅飲品款式得非常之多大人小朋友都好適合 鍾意飲酒嘅朋友就更加唔可以錯過放題最緊要就係佢啲刺身啦佢刺身一款式都有十幾款 我覺得佢哋啲刺身都非常之厚身唔似出面個啲勁薄 我就最鍾意佢哋嘅甜蝦同埋三文魚腩 至於壽司就更加多啦仲有鵝肝帶子壽司手卷方便點少得海膽手卷仲係可以任叫嘅添雖然軍艦嘅款式唔係好多但係都有我最鍾意嘅芥末八爪魚至於天婦羅方便佢哋都有好多款有虎蝦炸南瓜炸番薯等等炸物亦都有我最鍾意嘅榴槤炸波波當然唔少得炸雞翼啦同埋佢哋嘅蜜糖雞翼都非常之出色我一口氣就食咗四隻仲有不得不提嘅羊架 一啲蘇味都冇最後佢哋勁底仲有Häagen-Dazs或者movenpick嘅雪糕添我覺得$249來講有啲咁嘅質素我覺得非常之抵

近排生活非常忙碌，坐低食飯的時間少之又少。為了轉換煩躁的心情，朋友提議食得豐富啲，諗左一陣就決定食放題～——————————🔸刺身/壽司每次食放題一定會叫三文魚刺身，而這間刺身大部分很新鮮和厚切，但不夠肥美，質素一般般；壽司🍣小小一嚿，一啖就食晒，所以食多幾嚿都唔會太飽～🔹燒物/串燒/炸物朋友最鍾意食芝麻雞翼，不過略嫌醃得不夠入味，只有表皮香脆；芝士焗蠔未食已經聞到好香芝士，雖然蠔的份量不多，但燒得熱辣辣，好邪惡；貓山王榴槤炸彈，聽個名就好吸引，食落果然冇得輸👍🏼超濃郁榴槤蓉😋🔸熟食/料理炒粟米係小編其中一款放題至愛，香甜的粟米配淡淡牛油香，非常滿足；牛肉熱烏冬很彈牙，熱辣辣，份量剛好夠一人食，不錯😋🔹甜品/雪糕店內有幾個大雪櫃擺放不少杯裝甜品/小蛋糕，整體普普通通～但最愛是Fruttato Gelato榴連味雪糕，好香榴連味，榴連愛好者必點！

旺角呢間御滿屋，我由佢開張幫襯到而家，一直以嚟質素穩定，而且價錢口理，我當日星期四夜晚去食，只係$238一位。刺身有成16款選擇，當中池魚王、油甘魚同帶子就最好食，池魚魚味濃郁，油甘魚充滿油香，帶子夠肥美。壽司亦有多款選擇，多款火炙壽司做得出色，火炙和牛壽司好香口，火炙香蔥三文魚腩逼哂啲油出嚟🤤。 海膽手卷嘅海膽份量比起其他放題嚟講算多，而且味道唔會腥臭，幾高質。熟食方面都唔輸蝕，西京比目魚雖然本質上無銀鱈魚咁嫩滑，但調味同烹調時間都掌握得好好，鍾意食西京燒嘅話，記得試試。天婦羅同炸物都唔會厚粉或炸得太油膩，各方面都恰到好處。飲品除咗包裝飲品，亦有特飲可選。甜品有我好鍾意食嘅haggen-dazs焦糖脆餅雪糕🥰。點單亦有甜品，我試咗個椰冰楊枝甘露，menu上寫係椰子雪糕，嚟到時變咗朱古力味，好有暗黑料理feel。P.S. 當日漏單情況都有啲頻繁，所以如果你等咗一輪都等唔到啲嘢食嚟，建議你果斷再落單。需加一服務費，埋單2人約$520。如果你鍾意睇我嘅食評，不妨關注我，支持吓我，謝謝你☺️💕

定位大眾化無間斷供應同追加邊點邊食不同款式，以半自助式場內自取運作加剔紙仔可按食客既要求分量安排既珍惜又不浪費同兩三個朋友相聚就能一次過滿足三心兩意為食的你而設多個需求 !味道正宗睇準香港人的雨美食包羅萬有雖然限時質素卻相當不賴主食搶手刺身有當不賴主食搶手刺身有16款目測賣相油潤魚鮮，肥美色澤穩定刺身拼盤質素即席即做相當一絕厚切入口軟綿通透顯色非常突出，再利用冰塊穩定有助提昇當中食物美味( 帶子/三文魚/大赤蝦/北海道角螺/泰式生蝦/池魚王/油甘魚/北寄貝 )( 芝麻雞翼/炸芝心香芋丸 )( 鹽燒牛舌 )( 避風塘炒魷魚鬚 )( 和風汁牛柳粒 )( 蒲燒鰻魚 )( 燒紐西蘭羊鞍 )( 火炙香蔥三文魚腩/火炙和牛壽司 )order 完一輪後，熱辣辣香脆撲鼻大路串燒/炸物薄身炸漿餡料飽滿惹味滿口juicy乾脆微呈燒焦可保肉汁鎖住，簡單的兩小時放鬆一下令我盡情飽腹痛快 ( movenpick 士多啤梨雪糕 )

今晚想吃放題，就選了這間位於旺角港鐵出口樓上的「御滿屋」，每人$228不收加一。自助區有十分多款式：食物有自助沙律、熱食、老火湯等等；飲品有清酒梅酒、熱泡茶、各類啤酒汽水飲品。急不及待取些試試，質素不錯。看看點單紙，當然先來刺身先，點了池魚王、油甘魚、𩶘魚、大赤蝦、帶子、甜蝦、北海道角螺、北寄貝、泰式生蝦，刺身質素都不錯，最突出是大赤蝦，又大隻又新鮮，鮮甜味美。壽司：點了赤貝壽司、柚子油甘魚腩壽司、鵝肝伴帶子、海質素水準正常。火炙壽司：岩鹽火炙和牛壽司、火炙蒲燒鰻魚壽司、火炙香蔥左口魚邊壽司、本人較喜歡火炙壽司，最喜歡左口魚邊和蒲燒鰻魚，左口油份豐富，海鰻汁豐富吸引。軍艦：芥辣八爪魚軍艦特飲：紫貝天葵白桃梳打、清涼蜜柑燒物：燒物也十分出色，推薦燒紐西蘭香草羊鞍、蒲燒鰻魚 鹽燒牛舌、燒有機鮮菠蘿、西京比目魚都很有水準。串燒：鹽燒牛舌有點韌；雞軟骨比較硬。一品料理：香辣咖哩炒蟹、日式牛油炒蜆、御品鮑汁燴花膠、瑤柱西蘭花。鰻魚和鱈魚都很讚！甜品有雪糕、新鮮生果和葡撻。

近排心情不佳，最好將悶納轉化為食量，所以走左去食放題。三文魚夠厚又新鮮; 帶子有少少彈牙口感，係我至我。較特別是泰式生蝦，唔係每處放題都有供應...不過呢...可能太忙，爭緊d泰式醬汁。我鐘意食三文魚又鐘意食蟹子，櫻花卷可一次過食齊，所以我每次必點。大大碗蟹子放嚮門口的食物枱面任攞，我都係係第一次見，嚮超市買，呢個份量要$25-$50不等，都幾揼本。鹽燒海蝦燒得幾好，表面稍乾，但肉質不受影響，仍能保持彈性。現場仍有大量食物供應，燒羊架、燒牛舌、煮花蜆、咖哩蟹...多到數唔晒，今餐食得好滿足，正!還有少量時令飯後果，能夠消消暑。飲品的種類何其多，三款特飲中的其中兩款!走之前食番幾粒黃色包裝的榴槤味雪米糍，味道係好香濃的。

放題在香港來說是好基本的,在任何一個角落都可以找到一家,剛好最近有幾個朋友都來了旺角,推展了這家,我想說聽他們,來食一下吧.訂好位置,今天就帶兩個朋友一齊來食一下,原來是在樓下,有幾個姐姐在派傳單,吸引了不少人上來,我訂了10點鐘,但我9點多已經到了,跟服務員說,他非常非常的忙,但都好溫柔的跟我說要等一下,以後給了我一張卡,他說等一下叫了卡上號碼在來,現在裡面還沒清好,等了大概半小時,一個一個叫進去,終於可以食了.服務員帶我進去的時間已經看見有好多煮食,飲料在這裡拿,好整齊.到了位置上立刻點餐,首先點了刺身,壽司,款式真的有好多好多,刺身有:三文魚,油甘魚,大赤蝦,甜蝦,玉子,八爪魚,帶子,希靈魚,北寄貝,池魚王等等十多款,另外還有壽司,手卷,軍艦等等,幾個紙都寫不完,真的太誇張了吧.還有煮食方面,燒鰻魚可以直接叫,不用配飯,可以食好多好多,有咖哩炒蟹,咖哩夠辣,蟹肉夠實,又鮮甜,又新鮮,另外有炒雜菜,燒菠蘿等等,多到沒辦法全部都食,真的太爽呀!!最後最後還有甜品,每個人只有一杯,選擇沒有其他食物這麼多,但幾款都是名貴的款式,今天它們的期間限定是奇異果配哈蜜瓜,果然是真材實料,食完之後