御滿屋日本料理

营业中

休息中

26/11/2019嗰日個同事話想食放題，仲話係要有鰻魚嘅放題，咁又係OpenRice搵左好耐，終於搵到間質素比較好然後有得任食鰻魚嘅放題餐廳。咁嗰日我哋7:00去到，因為我哋book咗位嘅關係就唔使等，咁我哋三個人佢就安排左我哋坐一個算係三個人嘅位因為第四個位係縮左入去嘅，咁坐低左當然二話不說即刻就整返幾個刺身先啦，然後就叫下羊架、壽司、鐵板料理、天婦羅同埋另一個主角——鰻魚啦！我哋等左一陣，啲嘢食都想得好快仲要都好齊，啲刺身都算比較新鮮嘅，然後啲鰻魚我都覺得同平時嘅味道差唔多冇乜分別，咁係不停食食食食食之後，最後佢就送咗一杯Movenpick or Haagen Dazs or Dreyer嘅雪糕俾我哋食，不過如果佢連雪糕都任食咁就真係冇得彈啦。