御滿屋日本料理

营业中

休息中

好耐冇同幾位好朋友敘舊，有朋友提議食放題，推薦呢間位於旺角的「御滿屋」，每人二百幾蚊就可以品嚐任點任食的日式放題，朋友大夥兒聚會用餐最佳之選一入門口已經有個自助前菜沙律吧同朱古力噴泉，供應多款日式漬物及前菜點菜紙分門別類，種類豐富，創作壽司卷物、軍艦、一品料理、炸物、鐵板燒等等日式食物超多選擇，總有一款啱你食蟹籽軍艦、芝士蟹棒壽司 芝士蟹棒好大條，有蟹肉鮮味～蟹籽軍艦好新鮮，紫菜夠脆，好食！由於同行只有一位朋友食刺身，所以我地只係點左每款幾片的油甘魚、甜蝦、吞拿魚同三文魚，有魚鮮味，好新鮮燒蝦 時間控制得剛好所以燒得好靚，蝦肉鮮甜爽彈鮑汁花膠 估唔到食日式放題都有鮑汁花膠！花膠吸哂鮑汁精華，充滿骨膠原的感覺，回本必食燒比目魚 比目魚色澤端好，魚肉嫩滑鮮甜鐵板牛柳粒 牛柳粒加入左三色椒同洋蔥炒香，入口軟腍，肉味濃郁，正！炸物方面叫左一大盤炸獅子狗、魷魚圈、芝麻雞翼同榴槤炸彈等等，金黃香脆，好香口，好好食呀食放題竟然有自助咖啡機，飲品有多款選擇。而最特別之處就係可以選擇不同圖案，或者即場拍照，然後透過打印機把圖案或照片打印在咖啡表面上，非常有特色！由於最後太飽冇食到甜品，所以只係製作左一杯

放題食極都唔厭，總有一兩個朋友鐘意食放題，又約埋一齊去食。個朋友係荔枝角返工就佢去旺角食近啲就揀左呢間御滿屋試一試。好多放題都有自助bar專區可以拎前菜，有飲品，有酒類都好多選擇。刺身款色多，大部分都好鮮味，大隻甜蝦甜味，帆立貝好鮮味。壽司都係叫左幾款海膽手卷而且仲係加拿大海膽鮮甜無腥味、左右魚、吞拿魚蓉、鰻魚、燒牛，軟殼蟹卷等都有水準。薄燒牛肉味夠冧好食，榴槤球係必食香濃榴槤味，雞軟骨串，芝麻雞翼，整體炸物都好好食。仲有得點Movipick 同Haagen-Dazs都唔錯出面仲有甜品區有雪條、糯米糍、芝士蛋糕等。整體評價抵食，平靚正

今日又嚟到旺角嘅御滿屋食放題最鍾意呢度食物種類多，價錢又經濟合理，2百幾蚊好扺食 除咗用餐紙點之外，呢度仲有好大個自助放題區，有好多冷盤啦，又有小朋友好鍾意嘅朱古力噴泉 另外都有熟食選擇，例如有好可愛嘅炸公仔丸同埋葡撻甜品區都係自助既有蛋糕，mousse，水果等等飲品有幾個凍大櫃，仲有熱飲櫃清酒都任飲架新鮮肥美既刺身美國薄燒牛肉，肉質較腍蝦天婦羅&番薯天婦羅天婦羅炸得鬆脆又冇油黃金燒帆立貝大大隻肉嫩帆立貝避風塘炒雞軟骨好香好惹味，推介！！！芝麻雞翼雞翼外脆內軟，熱辣辣好好味！！西京燒比目魚魚肉嫩滑冇乜骨鐵板鵝肝cutecute的鵝肝，外脆內軟一人一杯雪糕，有Dreyer's，Haagen Dazs，Movenpick揀最愛haagen dazs

行出旺角基本上周街都係日式放題，但係要搵一間又平質素又高嘅放題就唔係咁容易喇。而御滿屋屋算得上係我食過咁多間放題其中一間CP值最高嘅，價錢公道而且食物質素非常高。一嚟到緊係點刺身先啦，依度所有刺身都好新鮮，特別係三文魚，超肥美。甜蝦都好鮮甜，另外帶子都好好好食，唔會有雪味。食放題就當然唔少得壽司同埋天婦羅啦，呢度嘅火炙左口魚燒得好好食，魚油嘅香味非常出。海膽手卷都好正，細細件，食幾件都唔會好飽。仲有我最鍾意既日式牛肉鍋，湯底超甜😍😍😍炸物都好多選擇，點左炸雞翼同埋炸蠔，外脆內軟，忍唔住追加左幾件🤤🤤🤤依個燒鵝肝係必食！超香！依度實在太多野食喇，未試哂就飽哂，下次要再黎先得！

好閨蜜生日梗係要食好啲！好耐都冇食放題，幾位好朋友一致決定去旺角呢間人氣極高的「御滿屋日本料理」慶祝一番兩大疊點菜紙，壽司、刺身、鐵板燒、天婦羅、串燒、熱食、甜品等等樣樣齊，還有包羅萬有的冷熱飲品任飲，亦有自助DIY咖啡機，仲有無限供應的甜品櫃先點左一個刺身小拼盤，有三文魚、甜蝦、吞拿魚、油甘魚等等，每片魚生刺身大小適中，鮮甜味美。甜蝦肉好棉滑，整體質素不錯呢！壽司卷物方面，推薦呢個芝士炸蝦卷。外層芝香四溢，內裡的金黃炸蝦好香脆又彈牙，壽司飯量不多，唔會塞飽個肚炸物有好多種類，我地點左芝麻雞翼同炸榴槤球。雞翼都幾厚肉，好香口，好好味呢！榴槤球裡滿載香甜的榴槤肉，好正啊！天婦羅只係點左炸蝦同蟹柳，大大件，時間同油溫控制得好，所以炸得香脆唔油膩，好美味最後甜品仲有葡撻、爆谷、水果、精美糕點及甜點等等，花多眼亂，勁多選擇！值得推薦嘅係葡撻，放喺熱爐保存，個個都熱辣辣，撻皮極酥脆，中間蛋漿甜度適中，頗嫩滑，正啊！另外燕窩燉蛋同牛奶布甸都好好食呢～夠嫩滑，女生們滋潤養顏必吃

今晚想食魚生刺身，梗係去食放題啦！貪佢咩都有，可以喪食魚生，聽同事介紹旺角嘅御滿屋，所以今晚就去食啦！熟食區已經好多野食，好豐富呀！魚生刺身都好新鮮好靚，甜蝦係連埋頭㗎，蝦膏超鮮甜，正呀！竟然有鵝肝食，唔錯唔錯!至愛雞腎，好爽脆呀！牛肉，好生，啱晒我嘅朋友！😎串燒，放題必食，都係好高質，讚！👍仲有其他熟食系列，全部都好好食，真係冇介紹錯！吞拿魚蓉+海膽壽司，一啖一粒，食多多都唔怕呀！食放題最怕就係新開張時啲食材高質，但後來就越做越差，但御滿屋開業都唔短日子，竟然仲keep到咁高質素，真係好抵讚！good！👍

好耐冇出過街食因為肺炎嘅關係☹️今日終於放監🤩🥳見到旺角一間放題😛的宣傳單張見價錢唔係好貴就入咗去試 二百幾蚊 食二個鐘幾抵食😍😍😍一入門口好多冷盤，又有朱古力噴泉，跟住仲有好少見嘅梅酒任飲，飲品都好多款，好多含酒精嘅飲品添，例如蘋果酒，男朋友超開心見到😂😂😂刺身都幾新鮮幾大份，上菜都好快，我哋食咗好多轉😛😛😛呢度竟然有天婦羅秋葵🤩🤩🤩好特別😍食物種類都幾多，熟食同刺身都多😋仲有個燕窩燉蛋添😚😚😚最後送多個movenpick / dreyer 🍦

放工約左個好耐冇見嘅朋友，諗住大家都好耐冇食放題，就揀左間放題等自己都放縱一下！刺身夠新鮮，每件都係厚切，啖啖肉，令人食完想再食！壽司幾靚仔，最推介吞拿魚海膽壽司，海膽係甜嘅而吞拿魚好香，兩樣刺身夾埋一齊食好正！另外芝士炙燒蟹棒係我第二最愛，芝士溶溶地，蟹棒大大條，咬入口係成個口都full左，好滿足！芝麻雞翼夠香脆，不過熱氣野淺嘗就算啦！後面嘅海膽手卷係必食！海膽好甜！花膠炆得好冧，好入味，食完再食補下！碗仔翅一d都唔馬虎，入面有竹笙，個味又岩食，差在佢冇提供紅醋！炒蜆非常之辣，真係食得辣先好叫！我食左兩粒頂唔順咁辣！燒物天婦羅嘅秋葵好正！仲有個炸魚都唔錯！估唔到放題都有鵝肝多士食，個鵝肝同多士都整得岩岩好，脆卜卜！蒲燒鰻魚

對於經常食放題嘅我嚟講， 通常都會留意細節， 例如有啲乜嘢特別嘢食或者新出嘅嘢飲咁啦 今次畀我見到有 濃可可， 係我喺台灣都冇見過嘅朱古力飲品， 但係我同朋友會人飲咗兩罐， 因為真係好濃嘅朱古力味比起屋形嗰啲牛奶更好飲。 咁當然重點都係嘢食啦今次我哋叫咗兩轉刺身， 我最鍾意食帶子刺身同三文魚刺身， 赤貝刺身同甜蝦刺身佢都有嘅， 我覺得刺身整體都新鮮，三文魚夠肥美。 壽司方面係比較迷你嗰款， 所以唔使驚食兩嚿飽曬食唔到其他， 我覺得鰻魚同軟殼蟹壽司可以食一食。 天婦羅方面比較鍾意南瓜同蕃薯， 鐵板熟食燒羊架就要啲牙力喇。甜品方面每人會有一杯雪糕可以揀， 不過出面熱食嘅自助位置就唔太多選擇

上星期同男朋友食過放題，有小小意猶未盡，於是今個星期再食過！今次揀左旺角既御滿屋。一去到先拎野飲，有啤酒，幾正！仲可以任飲第一round梗係叫左刺身先啦，最鐘意食呢度既甜蝦，佢係連埋個蝦頭，有時會食到啲好清甜既蝦頭膏。另外油甘魚同章紅魚都好味呢度既壽司都唔錯，以下既幾款係我地有encore既。特別鐘意食個個和牛壽司，同埋吞拿魚蓉海膽壽司。創作卷物都唔錯，不過掛住食就無見到，任食花之戀感覺唔錯喔。之後我地又叫左好多熟食，其實食完壽司之後都已經覺得好飽。羊架不錯，算係放題黎講中上以上既水平。牛脷燒都唔錯，幾有油脂味。佢既熟食都有好多種類，基本上都無辦法每款都試。之後想再叫天婦羅，都因為飽得濟無叫到了。再出去行個圈，見到有朱古力噴泉，仲有部好特別既咖啡拉花機，佢可以噴隻吉祥物係上面，幾得意。最後再食埋甜品，有幾款貴價雪糕揀，我揀左haagendazs，男朋友揀左movenpick，兩款都好味。

今晚同男朋友兩個人去咗食放題呢間放題男朋友之前都有嚟過佢話印象好好入嚟裝修都幾光猛有啲自助區可以比大家拎嘢食😛螺肉中華沙律大蝦沙律菜等等都有首先先講下我自己最滿意嘅飲品區佢嘅左手邊會有清酒 一個熱嘅嘢飲櫃 😙然後就有兩大個雪櫃都係放各種嘅罐裝嘢飲仲有好多唔同類型嘅啤酒 👍👍👍👍❤️之後仲有一大個甜品櫃入邊有十幾20種小蛋糕 連豆腐花都有得拎仲有梗係唔少得生果至於我哋落紙點嘅嘢食都有兩大本簿厚首先第一輪就要左少少刺身試吓梗係要左我最鍾意嘅三文魚同吞拿魚肉質鮮美油脂豐富 而且極度新鮮嘅刺身真係好吸引💕👍而且舊舊都係厚切之後就要左幾款精緻優美嘅壽司芝士鰻魚壽司係我最心儀嘅鰻魚嘅份量大嚿上面加埋芝士即溶嘅口感好正而且仲有吞拿魚茸加海膽壽司仔💕👍燒物方面燒牛舌同埋燒羊髀燒菠蘿都好食好高質燒得Juice得來又夠香口我自己仲好鍾意食天婦羅添啊有天婦羅炸蝦🥺男朋友話見隔離枱嗰個牛肉烏冬好似幾正咁我哋要左一碗烏冬彈牙個湯底幾清甜到最後每人會有一杯movenpick !!呢餐放題價錢黎講公道👍

蕃薯妹又發現超抵食高質放題！旺角嘅日式放題餐廳多不勝數，不過真係唔係間間都好食。今次經過呢度有姐姐派傳單，見$190一位咁抵食，誤打誤撞試吓，估唔到有驚喜！一入門口會經過熟食區，除咗Order紙上面嘅食品，仲可以出嚟夾嘢食，有日式前菜、沙律、海鮮凍盤、熱食、湯、炸物。Order紙好多張，有刺身、壽司、天婦羅、燒物、鍋物...不能盡錄！真係好多款式！每樣嘢食都有相片，唔使估估吓係乜嘢嚟。食物質素方面真係好有驚喜！壽司非常高質！雖然食咁多壽司飯好快就會飽，但係太好味，忍唔住叫咗好多Round壽司😂刺身都好新鮮！其他嘅嘢食都好正！例如串燒蝦、鵝肝多士、牛肉火鍋、炆花膠...等等，全部都好好味😋呢度仲有酒類供應，而且係任飲，我地不停飲熱清酒🍶好正！甜品櫃亦絕不遜色，種類非常多，而且每個食客都可以order一客Häagen-Dazs或者movenpick雪糕🍦😋呢個價錢加質素，以後呢度又成為蕃薯妹嘅放題首選

慶祝朋友生日，🤪放肆咁大食一餐朋友介紹嘅呢一間位於旺角彌敦道既御滿屋日本料理，果然驚喜重重自助拎嘅前菜日式牛肉他他燒，呢個簡直係色香味俱全刺身都係點左一啲平時鍾意食嘅刺身帶子刺身同埋馬刀貝都好鮮甜紅玫瑰，海膽伴吞拿魚茸，鵝肝伴帆立貝外表太吸引最驚喜嘅係呢度嘅鐵板燒鐵板牛油香蒜凡立貝牛油香蒜勁多入口非常滋味壽司刺身款式都算多，最緊要係細細件可以食多幾件唔同嘅味道，啱晒眼闊肚窄既女仔們OMG 放題餐廳居然有鐵板鵝肝鰻魚都好正😗感覺默默地食兩三件鐵板鵝肝都值回票價了炸榴槤波波一定要食

朋友每月一聚差不多每一次都是選擇日式放題， 價錢經濟又可以食到好多不同種類的食物， 地點大多選擇旺角區，方便大家搭車， 今個月揀了御滿屋日本料理， 其實大約今年三月份已經食過一次， 覺得質素唔錯所以又再光顧。我們入場時間大約晚上八點半左右， 雖然是平日但都全場滿座。 以放題比較的餐廳這裏的座位算很寬闊坐得舒適，一坐低當然是點食物啦，我們點了刺身，壽司🍣，海膽手捲，燒蝦，天婦羅🍤，羊架，蟹粥，串燒， 牛肉鍋， 葡撻， 燕窩蘆薈燉蛋，這裏的種類非常多，食物的質素也有水準，除了有自助式飲品之外，餐廳還提供特飲可以選擇，雪糕還有movenpick和haagen Dazs。個人感覺好多間日本放題的名字都好像差不多，有陣時食過都唔記得。 會再光顧的原因都是因為食物質素好， 服務態度好，還沒有漏單的情況，我們一行四人都食得很開心。☺️

快上及食物質素不錯平時同男朋友也會幫襯呢棟樓既餐廳，今次係第一次幫襯御滿屋呢間放題餐廳，感覺吾錯，相信會再次黎。早進場人流不算多，可坐卡位，坐位都寬敞。餐廳有自助區提供小食，飲品及甜品，有清酒飲，食物都很吸引，包括有刺身、壽司、炸物、串燒等等。刺身我最鐘意大赤蝦及帶子， 大赤蝦大隻爽口， 帶子大大粒，鮮甜又厚身，這兩款都叫了幾轉。其餘的刺身也點左d，整體剌身新鮮鮮甜，夠凍。食肉獸既我又點會放過燒羊架，必吃食品，啖啖油脂，調味剛好，好食。蒲燒鰻魚都好食。燒牛舌，香口，調味淡了一點，加番多少少黑椒或海鹽會更好。以為銀雪魚但其實係香煎比目雪魚，但肉質相似，因為煎，吃落香口。牛肉鍋質素同普通日本居酒屋有得揮，唔好以為放題就好普通，d牛肉都有返咁上下，加小小粉絲底。每人有一杯雪糕， 可揀Movenpick或Haggen-Dazs等等，我揀左Haggen-Dazs的焦糖脆脆，感覺好幸福，滿足。抵食，地點方便，係港鐵附近，食物都多元化，主要是沒有漏單，上菜速度快，都吾錯。