御滿屋日本料理

营业中

休息中

今晚同朋友去咗旺角食放題，餐廳位置好近旺角港鐵站，而且佈置唔錯，環境寬敞。今次食嘅放題同之前係旺角食嘅其他放題唔同，嘢食種類多，而且味道唔錯，可以睇到餐廳係食物方面花了不少心思。今次放題有好多食物都令我回味無窮，包括清酒煮蜆、芝士扇貝、串燒小食🍢、燒牛柳粒、燒菠蘿🍍、燒雞皮、燒雞軟骨、壽司🍣、刺身、玉子、八爪魚、三文魚、甜蝦、吞拿魚、希靈魚等，每樣嘢都好新鮮惹味。串燒入面，我最鐘意燒牛舌🐂，所以我同朋友都特別叫多咗幾碟。至於海鮮方面，清酒煮蜆味道調校一流，酒嘅味道同蜆嘅鮮甜味道配搭得宜。壽司方面，飯量唔會太多，但面頭魚生、牛肉等都好足料，可以一啖食哂又唔會太飽。另外，唔可以唔提就係餐廳嘅甜品🥧🍰。餐廳甜品櫃好多選擇，有芒果布甸、木糠布甸等🍮，仲可以額外點餐時叫榴槤炸彈、炸忌廉蟹肉棒等惹味小食，而且雪糕仲要係Movenpick雪糕🍨，確實令人再三回味。下次一定會再同朋友嚟呢間上菜快、價錢抵、就腳嘅旺角放題！！😋

原本打算同太太食燒肉放題， 但冇位之下唯有食依間滿屋， 我哋兩個人先入去walkin 立即安排入座， 個場都算好大， 不過唯一美中不足就係坐位好細， 張枱擺唔到乜嘢， 不過都預咗， 食物方面清酒煮蜆唔錯， 刺身正常， 串燒牛舌幾好味， 酥炸生蠔佢比起其他分店好食好多， 雞軟骨叫咗好多次， 壽司方面推介海膽吞拿魚蓉壽司， 刺身嗰啲油甘魚好味， 其它屬於正常 ，都有機會再嚟幫襯， 兩個人埋單四百五十六蚊， 以星期日午餐嘅價格嚟講都算正常 ， 食到三個鐘

可能星期五太多人，安排個位太後面，唔知前面有更多野食😂，等到埋單完之後，行出門口個陣時，先發現有前面有好多野食，真係覺得太可惜了😂，希望下次唔好講我個位排咁後我

今晚來到旺角，想食放題，因為旺角太多嘢食，所以揀晚餐都要慢慢選擇，最後揀了食日式放題御滿屋。放題$248/位，有加一服務。門口的自助吧，有自制沙律、豬耳、青口、蜆、炸魚皮、薯條……，甜品及飲品…等，見到已令人興奮。先巡一圈自助吧，取一些喜愛食的青口、豬耳……等，用蟹子及沙律菜自製一個喜愛的蟹子沙律，放題在開心的自助之下開始啦。一現在的餐廳都比較先進，除自助吧外，還有用手機qrcode落單，方便快捷。刺身、壽司、燒物、串燒、炸物、天婦羅……等，非常多的款式， 選擇都令人非常開心。燒紐西蘭香草羊鞍燒紐西蘭香草羊鞍，醃得非常入味， 食得出有黑椒及香草的調味，燒得剛好熟，軟嫩又多汁，非常香味！鹽燒海蝦不是很大隻，燒得很香口，點上燒汁，很鮮美。鹽燒青花魚也是不是很大件，但沒關系，因為可以任叫任食，青花魚很香口，魚味特別的濃！蒲燒鰻魚很香甜。貓山王榴槤炸彈真是必食，裏面流心的榴槤，非常香榴槤味，榴槤 fans 必選。炸芝麻雞翼，炸得外皮帶點脆，且肉嫩多汁！還食了壽司、鹽燒牛舌、燒菠蘿……最后，當然少不了時令水果及甜品。日式放題款式多，選擇多，食得認真開心又滿足~~~

話說好耐無食過放題，應該有5-6年時間，朋友戚起條筋話想食。 本身都唔抱太大期望，當求其食下日本野啦。 用OpenRice book左7:30, 一出𨋢人山人海。不過book左都好快入得。 平日248一位加一。坐位放左呢啲，位置窄窄地，個場坐到好多人。首先叫左少少刺身，好新鮮喎！我諗係因為多人，佢d野食都去得好快，所以食材都新鮮，個人推薦佢既赤蝦。 但坐係冰到，最好係碟攤一攤先。疫情要帶口罩出入拎野食，出面既野食種類都多，野飲好多款都包啤酒、和酒。 叫左少量壽司，因為唔想食飯🤣都ok wo, 不過不失。 熱食有驚喜，由其係牛舌，咬落好唔會un, 用黑椒燒完好香。 其他野食都唔錯不過不失。 叫左少少鍋物，非常推薦雪花肥牛煲！我地叫左兩煲，佢牛肉份量唔會少，本身都有白菜仔成個湯甜甜地，仲帶d好入味既粉絲。 我地見到佢有烏冬叫就叫多左一煲同一個烏冬，倒入去一齊食！ 完全係今餐既vip! 甜品方面我覺得佢地都唔錯，有放題必備無得輸既炸芋泥波波同榴連波波，估唔到有炸雙皮奶，外脆內軟，好味！而雪糕就係哈根大師。 呢個價錢有呢種高質雪糕都確係唔錯。 成餐都比想像中高分！值得一提，呢到既員工都好快手同

今日同朋友去食，全部魚生無樣好，鰻魚硬到成舊擦子膠咁，炸嘅食物先叫勉強合格。衛生問題好嚴重，望住對面枱走咗人，枱都唔清潔直接鋪新碗同筷子上去，見住啲魚子仲喺枱面都唔清潔，坐位好多食物殘渣。無諗過咁嘅價錢食啲咁嘅質素嘅嘢，唔會再有第二次

打風喺屋企冇咩好食，趁打完風放假梗係要去擦餐勁，放題就係不二之選！最後揀咗旺角呢間御滿屋日本料理。之前已經試過荃灣店質素唔錯，而旺角店喺正旺角地鐵站非常方便。紅日午市都只係$208食足三個鐘，性價比高。食物選擇方面都非常之豐富，有刺身、壽司、串燒、天婦羅、鐵板燒、一品料理同埋各式沙律、前菜同甜品。質素亦都唔錯絕對唔係交行貨。壽司款式特別，好似有鵝肝伴帶子、海膽吞拿魚茸、火炙和牛、黑松露赤魚、柚子油甘魚、海膽醬燒平貝等等。海膽吞拿魚茸壽司，海膽鮮甜，撈埋綿滑嘅吞拿魚茸，係唔錯嘅配搭。柚子油甘魚壽司，柚子胡椒醬清香辛辣，帶出油甘魚嘅魚油香。火灸蒜蓉和牛壽司，牛肉入口即融，油花四濺。刺身方面都算新鮮，亦有大目吞拿魚、大赤蝦、北海道帶子等貴價 貨，用冰鎮形式上枱，肉質鮮嫩。燒物方面有紐西蘭羊鞍、海蝦、鰻魚、扇貝、牛肉、菠蘿等。其中燒羊鞍值得推薦，羊架稔身，面層烤得香脆，裡面keep到juicy。另外海蝦亦都好鮮甜。炸物方面有虎蝦、蟹棒天婦羅、吉列蠔、炸相皮奶等等。吉列蠔做得出色，外層金黃香脆，蠔嫩滑鮮味。炸相皮奶亦都非常有特色，估唔到喺放題都有得食。食飽飽仲可以去甜品櫃拎d甜品杯醫飽埋另一個胃

食物keep住新鮮，尤其是魚生刺身可以不停叫都好快就嚟，但係就少咗花膠，之前八月九月都食過幾次，今次10月來好唔開心少咗好多嘢食，食完魚生已經唔知食乜好，好彩仲有啲梅酒補救下，本身諗住11月再嚟食，而家諗吓會唔會再嚟

Superior Manya❤️ All You Can Eat🍣🥢..最後吃過不少放題，呢晚就去位於旺角既日式放題店🥢。晚市放題同樣有多款食物選擇：刺身、壽司、炸物之外，仲有一般放題餐廳少有見既朱古力噴泉⛲️、爆谷機、棉花糖機，岩晒愛甜既朋友呢。晚市見到都好爆場啊，沒漏單 服務亦不差。刺身、壽司亦算肥美，當然不少得我愛既火炙Sushi🍣🥢。仲有叉燒Ramen & 和牛Udon🍜，而本人較愛吃Udon 煙煙韌韌 口感不錯。甜品方面，亦有一人一杯Häagen-Dazs🍨 可供選擇。以平價日式放題來說，不過不失，可以來跟朋友來滿足一下口慾呢。..×××××ש旺角彌敦道655號胡社生行1樓..

今日同老友去旺角買嘢，之後即興話不如食放題，就去咗雅蘭中心對面嗰間御滿屋撞下彩，因為冇訂位，所以我哋準時6pm就上去，好彩即刻有位行去座位嘅途中見到竟然有得食爆谷，直頭係我嘅至愛食落口仲夠甜夠脆身，一啲都唔失禮食放題最緊要係刺身同壽司，呢間都算食材新鮮及多選擇，值得一戰！特別欣賞佢個海膽手卷，海膽都幾鮮甜，有驚喜。竹笙翅個名好吸引，竹笙同翅既份量都好多，不過略嫌味道不夠濃郁。天婦羅新鮮滾熱辣炸起，炸漿非常鬆脆，海老質地爽彈，幾好食串燒海蝦亦都不錯燒菠蘿又甜又Juicy，亦係我嘅至愛之一甜品仲有Haagen dazs同movenpick雪糕，食一兩杯都回返晒本，認真抵食！

各位拿到消費券後怎樣使用？買新款的電話？用來乘搭交通工具？我是一位食家，為食那一種。當然及不及待拿來食啦。這家餐廳是一家日式放題餐廳。環境方面：坦白說，有點擠迫服務方面：不錯，上菜和收碟速度也很快食物方面：基本上大部分餐廳有的食物款式都有。食物也很新鮮。我特別欣賞這家餐廳的三文魚。淡淡肉，而且燒物也很出色。牛油粟米我更一人點了兩份。 飲品方面：在餐廳中央有數部雪櫃，各式各樣的都有，能照顧到不同人的口味。整體而言，這是性價比很高的餐廳！

今日講下 呢間旺角幾出名嘅放題見到OpenRice好多好評一上到去 都幾多人 （餐牌睇圖）入咗見到 飲品款式好多 而且有少少甜品蛋糕有四款雪米糍 門口仲有冷盤沙律小食幾款炸物 同三款海鮮同埋4款熱盤 當中 咖喱牛腩炆 有驚喜竟然炆得好遠霖 唔算重口味 但肉質值得一讚.坐到埋位 今次坐二人枱 幾乾淨 但非常之迫叫嘢食嗰時唔可以叫咁多刺身值得一讚 刺身種類幾多 冇漏單三文魚幾厚有頭甜蝦 大隻新鮮 厚肉熱食方面有幾種好評黃金燒扇貝 易回本鮑汁燴花膠 幾大塊膠質十足但黎得幾慢等咗半個鐘 可能好多人點整體價錢唔算貴 成日都有優惠.御滿屋日本料理 (旺角)旺角彌敦道655號胡社生行1樓

突然癮起點算？緊係要止啦，我講緊放題癮呀。今日就就約咗朋友黎到旺角嘅滿屋日本料理食放題。佢地店鋪空間闊落，坐得舒服，出入攞野食都方便，唔會人與人之間容易發生碰撞。上菜時間又快，最重要係唔會漏單。款式亦非常多!佢地落單方法係掃QR code，唔係剔紙仔，環保又快捷。刺身新鮮無重魚腥味，串燒即燒，味道唔錯，嫌稍偏鹹，有我至愛嘅牛舌，炸物亦係即炸，唔會炸完用工具保暖搞到淋曬。仲布唔係度度放題都會有嘅鰻魚添!呢到仲有一道我好鍾意嘅就係花膠，炆得夠淋夠入味，女士們養顏一流嫁。總括來講款式種類都算多呀!

Another round of gathering with friends, and we chose this Japanese restaurant with 120 minutes all-you-can-eat menu.  To be honest, the place was kinda crowded and everything was a bit rush, but I think it's acceptable since it's located at a very convenient location (right at one of the exits at Mongkok MTR).  The food was also alright - sushi, sashimi etc. was fresh and other cooked food was delicious.  Just don't expect this would be a place where you can sit and have long chit-chat with fri

所有魚生同燒物 都好難食 魚生就腥嘅 （尤其是係赤蝦）大部分野食係凍嘅 其他啲野一係好咸 一係好韌 （例如牛肉）一係啲肉梅嘅 （例如燒蝦）一係就有陣怪味 成餐飯最好食居然係雪糕 如果大家咁大個仔未試過食屎嘅話 歡迎試試 簡直癡線仲有張枱又好逼 好啦唔夠位放 隔離未有人就放隔離張枱先 啲工作人員即刻係咁逼你快啲食 係咁話一陣隔離枱就到 大佬我個胃都要消化架 自己個廚房又每件壽司用一隻碟 咁俾成圍枱你都唔夠放啦 又要係咁催埋單 碗碟又唔乾淨簡單總括而言 好難食