御滿屋日本料理

营业中

休息中

今日同老友去旺角買嘢，之後即興話不如食放題，就去咗雅蘭中心對面嗰間御滿屋撞下彩，因為冇訂位，所以我哋準時6pm就上去，好彩即刻有位行去座位嘅途中見到竟然有得食爆谷，直頭係我嘅至愛食落口仲夠甜夠脆身，一啲都唔失禮食放題最緊要係刺身同壽司，呢間都算食材新鮮及多選擇，值得一戰！特別欣賞佢個海膽手卷，海膽都幾鮮甜，有驚喜。竹笙翅個名好吸引，竹笙同翅既份量都好多，不過略嫌味道不夠濃郁。天婦羅新鮮滾熱辣炸起，炸漿非常鬆脆，海老質地爽彈，幾好食串燒海蝦亦都不錯燒菠蘿又甜又Juicy，亦係我嘅至愛之一甜品仲有Haagen dazs同movenpick雪糕，食一兩杯都回返晒本，認真抵食！