御千丼 (已結業)

去大埔探朋友喺樓下竟然發現一間日本食店， 店仔細細但貼出嚟嘅宣傳嘢非常吸引！ 一向都會支持小店，所以對腳就自動自覺咁行咗入舖！入到去見到好多日式嘅裝飾好有氣氛！牆上亦都掛咗好多唔同嘅食物相，頓時時食慾大增！menu有一張，係雙面嘅，一邊主要係show don，另一邊就係刺身同埋壽司……等等～店員奉上一杯熱茶，但其實佢會有一啲梳打汽水可以點，啱曬夏天！廚師推介都會有一啲特別嘅item ，其實都幾多選擇㗎！所有丼飯加18蚊，就會有呢一set前菜、湯同埋沙律！主角嚟啦！ 我點咗一個吞拿魚蓉海膽丼（HKD128）~ 首先佢嘅顏色非常豐富，影相好靚呀！啱曬鍾意打卡嘅我！ 魚吞拿魚蓉都非常大分量！絕對冇小氣！ 海膽更加係新鮮甜口！朋友點左個海膽蟹膏蟹肉丼（HKD128）~ 蟹膏真係好邪惡! 但朋友話蟹膏一啲都唔腥， 呢個quota絕對值得畀佢， 蟹肉方面，最怕食到蟹骨、 蟹殼碎片 ，但呢度完全冇呢個問題！ 而海膽一樣都係咁新鮮甜口， 分量仲要畀我嗰個多， 好羨慕呀！埋單嘅時候先知道原來佢冇收加一，呢個服務同埋食物質素，加一其實值得畀嘅！中途其實見到佢有做外賣，deliverXX會幫佢送， 住喺附近

2019年6月10日，才剛下班就碰上了東鐵的事故，好不容易才回到大埔。晚上8時了，經過了一間日式海鮮刺身丼專門店-御千丼，見其店面雅致，就決定與朋友在這用晚飯。店內佈置帶有日本風格，播著流行的日文歌，氣紛甚具和風。御千丼主打海鮮刺身丼，也有熟食便當。小食、壽司、刺身、汽水一應俱全。吃生吃熟，任君選擇。我挑了蒜香一口牛丼(加定食)來吃。沙律顏色鮮明，賣相吸引。沙律菜爽脆，車厘茄清甜，果子醋香醇。三者互相配合，造成一款清新醒神的前菜。味噌湯有豆腐、青蔥及昆布等材料，味道傳統。這款八抓魚前菜，有些蔬菜粒粒作配。八抓魚的柔軟，菜粒的清脆，豐富了這道菜的口感。味道方面，八抓魚味濃，蔬菜粒清香，使人吃得津津有味。燈光之下，前菜閃閃發亮，十分吸引。吃完前菜後，來了一客小吃 - 雞皮餃子。金黃色的雞皮相當香脆，內裡雞肉軟綿。除了口感使人深刻外，它濃濃的雞皮焦香也使人難忘。前菜過後，當然是主菜了。這個 蒜香一口牛丼的賣相就反映了廚子的心思。白飯上鋪了玉子，玉子上又鋪了牛肉粒，牛肉粒之上又放了少許青蔥點綴，白黃褐青，層層有序。我先試了一口熱騰騰的白飯，白飯軟硬合宜，帶有飯香。玉子清甜，與白飯相配，十分微妙

又黎到同best friend 每月一聚的大日子喇！今日就黎試吓呢間開左冇耐，長期棟左個「$300起免費送上門」既易拉架係我屋企附近嘅日式餐廳 — 御千丼！一入到黎即刻好有日本居酒屋feel🎏，好多好日式既佈置，仲不停 loop 住播日本歌添😆。雖然店舖小小，得12個位左右，但食物種類都幾多樣化，除左小店主打既魚生丼飯之外，仲有進口刺身、壽司、熟丼、便當、沙律同小食，同一般規模嘅日本餐廳無異。Menu上面任何丼飯加$18就可以轉成定食，而呢個定食包含咗以下三款食物：沙律沙律菜嘅種類好多，色澤豐富，食落都好新鮮。沙律醬係偏酸嘅醋汁，食起上嚟酸酸地幾開胃。啲菜又剪到細細片咁，好容易食，亦好易入口，幾細心👍🏻。味增湯唔鹹唔淡，正常味既味增湯，有隻蜆係入面，但有少少沙，勝在個湯係夠熱嘅。前菜—芥末八爪魚平時一般都好少特登叫八爪魚食，今日竟然自動送上門🤣，咁一於試吓佢。食落明顯食到有wasabi 味，但一啲都唔覺得攻鼻，比起酸酸地嘅醋，呢個前菜更加開胃🤓，我同朋友都幾鍾意☺️。我哋今日就試咗一生一熟嘅丼飯。特盛火炙丼 $98因為聽店員講呢個係新野黎，所以我呢個好鍾意試新野嘅人諗都唔諗就點左個新嘢😆

星期五下班與友人相約到大埔吃晚飯，正當和朋友苦惱吃什麼的時候，路過一間感覺非常正宗地道，但又不太起眼的日本料理餐廳，二人一個半秒的眼神交流，就決定入去一試！餐廳座位數量不多，但周遭掛滿日本風格的裝飾物及照片，氣氛相當濃厚。翻開餐牌，琳琅滿目的刺身丼映入眼簾！千挑萬選下，我揀選了春日丼（三文魚帆立貝丼）；友人則選擇了熟丼：溫泉蛋鰻魚丼。除此之外，我們還選擇了刺身拼盤（三文魚、赤身、三文魚腩、甜蝦，各兩片）。等了一會兒，熟丼和刺身丼陸續送上。溫泉蛋鰻魚丼（$98）：超長鰻魚外脆內軟，每粒米飯沾滿惹味的鰻魚醬汁，混合溫泉蛋的蛋漿和蛋白，多重滋味！春日丼（$78）：三文魚和帆立貝都非常新鮮，大大塊刺身配合珍珠日本米，非常滿足！最後的刺身拼盤（$118）當然沒有令我們失望，最愛赤身和甜蝦，好味之餘，絕無罪疚感！推介！

喺屋企附近發現呢間日本丼飯店，店舖唔大，但多左一份溫馨嘅感覺，主要以刺身丼飯為主，外加一d自家製小食咁，丼飯價錢實惠，50幾蚊起就有個刺身丼😳我同朋友各嗌左個春日丼同三文魚拼呑拿魚碎丼，春日丼係三文魚加帶子，加$18可以跟餐，有沙律，湯同前菜。麵豉湯入便仲有料的🤤春日丼有4塊三文魚同2件帶子，用料好足好大塊，刺身鮮甜，咁嘅分量對女仔黎講應該好飽，而三文魚拼呑拿魚碎丼朋友表示好好食，送飯一流，不過太多太大碗食唔晒😂講埋雞皮餃子，用雞皮取代餃子皮，更加香脆同多左份雞油香，咬落去會爆汁！整體黎講co值真心高。

鄰近大埔舊墟，美豐花園呢條小街有幾間唔錯嘅小店，試過幾間水準都不錯，幾間都值得推介！今次試咗呢間☺️小小店面，但食物選擇都不少，店面就真係好細間，得十個八個位，但滿3百可以送外賣，十分方便街坊，下次可以一試。叫咗一個$88嘅壽司set，加十幾蚊可以變定食，會有小食，沙律仲有味噌湯，不過本身飽飽地，所以冇加，另叫角切玉子鰻魚定食，小食就叫咗一份雞皮餃子。兩份主食份量都不少，雞皮餃子可滿足膽固醇愛好者，不過小店以airfly炸小食，冇乜油份，就算咁邪惡嘅食物，都唔會食到一口油，呢個值得一讚😀期間發覺都有不少街坊幫襯外賣，如此價錢實惠小店，希望不會被租金扼殺，會繼續支持的👍🏻

大埔啲巷仔原來都有幾多隱世嘅餐廳，知道有一間日本料理小店-御千丼在翠樂街，一直都好想試吓，今晚有機會了！小店的佈置裝修很日式，門口貼滿食物的圖片，非常吸引，而且五點前離座及外賣自取滿$300 仲有八五折優惠，下次試吓外賣返去比屋企人試吓！餐牌好大張有兩版，圖片色彩繽紛，吸引左我仔細去睇，特別係丼飯，好吸引呀！先叫了三文魚腩刺身，刺身一份有五片，魚的條紋非常平均，食落去有口感，味道都幾新鮮。還有大大件的甜蝦壽司🍣。最後在眾多丼飯中揀選了吞拿魚碎丼，滿滿的吞拿魚茸鋪滿丼飯面頭，還有一些蔥花等配菜點綴，當然是相機食先。每一啖飯Mix一啲吞拿魚茸一齊食，簡直有入口即溶的口感，質感軟綿綿，加埋豉油Wasabi，更加滋味。朋友就叫了咖喱豬軟骨便當🍱，當中包含一碗暖胃的麵豉湯，他也大贊好吃！小食蒜香一口牛，賣相很吸引，每一件都有濃郁的牛味道，肉質鮮嫩，加埋蒜粒一齊食好正！最後二人的晚餐只是$300左右就可以食到咁飽肚，最重要係食物新鮮，即叫即整，一定會再encore。

小編一向鍾意捐窿捐罅搵野食，今次黎到太和的巷中小店試試日本菜🇯🇵，唔知會唔會有好大的驚喜呢？——————————🔸沙律 小食 味噌湯午餐時段某些丼飯和定食，會附送一份沙律丶小食和味噌湯。最鍾意是味噌湯，內有蜆肉和海帶，鮮味無比😍🔹壽司刺身定食 $138這個定食份量一啲都唔小，基本上所有壽司刺身都很新鮮，而且很厚切，一啖食超滿足☺️三文魚刺身好肥美，甜蝦鮮甜大隻，正👍🏼🤤🔸迷你鰻魚丼配刺身定食 $118雖然說是迷你鰻魚丼，但平日大食的我也覺得份量很多。白飯上鋪著很大塊鰻魚，超大方的👍🏼而且鰻魚調味剛剛好，配飯一流❤️再配上厚切的刺身，真是抵食😋👍🏼🔹芝麻雞翼 $28這款芝麻雞翼，是店家用空氣炸鍋製作，所以外皮較脆口，裏面還保持住肉汁，食起來也沒有油膩感，不錯👍🏼

今日同女朋友放假，去左八號花園個頭搵野食，openrice搵附近有咩日本野食，搵到呢間開左冇耐既日本料理餐廳，就決定黎試下新野，睇下好唔好食門面裝修正正常常，細細地係橫街既一個店仔內裏就新淨，有日本居酒屋既感覺野食選擇都幾多，每樣望圖都幾吸引，而當中有個最令我驚訝係set J, 壽司+刺身，係$138 既價錢。。。未免太過物超所值？所以我就叫左呢個試下，因為呢個價錢太扺食，而我女朋友食左普通既8件壽司拼盤，幾十蚊咁前菜黎講，都真係好豐富，新鮮既蔬菜沙律、蒜味八爪魚仔，再加上麵豉湯，做到有日本好多小小碟配菜既感覺壽司拼盤以小店黎講，魚生都幾新鮮，飯握得幾好，用碟都幾靚呢個就係 set J，總括黎講，超抵食！淨係刺身出邊都賣差唔多成舊水，但呢道既刺身係有水準，魚厚新鮮，擺碟有心思，都已經值回票價，再加上8舊壽司，款式又冇點重覆，真係性價比非常高！值得推介大家試下呢間小店呢個set同女朋友叫多左個雞皮餃子，熱辣辣，幾香口，而雞皮亦帶點肥肉，熱辣辣咬落感覺幾正總括黎講，大埔有呢個質素既小店真係幾surprise, 大家真係可以支持下，我下次都想去食，支持小店！

✨ 呢間御千丼係條暗黑嘅小巷入面，昏黃色嘅招牌又柔和，並不刺眼，呢間小店真係好小，得幾張枱，𥚃面亦有好多錦旗，好日本風格，有深宵食堂嘅味道。✨ 餐牌✨ 咁小妹我地就一人嗌咗一個魚生丼飯set，再加咗一個雞皮餃子同蟹籽沙律。✨ 先講前菜，有螺肉、沙律同面鼓湯，啲螺肉係凍嘅，唔同出面迴轉壽司嗰啲放暖哂，而且份量幾多，幾抵食。✨ 雞皮鮫子👧🏻 個雞皮餃子係佢地推介嘅，唔同平時啲餃子係用麵粉做皮，呢個係用雞皮做皮，特別得黎又真係幾好食。✨ 三文魚魚子海膽丼👧🏻 小妹嗰個係三文魚魚子海膽丼，啲三文魚好厚切，好大塊，食落幾有口感，啲海膽份量都好多，食落鮮甜。✨ 北海丼👧🏻 小妹朋友嗰個係北海丼，有三文魚、蟹肉、魚子同帆立貝，佢話啲蟹肉唔似出面劣質嗰啲咁乾無海水味，呢度食落好鮮味，仲有少少海水嘅味道。

又到同大埔朋友聚餐的時候，今次嚟到「御千丼」食海鮮靚丼丼。餐廳體積雖然唔需好大，只有幾張檯，但食物種類繁多，好多不同海鮮配搭的丼，非常吸引。第一眼已被「三文魚帶子海膽丼」深深吸引，三文魚有四片，仲要大大塊夠新鮮、帶子有二大片很甜美，而且一排香甜海膽，一點腥味也沒有，好好味呀～水準超好!另一個丼就點了「春日丼」，裡面有三文魚四片、帆立貝二片，同樣一樣咁鮮甜美味，飯量十分多，好大碗，一個男人食都剛剛好～春日丼加錢就可轉做定食，有埋味噌湯，湯味香甜勁多蜆肉，鮮味出到嚟。沙律算可以啦～合格!前菜係醃既蜆肉，好味食唔停。再追加多一份雞皮餃子，侍應話要空氣炸鍋製造，即叫即製，需要大概10分鐘。果然等待是值得的，上菜是熱辣辣，香噴噴，雞皮炸得金黃，味道香脆可口，餃子餡料夠曬豬肉香，好食到停唔到口呀！

今晚母親大人又罷工唔煮晚飯，咁唯有同佢落街搵食，行行下又比我地搵到間食丼飯既小店🤓其實大埔都好少有專食丼飯既地方，我地一於試下呢一間👅餐牌上都有好多既選擇，除左丼飯、壽司刺身以外，連熟食都有阿！😋呢款既丼食配搭都有好多款，真係花多眼亂，最後我就揀咗呢一個有海膽嘅海鮮丼。上枱既時候已經勁興奮，帆立貝好新鮮而且又大粒，海膽都好鮮甜🤩娘親不嬲唔食生冷野，佢就叫左個蒜香A4和牛便當，便當既配搭好豐富，和牛真係好出色，好香，肉質好軟腍，值得一試👍🏻店主有同我地推介d小食，呢款芝麻雞翼係用空氣炸鍋製作既，相對健康d，好香脆👍🏻價錢都好合理，對我呢個大埔友黎講，有多一個Dinner嘅落腳點🤓

上次試左個丼 無乜特別 仲有點失望添 今次朋友推介 一於衝入大埔 太和 試一試 首首先⋯⋯⋯⋯⋯嘩！！！！！！睇唔睇到吖成板海膽呀味道不借 想知有幾就去誠下喇 跟住～～～～～～～嚟喇睇下睇下 睇下又有幾先大トロ肥得嚟無筋 入口溶化 油香十足 果然無介紹錯 好耐無食過咁濃味嘅赤身喇 所以我追加左一份赤身刺身，可惜味道 口感 色澤 都不及丼中的兩件 失望 好失望忍不住問老闆 為什麼 如此大分別 老闆話不同部位 所以⋯⋯⋯⋯⋯⋯⋯其實我覺得完全係兩舊唔同嘅吞拿魚 並不是不同部位 （忘記影相）希望下次嚟嘅時候 可再享受到一樣的トロ丼的質素 我會再嚟架！

公司附近有間日式外賣， 主打靚魚生拖羅， 睇到相片質素好吸引， 於是order外送到公司慢慢歎， 店員好好， 好nice, 有問必答最後豪一豪叫左拖羅丼拖羅丼是3大拖，3片中拖$298， +$18跟湯同前菜， 另想食埋海膽就加左一份$30蚊送到嚟真心嘩左一聲， 份拖羅好靚， 油脂好豐潤，入口溶化，個陣油脂香味係個口到浪左大半日， 好鬼回味， 海膽味唔算好濃郁，但厚身， 口感一流，加餐湯同前菜一啲都唔馬虎， 湯有加蜆一齊煲， 沙律菜夠新鮮，絕對值得再encore