御三家日本料理 (已結業)

之前食過鰻魚飯，魚生飯，都得到好高評價，今次決定食一份壽司拼盤。呢份拼盤都係SET LUNCH 的選擇之一。一上枱見到用一個木架，盛載住D壽司。老實說見到上枱後有少少失望，因為份量好似少左D，如果想要飽的感覺可能要加多少少野食。每件壽司都用了不同的魚生，因為小妹唔太識分魚生重類，所以只能夠話俾大家知魚生新鮮與否。魚生都頗新鮮而且帶點鮮甜，質數唔錯！個人評價： 套餐價錢大約＄8X左右，雖然有前菜小吃，但壽司份量較少，所以如果能增加壽司件數會更加吸引。

之前已經有嚟過食但係之前多數食魚生飯今次初嘗鰻魚飯之前同事話鰻魚飯有炭燒味所以都好吸引，所以今次都想試吓鰻魚飯套餐有沙律；有小菜；有蒸蛋；有味增湯前菜非常吸引而且份量充足，未食主菜之前已經有少少飽鰻魚飯終於上枱啦！見到飯份量不是很多但鰻魚長度可以同碗的長度一樣，所以未食已經覺得好正鰻魚非常肥美而且厚身雖然炭燒味不是很濃洧但係鋪滿濃味又唔太甜嘅鰻魚汁配飯簡直一流！午市時間又唔係好多人到而家基本上都坐滿嘅情況下，要食嘅朋友最好預早book枱

之前幫襯過一次食滑蛋親子丼，雖然個蛋一d 都唔滑，稍有不足。但論價錢，味道，豐富度，以至選擇黎講係值得再黎encore。今次終於無令我失望😭✨跟餐依舊有麵豉湯同埋蒸蛋， 不過沙律同小食都有不定期轉下款式。✨今次有胡麻豆腐沙律，佢D沙律份量唔細，最重要夠多醬。✨個豆角既調味就係同上次黎食既芽菜一樣，有少少辣辣地幾惹味。✨ 因為病病地都唔知食乜好，今次就試下蒲燒鰻魚飯($80),，其實鰻魚從來都唔係我first choice,但係呢個鰻魚飯真係好好食同埋會令我想再食！個鰻魚真係好嫩好肥美，充滿醬汁之餘又帶點芝麻香。鰻魚底燒到微微脆，帶點焦香。最鍾意佢個飯由面到底都充滿鰻魚汁，最啱我呢d 鍾意汁撈飯既朋友😍。面頭粒酸梅真係極酸😖，不過小小小小咁嗒下用黎送飯，反而中和番鰻魚果種膩👍🏻。個飯其實份量都唔細，但由於太好味既關係都食清光。✨隔左個幾星期又再幫襯😆今次試左汁燒黑毛牛溫泉蛋飯（$88), 個牛唔錯燒得啱啱好，但個飯無咩汁，感覺有d 寡。撈左溫泉蛋就好d, 不過最後忍唔住問侍應拎醬汁，但其實都係豉油黎。但加左係好食d, 如果有燒汁就好喇。最後都要講番句：鰻魚飯堅好味😍😍😍😍

香港人最愛吃日本料理，但不是太貴便是將貨就價。最怕是吃到不新鮮的魚生，錢白花了還要怕拉肚子。最近試了一家insiders內評價不俗的日本料理，果然令人驚喜。指的是食材新鮮，價錢公道。最重要是推介的都是當造的漁獲，深明「不時不食」之重要。 秋刀魚刺身（師傅推介）　－　試過番唔到轉頭！原來現在是秋刀魚季節，所以魚油特別豐富，滋味十足。餐廳還會把魚頭魚身炸脆，一魚兩食，吃時記住加少少青檸汁。 響螺刺身（師傅推介）　－　肥美鮮甜，個人覺得比象拔蚌爽脆好吃。　 岩手縣生蠔（師傅推介）　－　大大隻很飽滿，鮮甜爽脆。我個人喜歡佢海水味唔重，最怕太鹹食到似遇溺一樣。 燒雞翼及雞泡魚干　－　我唔可以空肚飲酒，燒雞翼及雞泡魚干是冰凍日本啤酒的最佳朋友！ 蒜片炒日本赤雞腎　－　脆嫩無渣無異味，吃得出是日本貨。人黎，同朕order 多支啤酒！ 汁燒牛肉　－　醬汁惹味，火候剛好，外脆內嫩。 紅衫魚刺身（師傅推介）　－　經介紹下吃了數片紅衫魚刺身。 咦!? 那不就是傳說中的「系撚鯛」？（是真名來的！Google話又名金線魚。果然食魚食得刁，刺身都要食系撚鯛！）　

今日一班朋友仔一齊去左御三家食秋刀魚刺身。佢地既秋刀魚刺身用薑茸及蔥花倏汁，魚肉肥美甘香，彰顯極上鮮味，完全呈現秋刀魚的真味。除了秋刀魚外，點左一盤刺身組合，有海膽、血小鯛、吞拿魚、三文魚、非常新鮮。而本人就特別喜愛池魚刺身，肉質緊實而爽口、略帶油香，味道鮮甜，最適合薄切及以葱伴作刺身食用。除了刺身外,亦點左不同的燒物及小食。「鹽燒牛舌」口感軟脆，淋點檸檬汁提味，感覺更爽口。「炸蝦天婦羅」-天婦羅最重要是炸漿夠薄夠脆，要薄至見到材料的顏色及紋理，食落酥脆才稱得上正，而御三家的天婦羅便能做到這點! 「黑松露炒飯」-用上黑松露醬來炒，每粒飯都滲有黑松露菌的香味，加上飯質軟腍，色香味俱全。不過價錢就比較貴左點，每人埋單要成３５０，以新浦崗區算不便宜。

工作係新蒲江附近，所以都會周圍搵食～今次誤打唔撞搵到間日式餐廳，見到仲有位所以沖入去食。種類都好多，有壽喜燒，魚生飯，烏冬，飯類都有，無論喜歡食日式哪一類都可以搵到鐵意食既～原本搵住叫壽喜燒但怕太熱食唔到快，所以叫左個三色魚生飯，其實都唔知會有什麼魚生但覺得反正唔會錯掛～上台既時候，完全心心眼，因為好豐富同俾隻大蝦完全吸引住。魚生飯有八抓魚，三文魚，2款魚類，大蝦，青瓜。魚生唔會切到好細件，碗內每件魚生都可以咬成2口。用料新鮮，大蝦出面食過好像機會會有點腥，但哩個完全沒有，值得推介～價錢合理而且有蒸蛋，前菜，沙律同麵鼓湯，真係好豐富，最緊要既係免加一，一個魚生飯都係＄68仲有咁多配菜，絕對超值

新蒲崗D食店真係轉得好快，今日經過見到有間新開既日本餐廳，又可以試新野😍入到去我地4個人安排左坐SOFA 卡位，個位超闊落應該坐到6個人，勁爽。 環境雖然唔係好大，但係幾乾淨企理。✨SET LUNCH選擇都幾多，魚生飯，烏冬，爐端燒，丼飯等等。最平＄58蚊有交易，仲要唔使加一。✨跟餐有前菜，沙律，蒸蛋同麵豉湯😍勁豐富！﹣前菜係芽菜，味道辣辣幾地幾惹味。﹣沙律勁多醋汁，唔錯。﹣個蒸蛋我就覺得未夠嫩滑同多湯汁， 不過裹邊有半條蟹柳同日式魚蛋，味道OK。✨ 滑蛋親子丼（＄58）：份量都幾大，不過望落去有D失望，好明顯唔係滑蛋，係熟蛋。不過味道唔錯，加埋D 洋䓤同蔥花係幾香既。但由於個蛋太熟，硬係覺得個飯DRY DRY 地，所以唯有加D 豉油撈飯，甜甜地又OK 番，希望餐廳會留意下。✨御三家魚生丼（＄68）： 友人食既魚生丼令我非常葡萄!!賣相真係好正，隻蝦超大😭😭😭，佢地仲要話魚生新鮮好好食，都係貴我個餐十蚊～下次一定要試！！

每星期一定幫襯一兩次食完又食的午餐，坐位唔多。一定要book位。現在唔book位都未必有位架如果星期五。Walkin就危險些。價錢都比起開張貴左小小。三文魚頭是好好味但每天限量，睇下你好唔好彩, book位無得book埋架。一定是坐低有就有無就無Lu! 每個set都有蒸蛋，足料。麵豉湯，沙律同漬物。御三家魚生飯$68，隻生蝦都手掌甘大。魚粒厚切大粒。饅魚飯$80。好食既，但是好似平時個些分別唔係大到甘，比起魚生飯無甘抵。粒酸梅都是比起出面有小小唔同。百吃不厭，雖然貴左。但依然會再去！

路過看見新開這間日本餐廳裝修不錯,便和同事相約某天午飯要來這邊試吃。 點選了牛肉壽喜燒之後便慢慢等待上菜, 驚喜的是前菜的款式竟然很多,有蒸蛋,湯,醃青瓜,糖漬梨等。單是吃前菜就已經覺得不餓了,而且前菜味道很好,我和同事都吃得一點不剩。等到主角登場,壽喜燒的賣相相當不錯,而且份量也不少,牛肉不會老,上面有溫泉蛋,這個鍋用來下飯非常好吃。午市價錢非常抵吃, 會繼續光顧的。

新開張一排，估計應該好多人去～ 所以每次去前都會卜定位先。 淨係試過午市，唔知晚市係點呢～ 午市餐單我覺得算平，應該話值得咁既價錢。食過幾次都係食魚生飯，新鮮好味～ 前菜有唔同款，跟埋麵豉湯同蒸旦，好味 熱食，有朋友試過都ok.同埋唔洗加一😎希望唔好咁快加價🙏🏼

有一次路過這個地方，看見新店就進去試試看。因為新蒲崗得兩間日本野是好吃的。午餐包蒸蛋，誠意之作。今天第二次來，牛舌做前菜未見過😍😍！每次來到都覺得前菜是很滿足的享受。我兩次進去的時候都問，這個地點已經執笠好多家日本菜，人流不多，為何還勇敢嘗試？侍應答不出來...只能說，我欣賞這家公司的勇敢，但是為了它能夠存在久一點，所以破例寫個食評鼓勵一下，推薦一下。希望更多人能夠享受這裡的優質食品，讓這家小店的真誠和認真能夠傳承開去。

上星期係新蒲崗做野，放工後順便係附近行下，睇下有咩好野食，咁岩見到新開張既御三家，食日本野，決定入去試一試！打開餐牌發覺有好多特色野，同有其他種類既野食，例如有各款刺身、壽司、串燒、熱盤、湯、飯類等等！其間係餐牌見佢有燒牛胸肉，好想試，但因為今日唔想食牛，所以無叫！後來見隔離台有叫，聽到隔離客你都話正！下次一定要試！等食期間，睇到環境都唔錯！服務員態度亦很不錯！上菜時間合理，最緊要廁所亦好干淨（因我有潔癖）。總括來講，材料超級新鮮，尤其係各款刺身，串燒夠美味，價錢合理！一定會返黎再試！

之前好鍾意上一手瀛本， 但佢接左， 變左呢間野， 應該轉手掛， 轉手咁食材應該差唔多掛， 不過竟然係超級失望囉！ 我係呢區做野，日日都係度食咁制， 係呢區要生存一定係keep舊客，你估旺角咁日日都唔同人咩。 用咁的質素手法係呢區必定唔過兩年。以前呢個價會可以自己揀壽司， 有海膽、三文魚籽、左口魚邊、帶子。今日揀左個$82 ， 下午免加一， $82 食咁的質素 簡直浪費錢！ 包前菜 、 蒸蛋、 湯、8件壽司、 2 個卷物連烏冬，甜品都冇， 以前有！ 我都品知幾耐冇食三文魚同埋蟹柳的卷物，真係好差！

見有新店，我們便走了來幫襯，原本其實是想去赤山的，但是有新店當然要來試試。因為開張只有一個星期，所以店舖都是新新的。看見午餐餐牌抵食很多，有時也不明白，為何晚餐沒人幫襯，價錢比較貴。午餐很多人，反而比較便宜。説回御三家的丼很好吃，食材新鮮，份量也很足夠。😋店舖的環境雅致，令人舒服！食具也很美麗！燒雞翼感覺有些失色之前在仁愛街也有日式的食店，但是很可惜，都相繼結業。希望這一間能維持下去。題外話新蒲崗近來很多老店也相繼結業，令人惋惜！😢

行過見到有間新開既日本料理，行入去試下一試之下發現食物好味，廚師有心之作！刺身新鮮！值得一試再試👍而環境方面，日式裝潢看上去很漂亮，坐得舒適！服務生服務也很好，很nice !