御三家日本料理 (已結業)

轉到新蒲崗返新工，與同事食餐迎新飯，試呢間日式食店望一望Menu, 決定試「帶子碎金鎗魚腩丼御膳」，包前菜，湯，日式蒸蛋。前菜算幾豐富，有中華沙律及蕃茄菜沙律，味道正正常常10 分鐘左右出主食，碎金鎗魚應該係台灣叫法，其實係拖羅蓉，食落相對淡魚味，口感同顏色都似係用中拖羅攪碎而成，味道中規中距，帶子不算新鮮，但仍有一定口感但最後麵豉湯及蒸蛋要在我食完主食後先上到就真係有改善空間，聽店員說因為滿座，湯及蛋整吾切，湯及蒸蛋上檯係熱辣辣的，加上店員有禮貌，補番吾少分數

平安夜公司早收，與同事於限聚令下分枱共進午餐，來個開心假期嘅開始😃裝修都以日本風，今次唔記得影下環境😛我點左牛肉鍋 set, 好似 ＄88，價錢差不多，牛市日本餐來講，因質素唔差的👍前菜夾左些食才影相，份量係再多一倍的🤭個面豉湯夠味，好熱🔥，我鍾意🥰蒸蛋🥚好滑下, 但唔太夠味咁。主角出埸，牛🐮有5片，個湯較咸左些，蛋好靚仔，仲有些菜和菇，如果菜再多些就更正。飯一碗，所以好夠份量，令我平安開工日有完美句號👍

十月份係我同老公嘅結婚紀念日，咁啱撞正中秋又有個long weekend，諗住帶埋小b一齊食飯慶祝，所以近近地搵到呢間食日本菜。第一次嚟，有驚喜，食物質數高，下次會再去。之前見到有二人餐都幾吸引，入到去就直接叫份「將軍二人御膳」。前菜漬物，原來係三文魚鼻軟骨，爽口鮮甜，加上醋味同海帶，口感豐富。三文魚明太子沙律，沙律菜新鮮，三文魚厚肉。刺身三品盛，好新鮮好鮮甜。單點炙燒左口魚裙邊壽司，入口即化，好好味。汁燒美國牛扒，肉質嫩滑，味道香濃。燒明太子雞翼，微辣香口，雞翼飽滿。松葉蟹糕蟹肉炒飯，炒得乾身，飯粒分明，香氣撲鼻，蟹肉份量多。鯛魚濃湯，雪白色濃湯，好香魚味，咸味適中。

同老公唔知食乜好行吓行吓，見到呢間餐廳入去試吓一試有驚喜，我哋叫咗個套餐，每樣都好好味好出色，就連沙律餐湯都好新鮮好好飲👍🏻明太子沙律明太子新鮮鮮甜，魚湯超鮮👍🏻下次有時間會再去😊好耐未食過咁有水準嘅餐廳

都知道新蒲崗食肆唔易做。我夠擔講御三家就係新蒲崗最好味的日本料理!我倆公婆最愛開支saka。。。由佐酒物->生蠔->刺身拼盤->燒物->湯烏冬...食到甜品，在這裡只有讚嘆! 我倆係咁食,係咁慢慢欣賞食物...手機沒有拿起，一張食物相也沒有影, 這是我倆認為的尊重。如果入黎呢度就咁食個dinner set既話...sori.. 錯晒。食材堅持保持新鮮! 師傅的用心係完全食得出!我倆8點入座...客人不多，食到咁上下全場已經只剩下我倆....我倆都不禁嘆息...在這區.....捨得食既少，識食既不多...希望貴店能支持下去! 為這區提供絕無僅有的美味。

晚上10點多，在新蒲崗還在開的日本餐廳不多一入到去這間他就說要馬上下單因為10:30 last order快快脆脆點了這個一人餐$178在這區來說算是貴，不過真的有少少吃不飽飽肚的就只有炸物及手卷一個，如果加一個烏冬或者飯會更好，哪怕是迷你的都好質素是還好的餐廳環境也不錯

已經幫襯過幾次，今日掟起心肝寫食評，果然物有所值👍🏽店仔小小但侍應服務貼心，杯裡熱茶永遠不缺，上菜亦會備好需要既餐具。只點了一人份魚湯，我們3人自動備妥3隻碗8品刺身由廚師發板，每款兩件，如果3個人可要求加為3人份量，唔洗一定order 兩客好靈活。刺身厚切新鮮海胆新鮮味道濃郁御三家沙律每次必點燒一夜干魚，啱啱好，不會燒到太乾松葉蟹膏燒鱈場蟹喜出望外，份量不少，蟹膏新鮮完全無雪味腥味。鯛魚濃湯忘記影相松露帶子炒飯，帶子用元貝仔一般，但飯炒得夠乾身，下次會試其他款式。小食明太子沙律也是每次必點。

素來喜愛日本野既我 見到佢既門口都已經心心眼 入到去都充滿日本風 佢地仲會播好多動漫既歌曲 好好聽食物每款都好想食 自己就點左吉列蠔配吉列蝦 當佢地整緊主食既時候 都已經有好多野食架！會上前菜 面豉湯 仲有蒸蛋 每樣都好好食黎到主食 吉列系列都仲係熱騰騰 吉列蝦唔會沾太多粉去炸 食到爽口蝦肉 而吉蠔富有蠔既香味 配上甜甜酸酸既醬汁去食 倍添滋味友人就叫左個刺身飯 見到面頭既刺身相當肥美 下次要點黎食先得 另外如果讚好佢地臉書 佢地仲會送糯米池架 味道就隨機 每次都唔同架

以前男朋友係新蒲崗番工耐唔時都會去尼度食嘅，今次黎到附近就帶左我黎食lunch 啦！就算星期六黎到都有lunch set，除左魚生丼飯🍣，亦會有其他熟食套餐，好似和食🍱同爈端燒🍲，不過我地都係簡左一人一個魚生丼飯set🤤每個set lunch 都會有沙律🥗、泡菜、茶碗蒸同埋麵豉湯其實食材都好新鮮，最好食係個甘海老，又即係甜蝦🦐，而且wasabi 唔係超級市場買個啲唧唧裝，唔會一味覺得好攻鼻🙊但係個飯有啲硬，同醋味重多少少就會香啲。只不過以尼個街坊價錢都好抵食😋

之前睇左食評話海膽鮮味 貝四品值得一試 點知就中伏了 仲專程帶我寶寶去食好西我去到問店員有咩好介紹啦 推介左刺魚刺身 再點左貝四品 金目鯛壽司 松葉蟹壽司 中拖羅壽司 大蝦天婦羅 一個冰品前菜 燒雞皮 其他都唔太記得啦 就寫我印度深刻既 食到我一肚火 都預左可能味道會一般 但係超出左我預計囉首先冰品前菜 酸到食一片會嗆喉 太重手刺魚刺身味道偏淡成百蚊既金目鯛壽司同松葉蟹係淡味 我寧願佢唔好出泥賣百幾蚊幾中拖羅味道都係淡而且油脂勁少亦無香 錯曬大蝦天婦羅同燒雞皮就對得住價錢係咁上下到個最火滾既貝四品 真係差d就拍檯 有海膽 赤貝 帶子 象拔蚌刺身 每樣一d咁 象拔蚌就真心好食既 赤貝就算啦 不過不失 本人對海膽一向麻麻就不評價 個帶子同白開水無分別 我以為我有問題啦 我寶寶食完都話真係無味 亦都唔係腥臭 就係帶子咁既口感不過無味 我食爭鮮外賣都好食過佢 仲要三百幾蚊 嬲到我同店員講 個師傅同我解釋話依隻帶子品種味道係比較淡 幹 淡到無味？ 聽到我都燥 快手食完賣單揾第二間先醫飽個肚補充：兩個人食埋單$1100（完全唔飽）

很有誠意的一間日本料理，除了食材新鮮及菜式特別外，最欣賞是食物上枱的器皿及擺設，是高級Presentation但平民價錢。作為Open rice 的10多年的用家，我都是第一次寫食評，希望特此支持一下優質的特式小店。

御三家係我幾鍾意既日式餐廳，佢既lunch 非常豐富，仲唔收加一。先黎一人一客沙律，火龍果好甜，醋汁夠晒多，非常醒胃。仲有湯同茶碗蒸，不過茶碗蒸今次味道比較淡，有d 失色。牛肉壽喜燒配白飯一個，個湯味道偏甜，但係拎黎送飯我幾鍾意。牛肉大大片，牛味夠重，仲有滑滑豆腐，菇同埋菜。唯一要彈係個菜太老，不過80蚊唔使有咁多野食，係邊度搵先。

今日星期六同朋友慶祝生日，幾位朋友包括我都喜歡食日本料理，這食材非常新鲜， 侍應又殷勤，今次食日本生蠔，非常大隻，隻隻手掌大，好鲜甜好好味…之後貝四品，有帶子，海膽，粒貝都好好味，令人回味! 口感一流!最正必食推介 吞拿魚拖羅， 非常新鮮， 入口即溶， 肥膏在口裏面一融化，令人回味嘅刺身蟹子沙律， 燒雞翼，亦是必食，每次都食，次次食材都非常新鲜，我們用膳完畢， 見到有新鮮食材剛剛搵到， 之後叫咗其他魚刺身， 其他一般食肆沒有那麼新鲜， 高級日本料理就是這樣。

呢日補慶祝生日，星期六周街都係人，我地近近地係屋企附近揀左呢間日本野。8點鐘入座，唔洗等，即刻有位~座位不算闊落，我地坐二人台，少少逼，無位放袋，不過d店員好好👍🏻👍🏻，我地一坐，佢就主動搬左d椅比我地放袋了！🥰🥰我地叫左一客🥢鰻魚壽司，好軟熟，個面少少脆，好香好好味！另外叫左個🥢鹽燒牛舌，好juicy~好好味！🤤仲有個🥢壽喜燒牛肉鍋同🥢日式豚肉鍋，仲叫左個白飯！👍🏻👍🏻壽喜燒牛肉鍋個汁甜d~好送飯！😋豚肉片夠薄，很好吃！😋食完之後，我地就食我地帶黎既生日蛋糕，店員好好，即刻問洗唔洗要碟叉！🥰🥰

價錢在很多人心目中的確不太便宜特別推介安康魚肝， 我每次也會吃兩客以上不過個人認為也算值得， 他們用料多數新鮮，我去過好多次， 當然也試過不新鮮的刺身，不過告訴老闆便退了。 這裏員工也很好服務態度，閒時更會與客聊天， 甚至記得我這個熟客喜歡吃什麼。他們的菜式是純正日本料理， 還記得第一次去的時候，我很想點希靈魚刺生， 老闆卻告訴我希靈魚刺身並非純正日本料理， 這是他們的執著。很多刺身也是時令魚， 每隔一段時間去就有不同， 而且多數都是新鮮甜美的！