得閒飲茶 (MONTEREY Place)

营业中

休息中

二次到訪將軍澳呢間隱世點心，再次望住個大海食點心，真係好寫意播放❤️呢間餐廳除咗點心好食之外，仲係Pet friendly 餐廳，見到好多食客都帶咗自己啲狗狗黎一齊食飯，得意又溫馨🥰 蝦餃($42)蝦嘅口感非常鮮嫩，外皮非常爽滑。燒賣($42)燒賣內餡多汁豐富 ，餡料又鮮味，熱辣辣放入口真係非常吸引。懷舊灌湯餃 ($68)有別於傳統嘅灌湯餃，呢度一籠有兩件，薄薄嘅皮但入邊都充滿肉汁，入邊餡料亦都非常豐富，建議一定要趁熱食！焗叉燒包($38)呢度嘅焗叉燒包外皮非常鬆脆，入面包住熱辣辣嘅叉燒餡料，非常推薦！蘿蔔絲酥餅($42)蘿蔔絲非常充足，外表炸的金黃色香脆可口！韭菜金錢蟹盒 ($55)非常推薦呢個金錢蟹盒，外層香脆，熱辣辣，又唔會太油！韭菜餡料豐富！紫菜鮮蝦腐皮卷($42)呢度嘅腐皮卷腐皮炸得恰到好處，紫菜鮮蝦爽口彈牙，食到停唔到口。

個人好鍾意飲茶，今日去將軍澳做野見到呢一間「茶樓」竟然喺望住海景飲茶超Fancy，價錢又合理環境已經加晒分，餐廳裝修都比較Mordern ，感覺同屋企人朋友一齊黎食野Chill 下都好舒服蝦餃🦐已經好少蝦餃有4件🦐 皮薄蝦肉都好彈牙，可以沾上佢地自家晚辣椒醬食燒賣燒賣都喺有4件，肥肉比例好好，口感爽口軟彈的菜苗餃晶瑩通透的餃皮，餡料超飽滿柱侯金錢肚金錢肚非常軟腍！好入味，個人覺得有點飲肉骨茶嘅味道，好特別鹹水角外層口感煙靭，咬開是咸香的肉餡，細細個已經好鍾意食紅棗糕（4件）口感有點像年糕，咬落去又帶有紅棗既清香焗叉燒包薄酥皮好酥脆、內面包著香甜既叉燒，必點！

排骨，啲肉都算蒸得腍脆腸粉，正常發揮，無乜特別蒸鮮魷，味道同口感都正常，不過份量少，除返開差唔多$10一舊，CP值唔高，蝦餃就皮厚同埋啲蝦唔彈牙，唔推介菠蘿包同蘿蔔酥，都係正係水準墨魚餅，唔夠香同彈牙，真係好中意食先叫最有驚喜係炸蠔，炸皮薄，醬汁都唔會太濃味，夠遮到腥味嘅同時仲食到蠔味，大推！福建炒飯，有幾粒都幾大粒嘅帶子，食落幾香，同埋CP值唔錯總結，基本上啲點心都無乜特別，不過望住個海幾chill，同埋pet friendly

成日話得閒飲茶，今日終於去飲茶喇🍵有冇淋過飲茶除左係茶樓仲可以望住海景飲？所有點心都係即叫即蒸，以傳統點心為基準同時融合創新元素！而且仲係pet friendly 可以帶埋屋企主子黎🐱🐶-🥢韭菜金錢蟹盒 $55一份三件，滿滿既韭菜同蟹肉融合炸成一個圓形金錢樣，邊邊位都脆卜卜～ 🥢蝦餃 $42蝦餃皮薄餡靚，入面有大大粒蝦球🦐一定要問職員攞辣椒油一齊食，辣椒油勁香又夠辣，點咩都好食🌶️🥢菜苗餃 $42大大隻菜苗餃入面好足料，菜苗多到爆哂岀黎入面仲有蝦肉添😋 外皮一啲都唔會韌，好有彈性👍🏻🥢小籠包 $48小籠色即叫即整，熱辣辣就最好食😍 醋既酸味同肉既鮮甜融合，外皮夠哂薄，入面包住勁多肉汁勁滿足🥢鹹水角 $38鹹水角炸到外皮脆口，入面煙韌彈牙🥢焗叉燒包 $30佢哋既叉燒包係雪山叉燒包，入面包住勁豐富既叉燒，好香口😋🥢菜位 $15 位

龍豬情侶心心念掛DHYC Dimsum Restaurant的自家製點心，特意再度來訪，止一止點心癮。餐廳果然無令我們失望，每一道都是點心界天花板級數，每啖都幸福感爆燈！招牌小籠包 $48 ❤❤❤❤❤小籠包最重要是夠熱，這裡正正可以做到。一放進口，湯流滿溢於口中。蝦餃 $42 ❤❤❤❤❤蝦肉爽口彈牙，薄皮晶瑩剔透，一咬爆汁。燒賣 $42 ❤❤❤❤❤豬肉鮮香，蝦仁夠大粒，調味恰到好處。菜苗餃 $42 ❤❤❤❤❤菜香清甜，皮薄餡靚，適合喜歡清新口味你。竹炭奶皇包 $42 ❤❤❤❤❤奶皇包外型吸睛，內餡香滑流心，帶有淡淡竹炭香氣，甜而不膩。韭菜金錢蟹盒 $55 ❤❤❤❤❤外皮炸得金黃酥脆，內裡餡料飽滿，韭菜香同蟹味融合得恰到好處。蘿蔔絲酥餅 $42 ❤❤❤❤❤酥皮層層分明，內餡清甜不油膩，咬下去每一口都是蘿蔔絲。茶位 $15/位❤❤❤❤❤配上陳皮普洱茶，入口溫潤順喉，有效解膩，點心更能層層疊加地發揮風味，係完美搭配！❤愈多愈推薦(最多5❤)DHYC Dimsum Restaurant 再一次證明自己係高質點心首選，食材新鮮，手工細緻，環境舒適，服務親切，令人每次回訪都充滿期待！推薦指數：10

呢間點心店環境光猛乾淨，坐位夠闊落，服務都幾快手，適合同屋企人朋友傾吓計。價錢中等，質素對得住個價蝦餃（4件）🍤 皮薄，蝦肉爽口彈牙，餡料夠鮮菜苗餃（3件）🌱 外皮晶瑩，菜苗同蝦比例啱啱好，食落清新唔油膩小籠包（3件）🥟 皮薄湯多，夾起嗰陣要小心啲，唔係好易穿底！咬開真係有爆汁效果，肉餡都幾鮮味蟹肉大良炒鮮奶個名幾特別，食落有驚喜！creamy又有蟹肉鮮味 豉油王炒麵🍜 炒得夠乾身，唔會油淋淋，唔會太鹹，麵質爽口整體嚟講，點心幾有質素，可以再encore試吓其他款式！👌

呢間餐廳環境闊落，舒適企理，潔淨衛生。更可飽覽海景，用餐體驗一流。呢度既點心新鮮手造，可以見到師傅即制點心，風味更佳。新鮮熱辣既燒賣，皮薄餡靚，令人垂涎欲滴。師傅即制的雪山叉燒包，外脆內軟，滋味無窮，又唔會太甜。晶瑩剔透的蝦餃，口感鮮美彈牙，每一口都是享受。清新的菜苗餃，健康又美味，適合注重養生的人士。全部即叫即蒸，新鮮熱辣。配上一壺陳皮普洱茶，更能提升口感層次。響舒適既海景座位上享用，更是人生一大樂事。

寧靜嘅環境，對住海景大橋，食住熱辣辣嘅點心，真係好寫意，揸車過嚟就最方便，食飽仲可以行陣吹下海風。點心全部都熱辣辣即上。蝦餃 - 皮薄餡靚，啲蝦爽口彈牙。燒賣- 大粒結實好足料，有咬口。菜苗餃 - 晶瑩剔透嘅菜苗餃， 口感煙韌。小籠包 - 皮薄爆汁，肉餡新鮮，記住熱熱辣辣即食，必食推介。 焗叉燒包 - 我最愛既點心之一，包身軟香，叉燒粒有咬口，醬汁亦不會太咸。韭菜金錢蟹盒 - 即炸上枱，韭菜非常香口，脆卜卜。鹹水角 - 熱辣辣又煙韌，餡都好足料，趁熱食。馬拉糕 - 岩岩蒸起既，鬆軟好味又唔會太甜。

去完西貢玩，平時都係會喺西貢食飯今次朋友提議不如去將軍澳食點心原來西貢去將軍澳都勁快呢間餐廳夜晚都有點心食，真係好吸引傍晚飲茶望海景，好有feel 先來杯陳皮普洱茶，加上蝦餃燒賣焗叉燒包，已經感覺好幸福 。韭菜金錢蟹盒超級脆，點埋個辣椒油真係冇得頂。菜苗餃同埋手打墨魚餅都係正常發揮。小籠包湯汁多，我差啲焫親嘴 。朋友反而最鍾意食過紅棗糕，煙煙韌韌又有糯米嘅香味我覺得最感人嘅就係當市面上有好多預製食物嘅時候，佢哋堅持人手製作，真係好感人！

餐廳位於將軍澳海旁，每個座位都能看著海吃點心，真舒服。難得吃點心都如此悠閒，所以我喜歡餐廳。而且餐廳設計是半開放式，在這個天氣吹著海風嘆美食是一大享受。蝦餃 一籠4件蝦餃，皮薄餡大，蝦是完整蝦隻，爽口彈牙，是點心中的經典之作。燒賣4粒燒賣大大粒，豬肉味好香，亦都是深受大家歡迎的必吃點心。鳳梨咕嚕肉外皮酥脆，肉塊用上新鮮本地豬柳肉，自家製糖醋汁酸酸甜甜很開胃，相得益彰，伴有菠蘿和三色椒。招牌炒飯米飯粒粒分明，火候恰到好處，配料豐富多樣，味道跟星洲炒米相似，帶出一鍋香氣四溢。鹹水角有3件，外皮酥脆且不油膩，角皮煙韌，內餡鹹香濃郁。紅棗糕4件紅棗糕Q彈有口感，紅棗香氣濃郁，清甜不膩，是一道傳統美味的中式甜點。

朋友約我去將軍澳飲茶，我還有點驚訝，原來這裡有間點心專門店，就在MONTEREY Place一樓。餐廳裝修簡約優雅，沒有過多裝飾，但窗邊的位置可以看到將軍澳大橋和一片海景，邊吃邊看，感覺挺新鮮。 我們點了幾款經典點心，蝦餃皮薄彈牙，燒賣扎實鮮甜，菜苗餃清爽不膩。馬拉糕鬆軟帶點淡淡焦香，柱侯金錢肚入味又夠腍，韭菜金錢蟹盒外脆內香，焗叉燒包則是微甜的鬆軟口感。 整體來說，這裡的點心沒有花巧，都是傳統做法，但食材新鮮，味道穩定。加上窗外的海景，這頓飯顯得特別悠閒，真是一個不錯的飲茶地點。

今日約咗朋友喺將軍澳食lunch，想搵個地方慢慢食同傾吓偈，朋友又話想食點心，一諗就諗起DHYC，好鍾意食呢度嘅點心，同埋呢度嘅澳南海景🫶🫶每次嚟都覺得好chill🥢蝦餃蝦餃皮薄，蝦肉鮮甜飽滿又彈牙，而且蝦肉好多🤩🥢燒賣燒賣份量十足，真材實料咬落啖啖肉，蟹籽份量都好多又大粒🥢焗叉燒包叉燒包表面鬆脆，咬落去非常鬆軟，入面充滿香甜嘅叉燒肉，好好味😋🥢懷舊灌湯餃灌湯餃大大隻，皮薄餡多，餃子充滿湯汁，入面都好足料👍🏻🥢蘿蔔絲酥餅呢個蘿蔔絲酥餅好出色，咬落酥脆唔油膩，入面既白蘿蔔絲好juicy及香甜🫶🥢韭菜金錢蟹盒鐘意食韭菜既朋友一定唔可以錯過，韭菜既香濃同蟹肉既鮮甜味好配合，炸漿上得好薄唔會好油膩🥢紫菜鮮蝦腐皮卷炸腐皮卷非常香脆，配埋紫菜達至雙重香脆口感，鮮蝦好彈牙鮮甜😋

放假好友約將軍澳DHYC 嘆茶，餐廳環境開揚景觀優美，眺望跨灣大橋日與夜都非常美。我們點左🥢燒賣$42：豬肉味甜肉質幼滑。🥢蝦餃$42：外皮晶瑩通透，鮮蝦肉爽口彈牙。🥢柱侯金錢肚$45 ：金錢肚夠腍夠入味，醬汁美味。🥢菜苗餃$42 ：頗大隻脹卜卜菜苗嫩綠清新，蝦肉爽口。🥢韭菜金錢蟹盒$55 :蟹肉鮮甜、韮菜味濃，炸得香脆可口好好食。🥢鹹水角$38 ：香脆軟糯，餡料豐富。🥢馬拉糕$38 ：鬆軟可口，不過甜好食。🥢焗义燒包$38 ：外脆內軟，义燒餡足。

去到將軍澳食點心完全係為左個靚景對住個海食住野心情都好d🥰原來佢仲要係一間寵物友好餐廳！可以帶埋自己既毛孩一齊食飯😍韭菜金錢蟹盒 $55外皮炸得好脆，仲有超多韭菜，正👍🏻紫菜鮮蝦腐皮卷 $42腐皮卷嘅外皮又係非常之脆，加埋原隻鮮蝦有口感蘿蔔絲酥餅 $42佢個餅皮非常鬆厚，加埋滿滿蘿蔔絲，最鍾意就係呢道點心😍燒賣 $42/蝦餃 $42燒賣就同平時茶樓食到既冇乜分別，蝦餃就皮薄餡靚唔錯，記得問職員拎辣椒油點黎食😂芝士蒜蓉蝦春卷 $42春卷入面有少少流心芝士配上原隻鮮蝦，不過蒜蓉味就唔突出潮州粉果 $38粉果就不過不失，又係同平時茶樓會食到既粉果一樣

今日放假，約左朋友飲茶談心，呢間係新派飲茶，裝修簡潔舒服，最正係對住無敵大海景嘆茶，傾計，食點心，特別寫意，開心。我地揀左好幾款經典又好味嘅點心：蝦餃：包到脹卜卜，皮薄又唔會蒸到過龍；靚餡，咬落去啖啖彈牙蝦肉，餡料飽滿。燒賣：又係好味道，薄皮包住滿滿嘅豬肉同蝦肉，非常厚實，蒸嘅時間岩岩好，彈牙又有口感。懷舊灌湯餃：依家好少地方有得食，所以見到必叫，一定要趁熱食，小心咬開湯汁爆出來，簡直精華所在，滋味十足。焗叉燒飽：相比起蒸，我更鐘意呢種焗叉燒包，外脆內軟，嫩滑嘅叉燒配上濃郁叉燒醬，有d fusion左嘅感覺，特別好食。蘿蔔絲酥餅：外皮好酥脆，蘿蔔絲入口即溶韭菜金錢蟹盒：炸到金黃色脆卜卜，韭菜味濃，加上蟹肉口感非常豐富，呢個好有驚喜。紫菜鮮蝦腐皮卷：腐皮好香脆，紫菜同蝦肉好夾，呢種配搭好少食到，好深印象，好正！最後不得不提就係陳皮普洱茶，飲落去有淡淡嘅陳皮味，好特別總括嚟講嘢食同個view一流，值得一試