得閒飲茶 (MONTEREY Place)

营业中

休息中

今日去將軍澳海旁嘅得閒飲茶食咗餐，感覺好chill！餐廳位置正，隔離有Donki同海邊，食完飯散步真係一流點咗蝦餃同燒賣，蝦餃皮薄餡鮮，咬落啖啖蝦肉；燒賣夠Juicy，豬肉同蝦嘅比例啱啱好！仲試咗叉燒酥，酥皮香脆，叉燒餡甜而不膩，超正！環境光猛乾淨，坐窗邊望海景好relax。服務OK，店員好快手。價錢大約$100一位，飲茶黎講算合理仲要有海景睇！食飽去Donki行吓再沿海邊散步，perfect！

得閒飲茶，試咗幾款經典點心，水準相當唔錯，同大家分享下： 蝦餃皮薄餡靚，蝦肉爽口彈牙，一籠四件，熱辣辣出爐，食落夠晒滿足。燒賣面頭加咗少少蟹籽，增添口感。菜苗餃外皮晶瑩剔透，入面嘅蝦肉同菜苗翠綠爽口。焗叉燒包外皮鬆軟，叉燒餡甜度適中，焗得微微金黃。蘿蔔絲酥餅酥皮層次分明，炸得香脆但唔油膩。韭菜金錢蟹盒外皮脆卜卜。馬拉糕鬆軟香甜，蛋香濃郁，作為甜品收尾就最適合不過。 呢度嘅點心做得夠傳統又保持水準，價錢合理，環境舒適，係飲茶嘅好選擇。

呢間餐廳最正就係可以一邊對住海景，一邊慢慢飲茶，氣氛好chill，真係好寫意。😎講返啲點心，蝦餃同燒賣一定要試。蝦餃皮薄餡靚，咬落去鮮甜得無得頂燒賣都幾好，豬肉同蝦嘅比例啱啱好，唔會過肥👍仲有佢哋嘅懷舊灌湯餃真係好正，湯鮮甜又濃郁，口感一流。🙌焗叉燒包都唔錯，麵包鬆化，叉燒餡好惹味！而蘿蔔絲酥餅就岩晒我呢啲酥皮控😍，外層脆脆，裡面滿滿蘿蔔絲，熱辣辣好香口！至於韭菜金錢蟹盒同紫菜鮮蝦腐皮卷就比較有創意，口感層次豐富，真係食得出廚師用心。😉

聽朋友介紹將軍澳海濱的「DHYC Dimsum」，老少咸宜，受到不同年齡層的食客歡迎，三歲定八十都非常喜歡這間點心餐廳。步入餐廳，落地玻璃將跨灣大橋的粼粼波光引入室內，而室外座位更成為毛孩與主人共享海風的愜意空間。我就明白到餐廳為何這麼受歡迎。DHYC有着一個開放式廚房，比起傳統中式酒樓更透明開放，衛生程度一絕，點心款式都應有盡有。🥟 蝦餃、燒賣、菜苗餃蝦餃和翡翠菜苗餃皮薄餡靚，蝦肉非常彈牙又鮮甜。燒賣亦都非常大粒，重點是每個點心都是新鮮熱辣蒸出來，燙口的感覺為點心份外加分。🥟韭菜金錢蟹盒韭菜金錢蟹盒外皮炸得爽脆，內裏食得出韭菜汁與蟹肉絲的混合味道。🥟蒜蓉粉絲蒸鮮魷這個點心能夠呈現酒樓功架，點心師傅能夠將鮮魷保留彈嫩質地，而鋪底的粉絲則吸飽海鮮精華及蒜香。🥟小籠包、咸水角咬一口小籠包，湯汁如泉湧出，非常爽快。咸水角亦都做得外酥內潤，所有點心都做得非常出色。如果食到傍晚，看到當夕陽將跨灣大橋染成金紅，這份「得閒飲茶」的港式情懷，在寵物友善與海景加持下，為繁忙的香港人送上一陣放鬆感覺。

♥超好味點心！將軍澳南海濱 ♥ (❁ᴗ͈ˬᴗ͈) ༉‧ ♡*.✧喜歡的話記得like & follow我喔♥「得閒飲茶」”DHYC” 是我最怕倒閉的將軍澳餐廳之一，因為他家的點心十分好食，飯麵類也一流，而且晚市也可以吃點心！最適合我們這些點心控~ 一邊吃點心，一邊欣賞將軍澳跨灣大橋的夜景，真是一大賞心樂事！今晚叔叔還送了青蘿蔔粟米湯給我們，很清甜， 謝謝啊~ 而且他們是寵物友善餐廳，可以帶家中毛孩一起來啊🐕① XO醬炒腸粉 $78 炒得有鑊氣! 加入了香濃XO醬，炒得好惹味，有少少辣② 鍋貼蝦多士 $68多士炸到金黃香脆，與彈牙蝦滑的比例係一比一，配上懷舊雜果沙律醬，中和油膩感② 韭菜金錢蟹盒 $55炸得香脆， 韭菜味很香③ 焗叉燒包 $38 （3個） 菠蘿包皮薄脆，叉燒餡甜甜的④ 懷舊灌湯餃（2件）$68叔叔溫柔提醒我們要趁熱食～ 餃子裡面湯汁超多，很滿足～⑤ 牛肉球（3件）$38肉質鮮嫩，啖啖肉📍得閒飲茶 (MONTEREY Place)將軍澳澳南海岸唐俊街23號MONTEREY Place 1樓2A號舖.・。.・゜✭・♥・✫・゜・。.#得閒飲茶 #廣東點心 #美食 #飲茶 #推薦

將軍澳海濱長廊旁的Monterey Place，這間新派茶樓勝在夠「貼地」——海景配上傳統點心蒸籠，都係第一次體驗🫖🥢穩陣之選：▫️蝦餃 ($38)半透明外皮夠煙韌，咬開兩隻完整鮮蝦彈牙，筍粒爽脆無渣，皮薄餡靚～🦐▫️菜苗餃 ($32)菠菜皮薄得透出翡翠綠，蝦肉與菇菌比例剛好，芡汁清淡但帶淡淡松露香，怕膩人士恩物。🌊海景伴食：▫️韭菜金錢蟹盒 ($42)即炸上桌燙口小心！腐皮酥脆不油，蟹肉混馬蹄粒增加口感，蘸少許浙醋更能提鮮。▫️鹹水角 ($28)糯米皮外脆內糯，豬肉碎餡居然吃出蝦米香，放涼了也不硬身。🥟驚喜位：▫️小籠包 ($48)湯汁足到要用匙羹接，皮薄得透光卻不易破，薑絲切得極幼細值得加分。🍰完美句號：▫️馬拉糕 ($28)氣孔密如蜂巢，黑糖香氣樸實，最欣賞店家堅持小碟蒸製，邊位帶微脆口感像古早味蛋糕。🚩得閒飲茶地址：將軍澳澳南海岸唐俊街23號Monterey Place 1樓2A舖

帶家姐同姪仔再訪將軍澳DHYC，事關上次食過好好食❣️ 🌟蝦餃（4件） $42咬落去個皮煙韌得嚟帶微微黏性，餡料就係蝦蝦蝦🦐食落啖啖肉蝦肉，爽脆彈牙，最正係蝦肉冇剁得太碎，保留到原塊口感🌟燒賣（4件） $42入面有原隻蝦仁，豬肉餡混入咗冬菇粒，最正係豬肉唔係用絞肉，食到豬肉嘅纖維，口感更加豐富，保持到顆粒感，而且有肉汁！香菇亦都有個畫龍點睛嘅感覺🙌🏻好食！ 🌟蘿蔔絲酥餅（3件） $42外層酥皮鬆化到不得了，一咬就散開，擺咗一陣食都係熱辣辣，入面嘅蘿蔔絲超多，好清甜，連續食兩件都唔覺得好油膩，好食👻食埋姪仔嗰份😼🌟沙嗲粉絲牛肉煲 $158沙嗲醬帶啲辣，調味上幾好食，粉絲同金菇索晒精華仲保持彈牙。牛肉片份量都幾多，仲有紅椒黃椒增加口感同香氣🙈最正係個煲滾住上枱，熱辣辣🌟揚州炒飯 $120個炒飯好大碟，我哋兩大一細都食唔晒😫金黃色嘅炒飯粒粒分明，炒得乾身，材料有齊蝦仁、叉燒、香蔥、菜粒等等🫶🏽仲有三隻大蝦，但係覺得上次食過白汁海鮮焗飯好食啲-整體嚟講點心類比小菜好食，最正係揀咗餐廳門口位，吹住海風望住海景慢慢嘆😻環境好舒服🫶🏽

得閒飲茶 位於將軍澳的知名粤菜老店👍🏻益新美食館的副線店內半開放式！環境開揚可以睇到康城跨灣大橋而且寵物友善！可以帶埋心愛嘅寶貝過嚟一齊食飯主打手工點心同即叫小炒！用料上乘鑊氣十足！今次我就叫咗幾款點心、小食同小菜味道好好！值得推介大家來試試！點心：即叫即蒸夠熱辣蝦餃、燒賣小菜：用上鮮蝦製成鳳梨咕嚕蝦球小食：特色小食韭菜金錢蟹盒、窩貼蝦多士主食：瑤柱蛋白炒飯得閒飲茶 (將軍澳)📍將軍澳澳南海岸唐俊街23號MONTEREY Place 1樓2A號舖

平日嘅中午終於可以嘆下DHYC啦餐廳都開咗好多年星期六日都見到好多人可能因為pets friendly所以吸引左好多毛孩主人打躉蒸焗煎點心都叫黎試試最喜歡韭菜金錢蟹盒金脆外皮是用了炸雲吞皮裡面的韭菜及蟹肉份量都好多整個蟹盒脤卜卜非常足料第二樣超好味既就係松露雜菌餃值得一讚係真係好有松露味~而蘿蔔絲酥餅都係非常好味因為熱辣辣上檯所以唔油膩蘿白絲味道調配得好好係暫時食過最好味既蘿蔔絲酥餅還有..牛肉球 > 正常口味灌湯餃 > 店員叫我地要快D食, 唔係D湯會琼可惜我顧住影相真係慢左添..蒜蓉粉絲蒸鮮魷都係該店推介菜式食完飲返杯陳皮普洱茶~舒服晒!

這間位於將軍澳海旁的半開放式點心店，以無敵海景和寵物友善環境為賣點，坐擁開揚景致，我們坐下，海風輕拂，搭配輕快音樂，很是寫意的一餐。  點心韭菜金錢蟹盒外層炸得金黃香脆，不油膩，內餡韭菜飽滿鮮香，熱辣辣上枱很好味。蝦餃皮薄透亮且口感爽滑，蝦肉鮮嫩彈牙，鮮味十足。燒賣餡多汁豐潤。菜苗餃外皮很簿，包裹着清脆菜苗與整隻鮮蝦，蝦肉爽口。主食鳳梨咕嚕蝦球大隻且口感彈牙，裹上酸甜醬汁開胃，蝦鮮亦很彈牙。瑤柱蛋白炒飯則炒得乾身分明，瑤柱絲炸得脆卜卜，搭配蛋白與菜心粒增添口感。  這裏環境加分，海景與寵物友善設計令人心情愉悅，點心手工精緻好味。

知名粤菜老店--益新美食館的副線，因為正對跨灣大橋的靚景，一派悠閒氛圍，已多次光顧。食物水準穩定，點心即叫即製，溫度十分足夠。 蝦餃晶瑩剔透的澄麵外皮包裹大大顆蝦仁，摺出精緻的皺褶，入口爽滑彈牙，是粵式點心的經典代表。 燒賣以薄麵皮裹着豬肉與蝦肉餡，頂部點綴蟹籽，蒸熟後肉汁豐盈，口感紮實。 菜苗餃內餡是清甜的菜苗，清淡不膩，適合追求健康美味的食客。 蒜蓉粉絲蒸鮮魷 鮮魷切片鋪在吸滿蒜香的粉絲上，蒸製後魷魚嫩滑，粉絲入味，蒜香濃郁。 韭菜金錢蟹盒 酥脆的油炸外皮包裹韭菜與蟹肉餡，形如金錢，外酥內香，韭菜的辛香與蟹肉的鮮甜完美融合。 鹹水角糯米粉製成外皮，包裹鹹香肉餡，油炸後外脆內軟，甜中帶鹹，是廣東傳統的懷舊點心。 焗叉燒包鬆軟的麵包裹着蜜汁叉燒，表面烘烤至微脆，內餡甜鹹交織，叉燒的肥瘦比例恰到好處。馬拉糕 傳統的蒸製蛋糕，質地蓬鬆柔軟，帶有紅糖與椰香，甜而不膩，常作為茶點享用。

好難得搵到一間近鬧市，有靚海景，又好chill嘅地方飲茶🫖叫咗平日會食嘅點心：蝦餃，燒賣，懷舊灌湯餃，叉燒包，蘿蔔絲酥餅，排骨陳村粉，韭菜金錢蟹盒。有幾款點心特別好食並值得一讚嘅：懷舊灌湯餃個皮唔厚之餘，入邊嘅湯好多好正哦排骨陳村粉係我媽咪最欣賞嘅，因為個陳村粉好入味 我就最鍾意韭菜金錢蟹盒，個殼脆卜卜，入面嘅蟹肉同埋韭菜同埋蟹肉嘅配搭好新鮮叉燒包係令人喜出望外嘅，因為入邊唔單止有叉燒醬，係真係有叉燒粒！個皮亦都好甜好香口加埋個無敵海景，我應該會再返去

🍤【將軍澳隱世點心｜得閒飲茶復刻港式情懷】 📍得閒飲茶 將軍澳澳南海岸MONTEREY Place 「窩貼蝦多士」一咬三重奏！ 酥脆西多士×彈牙蝦膠×邪惡流心芝士🧀 $88/5件高CP值必點，熱辣上桌拉絲視覺暴擊 🥟 穿越時空的懷舊二重奏 ▫️灌湯餃｜金華火腿湯底鮮到掉眉 薄皮兜住瑤柱蟹肉餡，$68/2件值回票價 ▫️金錢蟹盒｜韭菜x蟹肉炸出千層酥脆 咬開「咔滋」聲響徹全場，油香控慎入！ ✨ 點心控驗貨清單 ✅ 蝦餃｜透光皺褶包住3隻完整鮮蝦 ✅ 燒賣｜豬肉混蝦粒彈牙不膩 ✅ 焗叉燒包｜菠蘿皮酥到犯規 📸 打卡位解密： ▫️落地窗坐擁澳南海景 ▫️霓虹燈牌復刻老香港風情 ▫️點心蒸籠自帶懷舊濾鏡

藏身將軍澳南MONTEREY商場嘅 DHYC Dimsum 粵式點心，環境光猛卡位寬敞，啱晒一家大細。點心即叫即蒸，款式都好多。🐷焗叉燒包 咬落去酥皮嘅，蜜汁叉燒多到漏！熱辣辣上枱最正～ 🦀 韭菜金錢蟹盒 炸得鬆化唔油膩，蟹肉mix韭菜咬開仲有汁 呢個好好食🤤🥟 鹹水角 外脆內糯夠煙靭，佢新鮮炸好熱食最正！ 🥬 菜苗餃 外皮薄到透光，菠菜苗有勁多粒鮮蝦🍤 蝦餃 蝦肉勁大粒彈牙，皮薄師傅手功好好～ 真心正🦑 蒜蓉粉絲蒸鮮魷 蒜香魷魚厚肉彈牙，粉絲索晒啲鮮甜汁🍰 馬拉糕 鬆軟到似海綿黑糖味濃但吾會好甜樣樣都好食，熱辣辣上枱風味十足。對住過海景色，舒服。

得閒飲茶位於將軍澳臨海，坐擁開揚海景，讓食客在品味傳統港式點心之際，盡覽海天一色。主打手工現制點心，如蝦餃皇、酥皮叉燒包。店內設有寵物友善區，無論家庭聚餐或朋友小聚，都能享受美食、美景與寵物同樂的寫意體驗。 .🌟韭菜金錢蟹盒招牌手工經典點心將鮮拆蟹肉、彈牙蝦膠與韭菜完美融合，裹上腐皮炸至金黃酥脆。外層輕盈松化，內餡飽滿多汁，蟹肉的鮮甜與韭菜的辛香在口中迸發。師傅現點現炸，確保上桌時熱辣燙口，配上一壺陳皮普洱，盡顯傳統點心精髓。.🌟蘿蔔絲酥餅點心以白蘿蔔入饌，將清甜蘿蔔刨絲後慢炒至軟嫩，佐以金華火腿末提鮮，再以千層酥皮嚴密包裹。現烤出爐的酥餅外皮金黃松化，輕咬即碎，內餡蘿蔔絲保持爽嫩多汁，淡淡胡椒香與牛油酥香交織，熱氣蒸騰間盡顯功夫火候。.🌟蒜蓉粉絲蒸鮮魷每日嚴選新鮮吊筒，師傅將魷魚片成薄透花瓣狀，鋪墊在吸滿海鮮高湯的粉絲上。靈魂蒜蓉醬以金黃炸蒜與生蒜黃金比例調配，佐以魚露提鮮，蒸制時蒜香滲透每一絲魷魚肉質。魷魚片蒸後捲曲如花，口感彈牙帶脆勁；底層粉絲吸盡魷魚鮮汁與蒜香精華，爽滑入味。