彪哥海鮮菜館

营业中

休息中

今年生日, 多得朋友疼愛, 都食左唔少餐好野. 就由蛇王彪開始分享. 一早訂左菜色, 當中有幾味係彪哥的得獎菜色, 我地一行20人, 最終飽到食唔哂.1) 椰子燉田雞 - 清甜滋潤.2) 招牌拼盤 - 有鹿筋, 海蜇, 鵝爽(胃), 墨魚. 鹿筋同鵝胃都非常爽口美味, 墨魚夠軟熟夠鮮甜, 唔錯.3) 徐李小炒 - 有象拔蚌, 海蝦, 露荀, 雞脾菇, 清爽鮮味.4) 百花彩卷 - 內有蝦膠, 皮蛋, 酸薑, 皮蛋配酸薑就食得多, 加埋蝦膠做卷就未試過, 很新鮮的配搭, 亦幾好食.5) 砵酒焗蠔 - 肥大, 甘美, 有酒香, 食過咁多度砵酒焗蠔, 彪哥的都算頭果幾位.6) 薑醋凍 - 比較硬, 麻麻地.7) 清湯鹿腩 - 湯底鮮甜, 有胡椒香, 鹿腩鬆軟, 羅白清甜無渣.8) 魚茸象拔蚌粥 - 粥底係魚茸粥來的, 夠綿又鮮甜, 不過食到e度, 巳相當飽....9) 魚茸魚湯浸白菜 - 食唔到la.....但聽講d菜好嫩.10) 堂煎鹿舌配雞脾菇 - 由李棠師傅親自操刀, 只加小小鹽同黑椒吊味, 鹿舌勁爽嫩甘香, 配上同樣爽口多汁的雞脾菇, 絕呀!11) 壽包仲有朋友帶來十幾二支美酒,

我真係唔好彩..成日去親食飯都遇到米奇...因為朋友話呢度好食..所以去試下啦...一入到去...已經覺得好煩...門口收錢個女人....應該係事頭婆...不過系你耳邊叫你食海鮮.....我地已經話得喇我睇睇先..唔夠十秒又一句.."試下生蠔啦,蟶子好靚呀,一係賴尿蝦丫"不停講...想靜靜睇下餐牌都唔得.....小菜黎講呢度算貴...最終都叫左個所謂招牌菜既缽酒生蠔,,,完全唔覺得有咩好食........唉.........之後既鹿筋好淋冇咬口...千葉豆腐聞好香食冇味...食食下.....大家都登大晒對眼......有隻好似貓咁大既米奇跑過....絕對冇誇張...因為隔離"木台"有個男人見到都係咁樣形容番俾個事頭婆聽..仲系d客系腳底跑過.....我地好好聲氣同個事頭婆講"嘩...你咁樣唔得架喎,搵人攪攪佢啦,我地都好明白食肆同埋舊區就一定有架喇,但係見到都唔舒服囉"點知佢話同我地轉過張"木台",根本唔關事啦大佬......佢唸住坐遠d唔係我地隔離就ok.....之後都算啦..繼續食埋就唸住走架喇,但係我已經唔敢將對腳放落地...點知真係又有第二round...今次係另外一隻...因

很久前, 波波生日, 我啦, 佢啦, 仲有佢爸媽一齊去食蛇王彪. 再一次的蛇王彪, 都係一樣的好味.我地最中意食佢個砵酒焗生蠔, 一味即做既小菜, 佢係外脆內軟, 個汁好香酒味, 仲有, 最勁係佢伴碟既洋蔥, 撈飯一流! d 洋蔥係剛熟, 所以爽口得來, 又唔會有一陣嗆口既感覺.至於個9肚魚拼椒鹽骨, 個9肚魚炸得好好, 又係外脆內軟, 超正!!! 但係個椒鹽骨炸得老0左D, D肉有D UN UN 地, 你地都睇到佢幾深色GA LA..咪就係炸得耐得滯.

昨晚我們一班為食鬼又出動了，原先打算前往元朗酒泉食日本嘢，點知下午 4:30pm打電話訂位 7:30pm 已經滿坐要等到 9:00pm 先有位，唯有放棄而改往預算下次光顧的彪哥海鮮菜館 ﹝前蛇王彪﹞。我們五個人就點了以下嘅食物：大白菜燉猪肺.....今非昔比，跟往日的不能同日而喻，不過相比時下嘅已經好 OK 了。招牌拼盆....內有冰鎮的鹿筋、海哲、八爪魚、良瓜及駝鳥肉，當中只有良瓜及駝鳥肉較為有口感和味道。豉椒炒小蟶子.....味道濃淡適中又逢當造所以非常好食。炸鮮奶拼炸大腸.....腸身較乾涸，炸鮮奶就出色好多。椒鹽﹝太湖﹞白飯魚.....粉太厚又無味道，要靠點淮鹽先掂。彩蛋百花卷.....賣相 Good 味道口感都十分好，只是太細件和價錢不成正比。綠葉荷包鱔.....極富特色的菜餚，肥美嘅大鱔配合梅子的微酸簡直天衣無縫 VERY GOOD。椒鹽瀨尿蝦....鑊氣十足不過味道偏淡。日式青芥牛柳.....絕對是誘人的食物，味道口感都十分好。金沙茶樹菇.....惹人唾涎，咸香恰到好處。蘿蔔牛腩煲.....普通的一個餸菜，所以都很普通。魚茸粥.....出奇地好吃，魚和粥非常融洽地溝在一起

除夕夜在此狂歡之後,相隔數月,再來蛇王彪.由上次的十多人,變成四名"麻甩佬".四個人自然無須上樓,坐在貼滿傳媒報導相片的地舖.也一樣.原來彪哥都幾受歡迎.不說太多,先來盅湯.白菜豬肺湯,真是做到湯甜,菜滑,其豬肺也滑到吹得彈破.這盅湯,相信是眾單身寡佬夢寐以求,包括我.上次來吃不到聖子王,今次一於要補中.用蒜茸去蒸,才能突出其鮮味.有說彪哥是第一個將蘇格蘭聖子引進香港,是否屬實就無從考究,但這條聖子王,鮮味無窮,肉質爽口.都不理彪哥是否什麼"聖子先鋒"吧.砵酒焗生蠔,上次吃罷眾人大讚,這次發現,原來要斷隻叫的.用錫紙包著洋荵,砵酒同生蠔來焗.用上的蠔飽滿肥美,洋荵的辛辣味同砵酒的甜水乳交融,統統被蠔吸收.水準依然.但爐兄說:{都係金山的好一點.}炸大腸拼炸鮮奶,前者不夠脆口,後者外表金黃香脆,一口咬下,內裏已凝固的鮮奶甜味一湧而出.還不錯.如果味道淡少少或更好,對我而言就點點過甜.記得在益新吃過令人回味的煙倉魚,原來彪哥也有此味.這處的沙律煙倉魚,開價並不貴.煙燻味著實不重,肉質嫩滑,外皮也香脆,如果當其為煎倉魚也可以.荷包鱔又是上次吃過再吃的一味.用荷葉包著鱔,再

12人家庭聚會, 經濟實惠 炸子雞 1 只 - 肉滑, 乾身, 普通唔差沙薑雞腳 2 客 - 大大隻雞腳, 普通唔差豬肺湯 1 盅 - 甜甜的清湯, 清潤不膩, 豬肺又爽口椒絲腐乳通菜 1 客加大 - 最普通的菜, 都唔會話好好或者好差杞子浸九杞菜 1 客加大 - 甜甜大大粒的杞子加上好少食的九杞, 得意配搭家嫏煎藕餅 2 客 - 藕餅內混有粒粒的馬蹄, 炸得乾乾的, 爽爽的煎倉魚 1 客 - 魚身炸得好乾, 老闆娘話老細響法國學的砵酒蠔 x 12 只 - 蠔炸完先焗, 蠔身邊脆脆的, 加上惹味砵酒洋葱汁, 不愧為得獎菜荷包鱔 x 12 只 - 其實係滑滑的鱔加酸酸的梅子用荷葉包住蒸, 又酸又滑, 好得意蒸帶子 x 12 只 - 普通不過不失生磨杏汁 - 熱熱的生磨杏汁, 分量少但人人話好飲另加幾碗飯, 埋單 1,600, 好味又抵食! 當然唔好對環境有要求啦! 但服務 OK, 見隔離枱有人生日, 所有待應一齊圍住張枱唱生日歌比個客, 好有美式餐廳feel呀!

一家人又一同晚飯, 是次揀了遠一點的地方: 觀塘. 一早訂了位, 否則也幾難有位. 是晚我們就坐係旁邊的鋪, 也沒大問題. 環境當然不會太好, 不過望落去也乾乾淨淨的.來到這裡, 先知這裡也係那些得獎餐廳. 既然如此, 就叫這裡的招牌得獎菜吧.大白菜燉豬肺湯 $68: 9分, 要了個大盅的, 怎知道份量係真的非常之大, 小弟係飲了好幾碗. 跟飲開的杏汁豬肺湯不同, 這個大白菜燉豬肺湯係好清新的, 喜歡飲清清的湯一定會喜歡. 沒有師傅的痕跡, 飲落口只覺得好鮮甜, 豬肺洗得乾淨, 大白菜真係幾大條, 但係好新鮮. 單單清完這個湯, 大家也飽了不少.彩蛋白花卷 $13 x 3: 8分, 04年的得獎菜. 叫了四件, 上臺時只得三件, 再追加也無影無蹤, 唯有吃三件好了. 賣相係幾靚的, 用薄薄的威化紙包著, 入面有不少材料, 蝦膠幾爽口, 皮蛋也幾靚的, 當然, 最搶鏡的一定係酸薑, 吃完係好開胃的.全港首創掛鹿米線 $20 x 2: 8分, 點解叫做掛鹿米線? 根據店方講, 係每條米線都黐住鹿肉, 而且每粒鹿肉都唔黐的. 望落碗米線都也覺得這個說法係幾真實, 都有不少米線係黐住鹿肉, 不

同朋友仔嚟呢度食,因為有蔡生介紹!有好多咩鞭咩鞭,我同個friend都唔敢食,都係食番個蛇羹!怕藥材味太重所以叫多碟生炒排骨!蛇羹味道十分好,木耳,蛇肉絲煮出來的蛇羹滲著一股果皮味,加些薄脆好可口!冬菇絲不多,但我朋友碗就多d,點解咁唔公平架?? >_<生炒排骨都有獲氣,不過酸味唔夠!

今日晚上氣溫十分凍，想食羊腩煲暖下身，屋企附近最靠得住既應該係彪哥。所以大約6點就黎左。叫左細羊腩煲($68)，生炒骨($45)，芙蓉蛋($38)。羊腩煲:汁同配料比較好，馬蒂、腐竹等都入味，不過羊腩好韌，炆得唔夠耐，食左舊就已經黐牙，而且骨多，份量少。比較失望的一味生炒骨:炸得唔夠脆身，肉質硬，而且多肥肉，醬汁酸多過甜，最重要係唔夠熱。芙蓉蛋:份量好大，不過可借料唔多，洋蔥仲係生既!!同埋煎得比較油。其實已經係第二次黎彪哥，印象中菜式係唔錯既，可能今次叫錯野，或廚房一時失手。不過今次無論如何都要比喊面。

2007年之最後一夜,沒有巧明立目的呃錢除夕大餐,只有一大班朋友,在觀塘同牛頭角之間,一個不起眼的住宅內,歡渡除夕夜,兼迎接高清時代的來臨.當然,最主要原因,就是同友人E慶祝生日.言歸正轉,這間住宅內,其實是樓下的彪哥海鮮菜館之延伸.有點點早年什麼"阿毛介紹"的私房味道.形式決定內容,喬治安排的飯局,餐酒一定少不了,差不多一人帶一支之下,近乎變成Wine dinner.不過,甚麼形式也沒有所謂.最緊要大家吃得開心.當夜我們吃的,每一道也很有水準,蛇羹濃凋,蛇肉拆成絲,蛇肉味鮮,肉質不鞋口.蛇汁雞出乎意料,雞味濃郁,雞皮滑如脂,入口不留痕,只留著雞味.肉質亦嫩滑得驚訝.砵酒焗蠔比金山的有過之而無不及,用錫紙包著來局,充悶酒香不在話下,而且蠔本身很juicy.火喉恰好.炸魚兩味為沙蜢同鳳尾魚,香口非常,佐酒最佳.糯米飯非生炒貨,但一樣粒粒入味.掛鹿米線一大窩,何謂掛鹿就不得而知,鹿肉如免治牛肉,連同米線一同吃,鹿肉個性不算強,味道有點點似牛肉.吃到差不多十二點,便到時候落到店內,對住電視等倒數...五,四,三,二,一......大家互相碰杯,祝福,新年快樂.除祝福E生日快樂之外,同場亦有一

游完水曬完太陽後，3個番茄人(紅卜卜)貪新鮮行吓這個新場。得個亂字！一於較腳去揾食！住觀塘的2姐叫我去宜安街的新XXXX酒家，BUT要等位！再往前走多一小段路見此店：無裝修但坐滿客人，多數跟店員很熟，就試試啦！剛好有張細枱，餐牌上大致分了食材種類。ORDER了：鹿湯浸鷄例牌、黄金蝦、蒜茸白菜妙牛肉、竹笙响螺燉雞脚、兩飯兩粥。鷄：D皮好滑，D肉好爽滑好新鮮......但就唔識分邊D係鹿湯味！黃金蝦；(近)多黄金...即咸旦，而碟底只用小量椰菜絲塾住，隔油隔得夠。白菜妙牛肉就好有鑊氣，每餐飯有D菜食，平衡吓就覺得好舒服！燉湯好清甜，令我感覺到上次在廣州喝湯時的那種美好回憶。各位：一個酒樓食齋瀨嘅碗，裝滿D粥收你$12.00......無錯！！(笨)唔係普通白粥；佢係瑤柱魚茸粥！！！條柱比佢地搖到散哂，D魚又茸哂落Ｄ粥度！！！BUT：真係幾好味噃。尾聲太太&契女叫多兩个燉甜品堂食/兩个外賣。共銀$344.00下次再來試試亞BILL哥其他手菜。

此菜館乃是我家之飯堂，一星期幫襯數次，都未會食厭．推介菜式：1. 椒鹽蛇碌(好咬口,惹味,送啤酒一流!)2. 椒鹽茄子(但水準有時浮動)3. 鹿柳飄香(有wasabi味!特別又好味!)4. 中式牛柳(別以為是尋常,這是我在街坊菜館吃過最美味的中式牛柳)　5. 砵酒焗生蠔6. 荷葉蒸鱔片(忘了是否正確菜名)7. 其他海鮮類要視乎當日的選擇,一般來說都不錯.8. 還有數百元一煲的甚麼魚甚麼甲湯,如果一大班人來的話可以一試一行七,八人消費數百至千多元不等.最貴一次吃了二千多元,菜式當然都是貴價啦

前排仲係凍凍地既時候同男朋友去食，因為呢間野0係牛頭角都好出名ga~出名在於食物選擇多，素質好，service好，dinner時間成日排曬隊，好勁ga~果晚叫左蛇羹、鹿腩煲、鹿肉米線同我至愛的避風塘雞翼。蛇羹唔錯，起碼唔會偷工減料；鹿肉系列好有特色，味道亦佳，熱呼呼適合寒冬品嚐……雖然香港都唔會寒冬……雞翼雖然係咁多個裡面最普通，但唔好睇少佢，佢唔會整到d雞翼乾曬，而係一咬仲會有肉汁果種，d料唔算太辣，一般人都應該接受到……最好既係佢連甜品都有，如果大家果排燥熱既仲可以食個龜苓膏tim~價錢合理，絕對值得一試。

一行四人到宜安街搵食, 見這餐廳最旺場, 心諗值得一試.order了的dish如下:1) 燉湯: 可能做開蛇的餐廳燉湯都有一手, 好甜又冇味精, 難得的好味.2) 店員推介砵酒焗蠔, 蠔身夠大, 肉質新鮮, 焗得剛剛熟, yummy...3) 豉椒炒小聖子: 其實d 蟶子一d都唔細, 幾大隻, 夠新鮮又夠爽, 夠鑊氣!4) 沙薑雞: 雞雖然係冰鮮, 不過都蒸得好滑.5) 豉汁蒸白倉: 條魚係游水既, 所以好新鮮, 蒸得剛剛好! 很多酒樓都蒸得過火, 但這店子卻掌握得很好!6) 炒芥蘭: 夠鑊氣, 好爽口!見到有不少枱有order紅酒, 牌子是不過不失的jacob's creek, 不過, 食海鮮, 我都是比較喜歡配白酒

入到去, 見佢貼哂d獲獎相出梨, 又有雜誌介紹, 諗住掂啦, 點知,普通過普通.....當晚叫左1. 粟米斑塊2. 豉米叔炒蟶子3. 雞蛋焗魚腸4. 炒豆苗5. 炸奶+ 京都骨6. 鹿筋糖水炒蟶子最垃圾, 最難食, 得個大隻, 零鑊氣, 蟶子又難食吾爽口, 個豉汁獻難食度100分, 完全吾係o個回事!!!焗魚腸吾太清潔, 雞蛋同肝搞吾均, 搞到一舊舊咁, 都幾吾好食.其他就普普通通, 冇咩特別, 最好食已經係粟米斑塊...服務95分, 得一個呀叔吾係幾好老脾, 其他人都四萬咁口, 十分好招呼.