彩

营业中

休息中

呢間元朗隱世沾麵小店聽聞長期都好多人排隊。今次我好好彩嚟到就有位入，一坐低已經見出面有四五個人排隊😂呢到最出名應該係蝦味噌湯沾麵，不過我怕太濃味，就揀咗原味豚骨湯試下先原味豚骨湯叉燒沾麵是日special係柚子麵，聽落幾fresh咁揀咗佢。麵條好有咬口，淡淡嘅柚子味，睇落個湯好稀以為唔係好掛湯，點知完全無影響，好易掛湯🤭呢個質素嚟講，性價比算幾高，仲有要留意呢到一份麵係200g，半份就100g。今次揀咗一份覺得好多😂食到超飽！普通女仔應該食半份就夠食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️(五⭐️為最高分數)

彩拉面一直都係位於元朗的名物~ 我幾年前係佢大排長龍既時候已經食過當時已經覺得十分出色呢次經過元朗 突然有D懷念呢間沾面店經過門口 估唔到經過幾年 彩拉面依然要排隊睇黎佢既食物質數係無退步我地叫佐個蝦味僧湯沾面湯底十分出色 非常掛面面亦都好特別 有咬口 唔會太淋 雖然已經係老網紅店但呢到既員工服務態度依然非常好 非常難得

其實呢間店都已經開咗一段好長嘅時間。但係人流都係依然咁旺盛，可見佢嘅實力都係非常之穩定。以前一直會叫佢哋做嘅胡椒麵，今次見到有紫菜麵就即管試吓紫菜。所謂紫菜麵，其實佢個味道唔算好濃，但係多咗一浸蔬菜嘅味，夾落豚骨做嘅沾麵湯出奇地配搭。其他配料，例如叉燒、荀之類就不過不失。環境其實都係一張L字枱，睇住師傅做面，頗有喺橫街窄巷尋美食嘅氣氛。埋單都係$80，以CP值來講其實非常之高，經過元朗嘅朋友真的可以一試！

好多年前食過呢間，當期時已經係好出名，排咗好耐隊先食到又真係幾好味，所以令我印象深刻。之後想再食但每次經過一係就好多人隊一係就撞正店休好多年後見到周末夜晚經過竟然冇人排隊，就諗住再試下，但質素比以前差咗。叫咗蝦湯($93)同豚骨湯($83) 豚骨湯很不錯反而期待咗好耐嘅蝦湯麻麻地，如果就咁飲蝦味都幾出，但因為唔太掛湯，所以食麵就冇乜味，有少少失望同埋可能因為鋪頭少位而職員有4位，食嘅時候不停見佢地玩手機。

呢間沾麵店既蝦湯沾麵真係世界級好食😋！每次想食沾麵既時嘅，都會過嚟呢度～雖然每次去到都要排隊，不過好彩外面有張長凳俾客人坐低等待。大家記得帶定蚊怕水，等個時俾蛟咬咗幾啖🙈小店裝修簡約，入面座位不多，得11個位～ 係座位上會睇到師傅製作過程。 Menu上有3款湯底選擇，包括原味豚骨湯、黑蒜油湯同蝦味噌湯～ 麵條都有3款選擇，包括小麥麵、黑胡椒麵同是日special ~ 是日special要問返侍應生，當日係抹茶味～蝦湯沾麵 $93 🤩每次黎到必食蝦湯沾麵！一上枱，就聞到超級香！小麥麵條有咬口，沾上濃郁嘅蝦湯，麵條馬上掛汁，係滿滿既幸福味道！配料有溏心蛋、叉燒、紫菜、筍同蔥花。食完碗麵，記得叫師傅《加湯》，師傅會幫你加鰹魚湯係碗到。本身既蝦湯味加鰹魚湯味，成個湯充滿鮮味，為呢餐作完美嘅句號～👍🏻呢度每個沾麵都有200g麵條，無論女仔定男仔食都一定夠飽！😋

我早喺六七年前已經開始食彩拉麵。當時彩係人龍小店，每次都要等一頭半個鐘，但因為日本老闆同四眼肥仔哥哥身上嗰種敬業樂業嘅精神，每次碗沾麵都好滿意。今日黎開元朗，專登黎食彩拉麵。昔日人龍已經不再，門可羅雀。甫進餐廳，大概已知原因。三個拉麵師傅，兩個見到客入黎都仲專心玩電話。唔緊要，我明白佢地可能未為意到已經有客人到左。但我叫完拉麵後再望佢地，佢地都仲玩緊😅😅😅一得閒煮完嗰麵又繼續玩電話，今次就三個一齊㩒，完全唔需要留意下食客嘅需要。試問咁嘅態度，啲麵又點會好食？我覺得好內疚，因為我嘅出現，令到佢哋無得打幾分鐘機

曾經好好食既沾麵，係元朗最首屈一指既沾麵 🍜我係早幾日晚飯時間，由於見門外唔洗排隊，即刻諗都唔諗入去叫左一碗原味豚骨沾麵！一入座就比店內濃烈既荀味充斥住我個鼻，如果大家未聞過或者討厭荀既人，你地可能會唔中意呢個味道，或者覺得呢個味道好似「廁所」！呢一點大家小心呀✨首先，原味豚骨沾麵，湯係凍，豚肉切得比較薄身。我好明白一分一分貨呢個道理，所以係呢度唔再對塊肉有任何評價。個湯飲落欠奉豚肉味及比較咸⋯第二，請容許我形容個麵為一pat麵餅，麵為小麥麵，佢係涼冰冰 好有一種擺左好耐既感覺。以及，麵質唔煙韌！如果個湯係熱或者係微溫既，我諗個麵都唔會好難入口既，呢一點真係有小小失水準。我諗到既原因可能客量比較少，員工都無乜心情去煮一碗麵吧！當日員工大部分都坐喺到玩手機，即使有客人或者外送員，佢地都無點特別招呼。係佢以前未裝修，即使好多人排隊同埋有荀味，我都唔介意成日排隊食佢。因為果陣日本老細同員工，每次見到有客人除咗會禮貌用日文打聲招呼，上麵都會日文介紹⋯果陣有一刻好似係日本既感覺同時都係我真真正正係到咩沾麵！裝修後、開分店後，我都間唔中會去食，但食物質素都未至於今次咁😥經歷今次體驗，我覺得可惜同埋

成日朋友同我講有間隱世沾麵係元朗好好食但我住附近咁耐都無去過有啲唔岩就決定去去試一下見鋪頭1點都係等緊2到3個人但我入左去之後後面都排長龍啦😱-蝦味噌湯沾麵配柚子麵💰108📜淡淡既蝦香味，但食落去竟然比相像中濃味，沾麵輕易掛湯，再加上柚子麵係濃湯入面帶一點清新甘甜既感覺，再配一枝柚子梳打，完全有消暑既感覺，麵質偏硬身，但份量係200g，男仔都會覺得夠食不過麵入面既流心蛋好易熟左，可能個湯相對較熱而造成，叉燒就相對太薄唔太食出味道而有影響-

元朗真係好多野食不過有時要行遠少少啦今次試呢間沾麵都想試左好耐不過就係成日都嫌遠😆📍彩 𝙖𝙮𝙖想試呢間係因為佢有蝦味增湯所有蝦嘅食物美美都好like🫶🏻👧🏻蝦味增湯沾麵💰$98👦🏻黑蒜油湯沾麵+溏心蛋💰$98+10沾麵黎講我淨係食過三田製麵所三田個湯係好結好濃嘅🫕食食下會覺得太濃味好漏但彩呢個湯就有啲稀似返平時嘅拉麵湯🍜雖然個質地唔同但呢個蝦味係好香嘅🦐而個麵嘅硬度麵係唔錯嘅呢間店得10個位左右係圍住廚師嘅吧枱都幾有日本feel🇯🇵不過要扣一扣分嘅就係幾位店員心情好似好差全程都嬲爆爆咁☹️美美都唔係話想要啲咩服務🙈但大家可以歡容少少嘅😗

————————————————————————彩aya地址：元朗建德街26號益利大廈地下14號舖Shop 14, G/F, Yick Lee Mansion, 26 Kin Tak Street, Yuen Long（西環都有分店呀~）店面很小，但是有很多人慕名而來，因此經常大排長龍，唔想排隊就真系要趁啱啱開門就幫襯啦。龍蝦沾面十分惹味，必點！🟠推薦食物🔹蝦味味增沾面🦞🍜（$93）：可以選面既種類，選左胡椒味，真系啖啖胡椒味，湯唔算太濃但龍蝦味超濃郁，唔咸，好高質🟡不推薦食物無🟠員工日本師傅，職人對面同湯都有一定追求🟡環境內有11個座位，佈置系日本溫馨風，可以睇到師傅整面店鋪位置較偏僻，附近多蚊蟲🟠總評分（9.5/10）💰$100/person#ezukokofood #ezukokoyuenlong #ezukoko元朗 #ezukokosaiwan #ezukoko西環#ezukokojapan #ezukokoramen#foodiehk #foodie #hkfood #美食 #元朗美食 #西環美食 #食好西

彩今日放工經過呢間拉麵店見到佢地主打沾麵就叫左兩碗沾麵唔知係味一早整好啲沾麵上店既時候有啲凍左少少但都唔緊要，可以放到湯到食個湯口好濃 岩曬啲重口味既朋友不過覺得啲料可以再多返啲整體性價比都叫做ok但未必再encore

新界區比較少拉麵沾麵店　佢地個位都幾隱秘　要有少少眼力去搵下出面既佈置幾日系嫁　舖頭啲位吾多嫁　由外到內都好日本式佢地舖頭會有啲限定麵款　幾有心既製作蝦既香味無話好濃　食落有蝦味沾麵會有少少鹹加左北海道蝦油搞到湯底濃啲啲麵掛完湯後　其實會剛好

我一直好怕拉麵 怕太咸太淋但呢間真係好食元朗必食🤩拉麵 - 彩🤩環境📍2.5/5 少少難揾坐位都幾窄同少坐得唔係幾舒服食物🍜 4.5/5佢有三個湯底 豬骨/蝦蝦/黑蒜我地揀左蝦同黑蒜🦐蝦蝦果個有好香蝦鮮味 唔會太咸🧄黑蒜都重蒜味 濃味啲佢既麵有小麥/黑胡椒/today’s special 我果日係basil面 basil味唔算好勁 但都有 幾得意黑胡椒麵既味出啲 後勁胡椒味會再跑出啲😂啲麵質都好好 有得揀硬度專登叫佢整硬啲叉燒同溏心蛋🥚就正正常常 唔會好似湯底同麵咁驚奇價錢💰 4/5黑蒜 $88蝦蝦 $93都唔算貴服務🙋🏻‍♀️3/5正常 無特別

元朗真係一個飲食小天堂 林林總總既餐廳食極都食唔哂！今日去試一間頗有人氣嘅拉麵鋪試一試佢出名既沾麵！ 蝦味噌湯沾麵店主加左北海道蝦油落去令到湯底更加濃郁湯底夠曬鮮甜不過朋友就覺得略嫌有dddd咸 吾沾太多汁都ok麵質煙韌彈牙軟硬適中 , 份量都好多！

蝦味沾麵湯係超濃味,叉燒都淋,不過較簿.蛋有溏心, 湯入面有埋筍,會有好大浸味,唔中意筍嘅人就未必食到.因為一踏入餐廳就好臭.....麵質方面,份量好多，但味道普通。環境都較差,好迫,唔乾淨. 雖然個廚師係日本人,但我完全feel唔到日本果種整潔😅😅同埋都要排隊,位置都唔太方便. 價錢都貴,我會揀一幻拉麵💰HKD$113