彩福皇宴 (已結業)

It was really really big restaurant. so many local people had lunch there so it was very noisy. The food was really really good. It was the best Yamaha for me. The plate was very nice and clean.The beef fried noodles are really good. Hagau and siumai also good.The food would be good for foreign people who want try local food.

大陸親戚落咗嚟，咁大棚人搵地方食飯至好就係去酒樓，去酒樓食飯最好就係食套餐。今晚有個非常抵的 “親情宴”，唔使 $2500 全包，所以我哋雖然只得10人去食，都叫咗個12人餐，食到非常飽。龍蝦伊麵超大碟，一碟有三隻龍蝦真係好少見，好多肉，平時去飲，一定唔夠分，今晚竟然食到有得剩。【乳豬】皮脆，但雪味好重。【柚子香荔蜜梅骨】炸過的芋頭竟然仲好味過梅子骨。【惹味帶子小炒皇】果然好惹味，因為裡面有很多蝦乾和臘腸。【紅燒花膠海皇翅】味道不錯，裡面都有唔少魚翅，係堅嘢。【清蒸沙巴龍躉班】條班有兩斤重，蒸得剛剛好。已經好飽了，其他的菜已打包走。最後食埋壽包就結束今餐飯。大陸親戚一致認為在香港食嘢仲平過在大陸食。

牛柳絲炒花生芽，清脆可口。原來花生牙是非常有益的食材，咬落去好爽脆。看似平平無奇的叉燒，原來中間夾了一薄層肥肉，豐盈可口，特別好吃！而且燒腩仔都燒得特別鬆脆！這個涼瓜炆龍躉魚膠原甚豐，魚皮足足有半CM厚！咬落去魚肉夠飽滿。第一次喝黑蒜湯，原來很好味，聞說拍算是非常有益的食物。原來湯渣都好正，有半隻雞，大量赤肉和雞腳，當然還有主角大大粒的黑蒜呢！這個超大型聖子，足足有一隻筷子的長度。肉質非常爽脆鮮味！

同一大班朋友慶祝生日飯食西餐食到悶悶地都係食番中餐好d淺紫色的設計加上水晶吊燈環境都幾靚好長好長大聖子落左蒜蓉 粉絲 去做配料肉質鮮嫩 爽口新鮮入口又彈牙又夠鮮甜牛柳絲炒花生芽花生芽好粗 口感超爽口 第一次食到 感覺健康 配飯一流 份量還可以叉燒夠淋夠滑 紅卜卜燒腩仔做得出色 肥瘦夠平均外皮脆卜卜 燒得鬆脆可口的確加分不少涼瓜炆龍躉魚裹面有好多魚件和配菜上枱熱辣辣魚味好香 咬落去魚肉可口一大碗黑蒜湯 四個人分到有2碗咁多裹面材料不酸色 有半隻雞雞胸雞腳 黑蒜 豬肉 𣎴同藥材黑蒜湯入口就有濃濃既蒜頭香

公司成日都會一大班人去飲茶，今次都唔例外，去咗彩福食點心，其實佢啲點心一直都好高質。鮑汁鳳爪以為係一小碗鳳爪，原來都幾大兜，大概有5-6隻鳳爪，隻隻都肥美大隻。鮑汁鳳爪忟得好入味，甜甜地有陣鮮甜味，蒸點未到之前啜下鳳爪都可以過下口癮。蝦餃每粒蝦餃都包住原隻大蝦，蝦仁爽口之餘佢層皮都幾香，熱辣辣擺一粒落口食到滿嘴都係蝦，好滿足。排骨都比得幾多，下面鋪咗芋頭，嗦晒排骨的肉汁香味，精華係晒入面。鴨腳札呢係包得好豐富，入面鴨又大舊，仲有火腿同埋芋頭。

嘩！ 呢度靚到犯規呀！應該要著套公主👸🏻裙黎至得，我以為去左Disney 啲皇宮餐廳...全個天花都 水晶bling bling... 紫色襯白色... 好靚呀！ 😍 叫左幾個晚飯小菜、燉湯同埋甜品🍮。 燉湯非常大㷛，足夠六至八個人飲，只係$198， 料多量足，好夠味，有半隻烏雞🐔，好滋補。 燒雞皮脆肉嫩，拍青瓜爽脆， 叉燒半肥瘦唔會好乾好硬，好好食。蒜香牛柳粒，牛柳夠淋夠軟熟而且醬汁香濃。每樣餸菜都好平均，樣樣都幾好，大家都食得好滋味。

星期日一家大細晚飯一般都會選擇中菜，又啱食、有營養、又多選擇。經過佐敦就嚟到呢一間彩福皇宴。入到黎發現裏面裝修非常極之富麗堂皇，尤其是天花板嘅裝飾有如銀河，小朋友們睇到嘩聲四起、嘖嘖稱奇。😱😱😱 這裏留底特高，婚宴喺呢度擺酒肯定非常體面。😍 今晚就叫咗個四人餐$780 。有燉湯、錢財拍青瓜、半隻燒雞、蒸魚、叉燒、日式牛柳粒、花菇小棠菜、桂花糕。份量多，足夠五個人食。 味道亦相當不錯，蒸魚火候適中魚肉嫩滑，叉燒好林半肥瘦好好食。日式牛柳醬汁惹味。

一家大細有老有嫩出去食飯，都係離唔開酒樓，今晚同埋屋企人一齊去食，揀咗佐敦間彩福。其實佢晚市個menu都好多選擇，三四人餐去到八人餐都有而且佢重有孖寶套餐，選擇都幾多碧綠海螺鮑片，一上菜見到都幾大盤，海螺鮑片都幾多下，咬口唔痴牙，幾好食加埋佢煮既汁，配上生菜係底，都幾入味。翡翠玉帶子，即係西蘭花炒帶子，佢既西蘭花都幾爽口，好清爽唔會煮到過淋，恰度好處，帶子算係大粒，自己本身好鍾意食西蘭花，所以好鍾意呢道菜脆皮燒腩仔，燒得好金黃，其實彩福d燒味都唔錯。食落口d皮都仲好脆，加埋少少芥茉醬，食落都幾惹味

上次同屋企人食過彩福，老人家都讚不絕口，貪佢抵食大件。今晚就同老豆一家d親戚黎食做節飯。客家風味炆豬肉，呢個係老媽子最愛，每一次都要叫。豬肉炆得好淋，一層豬肉一層肥膏，非常香口，食落口d脂肪好快溶係口度，正。其實佢d咸菜同埋雪菜都好好味，因為佢地吸收晒d汁既精華，所以千祈唔好晒要食埋去。黑松露秋葵帶子炒滑蛋，呢味第一次叫，見到佢將d黑松露同蛋炒埋一齊，佢唔係半生熟的，係全熟的蛋，所以都岩老人家同埋小朋友食。帶子味道都係清清地，唔係蓋過黑松露的濃香。金獎脆皮燒雞，叫得金獎都知有返咁上下，佢燒得幾金黃，而且雞肉同脂肪分佈比平均，雞脾部份連皮食真係勁香口，係真係幾好食。呢餐飯圍起每人都唔洗兩舊水，係一家人食飯既好地方！

彩福已經變咗我同媽媽食家常便飯的地方了，貪佢方便就腳，而且晚市好抵食，分分鐘仲平過大排檔。今晚一家人黎到佐敦彩福，叫咗佢個4－6人套餐食，真係幾抵食。一定要講一講條魚，清蒸沙巴龍躉有成斤幾重，大大條足晒份量，食落肉質滑溜，其實呢d龍躉加d薑絲同豉油清蒸已經好鮮味，所以我地每次都會點呢條魚。紅燒花膠海皇羹，呢個係個餐包埋既，以為會係普通湯水啦，點知都幾有料到喎。都真係足料有花膠係入面，加少少醋，同去飲宴的花膠羹甘不多。蜜汁叉燒都係我最愛，佢d叉燒肉焥得好香甜，色澤仲好靚，如果再多幾舊就更好！

又到放工時間，今晚約埋幾個朋友一起去到佐敦道（彩福皇宴）酒樓地方十分寬敞，坐得好舒服，仲可以食到海鮮， 價錢非常實惠，大家食後都覺得，這酒樓係我哋日後飯局的首選。椒鹽鮑魚$28一隻，第一次食椒鹽鮑魚，外面金黃色，好似一隻金元寶，賣相相當吸引，飽魚食落口中，好有鮮味，爽肉彈牙 ，口感一流，值得一讚。脆皮南乳燒雞半隻$68，雞件炸得幾香，南乳醬都幾惹味，又不會太鹹，剛剛好。蟶子皇$42一隻，用炸香蒜蓉加埋粉絲蒸，非常惹味，十分配合。帶子炒西蘭花$142，帶子大大粒好肥美，仲有around 10粒，嫩得黎清甜可口，西蘭花用蒜炒，清清地唔會太rich彩椒菠蘿咕嚕肉$85，咕嚕肉炸到外脆內軟，不太多肥肉，雖然酸酸甜甜送飯一流，但個汁調得一般。

來到了這天，很難接受，還是要接受。親人的離開，要辦理的事太多，能少一樣煩惱，已經很好。為方便來賓，選址亦係我地考慮之一。看過好幾間，一次偶然路過見到呢個地點不錯，膽粗粗睇下會唔會有英雄宴可以預約，是有的，價錢亦可以接受。夜晚是婚宴為主，早上亦有飲茶午市提供。大巴一落兩步就到，服務好，食物大份足料又好味，是令我們傷心之中有一點欣慰。老人家或行動不便的，有𨋢有扶手電梯，設施亦不錯。當天沒有心情影相，只能用文字來表達我們的謝意。

呢頭酒樓真係好多，午飯時間想飲茶大把選擇，但一個人食就有好多限制要考慮，好似今日咁，去到這裡，午市都幾旺場，取飛等位都等了20分鐘，差一點食都唔夠時間食，最後都係叫我搭檯。補償我等位的空虛和被炒魷魚的傷痛，一口氣叫了4個點心；咸水角雖然份量多但只係微暖，而且頗油及稔身，齋腸被阿姐姐勁手快加了豉油，結果只有鹹味沒有米香味，口感亦很痴口，不是我喜歡的那種，雞包仔大大隻，唔知係咪我食得太急所以冇乜味道，至於山竹牛肉呢，連我唔係金舌頭都食完都懷疑它混合了不少其他肉。姑勿論點，此處地方闊落，坐位舒適，只要能及早分配到檯，始終都係唔錯嘅選擇。

呢到環境衛生相當唔錯！見咁多相都係個豆腐，就試下啦，我自己覺得唔錯，同事就話炸果個比較好。其他點心都係叫一d平時無叫的，都算樣樣野都幾好食。個小龍包好特別，黑椒味

和三位朋友相約到彩福茶聚，之前都嘗試過幾款得獎點心，都不錯。今次想嘗試其他款式點心，朋友發辦，我沒意見，只等著吃。先來是胡椒鹹菜豬肚煲，豬肚夠腍又夠味道。由於不是我點選，所以我不知道這個餃子叫什麼名稱，味道中規中矩。前薄餅都是一般，沒有特別的好和差。海鮮炒米粉都可口，海鮮都不少，算美味。滑蛋蝦仁車厘茄炆烏冬都好味道，夠清新！原來又有得獎點心，$28一碟街頭腸粉，現在仲八折優惠，賣相都靚靚，不過，不是人人喜歡甜醬，我就喜歡真正街頭腸粉多的，街頭腸粉熱騰騰加豉油、熟油、芝麻，吃得很滋味，呢個得獎街頭腸粉擺到上枱已經變凍，吃得不爽。還有蒸蘿蔔糕和粉果沒有上鏡，我都俾佢合格嘅！不過今次茶聚點心對比之前兩次都失色，平均消費每位$110，品質不配合消費，所以短期不會再臨。