彩福皇宴 (已結業)

大陸親戚落咗嚟，咁大棚人搵地方食飯至好就係去酒樓，去酒樓食飯最好就係食套餐。今晚有個非常抵的 “親情宴”，唔使 $2500 全包，所以我哋雖然只得10人去食，都叫咗個12人餐，食到非常飽。龍蝦伊麵超大碟，一碟有三隻龍蝦真係好少見，好多肉，平時去飲，一定唔夠分，今晚竟然食到有得剩。【乳豬】皮脆，但雪味好重。【柚子香荔蜜梅骨】炸過的芋頭竟然仲好味過梅子骨。【惹味帶子小炒皇】果然好惹味，因為裡面有很多蝦乾和臘腸。【紅燒花膠海皇翅】味道不錯，裡面都有唔少魚翅，係堅嘢。【清蒸沙巴龍躉班】條班有兩斤重，蒸得剛剛好。已經好飽了，其他的菜已打包走。最後食埋壽包就結束今餐飯。大陸親戚一致認為在香港食嘢仲平過在大陸食。