Choi Fook Royal Banquet (Closed)

中午去到，已經好多人等位。我拎1-2人枱，等佐15-20分鐘，可以接受。酒樓樓面寬闊，又乾淨，最大優點係「唔洗同人搭枱」。我兩個人，叫佐6道點心。落單後10分鐘就得食喇。٩(˃̶͈̀௰˂̶͈́)و酒樓來說，彩福都算多點心得過奬。2016年旅發局美食之最大賞至高榮譽金獎得獎點心 - 「富貴蝦菌皇功夫腸」薄滑的腸粉包圍著香脆的春卷皮，內裏收埋佐滿滿的嫩菌和鮮味十足的富貴蝦肉，口感豐富。師傅仲用富貴蝦蝦頭作伴碟，心思十足！2016年旅發局美食之最大賞金奬 - 「港式街頭蝦咪豬腸粉」顧名思義，佢真係充滿街頭風味，同傳統蝦米腸最大唔同，佢真係特別滑！不過，我個人覺得唔太特別。依家仲做緊每枱限一碟可以享有8折優惠！2014年旅發局美食之最大賞至高榮譽金獎得獎點心 - 「原隻鮑魚燒賣皇」鮑魚雖小，但小卻精緻。燒賣大大粒，無因為鮑魚而偷工減料。恰恰好，我喜歡！2013年旅發局美食之最大賞至高榮譽金獎得獎點心 - 「芝心海皇千絲春卷」賣相不如點心紙中精味，但味道搭救！千絲酥脆，芝士配蝦肉，猜想不到的匹配❤️唔怪得知攞獎！潮滷脆豆腐外脆內滑！入口即溶！係我最喜歡的小食！麻香金錢絲喱道小食，色彩豐富，但上菜的時候涼涼的，唔知係咪冷盤呢🤔味道尚可。但如果大家唔喜歡洋蔥真係唔好叫！洋蔥味挺霸味的說。整體而言，傳統點心，新穎做法，別具特色。好滿意！…Read More

同屋企人食飯，其實我好少黎佐敦食，黎得呢區通常都係去小酒窩，但今日同長輩食，佢地偏向食中餐，家姐book左呢間，話同事食過好所以推介😊地方好寬闊，樓底好高，每桌之間好多位，冇一般酒樓既壓迫感，用正常音量講野就已經聽到對方講野，整個環境已經令我對這酒家加分不少。今晚晚餐的主角是龍蝦！他們正在推岀彩福龍蝦節，星期一至四88蚊一斤，星期五至日108一斤，而每隻龍蝦都是一斤二兩的，加麵底另加收二三十元不等。看到每一桌都叫龍蝦，有的擺明了只吃它，不點其他菜式就知道有多吸引！我們一行五人點了三隻，一隻清蒸加粉絲底，一隻芝士依麵底，最後一隻上湯鳥冬底，一次過試均所有食法。另點了翅，298一煲及濃湯浸娃娃菜。清蒸的最好食，十分鮮甜及彈牙！完全食到龍蝦本身的鮮味！底下的粉絲吸了精華，同樣好吃！另外他們用的烏冬是彈牙好吃的那種，不是平價貨。翅每人可分到一滿碗，有半隻雞去煲的，所以湯很濃，很有雞味，而翅則是要用筷子夾起來食的那種，不是碎碎的，滋味非常！娃娃菜因為用了濃湯浸的關係，很夠味。這餐飯每個人都很滿足！以上連茶介加一，每人也不用二百，很平宜喔！問過酒家，龍蝦節只做到八月底，要食就要快啦！ …Read More

彩福每年都有幾個月做特價龍蝦推廣，日前到佐敦约同朋友晚飯食龍蝦。我們點了半隻脆皮旺金雞，賣相可以外皮香口，但雞肉醃得過鹹，重口味。兩隻芝士焗龍蝦，芝士香濃惹味，龍蝦肉爽弹牙，可惜汁醬煮得過杰，被伊麵一索變得糊口。另一份蒜蓉蒸的龍蝦，肉質稍遜而且鼓油汁太鹹，吃得大家口渴不巳，有點失望。…Read More

佢既xo石窩腸粉...唔止食過一次，水準依然好味⋯潮州粉果見佢既餐版寫明攞哂奬，就叫黎試下⋯果然無令人失望。仲有叫左星洲抄米⋯可惜食哂至記得未影相，辣度十足⋯又夠乾身。其實呢間酒樓質素唔差，絕對係一盅兩件好介紹地方。…Read More

不只是第一次聽人講話去彩福食龍蝦好抵。前排一行六人去佐敦彩福皇宴，一坐低就order龍蝦（當然仲有其他小菜例如雞、炒菜、湯等等）。小弟見價錢唔貴，一時口爽就話一人一隻啦（侍應話一隻一斤多少少），蒜蓉蒸加粉絲底。結果，咁就出事。侍應轉頭就捧左兩大碟龍蝦上來。六個人點食兩大碟呀！因為係開邊蒸，食起上來非常方便，用隻叉就挑晒 D 肉出黎。龍蝦食落肉質非常彈牙，味道又鮮甜，粉絲加埋龍蝦汁非常正！最後六個人（有男有女）都 KO 晒所有龍蝦！其他小菜就正常水準啦，價錢平番少少就好（不過朋友覺得隻龍蝦已經抵番條數）。…Read More