彌敦左岸

营业中

休息中

逢星期二或三都有呢個牛魔王之夜，每人只係$298 ，可以120分鐘任食。咁今晚特登留左肚食任食，仲要係封門柳，西式任食都係第一次。呢度裝修似酒吧，中間有舞台，不過就播住英超。坐落都夠闊落。咁佢就介紹今個星期封門柳，下一個星期就做肉眼扒。如果套餐飲食嘅除咗牛扒仲有沙律同埋薯條。而個set我哋就要左一份三成熟同埋一份五成熟，都做得到，岩岩好，而佢嘅牛扒調味就比較少，都係自己自行調味，有晒喜馬拉雅山岩鹽，黑椒，芥辣。需要既野都有齊。食落去好重牛味，可能因為封門柳冇咁多肥膏，鐘意食牛既就岩晒。食左兩round牛，食到咁上下飽飽地，就再補多個沙律解油膩感。差唔多食飽仲有阿波羅雪糕杯任食。個人認為岩晒食肉獸，就算生酮飲食都可以唔要薯條嚟呢度盡情放肆。

平時鍾意食牛扒嘅我，間中都會去食牛扒任食！今次俾我搵到尖沙咀呢間餐廳，可以任食牛扒、薯條同埋沙律，仲有阿菠羅雪糕杯都係任食！逄星期二或三都有呢個「牛魔王之夜」，每位只係$298，可以120分鐘任食。今晚係做USDA美國頂級封門牛柳任食，每星期會轉款。下星期就會做安格斯肉眼扒任食！第一round我叫左medium，男朋友叫左medium rare ，大家一齊share 食。Medium rare 呢塊就腍啲，熟度都控制得岩岩好，邊邊個位有脂肪，食落油香滿滿。Medium 果塊就肉味再濃啲，內汁都幾多，瘦過岩岩果塊少少，肉質各有千秋，係不同嘅享受。桌上放咗芥末、茄汁、鹽、黑椒，可以自己再調節個味道。第二round 兩塊都叫左medium 今次切開左三小塊，啲肉好腍，牛肉味又濃，仲掂過頭先果round。呢round 決定唔到薯條，無咁飽。最後叫多個沙律，就已經飽飽啦，好似健康啲添仲！差啲唔記得食埋雪糕，有3個口味揀，我揀左雲呢拿味，清一清油膩感，滿足的一天！

週末約朋感覺食飯，呢間都好適合聚會，有酒飲有歌聽好放鬆，環境好chill燈光柔和先點杯冰凍啤酒嘆下前菜沙律係和風烤蔬菜藜麥，唔同平時沙律走清新路線，有烤過嘅南瓜黃瓜得配上醬汁好惹味，配啤酒一流香草焗田螺一碟有6隻，田螺好軟腍又有淡淡香草香，仲有好香甜幻滑薯蓉呢個法式燒原隻三黃雞真係不得了， 店員會將燒焗好嘅雞上檯再用火槍再燒香，雞件鹹香惹味，食落好嫩滑多汁，另外仲會配原鍋焗飯，會跟埋粗超邪惡燒雞油，撈埋一齊食好香好好味

本來想同朋友去飲下野經過見到呢間酒吧有任食牛扒喎咁今晚就食左先算啦～飲酒下次😝坐低左後發現原來仲有行細細字要先叫飲品先有$298任食牛扒好彩飲品都係正常價Friutea Jelly酸酸甜甜食到奇亞籽同啫喱幾得意我地叫左兩份封門柳上菜速度正常非常足料伴碟仲有薯條同沙律封門柳有牛味都嫩口本身無調味可以配鹽同黑椒又或者配上蒜蓉醬食就更好我地食完一份再叫多份share咁就無咁快凍保持熱度不過最後都只係食到一塊半已經好飽😅始終仲有沙律同薯條食到最後都拎雪糕做甜品🥰

網上發現到呢間餐廳搞緊個牛魔王之夜身為食肉獸女友嘅我當然要同食肉獸黎試一試佢虛實每人只要叫飲品一杯加$298就可以120分鐘無限任食9Oz封門柳❗️❗️❗️仲有沙律薯菜任食❗️❗️❗️我地先揀左飲品侍應就幫我地落單兩人各一份封門柳五成熟先賣相好靚仔都無因為任食而求求其有齊薯條同沙律菜而且封門柳真係足size大大份生熟度控制得唔錯封門柳有炭烤香味而且牛味濃郁正！快快手KO一份再叫一份封門柳仍然有水準絕對無因為再叫而變差起初諗住至少食三塊嘅食肉獸最後竟然兩塊已經投降但都心思思去雪糕櫃拎左兩杯雪糕做個結尾❤️

任食放題壽司就真係多，任食牛扒真係比較少見，加上喺尖沙咀地區，食一塊牛扒本身都好貴，而家仲要三舊水左右任食牛扒，就即管入去試吓，點知原來都唔差，牛扒厚身，而且肉汁味濃，就算普普通通食兩塊，都已經回本，配埋薯條配菜，如果大食嘅人食三份，真係都幾正，直程係回本有突，加上本身餐廳酒吧格局，如果配埋睇波，飲酒，都係比多百零蚊，絕對超值抵食所以我認為，如果你哋真係想食呀，又想抵食夾大件，真係絕對值得推介，這間真係又有份量又便宜

尖沙咀有好多間Bar and Restaurant，依間亦算名列頭三的Live Band Bar👍🏻可以邊食晚餐邊飲酒🍻 店舖分兩層，樓下算係半開放式，只有幾張枱，樓上相對有浪漫情調💕空間感大且坐得舒服，播住輕音樂，同朋友傾計飲杯嘢都幾適合 原來逢星期四有live band，可惜今日係星期三，唯有下次再同朋友聽住歌飲杯嘢。 見到餐牌有好多款生蠔🦪今次就單點四款生蠔：=生蠔Saldanha Bay No.2 $62=南非蠔，以產盛天然野生蠔的Saldanha Bay為名，蠔味較為淡口，肉質軟滑。 =生蠔La Deese Blanche No.2 $62=法國蠔，蠔肉飽滿且爽滑，帶子位清甜，群邊口感豐富 =生蠔White Pearl No.2 $68=法國蠔，海水味道適中，入口不太鹹，口感爽滑 =生蠔Gillardeau No.2 $68=法國蠔，海水味濃郁，味道鮮甜，肉質肥厚飽滿，口感結實有彈性 =香煎鵝肝多士配無花果醬 🥯🌺 $178=鵝肝多士食落香脆可口🍞，鵝肝夠大夠而且口感creamy，質地偏腍身，鵝油鎖實肉入邊，最驚喜係無花果完全能夠中和鵝肝的油膩感，食完唔會滯😋=法式半隻燒三黃

見到牛扒關注組有人分享，當然要立即book位$298任食牛扒，店員同我解釋一個星期做封門牛柳，另一個星期做安格斯肉眼，好幸福，所以我已經book定下個星期，可以食埋安格斯肉眼呢度環境都唔錯，另外見到佢哋本身有live Band，不過因為防疫關係所以唔俾，如果有埋相信氣氛會更好😎坐低當然叫兩杯啤酒先，店員亦好詳細咁樣介紹，叫咗五成熟嘅封門柳，另外薯條同埋沙律菜亦都可以無限量添加牛肉非常腍，有驚喜，肉味濃，另外亦都可以加錢追加另外一啲食物，例如佢哋最出名嘅意粉，青口，朋友食咗兩塊已經覺得好飽，我最後食咗三塊，飽到飛起最後我哋決定book埋下星期，再戰肉眼🤩🤩啱晒所有牛迷

今日同女朋友又一齊放假，去咗尖沙咀睇我阿媽有咗第二個，之後行咗一陣誠品，突然之間好想鋸扒 又上openrice睇下有咩好食，畀我哋見到有一間有牛魔王之夜，仲要298任食 我哋去到門口，好大個牌寫住牛魔王之夜非常吸引，不過我哋早咗到要六點鐘先入座 職員好好安排我哋坐低咗先聽住音樂夠鐘先上去 我哋係第一組客人，上到去得我哋，我哋好似包場 原來每日或者每個星期都有唔同牛嘅選擇今日係封門柳，我叫咗七成熟，女朋友叫咗五成 沙律菜，薯條同牛扒都可以無限refill仲有一個雪櫃放咗雪糕，都係無限供應 不過呢度係需要加一同飲品要另計呢度嘅感覺好似一間酒廊，音樂唔會太嘈環境舒服寧靜，幾適合傾計傾心事美國頂級封門牛柳其實平時我都係食開雜扒餐，對牛肉冇乜講究不過咬落去，都感受到好容易咬同肉汁好多，睇返介紹原來封門牛柳，係取自牛隻嘅橫隔膜，味道非常濃郁，柔軟多汁，呢個簡介係真嘅，又有得食又學到嘢 最後都溫馨提示有一個雪糕櫃，裏面有阿波羅雪糕，有雲呢拿味同埋朱古力味，仲有雪米糍，都唔知幾多年冇食阿波羅，勾起兒時回憶

講任食，香港有各式各樣嘅選擇，任食薯條相信大家都聽過，但任食牛扒相信係第一次聽，餐廳而家推出緊「牛魔王之夜」，120分鐘任食牛扒、薯條、沙律菜同雪糕，不包括飲品，自認係牛扒焚化爐嘅你，絕對可以嚟挑戰下到底食到幾多塊🥩以下係烤招牌美國頂級封門牛柳，建議7成熟，會好切啲同juicy好多😍另外薯條係薯角做法，十分香脆有薯味，我都食左兩盤🫣😆，沙律菜乾身新鮮嘅，最後雪糕係阿波羅牌，有三種口味包括：雲呢拿、芒果及朱古力，仲有三種口味糯米糍包括：士多啤梨、抹茶及朱古力。

-今日同老婆去咗尖沙咀行街跟住見到好啦行嗰邊嘅彌敦左岸做緊牛魔王120分鐘任食牛優惠😍，啱晒我哋呢啲好牛人士，即刻入去食-佢個環境都幾闊落見到佢將每台適合盡量有咁開分咁開俾大家有足夠嘅社交距離食得好安心-佢每星期提供唔同種類嘅牛，今日係食封門柳，我嗌咗五成熟，太太叫咗7成熟，嚟到見到除咗九安士嘅牛之外佢嘅沙律同埋薯條份量都好多，本身諗住可以食到最少兩塊😂點知最後飽得滯食咗一塊就夠晒數-準括嚟講我覺得佢個性價比都幾高，不過下次我會等到好肚餓先去食要食返多啲就仲開心😋,因為其實佢除咗牛之外沙律同埋薯條都可以無限refill，不過食唔晒所以我哋冇再嗌，唔想做大嘥鬼🙊-食完之後仲有雪糕可以任食即刻整返杯雪糕筒個雪米糍開心一下

朋友約食飯，想間餐廳有歌聽，佢就帶左我嚟呢到。其實我食過2次，但兩次都無人唱歌，今次終於有了。一上到去店員就問想坐聽歌個邊定靜啲個邊，緊係揀聽歌。🍽新鮮青口鍋配辣肉腸粒蒜頭辣椒羅勒啤酒汁配香草麵包及薯條 1/2kg青口fans見到佢話新鮮就忍唔住。青口肉厚鮮甜，食得出真係新鮮。配菜嘅薯條非常香脆，本身帶有調味，就咁食已經好食。但可惜在個汁，呢款啤酒汁雖然真係重啤汁味，但質地好稀，令青口掛唔到汁。建議揀藍芝士野菌忌廉汁，相信會更夾。🍽西班牙黑毛豬火腿薄餅幾次嚟都有食佢個pizza，真係做得唔錯，餅底香脆，芝士夠多，連菠蘿都係新鮮菠蘿。諗唔到食咩絕對推薦pizza。🍽烤法國原條野生多佛龍脷魚皇其實本身想叫黃油雞，見好多台客都食緊，可惜剛好賣曬，如果想食嘅話可能要早少少去。最後揀咗呢款名堂聽落響噹噹嘅魚，真係未食過多佛龍脷魚皇。(Google完先知呢款魚原來都幾貴…)餐廳將條魚烤到好脆，配咗一款冬陰公醬汁。魚肉同一般龍脷魚柳質地唔同，呢款質地係結實但又嫩滑，骨頭亦好少，可以放心食。全晚聽住歌食下野，仲可以點唱，應該都係餐廳加分位，但坐近台嘅位置真係比較大聲，餐廳音響唔算好好，高音位會比較拆，

一直都好想試吓有live Band個酒吧今次揀左位於尖沙咀嘅NathanLeft。舖頭裝修格局高雅，感覺好似去咗外國，空間感大坐得舒服，而且燈光昏暗己有氣氛。問一問先知原來逢星期四有live band 大約8:30 後開始。 可惜今日嚟得有啲早，下次都想同朋友嚟下飲飲嘢， 散散心。叫咗個橙漬溫三文魚凱撒沙律三文魚非常鬆軟，第一次食呢一隻整法。老媽話係日式嘅做法。 好咁有少少是半山熟嘅三文魚，又有少少煙三文魚嘅感覺。 而且份量算大，好滿足。另外配有沙律菜產芝士粉煙肉同埋麵包粒，成道菜非常之fresh同開胃。你都好欣賞佢個沙律醬，餐廳打起咗個沙律醬令到成個將口感好fluffy ,另外亦都加添咗少少鹹鮮嘅海鮮味，令到成個沙律食落去口感更加輕盈，而且同個三文魚更加夾橙花甘茶同麥啤黎到酒吧冇理由唔飲酒啦我自己點左一杯signature Cocktail係由orange blossom tea infused gin 加cold brew jasmine tea 做基調。 飲落好似西柚汁，苦苦地嘅西柚皮味加上酒精，酸味同酒味為主，唔會太甜，慢慢品嚐，飲到有茶味嘅after taste。 至於阿媽杯

是月老公生日一定要出街慶祝一下，去酒吧慶祝，論氣氛點都一定好。抗疫左咁耐，出去輕鬆一吓奢華海鮮沙律塔好多鮮海鮮，有紐西蘭深海螯蝦，鱘魚子醬，北海道帶子，青蘋果，牛油果藜麥，十分新鮮，用上了青蘋果爽口帶出酸甜味道，很清新，而且滿滿帶子，把深海螯蝦切細，每口包羅所有海鮮，十分滿足法式燒半隻三黃雞配原鍋燒雞油飯侍應推架車仔，上邊放左我地點左既雞，在香草點了火，未食已經有好香既香草氣味黃油雞的油已經滴在底下的飯， 每啖飯也充滿了黃油雞的精華，雞肉十分嫩滑，帶上手套直接用手食十分滋味蘋果批 自家製開心果雪糕最後又點少得了甜品，另加了生日字句，上枱時還有小煙花蠟燭，我比主角還要興奮，熱熱蘋果批好好味，而自家製開心果雪糕十分出色，老公也大讚我今天為他的安排。

自從疫情之後，大部份有live band的餐廳都取消了即場表演的環節，非常可惜。今晚與友人大概八時多到彌敦左岸，很幸運地見到舞台有歌手set咪，原本八點半有live band環節，可以邊食飯，邊聽歌，是久違了的情景。Fruitea Jelly到酒廊餐廳必叫飲品，友人揸車選無酒精mocktail。Fruitea Jelly以茉莉花茶做底，加入熱情果、青檸汁、蜜糖及愛玉，成為台灣愛玉冰變奏，甚為清爽。GrapesonGrapeson以巨峰提子糖漿為主，加入檸檬汁、梳打水及椰果，味道酸酸甜甜，又有椰果的Q彈。慢煮澳洲牛面頰肉醬手造闊條麵伴溫泉蛋牛面頰有部份切成細粒，部份做成肉醬，既有肉粒的口感，又有肉醬的香濃惹味。牛面頰嫩滑香濃，伴上溫泉蛋及煙韌手造闊條麵，材料簡單但惹味。 烤法國原條野生多佛龍脷魚皇龍脷魚近年已很少見，多數用上鯰魚代替。彌敦左岸餐牌上有原條野生龍脷魚一項，原條野生肉質與一般的大不同，味道鮮甜得多，肉質嫩滑有彈性。龍脷魚皮烤過帶有香氣，入口亦有質感。