張公子

营业中

休息中

跟朋友嚟觀塘食好嘢，「張公子」這間中菜廳，環境唔錯，門面已甚有氣派，菜式亦非常有特色，而且味道唔錯！🔸艷影蝦球（六件）這道豔影蝦球，外皮炸得金黃酥脆，內裡蝦仁鮮嫩多汁，搭配獨特的西檸醬汁，口感鮮明，酸甜清新，讓人回味無窮。🔸燒汁菌皇牛柳粒牛柳粒質地柔嫩，肉汁豐滿。搭配上濃郁的燒汁，味道醇厚，加上菌菇香氣四溢。🔸鮮腐竹蕃茄浸菜苗蕃茄湯味道濃郁，不會太酸，鮮腐竹及白菜仔，清新爽口，健康美味。🔸生煎蓮藕餅生煎蓮藕餅外皮香脆，內裡軟嫩，蓮藕的清甜和豐富的口感相輔相成。🔸張公子炒米粉張公子炒米粉的米粉柔軟而有嚼勁，有很多配料，味道鮮美，果然是這裏的招牌菜。

張公子（觀塘）張公子結合魯菜和粵菜而自創新菜式,廚師製作精美食物,餐廳位於觀塘駿業街58號3樓,𨋢門一開,已見到氣派十足仿石製的收款台和餐廳寶號,餐廳環境舒適,坐位寬闊,服務員招呼殷勤有禮。秋霧鹵醉蝦醉蝦被秋霧煙幕圍困,給客人打卡,大大隻的醉蝦食落爽口兼彈牙,微辣,酒味不太濃,蝦頭仲有膏。艷影蝦球大大隻蝦球有六隻,配有檸檬,鮮蘆筍和香檸汁,炸醬不太厚,蝦球入口爽彈鮮甜,酸酸地的香檸令胃口大開。鮮腐竹蕃茄浸菜苗除左腐竹,蕃茄,還有白菜和香芹,腐皮有黃豆香味,蕃茄酸酸地,白菜青嫩新鮮,香芹味濃。张公子牛肋排香葱粒鋪滿牛肋排上,每口牛肋都有香葱味,牛肋排入口即化,好腍滑,牛味濃,配有鮮露筍。勁量重手芝士.大蝦伊麵新鮮大蝦入口鮮甜爽彈,芝士份量勁多,有拉絲效果,每條伊麵都掛滿芝士,口感豐富。

係咪香港生意難做呢？… 呢間張公子餐廳好似早午下午茶等等都有做優惠~ 本身價錢都唔係好貴，仲有promotion份量都合理一家人來講 ，都好舒適，坐位寬闊，普通食餐飯都好ok~價錢都好抵食檸檬蝦球，甜甜酸酸，都好大嚿叫咗半隻乳豬小食 炸魚，炸得好香口，份量唔算好多炸茄子都幾出色，另外都有叫一口豆腐(唔記得影相……)，如果2揀一，茄子🍆比較突出仲叫咗片皮鴨兩段食，佢既皮數量好多，大家都食到2~3嚿鴨鬆對嚟講比較鹹咗少少🤏但係都OK

今次去咗一間朋友極力推薦嘅餐廳「張公子」，主打傳統粵菜同精緻點心，裝修雅致得嚟又帶點現代感，坐低之後服務員姐姐好熱情咁介紹菜式！今次我地點咗幾款招牌菜，仲配咗一壺香片茶，清新解膩，同點心菜式都好夾，真係一個完美嘅開始！♡公子特色涷豆腐♡呢道涷豆腐真係好有特色，豆腐滑溜溜，配上薑汁同黑醋，味道層次豐富，酸酸甜甜好開胃，作為前菜真係一流😍♡豔影蝦球♡蝦球大大粒，蝦肉鮮甜彈牙，外層炸過，好脆口，搭配特製醬汁，味道更加突出，真係令人食到停唔到口🥰♡秋霧滷醉蝦♡賣相好啱打卡，好有仙氣，醉蝦嘅酒香濃郁，蝦肉鮮嫩，仲有好多膏，食落去好滿足！蝦嘅鮮味同酒香完美結合，真係一道令人回味嘅菜式😋♡酥炸牛肋骨♡呢道菜真係少見又特別，牛肋骨外皮炸得酥脆，內裡肉質軟嫩多汁，咬落去仲有濃郁嘅牛肉香，絕對係招牌菜之一，大推👍🏻♡海味桂花粉絲煲♡粉絲煲材料豐富，有海參、魷魚、金華火腿、蝦米等等，海味十足！粉絲吸收晒湯汁精華，每一啖都充滿鮮味，個人認為口感好特別，推薦💯♡蕃薯甜水♡最後以一碗蕃薯甜水作結，蕃薯煮得軟糯，甜度適中，食完之後好滿足，完美為呢餐畫上句號😊

終於去吃了這間在觀塘區頗有名氣的張公子三個人點了四道菜全部都很好食...⭐公子牛肋排⭐花雕醉蝦⭐艷影帶子球⭐蒜香炸茄子點了四道菜無一踩雷📌公子牛肋排，好吃。超大一份，骨邊肉帶筋帶點肥膏，看似很韌但非常好嚼，有牛肉香，鹵水味有點像台式牛肉麵，四個人以上來必點📌花雕醉蝦，非常好吃。花雕滷汁很清香，淡淡酒味，蝦新鮮彈牙大隻，酒又不會蓋過蝦味，反而更好帶出甜味，必點(可以點五隻或者點八隻)📌艷影帶子球，好吃。新鮮炸出來的，顏值擔當，汁有點像西檸雞汁，酸酸甜甜，帶子很嫩，小朋友和大朋友都會喜歡📌蒜香炸茄子，炸得很乾爽，也是新鮮炸出來的，很香，裡面保留汁水，好吃最後還上了一碗番薯糖水，也好吃薑水甜甜辣辣，番薯煲得綿綿的 ⭐總結⭐吃了四道菜都是高分菜，餐廳裝潢也很雅緻，服務很不錯，每人人均300，正

聽餐廳名就知道係中菜廳，一入門口見到酒吧，酒吧counter係一個聚寶盆造型，非常吸睛。餐廳面積非常大，今日係平日但差唔多座無虛席。- 豔影帶子厚多士比起蝦多士，我更喜歡帶子多士，多士香口脆身，帶子煎得恰到好處，- 公子牛肋排估唔到有咁西式既菜式，牛肋排超級大份，肉質軟嫩多汁，牛味突出。醬汁偏甜，食極都唔覺得膩。餐廳幫客人切開一件件，非常貼心。- 豔影蝦球炸蝦球差唔多有我拳頭咁大，入面蝦球好大粒，肉質鮮甜，配上酸酸甜甜既香芒醬非常惹味，開胃但唔油膩。- 鮮腐竹蕃茄浸菜苗呢道菜完美中和以上三道菜式，味道清清淡淡。腐竹索曬湯汁好好味，番茄同菜苗好香甜。雖然張公子係中菜廳，但佢哋都有唔少西式菜式，西式菜式味道同中菜一樣咁好味👍🏻

秋霧鹵醉蝦 - 蝦肉質彈牙，帶有鹵汁的微妙香氣，淡淡的煙霧香氣在口中散開，帶來一種特別的享受。無論是作為開胃菜還是宴客佳肴，都能讓人大飽口福公子牛肋排 - 這道菜用左成條既牛肋排，經過精心調味後，以慢火烹飪，肉質柔嫩多汁。每一口都能感受到肉與醬汁的完美結合，是肉食愛好者不容錯過的美味。潮式蠔仔餅 - 蠔仔餅皮脆內軟，蠔肉鮮美，是典型的潮州風味。每塊餅都飽滿著新鮮的蠔肉，咬下去的時候，香辣的味道與蠔肉的鮮美在口中交織，非常令人滿足。乾煸四季豆 - 四季豆好鮮甜，經過乾煸後，豆角外皮微微焦香，內裡依然保有脆嫩的口感。幹煸的技巧讓四季豆吸收了調味料的風味，簡單而美味，是一道清爽而不失風味的好菜。

🩵秋霧滷醉蝦（八隻）好入味既醉蝦，酒味好香，每隻蝦頭都有滿滿既蝦膏🦐 蝦肉新鮮彈牙，值得一試！🩵公子牛肋排牛肋排份量超足🤤🤤 塊塊都厚肉，有成8-10塊，個汁好惹味，唔會太濃味搶左牛既香味～🩵鮮腐竹蕃茄浸菜苗忍唔住飲左幾啖蕃茄湯，好清甜，有煮家飯既味道🥹 蕃茄、時菜、腐竹都好足料👍🏻👍🏻🩵碧綠川椒雞微辣既炒辣，加左川椒辣得好過癮，雞肉切片厚薄適中，肉質炒過之後都唔會鞋口，不錯🙈

之前兩次到張公子晚飯，雖然價錢略貴，但食物質素同服務都不錯，所以今午想去試午茶點心，順便爲4月有2次同朋友飯局，睇下菜單。二人坐低落左幾樣點心，就碰到熟朋友又剛到飲茶，所以立即想加位，或轉枱一齊坐，但帶位女侍應即時斷言拒絕，態度非常差，話我地落左點心order, 轉厨房好麻煩，當時成間酒樓衹有一半枱有客，我地得5碟點心，又坐近出菜，幾個侍應企係度無野做，衹要交待一聲，有幾麻煩？？我唸佢係可能唔想再執枱。就算我地再提出要求，佢都say no.其實合併枱同轉枱係其他酒樓係好普通事，點解呢位侍應咁嘅服務態度？？？？就算張公子出品幾好，同朋友飯局就打住先，如果再遇上服務態度如此咁樣，食到一肚氣就無謂。

今晚諗住同個朋友傾吓心事但係好多西餐廳或者係日式餐廳，都係會有限時思前想後不如直接去中菜館度食嘢中菜館整體嘅感覺都非常之好燈光非常之光猛舒適嘅環境的確係營造咗一個好嘅氣氛俾我哋傾偈 。枱與枱之間係好有距離，傾偈好有私隱度！講返食物，公子牛肋排嘅肉質超腍同鬆化，就算老人家食都冇問題完全唔會失望！另外，蠔仔餅份量超大，三至四人都夠食。秋霧鹵醉蝦一絕，隻蝦厚肉又鮮，五隻蝦入面有三隻都好多春，超級滿足！芥末秋葵炒鮑魚角，鮑魚角嘅鮮味加上秋葵嘅脆感，味道搭得非常好，令人驚喜。正當我哋諗緊等陣去邊度食糖水嘅時候，職員就送咗兩碗番薯糖水俾我哋，好正。

朋友帶我黎觀塘食中菜，呢度餐廳裝潢充滿中國風韻，營造出古色古香的用餐氛圍，仲有屏風設計。食物方面：我地叫左原條牛肋骨肉質鮮嫩，火候掌握得恰到好處，而且牛肋骨已經起好晒d肉，方便客人食用。茶會用蠟燭火保温唔會凍晒。秋霧蝦口感清爽，蝦肉彈牙，入面仲有好多橙色既蝦膏視覺效果帶有煙燻香氣好似仙境甘。蕃茄腐竹炒菜酸甜開胃，腐竹滑嫩入味，是一道清爽的家常菜。整體而言，菜品口味俱佳，值得推薦，仲有蕃薯糖水蕃薯粉嫩又唔甜。

📍觀塘同事介紹觀塘區中菜館，今日就等我哋試下有幾好食張公子位於觀塘工業區，地點算稍為隔涉，但佔地全層，座位頗多，屬酒樓格局首先係食佢哋嘅名物，張公子叉燒 - 選用伊比利豬肉，冇筋，入口即溶，上品👍艷影蝦球 - 好新鮮大隻嘅蝦，加上薄衣炸完之後，再沾上檸檬醬汁，外脆內軟，開胃之選公子牛肋排 - 老實講外表並唔吸引，但食落發現原來肉質鮮嫩，充滿肉味，幾有驚喜瑤柱扒豆苗 - 正常發揮，不過不失張公子炒飯 - 以為係普通炒飯一碟，但食落非常足料，每粒飯都炒得均勻，鑊氣好夠，好食最後夥計送咗一客薑汁糕，一客桂花杞子椰汁糕同兩碗陳皮燉雪梨作為甜品；服務態度滿分

🍊 餐廳名稱：張公子 (觀塘)🐝 味道：8.5/10環境：8/10整體分數：8.5/10💰人均：$250+———————————————————秋霧鹵醉蝦💰168用左大頭蝦，肉質爽口彈牙之餘，蝦膏都係多到滿瀉。鹵醉方式係鹹同酒味間攞左個平衡，唔會死鹹又有酒香。艷影帶子厚多士💰268賣相平凡但食落好有驚喜！帶子肉質軟嫩，咬落去又香又軟綿，配上牛油香極重嘅脆厚多士，口感好豐富。必叫！原隻膏蟹蒸肉餅 💰338一般中菜廳好難搵到呢道菜式，難得有當然要叫黎食啦！肉餅係蒸嘅過程入面吸晒膏蟹嘅精華，每一口除左啖啖肉之外，仲會有蟹嘅鮮味。而且加埋啲蟹膏落去撈飯，真係人間極品。公子牛肋排💰398牛肋排已經煮到好腍，係基本上唔洗點咬。牛香味好突出，份量又多，性價比高。🗺️ 觀塘駿業街58號3樓🔍#FlavorforToday觀塘🚆 觀塘站A2出口，步行約5分鐘#觀塘#觀塘好西#香港美食#美食#週末#探店#foodie#hkfoodies#hkfoodie#foodieshk#foodiehk#hkfoodblog#hkigfood#hk#hkfoodlover#hkfood#hkfoodblogger#hk

位於觀塘駿業街商廈內的「張公子」，是一間以傳統粵菜和鲁菜為基礎，結合創新元素的精緻中菜館。甫入門口，大型水墨字牌匾和仿石製的收款台映入眼簾，氣派十足，環境光猛寬敞，裝修雅致，無論是平日用膳、慶祝或宴客都極為適合。「張公子」的招牌菜包括黑毛豬叉燒、艷影蝦球、牛肋排、銅鍋石爆筍殼魚湯、龍皇吐霧酒香鮮鮑魚⋯我選擇了以下幾道菜式：✨張公子叉燒，選用優質黑毛豬肉燒製，厚切的叉燒，外層微焦，色澤紅亮光鮮，蜜汁香甜，肉汁豐富。上枱時仍保持加熱，確保每一口都是最佳溫度，配白飯更是絕配。✨ 豔影帶子厚多士多士香脆而不乾，帶子的鮮味與多士的脆香完美結合，每一口都充滿層次感，讓人食到停不下來。✨鮮腐竹蕃茄浸菜苗腐竹滑溜和鮮嫩的白菜苗，搭配清甜的蕃茄同煮，口感清爽，十分解膩。✨碧綠川椒雞這道菜式雞肉嫩滑，非常惹味，川椒的香氣與辣味恰到好處，食落麻麻辣辣超過癮😋

🌸秋霧滷醉蝦（八隻） $168 🌟🌟🌟🌟🌟超靚呀！有秋霧既視覺襯托住醉蝦，蝦是採用了大頭蝦的，酒味濃郁但沒有遮蓋大頭蝦味道，而每一隻大頭蝦均有蝦膏及肉質結實。🌸公子特色凍豆腐（位）$38🌟🌟🌟🌟🌟這個非常特別，凍豆腐本身夠滑，配搭著薑醋汁食用，薑醋汁內還有薑粒配搭，每一口都有薑粒、薑醋汁及凍豆腐非常開胃。🌸艷影帶子六件$268🌟🌟🌟🌟🌟金黃色，每一件都大大件，非常鬆化而酸甜外表，內裡鮮嫩彈牙既帶子，還有配搭著蘆筍及檸檬片，非常精緻。🌸潮式蠔仔餅 $188🌟🌟🌟🌟🌟大大塊蠔仔餅，鋪滿滿滿的蠔仔，食落蛋香味濃郁配搭着鮮嫩的蠔仔，還可以加魚露一齊吃，非常惹味。🌸金牌蒜香骨 $158🌟🌟🌟🌟🌟份量十足，濃郁蒜香味道，每一顆排骨都炸得非常香脆，肉質非常嫩滑，配搭金蒜一起吃非常惹味。