張公子

营业中

休息中

同長輩食飯多數都會揀中菜，今次就揀咗位於觀塘嘅張公子，據聞佢哋嘅招牌叉燒質素唔錯，所以決定一試.小食揀咗海蜇，質感爽口，作為涼拌幾開胃.嚟到呢度又點可以唔點「張公子叉燒」呢？叉燒用蠟燭保溫，就算放耐咗都keep住熱，叉燒大大件又厚肉，肉質軟稔入口，加埋蜜汁燒得好香🫶🏻🫶🏻.「奶湯雲吞煲」有驚喜！湯底應該加入咗魚熬製，非常鮮甜，雲吞好足料，入面嘅蝦肉新鮮爽口❤️，「翡翠炒桂花魚球」魚肉鮮嫩無骨，外面有少少脆，一啲腥味都冇😆.📍 張公子 (觀塘)觀塘駿業街58號3樓

諗住同朋友慶祝生日，她喜歡食粵菜，上網睇吓找到「張公子」係張公館旗下食肆，位於觀塘駿業街58號3樓，服務態度唔錯，空間闊落！🔹張公子叉燒$258🔹艷影蝦球 $150🔹咕嚕咕嚕$148🔹鮮腐竹蕃茄浸菜苗$122驚喜之選，張公子的叉燒，不但做到肉質嫩滑多汁，豬肉肥瘦均勻，蜜汁清甜不過份，外皮仲燒到微微脆身，怪不得成為每枱客人必點菜式。另外，艷影蝦球一上桌見到酥脆的外皮、包住彈牙爽口大蝦球，伴上酸酸哋嘅醬汁減少炸物的油膩感，做得非常出色。當晚其他菜式都用料上盛、製作用心，真的值得一試！

呢間中菜館原來改左名食物質素仍然保持水準座位闊落 亦幾舒適見到唔少人食片皮鴨好吸引茶係會熱住保持溫度 好貼心🔸張公子叉燒 $258色澤好亮麗，肥瘦啱啱好，叉燒嘅外層燒到好焦香，沾上蜜汁食落好惹味。肉質非常軟腍，而且鎖住晒肉汁，非常Juicy。🔸艷影蝦球 $100一碟有四件， 蝦球嘅size有成個拳頭咁大，外層金黃色非常吸睛，沾上滿滿嘅檸檬汁非常開胃。裡面嘅蝦肉鮮甜彈牙，整道菜嘅配合相當唔錯。🔸咕嚕咕嚕 $148咕嚕肉嘅外層炸得好酥脆，加埋菠蘿、三色椒同埋洋蔥去炒，再配合埋酸酸地嘅汁，真係好味到停唔到口。🔸鮮腐竹蕃茄浸菜苗 $122食咗咁多肉梗係要食返啲菜，菜苗非常嫩綠新鮮，食落口感爽嫩，配埋腐竹同埋蕃茄食鮮味十足。

最近食得多西餐，突然想食返下中菜，所以今次就去左觀塘既【張公子】食晚飯啦。晚餐時間無咩人，所以同fd或者屋企人食飯傾計係一個唔錯既選擇。張公子叉燒：厚切叉燒用熱爐上，叉燒基本上唔肥，但超級軟。非常入味、又唔會太鹹而且蜜汁濃郁。艷影蝦球：呢個見佢係推薦同好多人都叫，所以就叫左。大大粒蝦球包住左炸皮，非常酥脆、而且完全唔覺得油膩，醬汁係芥末+沙律醬，酸酸甜甜、好開胃。超級推薦。薑葱野菌筍殼魚腩煲：超級熱辣辣，分量都好多，薑葱燒汁非常惹味，不過略嫌魚肉骨有D多。鮮腐竹蕃茄菜苗：大大份菜，出面食菜通常分量好少。蕃茄湯好清甜完全唔會酸，鮮腐竹加左唔同既口感。

為了慶祝老朋友的生日，當然要食餐好和豐富的晚餐啦，結果揀了位於官塘駿業街電訊數碼大樓的張公子。張公子义燒聽說這裏的义燒很出名，我當然要一嘗這道菜的味道啦，一試果然名不虛傳，它用了黑毛豬梅頭肉做义燒，醃得相當入味，不肥不廋，肉質又冧又滑，咬落去肉汁還滲進了口腔裏，激活了我的味蕾。北京烤鴨一般食肆的烤鴨片祇得一塊鴨皮附了薄薄的鴨肉，但這裏的烤鴨是鴨皮+厚厚的鴨肉，加上青瓜條、京葱絲和醬料，再用熱辣辣的荷葉餅包裹着，咬落有着不同的層次感，口感十足。北京烤鴨二食／生菜包鴨崧免治鴨肉裏混入了馬蹄粒、鍋巴和芹菜粒，炒得頗夠火候和乾身，再加上用新鮮的生菜包裹着，十分滋味。黃金鍋巴這道菜真的好味到不得了，每一塊鍋巴都粘滿了咸蛋黃醬，咬落去鍋巴十分鬆脆，而美味又起沙的咸蛋黃醬佈滿了口腔裏，真的一試難忘。蒜茸炒菜苗我揀了豆苗，豆苗十分鮮嫩，再加上用蒜茸炒，帶出豆苗的香味和鮮甜味。養顏棗皇糕熱辣辣的棗皇糕端出尼散發出一陣陣紅棗的香味，食落十分煙韌，又不太甜，恰到好處。桂花杞子椰汁糕椰汁糕上鋪了一層桂花杞子啫喱糕，食落散發着一陣桂花的香味，但可惜感覺不到有椰汁的香味。馬蹄爆珠牛乳布甸牛乳布甸非常滑，食落一般牛

偶爾都會想食中菜作晚餐。今次去了一間滿有特色的 張公子 。菜單款式好多選擇。餐廳環境闊落，感覺幾舒適。⭐️ 翡翠桂魚球 $178以鮮嫩的桂魚肉切片煎香，桂魚肉質鮮嫩細軟，口感豐富，加上煎香了的魚皮，味道好吸引。配菜有爽脆的西芹同雙色椒。⭐️ 艷影蝦球 💲198以大蝦加上炸粉炸成四隻美味的蝦球。蝦肉鮮嫩彈牙。每一口都令人滿足。蝦球外面塗滿檸檬醬汁，可以去油膩感，亦感覺好開胃。⭐️ 燒汁菌皇牛柳粒 💲95以嫩滑的牛柳粒搭配豐富的菌類蔬菜，加以燒汁調味，增添了豐富的口感和風味。⭐️ 火焰松露野菌文昌雞 $268文昌雞用錫紙包著，在現場以火焰處理呈現眼前，滿有視覺享受。打開包裝時，野菌的香氣和松露的芳香十分誘人。文昌雞肉質鮮嫩多汁，味道好香。📍 張公子觀塘駿業街58號3樓

◐觀塘高質中菜｜超軟滑牛肋骨｜陳醋水晶肴肉前排先食完一次，中菜特別好食😋 今次試d 西式菜式。蝦球依然係必點，牛肋骨煮法中西合璧，十分推薦！⎊ 艷影蝦球（4件）$100蝦球配上西檸汁，外脆內軟，甜得黎又唔會太酸⎊ 張公子牛肋排 $398 燜煮得好霖，幾乎用羹都可以切開。上面鋪滿蒜蓉蔥，似蒜蓉粉絲蒸扇貝味道，牛肋骨肥瘦均勻，好食過牛腩😜 咬住肥膏一刻真係好正😊⎊ 竹笙扒翡翠 $138炒豆苗幼嫩🥰 竹笙超多⎊ 陳醋水晶肴肉 $58京滬經典前菜之一！唔會過鹹，有酸酸地味道，好開胃，肉質爽脆！

家人極力推薦張公館的公子，趁長週末前往一試位於觀塘一活化商廈的中菜館由經驗豐富的廚房團隊主理餐廳環境寬敞，設有多張大圓枱，環境舒適裝修古色古香，屬於中高檔粵菜館，店員服務周到茶壺有小火爐温熱著，水滾茶靚，十分貼心公子風味燒汁菌皇牛柳粒肉味濃厚，軟嫩不乾柴，帶有嚼勁海鮮翡翠筍殼魚球肉質鮮嫩，毫無土腥味，口感清甜綿密素食鮮腐竹蕃茄浸菜苗份量十足，帶著絲絲甜酸味黯然銷魂炒飯鑊氣十足，飯粒分明，十分乾爽甜品椰汁桂花糕顏色配搭清新，口腔滿滿花香

屋企人好鍾意食中菜呢幾日搜羅咗好多間最後搵到張公子環境寬敞舒適菜式好多選擇賣相仲好精緻味道同服務都超越一般酒樓✨翡翠桂魚球肉質幼嫩．啖啖肉完全無骨配上新鮮爽口嘅西芹✨冰梅脆鱔柳鱔嘅口感爽彈外皮炸得香脆．亦唔會太厚粉沾上酸酸甜甜嘅冰梅醬汁．非常醒胃✨雙耳菌皇浸勝瓜角切嘅勝瓜．加埋湯底味道清甜無味精．亦可解膩✨紅燒BB乳鴿呢度嘅乳鴿真心正燒完依然保持豐富肉汁．好Juicy$68/隻有呢個質數．性價比好高家人都大讚今餐滿足又滿意

一踏入九月十月又有得食大閘蟹！今日黎到張公子食大閘蟹秋盛宴菜單超豐富主角係五兩重嘅大閘蟹公然後一道道蟹粉小菜最後仲有薑茶暖胃睇見都流口水！秋霧鹵醉蝦用左巨型羅氏蝦蝦肉爽口彈牙酒味濃香入晒肉好正！三前食黑毛豬叉燒繡球海蜇陳醋肴肉蟹粉瑤柱千絲豆腐羮金黃色嘅豆腐羹入口滿咀嫩滑主角五兩公蟹大大隻爆膏之餘肉都唔少🤤🤤🤤蟹黃甘香蟹肉鮮甜食一隻都好回味！蟹粉小籠包大閘蟹始終要動手拆所以我更喜歡食蟹粉小菜蟹粉小籠包湯汁豐富加左蟹粉入去味道更鮮濃蟹粉扒豆苗清淡豆苗配上蟹味鮮香嘅蟹粉味道立即提升！蟹肉炒絲苗真係有蟹肉喺面頭炒飯乾爽無油最後係薑茶湯圓薑茶濃不辣不嗆飲左個胃暖暖的平衡返大閘蟹嘅寒涼除左有大閘蟹秋盛宴外張公子仲有適合多人聚會嘅金秋感味宴菜式大同小異兩款秋宴預先訂座仲有85折想同家人朋友齊齊擦蟹啱晒！

唔講唔知觀塘商廈位有間私隱度甚高嘅中菜館！入到嚟環境好闊落舒服～今次夜晚嚟試下佢啲小菜！🍽️潮式蠔仔餅 $148非常香口嘅蠔仔餅，加上少少魚露可以更加帶出蠔仔嘅鮮味，唔會話好咸，呢款蠔仔餅炸粉唔會好多，蠔仔大隻又夠多，同粉漿比例啱啱好～🍽️奶湯雲吞煲 $138大大粒嘅雲吞超飽滿！食2粒已經好飽肚，蝦肉爽彈得來又夠鮮！飲啖順喉嘅湯頭，飲得出唔係落味精嘅湯！🍽️米皇淮山浸菜苗 $122最怕出面食到嘅菜苗得個死咸，但呢度就唔會～淮山軟糯🍽️生啫安格斯牛柳粒 $248鑊氣十足！另外仲有淮山粒、青紅椒粒，豐富咗整道菜，呢度小菜好好送飯！

張公子寬敞優雅的用餐空間，讓食客舒適地品味正宗中菜，其小菜均現點現做，可口的、清雅的風味佳餚都能在張公子享用，張公子是觀塘中菜絕佳的選擇。開首以鮮腐蕃茄浸菜苗穿插稍後的肉肉小菜之間，清新無比，鮮腐竹蕃茄浸菜苗以濃郁的蕃茄湯為基底，浸泡菜苗、蕃茄與腐竹，菜苗仍保持著翠綠爽嫩的樣貌，嚐出菜苗的清甜，腐竹入味，有著天然的純粹蕃茄味，蕃茄酸酸甜甜，格外開胃。奶湯雲吞煲的雲吞塞上多尾蝦仁，新鮮的海鮮味與彈牙脆度，要當天現做現包的餡料才有這口感，再混入鮮美飽滿的豬肉餡，盡享海陸味美，近來吃過最好吃的雲吞就在張公子。生煎蓮藕餅也是我今晚吃到後覺得驚為天人的一道小菜，生煎蓮藕餅外表煎得金黃香脆，味道十分濃香，而且裡頭料超級多，蓮藕爽口，豬肉嫩口，一口咬下生煎蓮藕餅，滿滿的肉汁溢出來。燒汁菌皇牛柳粒選用優質的牛柳粒，以野菌、紅椒、青椒及燒汁拌炒，牛柳粒肉質鮮嫩多汁，且炒得透徹，鑊氣十足，洋溢燒汁的甜中帶鹹滋味，青椒、紅椒爽脆，菌皇飽含水份，甘甜得很，燒汁菌皇牛柳粒長輩吃都沒問題。

經朋友介紹位於觀塘嘅張公子，樓下環境唔多討好，上到嚟好似進入另一個世界😎，眼見座無虛席，來自心底的聲音話比我知呢間應該得😄北京烤鴨🎈價錢唔平，拍得住京菜館收費，皮脆肉嫩😋，個人較喜歡皮連少許肉，呢度啱晒我涼瓜炆鴨殼🎈我唔鍾意食涼瓜，佢哋就話👌🏻黑毛豬叉燒🎈自己一向好少點叉燒，LUNCH未食夠咩😅而且我只愛肥叉，但一班人食飯冇奶油我話事，叉燒望落唔柴，厚薄適中，入口鬆化，咬落好多肉汁，上準之作🏅艷影蝦球🎈外皮香脆，蝦大隻爽口，個汁甜甜酸酸，減少一分油膩感張公子牛肋排🎈今日帶埋個外甥嚟，佢對個🐮讚口不絕，話咁大個仔未食過咁好食嘅牛，個人口感似食緊和牛，真係好腍又入味🤤生煎蓮藕餅🎈煎得甘香，咬落爽脆，口感豐富☘️黯然銷魂炒飯🎈炒得乾身，粒粒甘香✨️啫啫通菜🎈菜合時，配以惹味蝦膏炒加埋啤酒、汽水，埋單每人平均三百幾，性價比高

今晚同放工帶左呀媽去一家舒適的餐廳，品嚐了一些他們的特色菜，傳統的口味mix少少創新原素！🔥生煎蓮藕餅這道菜以蓮藕加肉餅做主角，經過煎炸後外酥內軟。每一口咬下去，外層的酥皮帶來了滿滿的口感享受，而內部的蓮藕則保持了爽脆的口感。🔥奶湯雲吞煲鮮蝦雲吞大大粒，好有鮮味！底下的白菜仔吸收左濃郁奶湯嘅味道，好好味！🔥鮮腐竹蕃茄浸菜苗這道菜以腐竹和新鮮的菜苗為主要成分，搭配了蕃茄的酸甜風味。腐竹的質感柔軟，與菜苗的清脆相得益彰，而蕃茄的酸味則平衡了整道菜的風味。🔥艷影蝦球蝦球經過煎炸後呈現出金黃的外觀，口感鮮嫩多汁。每一舊都有幾粒大蝦，配上佢獨特嘅熱情果醬，中和左煎炸嘅油膩！

約了長輩吃晚飯，多數揀吃中菜，今次都不例外。環境華麗優雅，設有多張大小圓枱，亦有獨立房，地方寬敞闊落，坐得舒適。菜式選擇眾多，有套餐、名菜、湯品、烤肉、鮑魚、海味、河鮮、家禽、肉類、素食、飯麵、甜品等，今晚一齊由長輩決定。先揀中國茗茶($18/位)，普洱香濃甘香，邊沸水邊泡茶，保持熱度。******************************先上翡翠桂魚球（$178），大大塊的桂魚球挺鮮嫩，配上清爽的西芹和紅黃椒同炒，配搭簡單美味！******************************再來一道艷影蝦球( $100)，又大又圓又金黃，讓我想起中秋節人月兩團圓，應節！外層薄脆，內蝦仁鮮爽，沾上酸香的檸檬醬汁，開胃美味！******************************這道生煎蓮藕餅（ $138）很有家鄉的味道。鮮香的豬肉混有適量爽口的蓮藕粒，煎至外層脆內嫩，吃時蘸上喼汁，味道鹹鮮。******************************還有雙耳菌皇浸勝瓜 （$138），成品有雲耳、雪耳、鮮野菌、勝瓜、甘荀等，味道清爽，口感爽嫩，健康有益之健。************