張公子

营业中

休息中

星期日，當然要做個孝順女帶阿媽去飲餐茶，估唔到觀塘有間超高質，而且有特色點心嘅酒樓。生拆蝦餃皇 (四件):餡料使用了新鮮的蝦肉，口感鮮嫩多汁，外皮薄而有彈性，製作精細。蠔皇叉燒包 (三件):叉燒包外皮白嫩鬆軟，內餡搭配蠔皇味的叉燒，肉質鮮嫩多汁，蠔皇的風味提升了整體口感。金網香芒鮮蝦卷 (四件):賣相精緻吸引，外層酥脆金黃，內餡有新鮮的大蝦，配搭香芒醬，每一口都能感受到蝦肉的鮮甜和芒果的清香，口感層次豐富。張公子招牌腸:腸粉質地細嫩，入口即化，腸內包住炸米網、西芹、紅蘿蔔等，有不同層次的口感，十分推介。

這間中菜廳整個裝潢都是中式風格，感覺高貴舒服，這裡的經理非常友善，不僅向我們推介了美食，還詢問了我們對食物質量的看法。整體來說，所有的食物都非常美味！點心精緻，食物款式也非常特別😆張公子的叉燒是侍應推薦的招牌菜，上桌時還放在小火爐上保溫，確保保持熱度。叉燒肉片厚切，入口濃郁多汁，蜜汁醬汁非常美味，果然是招牌推薦，非常好吃😋艷影蝦球是必點的菜品，醬汁的調味非常出色！我忍不住問服務員是什麼醬汁，原來是由芒果汁、沙律醬和蛋黃醬等調製而成。蝦球上還放著蘆筍，帶有一點清新的味道，蝦球非常大隻，蝦肉很多，外皮炸得香脆無比，非常值得推薦😆👍另外，鮮腐足蕃茄浸菜苗是我們點的第三道菜。茄湯浸著的菜苗非常新鮮，湯的味道鮮甜，菜苗也保持著新鮮的狀態。這道菜也是非常推薦的✨

張公子放工帶咗個客去公司隔離食晚飯，近近地去咗搵張公子。一入餐廳裝修我個客人話餐廳裝修好有中國色彩。佢好鐘意。睇吓餐牌食咩先。要叫啲廣東菜式比我個客食。張公子叉燒餐廳招牌菜。叉燒肥瘦均勻，又大舊食落好有口感，好味道。原來配碗白飯食仲正。豔影蝦球皮薄香脆，蝦球大粒蝦肉新鮮爽彈。配埋個汁好好食。翡翠筍殼魚球筍殼魚球食落啖啖肉，夠哂鑊氣，配埋西芹分外惹味。米皇淮山浸菜苗菜苗新鮮幼嫩，淮山爽口健脾，一味好健康既菜式。

二訪張公子｜高級精緻中菜｜寬敞大氣一訪再訪去咗一次之後一直對張公子念念不忘。朋友問食中菜都大推呢間，裝修高尚雅緻，寬敞大氣，用料上乘。再有機會二訪當然興奮至極。🥢招牌叉燒上次已經推介過，今次都一樣保持水準。外表焦香，厚肉大件，仲有甜甜蜜汁。🥢花雕醉蝦誠意頭盤，仙氣不斷湧出嚟，香氣撲鼻。酒香濃郁，連蝦頭都有味，食埋。🥢龍皇吐霧酒香鮮鮑魚視覺效果一流，打卡必叫。爆破一刻煙霧瀰漫，令人有「龍皇吐霧」仙境嘅感覺，蔚為奇觀。以秘製鹵水汁浸泡得十分入味，鮑魚味道鮮甜。🥢張公子牛肋排本地最好食牛肋排，軟腍好咬，配以大量蔥花，入口即溶。舌尖上的享受。🥢銅盤焗臘味飯暖身至極嘅臘味，風味十足，當季必食。臘味油分滲進飯中，米粒不會太過黏實，粒粒分明。張公子的確一訪再訪都值得，係嚟緊做冬一個好選擇！

今日放假約爸爸去觀塘駿業街張公子飲茶。張公子的環境不錯，裝飾具中國風。張公子的點心有水準，水滾茶靚，是和家人朋友飲茶的好地方。推介生拆蝦餃皇，大大粒，皮薄饀靚，蝦肉彈牙，皮煙韌。蟹子蒸燒賣都好食，又係大大粒，豬肉和蝦肉的餡結實有鮮味。金網香芒鮮蝦卷香脆美味，蝦肉甜，和酸甜的芒果很夾味，配埋個醬更正。鵝肝金荀咸水角有特色，賣相可愛似紅蘿蔔，餡有蝦米肉碎冬菇和鵝肝，好食。鴛鴦臘腸卷夠懷舊，唔係成日食到，是爸爸至愛，爸爸好欣賞，話好食有風味。我鐘意公子招牌腸粉，腸粉包住網香脆脆，香菇和蔬菜絲，食落有口感，不肥膩。爽滑薑汁糕健康好食，薑味不太濃，少甜。店服務不錯，價錢合理。

觀塘樓上新開特色中菜｜必試黑毛豬叉燒之前中秋節已經到訪過，每次都會回味蝦球。今日閒日唔算多人，好寬鬆，最好多人都要訂位。Menu裡面有7 大名菜都想試下，可惜胃唔夠大，叫左叉燒。🥳叉燒大讚啊，雖然價錢唔算好平，肉質真係嫩滑😁，連瘦肉都係🙈雲南野菌蒸雞，好有家煮的味道🤭，食得除下係新鮮雞煮，好爽口🤔𓇟黑毛豬叉燒𓇟疊影蝦球𓇟 雲南野菌蒸雞𓇟 番茄豆苗腐竹最後食碗糖水，木瓜雪耳潤喉🥰🥰🥰

今日一如以往同朋友一齊行開觀塘玩，咁行咗咁耐就順便食啲嘢食，咁就去咗張公子睇下有冇好嘢食， 咁其實呢度都開咗一排㗎喇， 咁我見佢啲中菜應該都ok，咁就入咗去，廢話少講睇下我食咗啲乜。張公子叉燒：張公子叉燒內部肉質鮮嫩多汁，帶有著誘人的甜味和香氣。每一口都能感受到豬肉的豐富口感和獨特風味。叉燒烤至完美的，肉質保持著適中的嚼勁，搭配著獨特的調味料，讓我回味無窮。秋葵芥末炒帶子：秋葵芥末炒帶子是一道令人驚艷的中餐菜品。新鮮的秋葵和鮮美的帶子完美結合，芥末調味為這道菜式帶來了辣味和清新的風味。秋葵的口感鮮脆，與帶子的鮮甜互相襯托，而芥末的辣味則為整道菜品增添了層次感。這道炒菜給人一種清爽的感覺，是一道營養豐富且美味的選擇。羊肚菌竹笙花膠湯：羊肚菌竹笙花膠湯是一道豐富而滋補的湯品。這道湯以羊肚菌、竹筍和花膠為主要成分，湯底濃郁鮮美。每一口都能感受到湯品中的鮮味和滋補成分的風味。羊肚菌的質地鮮嫩，竹筍的口感清爽，而花膠則為湯品增添了豐富的口感和滋味。這道湯品溫暖身心，非常適合作為寒冷天氣的暖胃選擇。銅盤焗臘味飯：銅盤焗臘味飯是一道令人垂涎的中餐菜品。這道飯菜將各種精選的臘味經過烤製，在銅盤上與米飯

以前成日去孔夫子飲茶，原來而家已搖身一變成張公子，環境依然舒適，座位闊落，除咗增添送餐具嘅機械人之外，整體服務同食物依然有水準。今晚嗌咗唔少炸物，因為呢度嘅出品真係唔油膩又夠脆，八味豆腐炸漿薄身豆腐嫩滑，椒鹽沙𩺬魚連骨食都冇問題，最出色係招牌菜艷影蝦球，酸甜醬汁配上彈牙蝦肉不得了。食完炸野都嗌返啲健康小菜，火焰松露野菌文昌雞有大量野菌，黑松露味道突出，雞肉新鮮醬汁惹味。鮮腐竹蕃茄浸菜苗係今晚最清新嘅菜式，上湯帶啲蕃茄味幾開胃。

今次我地放假諗住輕輕鬆鬆hea下，就揀左去飲茶，雖然都想陪下父母飲，但我地有時差，一個早起身一個晏起身，咁就我地自己飲算啦😂呢間茶樓有個非常好既特點，就係呢度好闊落，平時飲茶通常枱與枱之間係放得好貼，空間大左自然冇咁應聲，飲茶傾計唔洗好大聲就傾到計，對食客黎講真係好大既優點👏🏻👏🏻蠔皇叉燒包（三件）（$42）叉燒包可以話係飲茶熱門點心之一，呢個叉燒包餡料飽滿，都幾大個，唔錯生拆蝦餃皇（四件）（$60）蝦餃整得幾大粒，皮身厚度適中，蝦肉新鮮彈牙，整體口幾好豉汁蒸鳳爪（$42）呢個鳳爪整得腍滑好味，d醬汁又唔會太多太咸百花釀魚肚（$50）個魚肚大大舊，整得好入味，索曬d精華咁，上面既蝦滑係爽口彈牙香煎芋絲糕（$45）呢個芋絲糕係好有層次感，面頭係煎香既既脆芝麻，咬落就有d煙韌，最後就係好味既芋頭蓉餡料張公子招牌腸（$50）呢個招牌腸算係大開眼界，表面簿簿既一塊腸粉皮包住裡面脆脆既炸皮，而餡料係一d素菜類，有芹菜，香菇，洋蔥等等，成個夾埋口感好正，好出色呢間茶樓我覺得環境真係佔好多分，而食物都係有質素，成餐飲茶都係食得滿意咁離開😁

生拆蝦餃皇蝦餃非常大粒，晶瑩通透皮薄餡靚，蝦肉幾彈牙，有荀尖增加口感。百花釀魚肚厚厚既蝦滑釀係爽脆既魚肚上面，蝦滑味道鮮味濃郁，整體口感爽彈，仲有蟹籽作為點綴。金網香芒鮮蝦卷金黃色的炸米網卷，裏面好多爽口蝦同香甜芒果，外皮酥脆唔算好油膩，配上芥末沙律醬，幾醒胃。X.0. 醬煎腸粉煎腸粉用左開少XO醬，醬料惹味但唔會太辣而搶走腸粉既味道，腸粉煎得有焦香口感，色澤吸引，仲有蛋絲。蠔皇叉燒包麵包軟屬帶甜，叉燒粒大粒分明有咬口，醬汁調味好重玫瑰露味。

觀塘番工既朋友介紹觀塘都有高級中菜，裝修高雅同坐得舒服😌店員仲周不時主動斟茶同主動換碟，幾周到！火焰松露野菌文昌雞火焰文昌雞造型好吸晴！用錫紙包住打火燒😯有得睇又有食！一打開錫紙松露味香撲鼻！文昌雞整得好入味，還有不少野菌！珊瑚藕卷爽脆藕片卷住豬肉，味道好夾！配有薑絲、蔥條，同辣椒食，好惹味！伴飯一流！秋葵芥末炒帶子健康之選，秋葵用芥末炒令秋葵更易入口，帶子都夠大粒同新鮮！豉汁玉書豆腐好滑溜既豆腐，同平時食的口感不同，配上濃濃豉汁，好夠味！☕️餐廳: 張公子 (觀塘)🏫地址: 📌 觀塘駿業街58號3樓

張公子 (觀塘).觀塘附近要食中菜，可能未必諗到有邊間特別推薦今次有了，觀塘張公子，一開閚門就有個拱門設計，好有氣派.▪️張公子叉燒▪️.叉燒偏肥，四成瘦六成肥喜好食肥叉嘅人必叫！.▪️艷影蝦球▪️.蝦球就快好似拳頭咁大，一條小蘆荀作點綴蝦球內好似有啲鹹蛋黃，蝦肉爽實.▪️火焰松露野菌文昌雞▪️.Igable嘅火焰🔥 用錫紙包裹住嘅文昌雞同埋菇菌，充滿黑松露味.▪️鮮腐竹蕃茄浸菜苗▪️.蕃茄味唔算好濃郁，腐竹同埋豆苗好食.📌 張公子 (觀塘)觀塘駿業街58號3樓

觀塘高質中菜館 - 張公子今季精心為您呈獻大閘蟹餐目🦀🦀大閘蟹秋盛宴🦀🦀秋風起，身為蟹迷既我，當然不能錯過一年一度大閘蟹既季節，今次品嚐了位於觀塘張公子中菜館大閘蟹秋盛宴。大閘蟹秋盛宴 $498/位秋霧鹵醉蝦蝦肉爽口彈牙，味精清甜且伴隨著微微既優雅酒香，感覺清新三前食-招牌黑毛豬叉燒叉燒肉汁豐富，肉味香濃質地軟腍-陳醋肴肉 賣相晶凝通透像水晶般，肉凍色澤鮮豔，肉味濃郁但不帶騷味，入口慢慢融化，整體不油不膩。肴肉工序繁複，彰顯廚師功夫扎實。-泡椒雞藕苗蟹粉瑤柱干絲豆腐羹豆腐羹配料十足，滿滿蟹肉、瑤柱、豆腐，口感極佳，鮮味無窮清蒸大閘蟹（5両公蟹）有驚喜！大閘蟹肉厚且爆膏，白膏也非常澎湃，蟹膏甘香綿滑鮮甜，蟹肉鮮味，沾上蟹醋，滋味倍增蟹粉扒豆苗清淡嫩綠既豆苗配上鮮味咸香之蟹粉和鮮味蟹肉，完全起了提鮮效果蟹粉小籠包小籠包賣相精緻，皮薄且口感富有嚼勁，牢牢鎖著小籠包之湯汁，非常滋味蟹肉炒絲苗炒飯粒粒飽滿，炒至金黃充滿蛋香，加上蟹肉和翡翠粒，口感豐富，滿載咸香而不膩薑茶湯圓黑糖薑茶甜湯配上芝麻湯丸，為是次華麗蟹宴劃上完美的句號張公子📍觀塘駿業街58號3樓

今日同屋企人去呢間食晚飯，因為佢地d叉燒出名，屋企人又好鍾意食叉燒，所以就試吓。張公子叉燒，佢地用個爐一齊上枱，可以保持叉燒嘅暖暖地嘅溫度，非常貼心，每件叉燒都係厚切，一咬落叉燒，非常鬆軟，肉質好嫩，肥瘦適中，果然係招牌菜式，個蜜糖味啱啱好，唔會太甜，勁好味。花雕醉蝦，上枱個賣相好有氣勢，好多煙喺碟底噴出黎，每隻蝦都幾大隻，食落好香濃花雕酒香味，d酒味已經入晒成隻蝦果度，蝦都好爽口彈牙。咕嚕咕嚕，碟咕嚕肉都幾大碟，d咕嚕肉外皮仲keep到脆口，唔會因為d咕嚕汁而浸淋咗，個咕嚕汁酸甜味適中，呢個菜菜酸酸甜甜，好開胃。鮮腐竹蕃茄浸菜苗，平時用上湯浸菜苗食得多，呢間係用蕃茄黎浸，都幾特別，個蕃茄湯好濃郁，成個湯都係紅色，所以睇得出好足料，個蕃茄湯入晒落d菜同腐竹果度，夠晒健康。

朋友傾開想食一啲高質上等有心機嘅中菜，但自己冇乜食過又唔識搵，朋友話佢公司食飯食過一間好不錯既，每道菜式都好好食！我地今日夾到時間就一齊去食🩷-一入到去已經感覺到係中菜廳既裝修，服務員都立即會服務你幫你安排座位，佢呢度都有啲包廂，岩啲多人想私隱度高啲既客人～-一見到佢地menu‘張公子七大名菜’當然一定要叫黑毛豬叉燒 $258黑毛豬的口感柔嫩，肥而不膩肉質緊緻多汁，口感柔軟、有彈性外層包住適量蜜糖🍯仲有蜜糖大豆好特別係我食過最好食既叉燒😋-豔影蝦球 $198外皮好酥脆又有少少煙靭嘅感覺好多層次既口感超足料食得出好多蝦好彈牙爽脆仲有啲酸酸地既醬汁同檸檬好解膩☺️仲有盧筍伴碟真係色香味俱全🥰都係七大名菜之一-翡翠筍殼魚球 $268魚塊外層夠薄 皮又微微香脆 又滑食得出新鮮既味道👅芹菜冇渣好爽脆真係好新鮮😉-秋葵芥末炒帶子 $228平時食開既秋葵會有啲柔韌度我唔太鍾意但呢度既秋葵又係好爽脆好新鮮🥹帶子好鮮味柔軟岩岩好唔會過熟仲有淡淡芥末味好清新👍🏻-最後當然要以甜品作結木瓜雪耳糖水清甜又滋潤雪耳煲到冧晒好正🥹木瓜都好好食😻-呢度好適合帶朋友過嚟食飯，或者公司食飯都好體面🩷