張公子

营业中

休息中

放工相約知己食晚飯，這次來到位於觀塘的「張公子」，餐廳環境雅致、高貴，富有中國風特色，燈光明亮，地方闊落，坐位舒適，是和家人朋友飯聚的好地方。😋是日選擇：1️⃣艷影蝦球🍽外表金黃，脆炸外皮，內裡是鮮嫩彈牙的蝦肉，配上酸甜醬汁，非常開胃。2️⃣鮮腐竹番茄浸菜苗🍽嫩綠的菜苗，鮮腐竹吸收了番茄的湯汁，令腐竹及番茄更鮮美。3️⃣火焰松露野菌文昌雞🍽濃郁的松露味道，文昌雞的鮮嫩，野菌的香氣，風味獨特。4️⃣秋葵芥末炒帶子🍽厚身、鮮甜的帶子，秋葵的嫩滑，及芥末的辛辣，配合在一起，帶來了豐富的味道。

今日想喺觀塘搵間酒樓同屋企人飲茶，試咗一間叫「張公子」嘅中菜餐廳。酒樓裝修雅致，燈光光猛，座位寬敞，坐得幾舒服，而且每一台嘅茶壺都有蠟燭座喺下面為熱茶保溫。我哋嗌咗張公子炒米粉、張公子招牌腸、金網香芒鮮蝦卷、蟹籽蒸燒賣同馬蹄爆豬牛乳布甸。張公子炒米粉一上枱已經聞到蝦醬嘅鹹香味，炒米粉嘅配菜有芽菜、滑蛋、蝦米同豬肉碎 ，食落好香口，而且份量頗大；張公子招牌腸嘅內餡有馬蹄、冬菇、西芹同紅蘿蔔粒，一口咬落去非常爽口，腸粉皮晶瑩剔透又夠薄身，入面包住酥脆嘅炸粉同餡料，口感非常豐富；金網香芒鮮蝦卷嘅外層酥脆，內層嘅蝦滑彈牙，芒果肉微熱而且好甜，配埋特製嘅芒果莎莎醬，幾有新意；蟹籽蒸燒賣亦都非常高質，每一嚿燒賣都好足料，而且口感彈牙；馬蹄爆珠牛乳布甸亦都好特別，布甸好重牛奶味，口感嫩滑細膩，而馬蹄爆珠平時好少見，有別於其他普通嘅爆珠，呢一隻爆珠入面有馬蹄粒，咬爆咗之後仲會有種爽口嘅口感，幾推介大家帶屋企人嚟試呢一間幾精緻嘅酒樓飲茶。📍觀塘駿業街58號3樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

今次同朋友仔趁假日嚟觀塘嘆個茶🫖估唔到搵到呢間幾高質嘅茶樓😋環境雅致 有多張大圓枱 適合家庭親友聚餐好彩我地得2個人 上到去唔洗等位😎空間又大又寬闊 唔會同隔離枱逼埋一齊而且落單後差唔多10分鐘已經上齊👍🏻茗茶🫖 $18/位我地嗌咗鐵觀音 幾夠茶香另外仲有個熱爐座住壺熱水 保持溫度😏金網香芒鮮蝦卷🦐 $48呢個好好食 比起一般就咁蝦春卷多咗層金網點埋個黃色醬 甜甜地又幾夾喎😉金黃酥香 外皮唔燶非常脆卜卜入面好夠餡料 啖啖都食到蝦肉💕💕張公子招牌腸🦐 $50腸粉皮幾夠滑 包裹著網狀脆脆😱口感有啲似炸兩腸 不過更酥脆內餡係素春卷 有菇粒+西芹粒+馬蹄粒+紅蘿蔔粒等甜豉油另外附上 客人自由添加👍🏻張公子炒米粉 $128呢碟炒米粉幾夠份量 2-3人分享都得有雞蛋+芽菜+肉碎+蝦乾等材料比較乾身 調味剛剛好唔會太鹹中午時段叫嚟食幾飽足😉帶子菜苗餃🥟 $50餃皮略為少少厚 帶點韌度帶子好大粒 鮮甜又嫩滑爽口內餡都好豐富 有鮮蝦+清爽菜苗混合埋一齊帶來滿滿鮮美滋味👍🏻番芒玉露🥭 $38/碗咁爽可以嘆下菜就食碗糖水作為結尾個名幾得意 其實就係芒果楊枝甘露芒果果肉切成小塊 仲有淡淡奶香味道鮮甜濃郁 口感

我哋兩個人梗係叫一個套餐啦，佢嘅套餐係超級好食，好推薦大家去試吓！首先俾兩份四扣碗前菜，當中包括陳醋水晶肴肉，張公子叉燒，珊瑚黃瓜同深山小雲耳。我想講佢嘅叉燒超級好食，好Juicy，完全唔柴。就算你唔食前菜都要叫一份叉燒嚟試吓。食完前菜梗係飲返先，今日嘅湯係淮山勝瓜筍殼魚球湯，淮山煮到好軟腍入口即化，而魚湯清甜好飲。之後我哋就食咗一個艶影蝦球，外層好似油炸鬼咁，入裏係好多嘅蝦超級足料！喺主菜方面啫啫海參雞煲同米皇淮山浸菜苗都好好味，雞煲入面嘅海參好軟腍，菜苗好清甜，配搭嘅淮山都好軟！仲要唔夠食嘅話仲會有一碟蟹子蟹肉炒絲苗，真係好飽足！

觀塘適合家庭親友聚餐中餐廳今日去觀塘捐血，捐血前順道與媽媽在附近飲茶。中餐廳環境雅致，予人舒服的感覺。餐廳有許多大圓桌，見不少都是熟客或長輩光顧，適合家庭親友聚餐。整體而言，點心有特色，食材用料較佳，味道不錯，可帶同長輩過來飲茶。張公子招牌腸滑滑的腸粉皮包裹著網狀脆脆，口感過癮，有點像炸兩腸，不過比炸兩腸更酥脆；而裏面則是素春卷，有菇粒、豆、西芹粒、馬蹄粒及紅蘿蔔粒等。豉油另上，可以因應自己的口味，自行添加。鮑粒啤梨鹹水角🍐鹹水角以啤梨造型示人，賣相吸引，鹹水角皮稍厚有咬口，裏面是滿滿的鮑粒和冬菇粒百花釀魚肚魚肚非常厚身，口感彈牙；蝦膠釀在魚肚面，口感爽彈；調味略重口帶子菜苗餃🥟餃皮薄帶少少韌度，帶子大粒，嫩滑爽口，餃內有鮮蝦作餡張公子觀塘駿業街58號3樓

平時出街真係比較少食粵菜，朋友介紹話呢間餐廳環境好，食物中上。值得嘗新。🐟酸菜桂花魚片不得不推薦呢個酸菜魚，魚肉大塊鮮甜，湯底夠酸夠辣，靈魂酸菜係偏甜好正，出面食的酸菜係偏酸的，酸菜魚控會好鍾意呢個菜。🐖張公子叉燒不得不承認爲何可以成爲黃牌，呢舊叉燒肥瘦適中，咬落去軟糯，有入口即溶的效果，而叉燒醬甜度剛好，真係必叫菜式。🐂安格斯牛柳粒分量不少，味道正常，如果無甘咸會更好。🥣湯羊肚菌竹笙花膠湯(例)推薦呢個湯，好鮮甜好足料，有一大舊花膠同羊肚菌，係有誠意之作。🥭楊枝甘露+芋頭西米芒果同柚子真係好夾，不敗之作。芋頭西米係煲到好淋，熱辣辣食無敵。

觀塘精選中菜館《張公子》大門口好適合打卡，餐廳舒服間隔， 配搭灰白色石造嘅counter位更顯格調。前菜：四扣碗-陳醋水晶肴肉+張公子叉燒+珊瑚黃瓜+深山小雲耳另類前菜款式，顯得特別，有甜酸既前菜，個人推介將公子叉燒，內味鮮甜，吸精之餘，味道非常易入口。湯：淮山勝瓜筍殼魚球湯魚味鮮甜，非常新鮮😊，配料十足，平時唔食勝瓜既我，都覺得勝瓜特別脆同埋甜。海鮮：艷影蝦球外脆內軟，蝦球啖啖肉，配上鮮甜芒果汁同沙律醬，推介之一。肉類：啫啫海參雞煲以海參為配料既雞煲，有淡淡海鮮味，唔會蓋過咗本身應該以雞肉為主味道。蔬菜：米黃淮山浸菜苗淮山爽口，菜苗份量十足，我同朋友一個食准山，一個食菜苗，夾粉ko咗呢個菜🤣，呢個係健康之選。飯類：蟹子蟹肉炒絲苗(炒飯底)聽名可能以為呢個唔係一個飯類，但的確係一個炒飯😂，蟹子蟹肉、飯份量十足之餘，飯粒做到一粒粒，香噴噴有鑊氣💪🏻。甜品：香芒玉露芒果味十足，以往中菜館或酒樓甜品都係紅豆沙或綠豆沙，呢個香芒玉露畀到人不一樣嘅感覺😊。總結： 平日去，人數唔算好多，可以靜靜地同朋友食住飯傾計。另外值得一提係茶壺方面，酒樓會畀一個有蠟燭火可以去慶熱住，所以係唔會發生茶凍問題，相

爸爸生日 一家人黎到觀塘張公子食飯之前都有食過同集團既銅鑼灣張公館 覺得食飯服務都好好估唔到今次竟然有不愉快經歷一坐底未齊人 我就預先oder晒啲菜式吩咐先出前菜脆皮豆腐 其他就等人齊先再叫起 點知唔洗五分鐘 就上左個蕃茄菜苗我同經理講未人齊 佢仲話無辦法 廚房煮好左最後由於我堅持 佢先肯收返再起好啦 到人齊叫起送 啲侍應又唔記得起菜 要等左45分鐘先有野食食物普通正常水準 每枱必叫厚切叉燒唔覺得出色 調味仲頗咸片皮鴨兩食 二食揀左豆腐白菜鴨殼湯 隨湯配上既豆腐食落已經變壞變酸同經理反映 竟然一句 哦 豆腐酸左呀 就算 完全無任何解決方案總結食物未見突出 可能我又唔係啲咩大客呢個價錢同服務 食物質素 不成正比 為免受氣 一定無下次

平日下午嚟呢度飲茶，覺得環境幾好，食物都唔錯。呢度有好多唔可以錯過嘅選擇😉首先秋霧鹵醉蝦（五隻）$128。蝦夠新鮮爽口帶少少酒香，咬落去嘅時候，肉質鮮嫩多汁。然後張公子叉燒$258。佢個叉燒肉色紅亮，質地好軟滑，經過特別嘅燒烤工藝，帶出嚟好豐富嘅口感同美味。鐘意食蝦餃嘅話，可以試下生拆蝦餃皇（四件）$60。佢哋用新鮮嘅蝦肉為主，皮薄餡多😍再嚟係帶子芋蓉盒（三件）$48。佢哋用帶子同芋蓉做成，炸到外酥內軟，滿滿芋蓉餡。金網香芒鮮蝦卷（四件）$48。佢哋以鮮蝦同香芒為主，炸到外酥內嫩，好滋味😋百花釀魚肚$50。有蝦肉及豬皮，蝦肉大大嚿夠彈牙。茗茶每位$18。

想假期同亞媽飲茶，又唔想去商場等位。今日搵到觀塘商廈中嘅綠洲，餐廳環境雅致，光線充足，窗邊面對綠草如茵嘅公園，而且座位舒適，適合家人朋友歡聚。🦐生拆蝦餃皇（四件） $60 ～皮薄餡多，應該一隻餃入面有三隻蝦，食落啖啖肉。🍐鮑粒啤梨咸水角（三件） $48 ～🌟 打卡之選，啤梨造型嘅咸水角，有別於一般咸水角餡料，內餡是鮑魚粒。🥟帶子菜苗餃（三件） $50 ～ 大大粒帶子面頭，內餡豐富，包咗蝦、菜，好彈牙爽口。🥚流心奶皇包（三件） $40🐖張公子叉燒腸粉 $55🫖 中國茗茶@$18～茶壺下放有熱爐，一直加熱著熱水，份外貼心。🚘🚘 酒樓消費，仲可以免費泊兩小時👍🏻👍🏻

張公子是一家位於：觀塘的粵菜餐廳，駿業街58號電訊數碼3樓。這家餐廳以其環境雅致.大氣有氣派。座位舒適。光線充足的特點而受到歡迎。大㕑們展現出精湛的手藝，烹製各種獨特中菜和精緻點心。備受街坊歡迎。餐廳招牌菜。是食家們推薦的美味菜式有//黑毛豬叉燒//艷影蝦球//龍皇吐霧酒香鮮鮑魚希望能一一品嚐。今次先食：//艷影蝦球每粒蝦球上放有一條蘆筍. 造型美觀.大隻的蝦球裹上薄脆的外皮，金黃色。外皮炸得香脆無比，而內部的蝦肉鮮嫩多汁，加上獨特醬汁調味。美味可口。啱晒我。

近排好鍾意食中菜，今晚同朋友就嚟到觀塘呢度試吓啲特色中菜。叫咗個特色套餐——錦繡宴 $348/位有齊前菜、小菜、主食、湯、菜同埋甜品，一人前份量都真係非常豐富。1）四扣碗（前菜）（有陳醋水晶肴肉一件、張公子叉燒一件、珊瑚黃瓜，同埋深山小雲耳）最欣賞就係個陳醋水晶肴肉，同埋件張公子叉燒。陳醋水晶肴肉好清爽，冇多餘脂肪，有膠質之餘陳醋又唔太酸，調味非常之好！張公子叉燒亦都係冇乜脂肪，食嘅時候仲要係暖暖哋，肉質juicy，口感非常好。2）淮山勝瓜筍殼魚球湯 最鍾意飲魚湯，特別見到奶白湯色就更加覺得特別好飲，亦都係女士嘅恩物！筍殼魚球起晒骨，啖啖肉，配埋淮山同勝瓜，口感豐富，湯底鮮甜！3）艷影蝦球 外層脆皮夠酥脆，咬開係見到一隻原隻蝦，蝦肉彈牙、鮮味，再配埋上面灑咗啲芒果汁，酸酸甜甜好醒胃！4）啫啫海參雞煲 （無辣）係原條海參上，雞件切得夠細件，容易食，配埋冬菇、薑蔥去炒，係一煲好香好養顏嘅雞煲！5）米皇淮山浸菜苗係用咗菠菜苗加上湯浸嘅一個菜，配埋鮮淮山，而且個菜唔鹹，好健康，菠菜苗亦都好嫩口，食落唔會覺得特別「鞋口」6）蟹籽蟹肉炒絲苗呢個炒飯超好食，蟹肉好結實，啖啖肉，而且好似食緊雞肉咁，係

係觀塘區又有新發現，上星期同朋友仔同行到張公子食晚飯，食下佢哋嘅粵式風味菜式。張公子係一間中菜館，餐廳環境高質，享受美食一流！佢哋有個公子嚐味宴，$498一位全包，免茶芥及加一服務費，不過因為見到個份量好大，我同朋友決定今次食下佢哋其他嘅招牌菜式，同樣都係色香味俱全！秋霧鹵醉蝦（五隻）必點打卡美食！呢款花雕醉蝦，非常有賣相，而且非常大隻。大頭蝦入面充滿蝦膏，入口鮮甜，蝦肉陣陣花雕香氣，係一道好正嘅凍盤！張公子叉燒 招牌菜之一，必點！非常出色嘅半肥瘦叉燒，厚切上碟，顏色鮮艷潤澤，味道又香甜，入口肉嫩多汁。而且餐廳好貼心，係碟底下放咗蠟燭，令叉燒keep住温度，等食客可以keep住熱食。張公子牛肋排原條牛肋排上碟，份量十足！煮得軟熟，配上秘製醬汁，上面仲鋪滿蒜蓉同蔥，令到肉質更香口美味，啖啖肉香同滿滿嘅骨膠原，超滿足 ！竹笙扒翡翠蔬菜鮮嫩柔軟，而竹笙爽脆，配搭埋芡汁，味道清香又解膩，食完肉再食呢個菜式就啱晒啦！

觀塘張公子💛秋霧鹵醉蝦💪🏻選用新鮮的大蝦，經過特製的鹵汁浸泡，蝦肉鮮嫩入味，口感極佳。再配以特製的調料，味道更是美妙無比。這道菜絕對是海鮮愛好者的首選。張公子叉燒👅招牌菜之一。叉燒外酥里嫩，口感鮮美，搭配特製的醬汁，味道更加豐富。這道菜絕對是肉食愛好者的福音。姜蔥生蠔煲💕絕對讓你回味無窮。鮮美的生蠔搭配蔥姜調料，味道鮮美，口感滑嫩，是一道非常適合夏季的海鮮美食。羊肚菌竹笙花膠湯🤩味道鮮美，而且營養豐富，是滋補養生的佳品。湯色金黃，口感濃郁，絕對是品嘗美食的同時還能滋補身體的絕佳選擇。環境優雅，服務周到，是品嘗美食的好去處🫶🏻

星期六過嚟觀塘呢邊見營養師，順便喺附近飲個午茶。住喺附近嘅朋友推介呢一間唔係APM，但係人氣依然旺盛嘅中菜廳。～餐廳裝修幾新淨別緻，採光度亦都唔錯，週末12幾左右都幾多人。佢哋夜晚有小菜，晏晝就有點心為主，點心選擇都唔少。～最後我哋就叫咗：1.陳村粉蒸肉排2.百花釀魚肚3.金網香芒鮮蝦卷（四件）4.X.0.醬煎腸粉5.蠔皇叉燒包（三件）～一向都鍾意陳村粉，但係唔算好多酒樓有得食，呢度嘅陳村粉質感滑溜，吸收咗肉排嘅肉汁，濃度剛好，肉排嘅肉質都嫩口。～百花釀魚肚食落去好似棉花糖嘅感覺，魚肚亦彈牙，調味幾清新。～金網香芒鮮蝦卷一檯就俾佢嘅貌相吸引咗，大大條橙黃色嘅鮮蝦卷，貌相喜慶，食落去表層紙薄香脆，內裏嘅鮮蝦彈牙，加埋香香甜甜嘅芒果，調味開胃亦都唔會好油膩。～兩款主食X.0.醬煎腸粉及蠔皇叉燒包之中，個人就更喜歡前者，煎得乾爽之餘，腸粉亦富彈性，X.O醬份量恰到好處，唔會太多太少，加上蝦乾仔嘅鹹香，很不錯。～～～張公子 觀塘駿業街58號3樓