廣麪子

营业中

休息中

一早聽聞灣仔有間好出名嘅牛腩同魚蛋粉專門店，放工就同同事去咗試吓，入到去環境乾淨，空間闊落，坐得幾舒服淨。✨✨首先，我哋點左清湯沙腩，一上枱嘅香氣令人胃口大開，沙腩燉得剛好，差d入口即化，肉質非常嫩滑，油脂恰到好處，配上精心熬煮嘅清湯，帶有淡淡的牛骨香氣，可以我食過最好食嘅牛腩，令人回味無窮。🍜🍖🥢接著，我地亦都點咗招牌魚蛋魚片米粉。魚蛋彈牙，魚片鮮嫩，米粉Q彈有嚼勁，湯底鮮美濃郁，充分吸收了魚蛋和魚片的鮮味，非常不錯。🍲🍜我哋仲點左小食，鮮油奶多香脆可口，外皮酥脆，內裡香軟，鮮奶味道香濃。另外，跟餐叫做杯凍奶茶，濃郁的紅茶香氣和香滑的奶香交織在一起。🥹🥹最後，因為魚片魚蛋實在太好食，我地仲叫多左一份原條切魚片，新鮮的魚片切得均勻薄嫩，好正。🐟🔪

今日11點到灣仔幫家姐湊一陣仔佢有啲嘢要做 一個鐘頭後見得返我同姨甥 兩個都仲未食早餐經過見到呢間咁早開咗食物種類又幾啱小朋友食所以決定入去～- - - - - - - - - - - - - - - - - - - - - - - -1. 切腩四寶河粉+熱檸水因為小朋友食得唔多所以叫咗一碗 諗住一人一半結果發現啲河粉都幾多最後姨甥都係食剩少少可見分量十足加埋富有鮮味湯底同埋足料四寶切腩、魚蛋魚片、牛丸、雲吞食落好有傳統50年古早風味切腩即係牛嘅隔膜部位口感比起一般牛肉更加實在肉味好濃 而又唔嚡雲吞飽滿多汁 鮮嫩香甜姨甥話最鍾意係魚蛋同魚片我諗係因為好爽口彈牙 好有咬口老闆話係日日鮮打 所以魚味十足2. 鮮油奶多士多士真係帶比我同姨甥驚喜麪包烘到金黃酥脆 用手拎起嗰陣有種覺得佢會脆到好易骨折嘅感覺XD中間夾住嗰塊係勁邪惡嘅牛油仲要淋埋煉奶上去牛油、煉奶好柔滑咁慢慢滑落真係忍唔住一上枱就要食啦姨甥食到超級開心成口都係濃厚嘅牛油香味帶有淡淡煉奶嘅甜味3. 鮮忌廉紅豆即係紅豆冰上面加咗忌廉好鍾意佢呢間唔會比一拃冰冰量恰到好處帶有微甜嘅紅豆亦好足料飲咗少少都仲有大半杯忌廉提升咗牛奶嘅香氣整體唔

灣仔·廣麫子聽聞呢間餐廳係經典西灣河麵家味道，由50年嘅傳統歷史，去到灣仔都專登試吓切腩三併撈麵雲吞+墨魚丸+粗麵切腩四寶撈麵粗麵原來係牛丸、雲吞、魚片、牛腩切腩四寶湯粉叫咗魚蛋魚片+雲吞+炆腩食撈粗加埋祖傳自家製辣椒油，就最香，聽聞係選用十多款材料炮製，唔怪之得咁入味下午時間仲可以嗌combo一個叫咗鮮油奶，又厚又脆嘅多士入邊包住奶油同埋厚嘅牛油，簡直係人間極品，食一啖已經充滿滿足😌當然亦都好有罪惡感另一個叫咗西多士combo西多士煎得好脆，亦都好靚，加埋糖漿，不得了另外叫咗新鮮嘅炸魚皮，呢一款炸魚皮非常厚身，會咬一口都好有口感，浸咗落湯入邊依然有魚皮嘅脆香～不得不提啲湯熱辣辣幾好飲加多杯熱檸蜜熱菜蜜，大家都食得好開心

小店主打港式粉麵，魚片、魚皮更加係日日新鮮製造。酥炸魚皮：炸得鬆脆香口，店家仲會送上一碗清湯，可以有兩種食法。原條切魚片：外層炸到金黃色，內裡雪白既魚肉幼滑柔軟，口感彈牙，魚片頭更厚更脆，邊食邊滲出啖啖魚香，招牌必食。切腩四寶米：除左崩沙腩、仲有鮮蝦雲吞、魚蛋、魚片頭、牛丸，份量多到蓋住成個碗，好抵食；崩沙腩特別軟腍，肥瘦適中；鮮蝦雲吞皮薄餡靚，蝦肉與豬肉比例剛剛好；魚蛋和牛丸夠晒彈牙。豬手撈粗麵：南乳豬手炆得腍滑，滿滿骨膠原，粗麵特別煙韌爽口，蛋味極重。西多士：金黃香脆既外層，蛋味香濃，上面放左塊厚厚既牛油及香甜既糖漿，極之美味，但又好邪惡，總結，食物真材實料，份量十足，經典麵家味道，香港人地道美食。

今日lunch嚟呢度食，試吓呢間幾十年嘅老字號，聽講魚皮、魚片日日新鮮炸。真係要一試。✅✅✅崩沙腩河粉：崩沙腩炆得夠腍，而且帶有牛肉香味，河粉亦都細滑，湯可以直接飲唔會話好多味精嘅感覺。🤩🤩🤩酥炸魚皮：魚皮經過處理和調味後，油炸至金黃酥脆。這道菜的特點是魚皮外脆內嫩，口感輕脆，味道鮮美。浸落個湯裏，正❤️黃金炸魚角：魚肉進行油炸。喺呢度嘅招牌必點之一。😝😝😝即炸雲吞：餡料通常包括豬肉、蝦仁、蔬菜和調味料，經過混合和調味後填入餃子皮中，然後進行油炸。這道菜的特點是外皮酥脆，內餡鮮嫩，口感豐富。常😘油菜油菜都非常正常✅✅

1. 四寶湯米粉滷水牛腩配魚蛋，牛丸，鮮蝦雲吞，非常足料！湯底清甜 不是味精湯 米粉爽口 是偏粗的那種 好吃😋 2. 沙崩腩四寶湯河沙崩腩肥瘦適中 3. 酥炸魚皮份量大！好有咬口 也沒有腥味👍🏻4. 鮮油奶多厚牛油配奶醬烘底多士 真係無得輸🤤🤤 建議食完麵才點 當甜品食另外凍檸茶有驚喜 茶味濃！飲左2杯🤓

筲箕灣的安利魚蛋粉廣受食客喜愛，廣麪子是安利開的副線，麵食傳承著50年的傳統，經典西灣河麵家味道深受人心。店家更以祖傳自家製的辣椒油為配料，選用十多款材料炮製，為每一道料理增添獨特風味，一眾忠實fans怎能錯過😍原條切魚片$95大大片厚切魚片新鮮彈牙，帶有淡淡的海鮮香氣，每天新鮮炸，令人一試難忘😋 切腩四寶撈粗麵$70切腩、魚旦魚片、牛丸和雲吞，切腩依舊件件連著筋膜，彈牙甘香，必食名物！雲吞墨丸魚旦河$52 🤩即炸雲吞$46外皮酥脆，內餡鮮美，配埋甜酸醬，吃起來非常開胃😆腩汁菜心$26

途經灣仔比間麵檔香味吸引，食完發現呢間廣麵子認真好味，又夠真材實料😳值得推薦👍🏻聽到員工介紹，話呢度嘅魚片日日新鮮即製，食入口果然唔同，魚片勁有魚鮮味，彈牙爽口🥰呢碗淨魚蛋魚片連個湯底都好飲😈我哋仲叫左個鮮油奶多，麵包烘到好脆，入面嘅牛油同奶醬完美配合，真係好正😋不得不說佢哋嘅切腩四寶非常抵食好食😎齊晒牛腩，白魚蛋，片頭，牛丸同雲吞，大份又多料，而且加多一蚊就可以升級變成崩沙腩，好抵！撈粗更加惹味，調味剛剛好，再加埋佢哋嘅秘製辣椒油，好香口，有提起魚蛋嘅鮮味☺️忍唔住叫埋佢哋嗰個炸雲吞，即叫即炸，勁香脆😋入口仲有原粒蝦仁，而且一啲油益味都冇👍🏻呢度竟然有雜果賓治，好耐冇飲，真係好懷舊啊❣️

今日去灣仔開會，之後和同事去大王東街廣麵子吃午餐。午飯時間全店滿座，我們等了約10分鐘便有位。我們想試多幾款食物，便叫了切腩四寶湯河和切腩四寶撈粗麵。切腩有牛肉味不會太淋有咬口，正。雲吞大大粒皮薄有美味的豬肉和蝦做餡，魚蛋爽口又大粒，炸魚片頭有魚味，牛丸彈牙結實。湯河夠滑，撈粗麵色靚味道好無梘水味。吃一碗好滿足。祖傳自家製辣椒油好正，據聞選用十多種材料泡製，一定要試下。朋友想食多些魚片，便叫了一碗原條切魚片。魚片日日新鮮炸。嘩，一碗厚切的魚片有好多件，還有菜心，絕不欺場，厚切食落去口感更佳，物有所值。酥炸魚皮好新鮮，又係日日新鮮炸，香脆好食，味道不咸，浸下上湯才吃別有一番風味。菜心合時淋甜好食。鮮忌廉紅豆夠懷舊，味道好。凍檸可樂多冰夠凍檸檬新鮮。最後見到隔離枱吃鮮油奶多士好滋味，忍不住飽都叫了一份，好食。

今日lunch同舊同事飯聚， 想見舊同事一面, 咁就食麵啦。 廣麵子位於灣仔大王東街， lunch time 大排長龍， 好在12:30pm 就到， 等左3張枱就入座。 沙腩四寶撈麵， 沙腩四寶湯河， 鮮油奶多士。四寶分別有崩沙腩、雲吞、牛丸、魚片頭、 爽口有牛肉味， 帶點口感， 筋膜連住腩肉， 軟腍味香, 肥瘦剛好。 雲吞材料足夠， 魚片頭爽口。最緊要落佢地自製辣椒油, 用10 幾種材料整成， 如果覺得好食重可以買返樽看下門口。鮮奶油多士： 熱辣辣烘底， 脆卜卜配上凍冰冰牛油， 超正。喺嘆得咁爽之制， 突然公司急call， 即刻飛奔返公司。

在灣仔大王東街新開既粉麵店食野，環境乾淨企理，主打食粉麵，撈麵等港式食物。魚蛋：魚蛋有著彈牙的口感，外層酥脆，內裡鮮嫩多汁。味道鮮美，帶有濃郁的魚香味，讓人回味無窮。三拼撈麵有魚蛋，墨丸，雲吞！魚片鮮嫩細緻，味道鮮甜，充滿了魚的鮮味，讓人垂涎欲滴。墨丸有彈性的口感，咬上去有一種韌勁，但不會太粉，味道濃郁，帶有墨魚的香味，非常開胃，撈麵的湯底鮮美濃郁，麵條有彈性，口感Q彈。雲吞餡料豐富，入口時爆出鮮美的湯汁，讓整碗麵食更加美味。四寶牛既部份轉了崩沙腩崩沙腩，口感非常特別。肉質鮮嫩多汁，入口即化，脂肪與肉的比例適中，帶有一絲絲的脆爽感。味道濃郁，肉汁鮮美，令人回味無窮。牛丸有彈性的口感，咬上去有一種軟嫩的感覺。牛肉的味道鮮美，質地細軟，搭配湯汁更加美味。炸魚皮外層酥脆，內裡薄脆，口感輕盈。味道鮮香，帶有魚的風味，一口咬下去，香脆的口感讓人愛不釋手。什至有港式西多士可以order, 口感鬆軟，外層煎得金黃酥脆。味道香甜，搭配牛油和糖漿更加美味，風味獨特！

一向都幾鍾意食粉麵，天氣轉涼整返碗就啱晒，今次嚟廣麪子，試一試經典傳統50年嘅味道切腩買寶撈粗($70) - 牛腩炆得又香又淋，腩肉一絲絲，口感一流，撈粗汁好香，我加咗啲店家祖傳自製、用咗十幾款材料炮製嘅辣油，食落更惹味，四寶仲有雲吞、牛丸、魚蛋同魚片頭，份量十足西多士($28) - 蛋香十足，外皮炸到金黃，內裡香軟，牛油夠晒多，好邪惡蠔油菜心、腩汁生菜(各$26) - 又大碟又新鮮，腩汁好香，好抵食嘅健康之選淨魚蛋魚片($42) - 魚片日日新鮮炸，魚蛋好彈牙，湯底清甜鮮忌廉紅豆($30)、凍檸茶(跟西多餐+$10) - 鮮忌廉勁香，紅豆又多又淋又有咬口，檸茶茶底夠濃，欣賞店家用不銹鋼杯，夠晒凍墨丸雲吞河($42) - 墨丸勁爽口，雲吞包滿大大粒鮮蝦，河粉順滑得嚟不油膩味道夠傳統，但裝修就又新又靚，店面整潔，算好坐，店員都好有禮貌好幫手以食粉麵嘅鋪頭嚟講，選擇都唔少，好多嘢都想試，下次一定要試下日日新鮮炸嘅魚皮

估唔到灣仔都有隱世嘅好食牛腩麵，最近係附近見客先發現到，行過肚餓就入去試下，佢嘅牛腩超級好味，相當有驚喜，價錢實在，叫多士又有加購飲品優惠，坐位闊落，環境乾淨衛生，絕對會再幫襯。🥹🥹我點左淨清湯沙腩，沙腩果然係最頂級，入口牛肉味重，非常香濃，但入口肉質偏淋，咬落好嫩，肥瘦剛好，油脂平均。🐄🐄魚蛋魚片河粉都不錯，魚蛋應該係餐廳自己手打，所以爆落零舍彈牙，魚片外皮炸得脆。另外，雲吞撈粗麵非常惹味，雲吞皮薄餡，有鮮蝦，粗麵好吸汁又有咬口，好食！🍜🍜另外，鮮油奶多又甜又脆，西多士不會過甜，岩岩好唔會太漏，飲品黎講，凍檸茶檸檬味香，茶味重，凍奶茶嘅奶同茶比例剛剛好，解渴又好飲，係茶餐廳嘅正宗味道。😆😆

放工陪朋友仔去玩具街買玩具，佢話一定要推介我食大王東街嘅「廣麪子」店家嘅麵食保留咗傳統50年嘅味道，佢地嘅祖傳自家製辣椒油，用十幾種材料炮製，特別香口，真係用黎點乜都好食👍🏻沙腩四寶撈粗推介👍🏻沙腩肉膜相連，肥瘦剛剛好，食落帶點脂肪，淋身又易咬，四寶仲包括魚蛋魚片、牛丸同雲吞，一樣都係店家嘅招牌，魚蛋爽口彈牙充滿魚味，牛丸牛味香濃，咬落去仲會爆汁，鮮蝦雲吞皮薄餡料，蝦肉新鮮爽口，食得出係全手工製作💯沙腩四寶河朋友仔點嘅河粉，用料同撈粗一樣無得頂，河粉非常滑溜，加入自家製辣椒油簡直係絕配，連湯都飲晒，而家飲完都唔會口乾，鮮香辣爽😋原條切魚片份量十足，一碗有十多片，魚片日日新鮮即炸，外皮煙靭中間爽口，真係魚片中嘅世一，點上辣椒油更香口惹味鮮油奶多士香脆嘅烘底厚多士中間夾住一片牛油，再加上煉奶，味道香甜，甜而不溜，我同朋友仔都爭住食😆淨魚蛋魚片我同朋友仔都覺得唔夠喉，所以就點咗一碗淨魚蛋魚片配佢地嘅辣椒油，又辣又爽嘅口感真係好正😋📍廣麪子 (灣仔)灣仔大王東街2-4號安興大廈地舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

今日好開心同屋企人去咗灣仔附近搵好嘢食，今次嚟到一間50年老字號嘅經典傳統牛腩麵，試吓佢哋嘅傳統牛腩麵，入到餐廳，發覺裝修非常港式，而且卡位好多，好配合傳統嘅老字號格調，而且菜譜非常簡單，有馳名推介的自家製魚皮，魚片，全部都係即日新鮮出爐，仲有餐廳有賣自家製嘅辣醬辣油，用10多款嘅材料去製成呢一款嘅自家製辣油，都好受歡迎，如果鍾意食辣嘅朋友，一定要嚟買一樽試吓，呢度嘅牛腩片炆得好好，牛至均勻，牛味好濃郁，而且個湯底都好好飲，每一件牛腩都非常好，超級非常之平均，每一篇都帶着小小嘅脂肪，咬落去非常鬆軟可口，佢哋嘅牛肉味真係非常出眾啊，呢度嘅餐廳廚師手勢好正宗，而且呢度餐廳最推介嘅就係切腩四寶撈粗，佢哋嘅配料包括有魚蛋魚片同埋牛丸雲吞撈粗，你發現佢哋嘅撈粗真係好彈牙好爽口，唱得好味，仲有我哋幾多個蠔油菜心，都係一流呀