廣成冰室

营业中

休息中

適逢復活節假期，我和家人到新界遊玩，知道上水有一間舊式茶餐廳，特地來支持，潮流興懷舊復古，我們也好來時光倒流一番。　　來到這裏的時候我簡直大吃一驚，因為真的沒有想過會有這麼多人，有些人還專門駕車以及坐的士來，有的還把嬰兒車和寵物車停在門外。由於太多人排隊，人們要在茶餐廳門口的小窗外排隊取籌，就像到診所應診一樣，先探熱，然後等叫名。　　對於欠缺耐性的我，平日遇有這樣需要大排長龍等的餐廳，我都會選擇放棄，寧願轉去附近較少人的餐廳，但這間老店非常有名，而我們又難得去上水，所以就做了第一件平生不會做事了。　　我們等了大半個小時才能進去，由於食客眾多，侍應說等上菜要等比較久，我們只好等吧。　　我們點了菠蘿油、奶茶、牛肉通粉和蛋治。　　我很欣賞他們對菠蘿油的處理，這其實是很有技巧的，我非常重視食物的新鮮，烘焙的包點一定要新鮮出爐，而且要夠熱，但如果在這麼熱的情況下夾上了牛油，牛油便會立刻溶掉，那就吃不到新鮮脆皮菠包與冰凍堅硬的牛油那種對比帶來的口感了，所以他們會把新鮮的菠蘿包放一會兒，待它不那麼熱後才夾上牛油，這樣的手法非常高明。菠蘿包的皮夠脆也是賣點之一。　　熱奶茶夠香滑，濃而不澀，上乘之作。　

等了15分鐘, 到底有什麼巴閉呢? 內裡是古色古香的原汁原味感覺, 幾十年一定都沒變過, 食物如何?對蛋治滿有期望, 誰不知蛋有點都不香, 沒什麼出色可言, 實在太失望, 遠道而來, 失望而去奶茶還可以, 但絕不出色至令人入口難忘, 很失望

週末的11點幾去到，已經好多人等。既然咁出名就等下啦。入面D位好窄。入座後立即叫左個茶餐，包括有: 牛肉通粉，蛋治同一杯飲品，我叫左熱奶茶。奶茶都正常速度到，不過野食就起碼再等15至20分先到。份量非常足夠，不過牛肉通粉同蛋治都冇乜味。個蛋治如果係餐蛋治就正晒。不過D蛋係整得唔錯，熟得唻又滑！奶茶都 ok。成間餐廳既feel保持得好懷舊。如果問我會唔會再去，我唔會特登去，不過如果經過我都會想試下其他野食，睇下係咪真係樣樣都係咁冇乜味？

因為女友家住上水，所以經常會係上水食早餐，一年前第一次去食，之後就經常去食佢既早餐 or 茶餐。首先係我食得最多既茶餐。牛通，牛肉係新鮮牛肉，以咁既價錢黎講，牛肉份量絕對叫多，調味亦唔錯。雖然湯底較為普通，但我遍好加上胡椒粉，不但令牛肉味更加突出，亦令到成個牛通更加滋味。蛋治，的確比起一年前我第一次食既時候無咁驚喜，原因係蛋既比例少左，但味道仍然好好，大約7成熟既炒蛋唔駛落d咩調味都已經味道十足。餐飲我就比較鐘意奶茶，茶味香濃又夠滑，凍熱都一樣好飲。但反而紅豆冰，我就覺得除左個冰推到塔咁就無咩特別，比佢好飲既大有人在。之前仲試過叫散叫叉牛米。因為散叫關係，份量多唔再講，味道都十分一絕。值得一試！多士可以唔試，只屬普通。依間野對於我依個平時唔食通粉既肥仔黎講份量，味道都非常唔錯。但其他野，環境，服務都係正常茶記 or 冰室。但咁既價錢，一個又食得飽又有"人情味"既風味真係已經買少見少。

在上水人氣食店中，廣成相信必入三甲，不論任何日子，只要有開門營業，門前總有一班人在等位，生意好得離奇！今次拉了食友去光顧，不想每次都是茶餐吃通粉，因為除了三文治有少許變化外，想改麵米都不可以，索性來杯紅豆冰算了。紅豆冰亦可說是店內另一名物，尖尖的碎冰塔，古色古香的玻璃杯，彷彿將食客帶回六七十年代，那個冰室最旺盛的日子。搯一口紅豆，軟腍入味，已經煲至起沙，再加入花奶，香滑得來透心涼，有什麼好得過在炎夏中來一杯？

難得終於等到天氣好, 梗係要出車啦!由火炭去到上水, 突然醒起早前有朋友講過話上水有間冰室食牛肉通, 蛋治, 紅豆冰好出名, 即刻上網睇下位置係邊然後就向冰室出發喇我地預計食大約20分鐘應該可以起行去下個目的地啦點知下午兩點半都仲有唔少有係到排緊隊...正係到諗緊架單車放係門口又無鎖有d擔心之際, 有個好心人就幫我地鎖埋架車, 咁我地就可以安心咁食呢餐喇阿姐企係門口叫我地落左單先, 我地諗左陣, 就話要紅豆冰阿姐話: 紅豆冰無得跟餐要散吃, 廿一蚊大家都係叫個d架啦, 呢到由朝到晚都係食個個餐同通粉哈, 我鍾意阿姐你一眼就睇得出我地係慕名而來, 唔知頭唔知路會話我地知紅豆冰係要散叫的, 不過覺得唔太值所以都係叫返餐茶算喇入到去坐底, 冰室都係以綠色為主, 地下係鋪小小格既階磚地, 好有我小學既感覺格局都好懷舊, 頭頂上掛住吊扇等左好耐都仲未有野黎, 踩左咁耐好肚餓呀…開始同友人係到講, 既然阿姐話都係個d餐, 咁點解唔一早整定哂呢?凍奶茶一上枱, 即刻比我飲左一半, 係我鍾意既味道, 友人就嫌佢奶味重左d個人認為奶茶味道好個人, 因為有人鍾意多奶, 有人鍾意佢茶味濃終於都等到主菜到喇牛

There are mornings when you'd wake up and just crave for some good old cha-chan-teng food. This was one of those, so we headed towards Sheung Shui to visit Guong Shing Ice Cafe. I've been here a couple of times before and I've always loved the vibe there - simple menu and old school decor. Service is questionable, but that's all part of the fun. The first to arrive was their Egg Sandwich. The egg was still hot and cooked just the right amount of time. The bread to egg ratio was perfect - just en

19-7-2013(五）之前一個人，曾到來廣成冰室共三次了，其實真的已沒有興趣再到來，但今天，我，為了較早前所答應的一個承諾，最終和他來到這兒。往機場送別老朋友後，便坐巴士來到石湖墟。約下午二時多，與他會合後，便來到這兒。我不太餓，所以我只叫了一個波蘿油及凍檸茶。這個菠蘿油的做得很差，猜估它應出爐已很久，因其包身已放涼，咬下一口，面層的酥皮隨即四散，一點香脆也沒有，麵包又乾又硬；而內裡的牛油則沒有冰鎮的感覺，吃下完全不是味兒。凍檸茶上桌時已是在半暖狀態，茶味亦欠奉，失望。他則叫了牛肉通粉，因我沒吃過，未能作出評價。吃著吃著，看著他，心內卻掛念著另一人！感覺 --- 如店內掛著的牌匾般，昔日的事物就讓它過去吧！今天，只為兌現承諾，沒有快樂，亦再沒任何牽掛。。。

住左北區28年，現在才第一次幫襯呢間老店，真係名過於實，以為佢D野好好食點知不外如是.....提供食物選擇好少，牛肉通粉、蛋治、菠蘿包，諗多一陣即比人話算了，和朋友一同點了常餐，一般茶餐廳頂多5-10分鐘上齊食物，佢可以差唔多20分鐘有多先搞掂(餐茶都快喝完)‧  至於食物，蛋治足料大件算OK，但牛肉通粉個湯直情係滾水，拍得上群記豬手啖而無味，真唔明D人口味咁啖仲話好食(可能早上個湯底會濃D)，附近茶餐廳一定好食過佢‧  唯一覺得好的地方是冷氣夠勁，食物價錢也合理，未感受過懷舊氣氛的人可以一試，但我一定唔會再去多一次

29-5-2013(三)是日，一個人坐巴士 279X 號來到上水影街道及巴士相片。影了近兩小時，便想找個地方歇一歇，順度吃個下午茶。身處石湖墟，第一時間便想到會去 廣成冰室 了！對上一次幫襯 廣成冰室，已是十八年前中學時期了！想不到，再度重遇你，晃眼已十八載。。。點叫了一套通粉套餐！由於我不吃牛肉，所以把原本的牛肉通粉改為火腿通粉，而牛肉湯底也一併改為雞肉湯底。通粉一上桌， 看見湯底呈透明色，已猜估大概沒有如店員下單時所說的，湯底是用雞肉熬製而成；喝下一口，原來湯底只是下了雞粉！整碗滿載無坑紋的通粉，份量尚算十足。但口感頗差。質感硬身欠彈牙；由於雞粉湯底不濃郁，通粉的掛湯能力也變得不重要了！火腿是雪藏貨，本身已有醃味，所以沒甚麼可評論！ 蛋治的蛋厚度不足，蛋的色水也偏白！吃下一口，頗乾口。吃過多間店鋪的蛋治， 新香園(堅記) 及 澳洲牛奶公司 真的做得比它出色！埋單 $30！想不到，再度重遇你，竟有點失望。。。你知道嗎？失望源於有所期盼！感覺 廣成冰室 已變成一般茶餐廳的水準，真的沒有十八年前的美好。。。我已沒嚮往你會帶我來這兒，現在的我真的不需要了！感覺很奇妙，真的是要來便來，

第二次惠顧 記得第一次來點了紅豆冰外型很特別 但喝下去就是普通的紅豆冰現在紅豆冰 叫常餐也要索價$21很不合理 經濟型叫常餐裡面有 蛋治 牛肉通 熱奶茶蛋治夠熱夠嫩 可口牛通 牛肉片6-7成熟 外相血淋淋湯底薑味重 家庭味 無特別最好的原來是跟餐不用加錢的奶茶濃滑的奶茶 在舌頭回甘令人愛上喝奶茶

一向得閒就專登揸車入上水食牛肉通，覚得佢地態度越黎越差，可能生意吾憂做啦、以前都吾係咁，今日收工專登入去食一食，拖住隻十九吋行理箱，佢地吾比我入去，話無位比我擺，叫我擺出街！！！一心黎到，唯有挨佢地比我放隻o急係枱底啦，其實根本就影響吾到其他人！。無耐之下被人白眼，等左二十分鐘有得食，食左十分鐘，杯凍奶茶未飲完，阿姐已經行埋黎趕我地走，話：「你地都食左好耐啦？要懹個位比下一枱客啦！！」之後立刻叫其他客人坐下，收曬我地杯凍奶茶！。其實前後加埋食左吾夠十分鐘！佢d野食就等足20分鐘！以後都吾會再幫襯！

今天來到北區找朋友聚聚舊, 見時間未到便到"大名鼎鼎"的廣成冰室一嚐其美食老實說, 期望倒是滿高的, 地點比較僻遠難找, 由上水火車站步行約15分鐘左右才能找到 老遠已經看到餐廳門口堆滿一大堆人群, 都是等候入內進食大約等了30分鐘, 終於有位可以讓我們搭檯, 食店細少, 所以坐下時與前後左右都十分擠迫 好! 今天來重點不是在乎坐得是否舒適, 只想嚐嚐聞名以久的紅豆冰和牛肉通當點餐時真的無名火起, 茶餐只可以跟牛肉通粉 + 奄列 / 菠蘿包 + 凍飲因小弟不太喜歡食通粉, 店員表示茶餐竟然不可以轉麵!! 算!... 再查問凍飲轉紅豆冰要加多少錢, 竟然不可以轉!! 紅豆冰只可以散叫, 而且索價$21 !! 最後點了一個茶餐加錢轉菠蘿油, 再外點香腸麵和一杯紅豆冰便作罷都算! 可能這裡的食物質素真的很好 (當時是這樣想的)待了15分鐘左右, 食物終於開始來了! 難怪門口要擠這麼多人, 原來因為等食需時!!牛肉通粉第一眼看到非常"粉嫩"的牛肉, 心裡已暗知不妙, 鬆肉粉落得太多了, 非常難吃 湯汁跟深水埗維記有點相似, 但有一股牛腥味... 香腸麵有3條香腸, 而麵亦只是一般餐廳用的麵菠

近來鬆弛常常都提議說去行山，可是假日我們起身再吃完午餐，都已經兩三點，冬天又比較早天黑，所以一直都未能成事。既然沒辦法去行山，鬆弛就建議不如入新界四處走走，是日我們就在尖沙咀選了一架巴士，一路坐到上水去。每次去上水都是因為要吃天橋的車仔檔，白天來的機會比較少，也不太熟悉這裡的食店，所以我就只好跟著鬆弛去他預先在開飯網看到的小店，而第一家我們就來到這裡。這家餐室應該有很多年歷史，從淺綠色的牆身、餐室的格局和掛在牆上的食物牌可以看得出來。食評說客人最常點的是牛肉通粉，常餐有一碟炒蛋併多士、一碗牛肉通粉和一杯飲品，不過鬆弛擔心吃不下，所以最後我們點了鮮牛肉飽和一杯奶茶。奶茶的奶味頗重，茶味不會太苦澀，都算好喝。我們的鮮牛肉飽等了好久才有，起碼有十五分鐘，我想大概客人都是點通粉，點飽類的人比較少吧。其實我們不應該點鮮牛肉飽，可能改成多士會好一些，因為煮過的鮮牛肉汁比較多，直接的放在麵包裡令包浸腍了，軟得幾乎不能拿起來吃，而且裡面的牛肉很容易就掉出來，吃得非常狼狽。牛肉的味道還可以，不過鬆弛說梳打粉的味道很重，我不太吃得出來，但肉是比較腍倒是真的。我在檯上看到有一樽辣椒醬，所以拿了一點來試試，和

今天跟朋友到農場玩後到上水，聽說這間冰室比較有名，就去試試~其實一知道它5:30pm就收工已經覺得有啲寸，但更加期待會有好野食去到見到已經滿座，要搭枱...枱上沒有餐牌，要好辛苦咁睇遠處牆上的餐牌，之後侍應不斷催我地落單，睇都未睇到啲字...然後要落單佢先話得一個餐，其他要散叫，無奈....嗰餐要29蚊，通粉又冇得轉麵...餐茶冇得加錢轉紅豆冰，要另外廿一蚊叫....結果叫左餐，再同人share 紅豆冰，要飲兩杯野飲先試到佢出名既紅豆冰....牛肉通粉真係冇咩特別，只不過係普通通粉加幾片唔係全熟既牛肉配左個菠蘿油，但完全係凍既...係人都知凍既菠蘿油係唔好食架啦.....之後叫左個西多士share，個西多士都ok好食，但落得太多糖漿啦...之後朋友叫左個鮮牛治，冇咩特別仲要唔記得左我地落左兩杯紅豆冰...但21蚊既紅豆冰又真係幾好飲既，啲豆好夠“林“服務方面就真係...唉…只有廚房既叔叔同收錢既叔叔好人小小...啲野真係有啲貴...失望