廣成冰室

营业中

休息中

因工作嘅關係，要去上水一趟。同事話帶我去食厚蛋治同紅豆冰。一點幾去到，外面有大把人等位，真犀利！裝修真係好懷舊，沒有餐牌，食物種類全掛在牆上。座位好窄，通道很迫，肥d都過唔到。由於紅豆冰係無餐跟，要散叫，而我又一定飲唔晒，所以我無叫。我叫咗個茶餐，有牛肉通、蛋治同飲品。牛肉通，咸咗少少，牛肉尚可，有肉感和肉味。蛋治同散叫嘅有少少唔同，會薄身d，但蛋炒得香滑，仲有少少滑蛋feel，可惜麵包無烘底而且薄，好好快被蛋汁浸淋。

依家冰室由細食到大, 愛其蛋治. 今日放假又黎食 叫左茶餐 $33 ----包括蛋治, 牛肉通, 奶茶食後感:牛肉通粉----牛肉肉質軟, 好似漂過, 帶微微牛肉味, 未能討好, 通常只食幾片湯底帶薑同微牛肉味, 但偏淡, 平日都加胡椒粉增加味道通粉軟硬適中蛋治---蛋治既雞蛋份量算多, 雞蛋嫩滑有口感, 加少少鹽提味, 很好奶茶---唔鞋, 茶味都有總結:蛋治強好過牛肉通

上午在麒麟山和鐵坑山遠足後坐馬草壟的貨車款村巴來到石湖墟, 走不遠便抵達. 蛋很厚且滑也香, 若加上烘底更好. 凍檸茶的冰令我覺新奇, 不是碎冰, 也不是方塊, 像是把巨冰亂鑿而成, 而且溶得很慢又多. 雖然檸檬也多, 但它們與冰把小杯都擠得容不下茶了. 通粉的湯有點薑絲, 這在別處吃好像沒留意過. 不知是否它與牛肉的味, 令湯很好喝, 而且好像小時的茶餐廳也有這種湯底, 可惜小時太少機會在外吃了. 由於是第一次在此吃茶餐, 不知它的湯底有薑絲, 還像平時般加了不少pepper, 結果辣到呢! 原來此店的楜椒粉也不是平時那種淡味的, 會否是自己磨或是用靚品質的? 它的味很足, 所以加到湯裡, 簡直辣上辣! 通粉軟硬適中, 不算特別. 可惜牆上餐牌很多種已不供應, 想試下蓮子冰呢 最欣賞保留著那數十年前的裝修, 不單為店主省錢, 也為我們帶來兒時一點回憶. 

家在港島區，上水對我來說確是遙遠！男友極力推介“廣成“。。山長水遠走入黎，一間小小的冰室，懷舊的設計，雖然坐位較逼狹，其實只是想多啲人入座啫！好早去到其實都要拎籌係門口等，入座後嗌完餐都要等嫁！太多人幫襯啦！**牛肉通））牛出夠稔，口感爽，本身通粉湯底配有薑絲，另外自己加些少胡椒粉，又暖胃！**炒蛋治））嘩，中間既炒蛋仲厚過外層既面包！塊炒蛋好滑，邊食邊漏出黎，哈哈^^真不枉咁遠水路黎到,係能夠回味！

上水之旅中,除左蛇王兄外,比較好味的還有這裡食物相我沒有影,因為太HUNGRY了.我就叫左個$46焗豬扒飯呢度大部份客人都係點類似茶餐的食物,另外的就是這個豬扒飯份量不算多,豬扒都幾鬆化,調味比較淡,蕃茄味亦是淡身那種.但就係因為沒有加添味精既關係,令到我食得安心,感覺良好,無咁咸亦都得健康好一點難怪咁受女性歡迎

光顧年資越長，便深深感受到水準越跌越勁。以前是有人情味的，食物的好味，現在都是銅臭味。伙計，以前的女人，收銀那位，會同客人有講有笑，大肚之後再無出現，之後的一班伙記，都是：1. 叫餐未叫野飲，耐D補叫要補錢2. 叫餐未叫野飲，叫紅豆冰當散叫，那就叫紅豆冰吧，那即是餐的野飲未叫的，對嗎？不是，不能補叫。3. 牛肉「拿」脷4. 湯無薑味，又無薑絲，叫佢俾 D 薑絲黎，話返我要落單時提出，現在叫，＄10 蚊。然後施捨左幾條來，說，拿，呢幾條送既，另外叫要俾錢呀5. 蛋治無蛋味，得個厚字6. 紙巾不能自取，否則 ＄2 蚊一張不要推卸到物價上漲身上，自 08 年 $21 元的茶餐到現在 ＄32 元，加上我相信鋪位不會是租的吧，服務總不能這樣是吧逐件計，逐件同客講錢，讓人有種「我無錢食咩？」的感覺，現在的廣成，絕對是既難食，又討厭。 

去完健康院做妊娠糖尿檢查..肚餓到不行..繼續'為阿b寫夠100篇'行動..今次選了上水很出名的廣成冰室.. 整朝不可進食...還抽了兩次血..說實在..真的餓到想暈..但為了100篇內總有出名的店鋪..一定要把握平日去試試..天氣又熱又焗..加上又下雨..沿路跟google map找廣成..其實都找到一身汗..一個人等位總算快..幾分鐘已可入內..阿姐很好人..見我頂著大肚子特別安排卡位給我..真的謝謝啊~ 本想試這裡最出的紅豆冰..但..原來只能單叫..叫套餐加錢都不可轉..有打算過不如將餐茶外賣..但..落雨拿飲品很麻煩..都是算了..下次和老公來再叫吧..今次和阿b一起吃茶餐..hkd 33..有牛肉通粉..蛋治加飲品(凍飲加一元)(留意 : 套餐除了不能改叫紅豆冰..同時是一定要吃通粉呀)不知是我太肚餓關係還是上餐真的比較久..我真是餓到手都震了..不過見他們已不停手..我都不好意思再催..等了兩個多字終於有東西吃了.. 牛肉通粉..湯底帶有濃郁的薑味..這是兒時的味道..近年於其他食店已完全絕跡..牛肉滑而爽..少有地沒有鬆肉粉感覺..很好吃.. 蛋治入口嫩滑..不知何

上水人氣冰室，久久還未一試，終於趁機去一趟難得不用等位，一到中午便開始人多，需要等一等，要留意。另一要點，假日人多，等食物時間較耐，廚房細，心急者，趕時間要留意。怕肚餓，中午一時前可選早餐，與茶餐大同小異，不過菠蘿油已 ready，熟蛋亦不用太久。可以一邊吃一邊等通粉。今次我選茶餐，一來菠蘿油太邪惡，二來對熟蛋不大鍾情，反而對蛋治偏好，就揀你啦 先說雞蛋三文治，一望就知，厚重。家庭式能夠炒得出的樣。與很多坊間標榜滑蛋的茶記出品不同。亦不會像普通茶記 扁平蛋皮炒蛋，足料! 比起荃灣出名的厚蛋治，雖然厚度上略遜一籌，不過肯定的是比較滑溜，亦沒有如荃灣的一樣 "實"。蛋治，立於不敗之地。當然，如果你對加奶炒的那種嫩滑情有獨鐘，那就另作別論另外，牛肉通粉。相比之下，略嫌普通。當然，整體而言不過不失，味道恰可，不會太咸。但牛肉，明顯地被 "鬆軟" 得過份，幾乎不用咀嚼也可。通粉則是可以，不會過稔。整體而言，三十多元，差不多是現時茶記茶餐的適中價位。一試無妨，支持老店，無可厚非。笑面是給予蛋治。其他中規中矩。

碰巧一早人在上水, 誤打誤撞來到廣成冰室醫肚子。門外看到霸氣老闆娘(猜測)在小窗叫食客在外面等候, 以後是老招牌, 非試不可。走進堂內, 所有裝潢家俱都是老古董(目測比本人還是老一點), 連卡位椅背都破了。沒事, 只要食物美味, 坐地下也值得。由於唯一餐牌貼在牆上, 位置看不到又被阿姨催促點餐, 便隨意點一份早餐, 包括... 波羅油牛油是普通貨; 麵包不夠鬆軟和彈性, 亦沒有麵包香味。唯一可取是人流較多, 麵包尚算新鮮, 波羅皮還是脆。 牛肉通粉加太陽旦猜測牛肉是冰鮮貨, 沒有肉味; 外表是暗紅色, 亦不太吸引。通心粉過熟, 沒有彈性。 奶茶沒有意見 (個人對奶茶沒太大要求)說實話, 32元買到一杯奶茶, 一碗牛肉通, 一件波羅油, 一隻太陽旦, 一餐溫飽; 值得與否,見人見志。

廣成冰室喺上水都幾出名，但食物選擇唔算多，其中以牛肉通粉同蛋治最為受歡迎，另外菠蘿油亦值得一試。今日嗌咗兩個茶餐，通粉加蛋治。火煺通粉無甚特別。牛肉通粉則值得推薦，牛肉肉質軟身，而且味道濃郁，帶有香濃嘅牛肉味。而通粉嘅熟度適中，通粉唔會偏軟或硬。蛋治非常抵食，雞蛋份量非常多，而且唔會炒得過熟，雞蛋嫩滑有口感，值得一試。

一直都很想試廣成冰室，但礙於時間和地點關係想了一年都沒有拜訪過，今次趁有空終於可以朝聖！ 在上水東鐵站下車，穿過上水廣場走到後面天橋下去，走一段路到盡頭不久便會到廣成冰室，整段路程約需15分鐘。在芸芸菜式中我對港式食品、茶餐廳、冰室之類情有所鍾，雖然港式食品絕對是「三高」（高油、‵高糖、高鹽），但少吃多滋味，而且很喜歡冰室的環境，今次到碩果僅存的老牌之一－廣成冰室，去前的我更是雀躍萬分。 到達食店時約12點半，門外已有不少食客在排隊，相信是在附近上班的市民，我們大約等了15-20分鐘，但因為店外有簷篷，所以不會曬和很熱。等候期間食店的嬸嬸抬出一爐菠蘿油出玻璃陳架，很有舊式風味，肥美的牛油很吸引。以淺綠色為主調的舊式食店很小，我和baka被安排在四人卡位，要跟別人搭枱，當然很難期待會坐得舒適，但都是這種老牌冰室的獨特之處。餐桌上沒有獨立的餐牌，只可以看牆上的餐牌，主要為普通早餐茶餐三文治的選擇，值得一提的是手寫餐牌的字很懷舊，不禁勾起童年的點點滴滴。不要以為人氣老店的服務態度會特別差，店裡的姨姨和嬸嬸在落單、送餐和結帳時都很親切，頗有人情味！因為我很想吃紅豆冰，但紅豆冰只可單點不得不

好耐無嚟食過早餐，今日決定嚟食一轉佢嘅牛肉通粉仍然保持水準，牛肉鮮，味夠甜，而通粉又煮到恰到好處，軟硬適中輪到個蛋治，蛋好滑，而杯檸茶我略嫌唔係好夠茶味，不過整體都尚算ok

每次食紅豆冰都會想起廣成，因為佢個冰山實在係太特別喇，不過已經好耐無食。今日同幾個friend晌上水體育館打完波，當然拉埋佢地去朝聖啦。「蛋牛治」：非常足料，蛋夠滑，牛肉夠稔，好食。「茶餐牛肉通粉」：牛肉味精極少，夠稔，通粉ok彈牙。薑絲加分。「奶茶」：夠滑，但茶味爭少少，可以再濃啲就好喇。「紅豆冰」：今日的主角!!真係好正，冰山唔在講，紅豆煲到起沙又有陣陳果皮香味，極之推介。「烚雞蛋」：呢個真係好普通，只係用西餐的egg stand上，所以相都無影。總括黎講所有friend都好滿意，之前有幾間餐廳sell紅豆冰，但都係麻麻地，紅豆冰都係廣成ichiban呢。總分：90 / 100（非常值得幫襯）要注意紅豆冰只會在兩點到六點先有得食，同埋間野係逢星期四休息。廣成已經出曬名，而家紅豆冰時間基本上一定要排隊，但係都仲好值得黎食呢！

今日同朋友黎左依到食野,只係叫左少少野食,首先就係一個鮮牛肉包,竟然唔叫依個到好出名既通粉,可能就係因為咁樣,所以都要等左一陣先有,始終食包既人比較少。首先講講個牛肉,其實味道都幾好食嫁,不過有少少梳打粉既味道,唔算太重，不過肉就比較軟既,不過又唔會好左牛肉本身既味道,有下次去可以叫多士唔叫鮮牛肉包,因為鮮牛個汁比較多,咁到個包軟哂,不過咁樣食都有一種唔同既樂趣既。之後再加左少辣椒醬去D牛肉到,估唔到又幾香嫁喎,加埋落去牛肉到幾香口,食得辣既都可以試下既。之後我就飲奶茶,幾好依個都,奶味夠哂濃,唔鍾意既人應該要叫少奶,不過佢茶味又唔話好苦,成杯都算幾夾下,飲落去都幾滑,可能因為多奶喇,不過都算好飲,之後朋友就要左依個紅豆冰,一黎到就座山係到真係嚇親人,一層紅豆一座山,好分明,都算有好多奶,不過唔會太甜,紅豆都唔錯,不過唔夠軟,整體都算幾好喇。 

今日day-off 諗住去食爵士拉麵,但係去到門口居然無開 .........唔知點算個陣, 家人A 就話想去里間老字號冰室試下。雖然係平日, 附近d咪錶位都full 哂,擺哂貨車,我地要過幾條街先搵到位泊 , 又要行番過去, 地點真係有d 唔就腳, 不過要食好野無計啦  去到門口個陣都要等位, 不過15分鐘就有啦, 一坐低我地發現無餐牌, 伙計好快就走埋黎問我地食咩, 我地見個個都係叫常餐, 就跟住叫應該唔會錯掛   一黎就上左4個勁香既菠蘿油,見到塊大牛油個陣,雖然有諗過會肥死, 不過山長水黎到里度, 無理由唔食架, 所以照食, 哈哈哈~~~!!!食完之後, 本人覺得就係要大塊牛油同甘厚既酥皮先至叫做菠蘿油, 依家出面個d ......得一層薄如紙既菠蘿皮仲要里面得個半片風都吹得起既牛油,就賣成十幾蚊,真係有天淵之別呀~  我地都好想encore 叫多兩個, 不過里d 高卡路之恩物, 都真係少食多滋味好d。另一個值得一提既係佢個烚蛋,雖然味道上無咩特別, 都係白烚, 不過佢既setting 就真係幾得意, 係其他茶餐廳都無有見過。