廟街冰室 (已結業)

#佐敦有時除咗去打卡，都會有想普通食一餐簡單茶記🍽️嘅時候，呢個時候廟街冰室就可能係你喺佐敦少數嘅良心小店之選😳------------------------午餐蕃茄肥牛湯米線 $48蕃茄湯底味道自然，唔會一味死甜，仲有大大舊蕃茄食🍅，肥牛都係偏薄身嗰種邊爐肥牛，因為比較薄身，所以易咬。------------------------雞扒米線米線餐有揀麻辣同喇沙湯底，我叫咗喇沙，咁當然都預咗同平時專食新咖坡、馬來西亞專門店嘅喇沙有落差😂明顯冇咩椰汁味啊花生味嗰啲，不過都係可接受，茶記喇沙嚟講，同正宗味道爭得遠都食到少少個「感覺」。當然希望喇沙湯底可以惹味啲、濃稠啲似返正宗喇沙湯啦🤭🤭🤣🤣另外雞扒同米線分開上呢個係唔錯嘅，雞扒係煎嘅，Keep到有幾薄嘅雞皮，食落都唔鞋，唔會煎到皮硬咗一塊咁。------------------------推薦：🌕🌕🌕🌘🌑性價比：🌕🌕🌕🌗🌑價錢大概都係40-60，唔會太貴，喺佐敦嚟講算裝修比較新嘅茶記

💛#黃店佐敦一間良心茶記，招牌係銷魂飯！除咗黯然銷魂飯外仲有加咗雞翼餐肉嘅至尊銷魂飯，但...覺得賣相吾太黯然於是叫咗經濟啲嘅午餐食，當中一款亦係招牌-叉燒炒滑蛋飯😶👓叉燒炒滑蛋飯 配秘製甜豉油 $50 (午餐 包飲品)餐牌單點要$56，午餐包飲品係經濟。食物符其名，咪叉燒炒滑蛋飯，正常嘅叉燒加炒蛋加白飯再淋上豉油灑蔥花。叉燒正常，大片算多；滑蛋略可再滑嫩啲；似平常甜豉油味冇佢講嘅秘製咁誇張。但的確好大碟飯量多好飽！整體正常發揮，唔係差嘅，純粹真係普通冰室，平時放飯咪可以去食，可能因為又係大家吹捧太誇張所以小編先太大期望姐🤣💛評分：6.5/10👓粒粒餐肉滑蛋飯 配秘製甜豉油 $56普通餐肉粒，不過餐肉成本低所以比得多都正常。滑蛋同上，可再滑嫩啲。評分：6/10👓火山華田 原價$24 跟餐+$12味道偏淡，重奶味，吾夠華田味吾濃，灑面嘅華田粉亦好少，誤以為係美祿恐龍嘅朋友仔☹️完全冇需要加錢叫，最多都係+3叫凍華田算數評分：5.5/10

呢排天氣真係好熱。同個老外friend行完廟街有少少頂唔順。好彩搵到呢間廟街轉角既茶餐廳 。air con加杯紅豆冰。超舒服。又順便帶埋個friend食地道茶餐廳，一舉兩得！落到廟街都想食下煲仔野。睇open rice d師兄話柱候牛筋腩煲正。叫左一個俾老外。佢話好食。應該堅既見佢汁都撈埋。我自己呢就叫左蟲草雲耳蒸雞。大熱天時清清地幾啱食。啲雞都幾滑唔係蒸左放喺到forever果啲。至於間舖既環境都算幾好，幾乾淨。又有啲懷舊野俾我個friend影下相。唔知係咪無行開呢頭食野，我覺得價錢真係好抵，兩個人食晚餐有湯有小菜有飯有野飲都係60蚊一個人。

Weekends經過幾次，見佢都爆到咩咁，應該好野嚟既。試下咯！等左一陣就有位。坐低見個餐牌都幾抵食，26蚊個西多士，菠蘿包配火腿奄列都係29蚊。下午茶仲要有九折？What？佢個招牌好似係朱古力雪山西多士。打卡野。我就叫左炸雞髀拼西多士，折完都係30幾蚊，想點？睇住個價錢都諗啲野食應該求求其其。嚟到估唔到跌曬眼鏡。炸雞髀個脆醬落足料 ，唔係就咁掉落油炸完個皮就算數嗰啲 。所以食落都有層次，似細個食開既炸雞髀。之後叫埋個熱奶茶。茶餐廳杯茶唔得既話真係咩都假。佢哋既熱奶茶都可以 ，合格有餘。所謂水滾茶靚，飲得出唔係茶包茶。無咩投訴。服務態度衛生都合格！

這家冰室的裝修很刻意營造從前香港的感覺, 例如是紙皮石外牆, 以及大量大刺刺的霓虹燈館裝飾, 還以為它的菜式與食物同樣是做作得和裝飾一樣. 其實上它賣的就是基本的茶餐廳食品, 沒有特別用上花巧的食材和做法, 就像我點的黑椒雜扒飯, 份量夠大, 除了豬扒和雞扒外也有煙肉和炸雞翼, 而且肉類質素也不錯, 特別欣賞它的煙肉, 不會煎得像由乾一樣, 口感有咬勁但依然保持油香和嫩肉. 豬扒厚實但脂肉分明, 雞扒外皮焦脆但肉汁依然豐富. 黑椒汁同樣咸香和辣勁分明, 夠濃稠而不會如湯水一樣. 作為勞動階層的至愛, 它除了填飽我的肚子外, 好味得來自然, 比起它刻意的裝修來得實際而更加吸引.

呢間餐廳我食過幾次。最近覺得好食左好多，d侍應又幾好禮貌，幾抵讚。所以留個言評論下佢哋。同女神兩個食飯，叫左晚餐餐牌上既芥辣蒜蓉爆翠玉瓜炒牛柳粒同埋魚香茄子煲。叫芥辣香蒜爆翠玉瓜炒牛柳粒既時候有啲擔心呢個組合未必好夾。不過女神想食香蒜牛柳粒，所以叫左先算。結果都幾好食、幾特別。蒜蓉爆得堅香，又黏黏地，配上芥辣有少少辣感覺好特別。至於魚香茄子煲，其實食過好多次，貪佢連鐵鍋上，熱到辣手。又有少少鹹香，送飯一流。一個晚餐大概五六十蚊。包老火湯，有飯，有野飲。都算幾抵食。

平時見廟街冰室都幾多人幫襯。所以一早已經想落嚟試試。間鋪都算幾乾淨企理。有少少懷舊啦，有舊風扇、舊燈仲有一啲好多年前嘅可樂廣告牌。不過我係落嚟食飯嘅街坊。相機唔使食飯 所以都係食物質素最緊要。夜晚有晚餐A到D，合共三種小菜一種碟頭飯。另外見佢有煲仔菜同埋小炒。不過我想食焗野，所以揀咗焗野。佢哋有焗牛扒、豬扒、雞扒飯。可以揀茄汁、芝士或者咖喱汁。我第一次食所以揀咗應該比較難出錯嘅焗茄汁雞扒飯。嚟到都幾滿意。無特別request不過都係多汁大火。焗嘅時間算幾好，層醬汁覺得有少少脆。飯底都無特別request，不過餐廳已經用咗雞蛋炒飯底。啲detail位又做得幾足。第一次食覺得幾好。下次試吓啲高難度啲煲仔同埋小炒睇下點～

早上8點睇住mee搵到呢間懷舊feel冰室..幾特別嘅小店裝修，有懷舊擺設同一大幅懷舊畫係牆上，電視播放港台新聞，即刻心情靚哂，諗住叫番個早餐慢慢嘆😋早餐都好多選擇，又有普通火腿通粉，沙爹牛麵，雪菜米，牛奶麥皮，肉燥米粉，歐陸扒早餐，三文治等等...最後決定試個粒粒餐肉蕃茄薯仔通粉配菠蘿油..價錢唔貴又大份，一個女仔實在食唔晒咁多，菠蘿油都要打包走～個蕃茄湯底濃度剛剛好又唔會酸，蕃茄薯仔同粒粒餐肉都軟硬適中好食.. 熱奶茶茶濃好飲..整體來講幾抵食好坐，食物又有質素！

今日去試試近排都幾出名既廟冰。間舖身處廟街周邊，都要花時間搵搵。不過裝修幾靚幾懷舊。所以都值得嘅！餐牌都幾多野。常餐、焗飯、咖喱、下午茶咩都有。我都諗咗陣先落到單。不過侍應都唔錯，無催我。見隔離枱個豬扒包幾好食。跟。嚟到都真係幾OK喎。豬扒剛剛炸好，夠熱，夠脆。又有少少油份，咬落去亦都唔乾，夠Juicy。麵包皮都可以。算係外脆內軟，夠「新鮮」！加左杯凍檸樂。望住廟街熙來攘往，個感覺真係好local好香港！

佐敦必食茶記💛👍👍下午茶大大碟三絲炒麵麵底夠香脆可口大碟到一個人都食唔哂9折後$42 包凍檸茶，價錢唔貴⋯茶記黎講店員服務態度仲幾好裝修乾淨有特色，坐得舒服

夜晚二個人8pm黎到廟街冰室..都坐滿一半人.. 電視播緊RTHK，門口大大個mee poster寫住已經第二年參加懲罰祭，會員有95折優惠我自己夜晚唔想食飯就叫《喇沙肥牛米線》加熱檸茶男朋友就要左是日晚餐A《燒汁芥末豆腐炒牛柳粒》加熱檸水 首先個喇沙湯底夠開胃又幾好食，肥牛份量都唔少呀，仲有條菜～啱哂女仔食小菜晚餐A好食夠蠖氣，豆腐非常入味又脆脆地，小菜有驚喜喎估唔到呢間懷舊冰室嘅小菜咁有蠖氣，有大排檔小炒水準，值得支持*要注意佢係9pm最後落單，但係可以食到9:30pm收鋪

《跟Mee 揾食》每次必食佢個金黃咖喱💛💛真係好好食！咖喱豬扒飯，個汁好正送飯一流！大大塊豬扒，連薯仔青椒都食哂😋😋一坐底店員就拎紙仔俾我填，仲奉上熱水，服務唔錯5.1懲罰祭有95折！如果外賣自取有8折！門口貼哂mee, 夜晚去個時人流不算多，可能因為間鋪唔係大街，大家要大力支持下喇！見隔離食煲仔小菜都好有鑊氣，下次可試！小菜晚餐最平$56就有！性價比高位置係佐敦A出口，永安百貨附近行前二個街口就到～

黃色暴雨下，我同屋企人身處廟街。搵到一間80年代風味嘅茶餐廳。經理侍應服務態度一流。我們一坐下佢哋點便為我們遞上紙巾和熱水，很窩心。查閱餐牌，晚飯選擇頗多。有小菜鐵板餐煲仔菜，仲有晚餐選擇。我同屋企人叫咗金針雲耳蒸雞、白菜炒鮮魷、同埋蘿蔔牛筋腩煲。金針雲耳蒸雞好正。最正係佢唔多油。感覺好似自己屋企煮嘅感覺一樣。白菜炒鮮魷就OK啦。都係最近見到話魷魚原來並唔係高膽固醇，而我又想食少少蔬菜，所以先叫。最後就係蘿蔔牛筋腩煲。食得出蘿蔔炆咗好耐。軟軟的而又入味。而牛筋和牛腩比例亦恰到好處，亦都火候十足。呢間冰室整體表現唔錯。睇得出間舖係有heart既。下次經過廟街應該會再幫襯。

午市時間又係佐敦揾野食呢間懷舊冰室裝修幾有特色喎坐低試下佢個招牌「叉燒炒滑蛋飯」厚切叉燒+炒滑蛋再加埋祕制甜豉油，好正呀其他午餐最平都係$48！好抵食，性價比高，可一試！

除咗午餐，仲成日食佢個叉燒滑蛋飯💛厚切叉燒+炒滑蛋，加埋佢個甜豉油一絕！老闆員工都好nice又有禮貌~最緊要佢係佐敦少有良心茶記~性價比又高，午餐最平$48！佐敦地鐵站裕華國貨出口，直行到尾永安百貨再向前行就見到啦～