廟街冰室 (已結業)

平日晏晝經過間舖，感覺都幾乾淨舒服。今晚終於去左試呢間餐廳，不過唔係食晏，而係食晚飯。餐牌都幾多選擇，有小炒、煲仔菜，連鐵板都有。我0地兩個人，叫左個煲仔同個小菜，加10蚊upgrade左做套餐，有白飯有中湯仲有野飲，邊個會唔upgrade？啫啫雞煲連煲上，香氣撲鼻，隻雞都幾滑。另一個小菜叫左鎮江豬扒，糖同鎮江醋比例剛好，送飯一流。第一次試廟街冰室感覺唔錯。乾乾淨淨野食又幾好食。可以encore。

咁啱附近，其實我知呢頭好多嘢食，但無乜時間揾，求其行到附近，比佢個門面吸引左，就入去食啦！個餐仲有個火腿奄列同多士，忘記左影相啫。佢個倗燥真係唔錯，幾夠味。個米粉係台灣新竹米粉。係個份量細左少少。$48另一個餐就係奄列同菠蘿包$29，呢到嘅菠蘿包，講真熱食都尚可，係空氣感十足，但反而唔夠實在感。，睇你鍾意啦！大食嘅我想要實在感多D。熱檸蜜唔算夠味。凍華田就....淡。要自行加糖。死未最大件事係，我食左個半茶餐，粟飽嘅感覺都無。所以整體食完有少許空虛感。一般7成飽個隻囉。未去到伏嘅，個肉燥真心正嘅，但2個餐，一個下午茶一個常餐，我要食個半先7，8成飽囉....完。

第一次到廟街冰室。約三米的樓底，配上綠白的紙皮石牆和緩緩旋轉的吊扇，輕懷舊而滿有空間感。傍晚五時半和妹妹到達店子，地方不大但室內光亮乾淨。感覺店子不像是老店，應該是剛裝修了吧⋯自己點了南瓜海鮮豆腐煲，然後店員介紹了支竹火腩煲。感覺有點麻甩但姐我吃飯時就是女漢子！奶茶：濃厚香甜，是奶茶控最愛的味道。南瓜海鮮豆腐：甜甜的南瓜蓉送飯一流，我跟我妹妹都居然忘了有什麼海鮮了。支竹火腩煲：麻甩to the max，惹味地道，但這應該就是在廟街才有的味道。離開的時候已經fullhouse。還好我們早鳥到場不用排隊～

今日路經廟街，發現一間勁懷舊冰室，睇得出裝修方面落左唔少心機，至於食物方面，炒野夠哂鑊氣色香味俱全，紅豆冰勁有小時候既味度，紅豆夠哂淋價錢亦都合理，下次會試下早餐，再報告比大家聽

經過見到依間懷舊冰室入去試下~叫咗個早餐, 沙茶牛肉公仔麵, 幾好食唔會太鹹又唔會太淡, 味道恰到好處, 配多士加火腿炒蛋~多士有'hon'過同埋上餐個時仲係熱嘅~ 所以搽咗係上面嘅牛油會溶溶地, 好加分! 第一眼比佢吸引到我入去食嘅係佢入面牆身有幅古典風嘅畫~ 幾靚裝修嘅茶記冰室係依區比較難得~平時去茶記最怕去d坐得唔舒服又衛生環境麻麻嘅, 今次去依間真心有驚喜喎~食物味道唔錯, 同埋坐得幾舒服, 下次如果經過會再幫襯～

呢間野千其唔好去，因為懷孕中，想自己加糖水叫佢凍檸茶走甜 另要糖水 佢sell我小甜，我堅持走甜，另上糖水既碟 好污糟 又有曱甴屎，我要炒蛋，佢比煎蛋我，塊魚柳 一入口 酸既 好酸！變壞左好耐好耐.....我大肚中 果啖魚柳入口，爆哂酸既水係口入面！難以形容！真係食死人！普通人都食死！叫大肚婆點食？一朝早食到成肚氣。未試過食變壞到甘既魚柳，真係好恐怖果種味道 一世記得！一間新開既鋪頭，品質可以差到甘，環境好 裝修好，衛生極差！

約左朋友行街街，點知有人未起身，睇怕今朝都得自己一個。反正都出左黎，就去搵下早餐食。哩間冰室好似都幾光鮮。幾個月前路過，見有擺花籃。我諗都係開無幾耐，就入黎試下。早餐都係基本嘢，比較特別可能係有番茄薯仔湯今朝點左自選早餐叫了牛扒，煎蛋，腸仔，熱咖啡牛扒都淋既，大片，厚度適中，不過不失。多士牛油味重，幾香口。

廟街冰室就在廟街旁邊，餐廳不只裝潢懷舊路線，食物更是真正做到懷舊味道。首先要大讚其零味精菜乾排骨例湯、大大杯正宗港式三片檸檬凍檸茶，還有人情味的店員（見我們是最夜一枱客，廚房又有湯剩，便送上兩碗給我們）。再來鮮茄芝士焗豬扒飯，竟然吃到兒時的味道，佢個鮮茄汁好似鴛鴦炒飯，味道非常洽到，整體很滋味！常餐：沙嗲牛肉公仔麵、火腿奄列、牛油多士。牛肉份量多，肉質嫩滑又極富嚼勁，是我近年吃過最好味的沙嗲牛肉麵！廟街冰室的環境、服務、食物也很到位，而且有做齊量體溫、提供消毒搓手液，還有透明膠板隔離食枱，很注重衛生呢！

上一次經過 廟街冰室見到個裝修好懷舊 我諗住下次再到佐敦嘅時候就要行過嚟試下 今日早上要去佐敦做嘢 所以有機會試下廟街冰室一開始就係見到佢個招牌咁得意 先有留意到有間餐廳 入到去卡位坐得幾舒服 裝修好懷舊適合打卡餐牌上都有好多選擇， 朋友揀咗個火腿通粉早餐我又叫咗個沙茶牛肉公仔麵 食落都唔係好勁沙茶味 同普通 沙嗲牛麵差唔多煎蛋火腿配多士牛扒歐陸早餐奶茶好澀總括嚟講味道一般 如果去到佐敦我會再食澳牛

12點左右在佐敦附近搵平野食都吾容易，反而行到永安附近橫街，見到一間新新地，幾光猛的茶記，50蚊左右一個午餐，試得過。裝修只有一點點廟街懷舊圖片和裝修，無影相位，吾算特別。日汁燒雞趴（$50）4分- 其實本來叫雞趴就系只想安安全全，無乜期望，但哩度雞趴又真係幾厚幾滑，吾覺得炸過，好有肉汁；燒汁都幾好味，連個飯都比佢影響到好味D；難得系跟幾條青菜。梅菜蒸鯇魚（$50）3分-原來哩度系即蒸，要等10分鐘左右，新鮮D都值得啊！份量算吾少，系蒸多左小小時間；梅菜吾鹹，幾多同幾好味，但一滴鼓油都無有好似差D野。例湯系菜乾湯，無乜其他料，無乜味。咖啡又吾錯喔，幾香。

廟街冰室裝修好特別，old school懷舊得嚟仲幾靚幾摩登！仲要係一啲都唔老士,環境又好乾淨好光猛！Instagramable! 啱哂一邊嚟食嘢一邊打卡📸幾鐘意佢個鮮茄焗豬扒飯，個豬扒厚身又juicy，個飯底又粒粒分明下午茶個瑞士汁雞髀沙律同西多士都好好味呀～大大隻雞髀同佢哋自家製瑞士汁好香！好在下午茶時段唔多人，卡位又坐得舒服，我仲慢慢嘆埋杯紅豆冰先捨得走咋～地點就腳近佐敦地鐵站，就係永安百貨隔離啫～

今日係永安百貨附近經過呢間新開懷舊冰室，就俾佢特別嘅霓虹燈招牌吸引左入去. 一入去右邊有好大幅好靚嘅舊時代女士著𣄃袍復古畫係全場焦點, 左邊就有部大電視播緊RTHK同掛左廟街嘅相，中間牆上就有懷舊電器擺設同好多有關廟街嘅霓虹燈字！打卡一流！雖然午市坐爆哂，我幾鐘意佢地張橙色皮質椅，坐得舒服又唔迫叉燒控嘅我第一次黎梗係要試下佢地個招牌黯然銷魂飯！午市精選$56送例湯！蜜汁叉燒肥瘦適中，再加埋個流心蛋同泰國金鳯香米簡直一流！好正是日例湯係青紅蘿蔔煲豬骨，個湯夠足料仲食到瘦肉架。佢仲有至尊銷魂飯（午餐肉，叉燒，肉餅，煎蛋）都係招牌菜同其他好多套餐，下次再嚟試！諗起之前試過北角有間食神叉燒好失望，叉燒真係又鞋又乾又貴..