廚十三老壇酸菜魚 (渣甸街) (已結業)

晚上8:30入座！客人不多，明明有好多Sofa 位！但堅持要客人坐路邊位，服務員態度勁差、無禮貌、勁不耐煩！又話市道差、鋪租貴！但又趕客，真係唔明咩心態😓食物幾好都冇用，一定唔會再幫襯😡

之前已經吃過廚十三的老壇酸菜魚很多次了，但一直遲遲未執筆寫食評，這次我終於決定要把我在香港吃過最好吃的老壇酸菜魚寫出來。為什麼在我心目中廚十三是香港最好吃的酸菜魚呢？主要有以下5個原因：第一：少魚骨。有留意我食評的朋友們都知道我以前很討厭吃魚，開始吃魚主要也是因為酸菜魚沒什麼魚骨。廚十三的酸菜魚大多都沒有魚骨，我去過吃這麼多次也只是兩次有一、兩塊魚肉中有魚骨，大部分在廚十三吃魚的經歷都是正面的。第二：麻酸程度恰好。我自己是一個很喜歡吃麻辣的人，喜歡又麻又辣的感覺。雖然廚十三的老壇酸菜魚主打的不是麻辣味，但魚吃起來還是有酸酸、麻麻和辣辣的感覺，很惹味！細心留意酸菜魚的碟子中，不難會發現裏面除了一般的酸菜和魚外，也加了花椒、辣椒等這些調味料等，不會讓人吃到過份的麻和辣，也不會蓋過酸的味道，但讓酸菜魚的味道多了層次，完全是我喜歡吃的味道。第三：酸菜和魚一樣好吃。很多時候我吃酸菜魚時，都只是吃魚，不喜歡吃它配菜，皆因很多時配菜都沒什麼味道，像湯渣一樣，但廚十三的酸菜一點也不比魚遜色，酸酸辣辣的，非常開胃。菜單上容許客人另加錢加酸菜，但我認為碟裏的酸菜已經很足夠，不需要追加，倒不如加錢點其他的配

我是酸菜魚愛好者🐟🐠同事們介紹左呢間味道很似太二酸菜魚我們午餐來到食一行7 人叫了四個二人份量的酸菜魚加左午餐肉 寛粉 蓮藕每份酸菜魚都可唔可以配米線/飯米線份量都幾多再配酸梅湯味道方面 酸同辣度適中很適合食唔到辣的我唔算好重感覺既酸菜魚味道每人食左$120

晚上去到，冇book位，但用等位。 去到正系叫左盤魚 (冇加任何配料，初初以為會有少少，點知冇)、2罐飲品，好貴，價性比高，人地仲平d，又有少少薯粉，呢個真系…… 又貴又超级油，但味道ok ge，但真系太油啦，一上菜，飲淡湯，油到爆，酸菜又勁酸，麻麻地，仲有，第一次食到有骨 我地勁快食完勁快走，我估我地系店舖營業禁奈以黎最快買單既一枱 見到網上雜誌推介……果然不可信……

这几年国内的太二酸菜鱼实在太火了，尝试过几次大都觉得口味不错。铜锣湾的这家厨十三酸菜鱼自从开店的时候就宣称太二酸菜鱼的正宗店，但因为注册商标等原因，只能在香港换个新的名字。正好朋友过生日就约着跑过来试一下，感觉上他们家的装修风格还是年轻人应该会很喜欢。菜单也看着简单明了，除了酸菜鱼，钵钵鸡，夫妻肺片等常见的菜品，其他的菜虽然菜名都是比较年轻化的一些，但是基本上也都知道是些什么东西。对选择困难症来说比较好点菜吧。酸菜鱼的量蛮大的，口味非常好。感觉用的鱼的品质颇高，比深圳店可能要稍微好一点，当然一分价钱一分货，价格也比深圳贵不少。钵钵鸡和夫妻肺片也做的很好吃，时蔬和其他主菜也还不错吧。服务水平有点飘忽不定，人少的时候还是ok的，但人多的时候就有点没有效率。要叫蛮多次的，等待时间有点长。总体而言不错的一家店，除了服务还有待改善，其他的无论是口味还是环境都值得一试。

香港要搵一間好味又正宗嘅酸菜魚魚片用大魚 切得薄入口好滑 雖然有一點點骨但絕對可以接受如果餐廳考慮選用桂花魚會更好加好味湯好夠料 唔需要另加酸菜 正宗重慶味道 絕對唔係其他餐廳是但落個酸汁加兩片檸檬個種 而且辣度剛剛好 喜歡吃辣人士可能要自行加辣有三種份量選擇 兩個人叫二人其實有多 送兩個白飯係極度乾身 飯質本身麻麻 所以建議下次加米線底會比較夾另外order左炒土豆絲 味道不錯但有點味精過多獲氣不夠 喜歡食口味濃嘅人可能會喜歡最後總結係值得再食

星期六嘅晚餐當然想食好啲！兩個人決定食廚十三，仲聽聞係太二嘅班底另開爐灶，當然要一試！環境方面，都乾淨，但音樂真係太大聲，好似去咗k房咁。我哋兩個人點咗個小份酸菜魚，加咗三個配菜，有土豆片、午餐肉、寬粉。本來想叫米線，但已經賣哂！酸菜魚為此店主打，本滿懷期待。誰知期望越大失望越大。酸菜魚除了碟大外，並無特別。普通川菜館可食到的貨色，且價錢偏貴。 名過其實，CP值低。 唯一值得欣慰，魚片無腥味，但非常油，且不滑。可一不可再。

來自美國太二的班底✔️🌟老壇酸菜魚(大份) $468 (💡7/10)份量足夠三個人食！湯底酸味足 我地揀左少辣 所以食落唔會太嗆🤪花椒粒好多食落夠哂麻！不過食魚個陣就要小心啲😂魚肉用上新鮮鱸魚 入口十分滑溜 不過卻用一股泥味 欠缺魚肉鮮味 即使濃郁酸辣湯亦未能遮蓋此泥味 有點失望！😞 值得一贊既係午餐肉厚切 十分好味！*🌟雨露均霑 $48 (💡7/10)好有詩意既名！其實就係紅糖糍粑😂新鮮炸好外皮香脆熱辣 入面卻十分軟糯 紅糖醬汁個人認為不夠甜 適合減甜人士😝*🌟碧綠翠筍 $78 (💡7.5/10)簡單黎講就係萵筍切成薄片再淋上麻油及辣油 食落都幾清新👍🏻by M

自從喺中國大陸唔同地方食過聞名嘅酸菜魚，便一試難忘，希望都可以喺香港搵返類似祿鼎記、太二嘅味道。最近留意到原來【廚十三】係太二美國班底到港開嘅分店，當然要一試。因為只有兩人襯嘅關係，實在叫唔到其他小食，所以只係叫咗兩人份嘅酸菜魚同埋三份配料（豆腐、粉絲、午餐肉）。整間餐廳同太二嘅裝潢如出一徹，都係以黑白漫畫為主。酸菜魚嘅底味其實同太二亦一貫，但魚應該唔係用中國大陸一貫嘅新鮮鱸魚，而係斑類魚（食落似石斑），不過鮮味唔足，亦有唔少碎骨。而酸菜則有少少似香港街市買到嘅咸酸菜（當然更加香口，酸味唔太突出），入口都唔錯。反而配料同白飯都係平平無奇，麻辣香味亦幾適合香港人口味。整體嚟講，【廚十三】係香港能夠食到嘅酸菜魚中質素上佳嘅，但味道仍難媲美太二，價錢亦高大約3分之1至一半。如果大家有興趣亦不妨一試。味道 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️性價比 ⭐️⭐️⭐️

成日聽人講呢間嘅酸菜魚好好食，而我又中意食辣野，今日終於約埋朋友黎試😋😋一入到餐廳聞到啲味已經流哂口水😆-🥢老壇酸菜魚個菜一黎講真有少少俾個魚頭嚇親😆面頭見到鋪滿左好多泡椒酸菜榨菜😍一黎飲一飲個湯先！嗌左中辣，但都唔算辣，而且覺得酸菜味唔係好出😰個湯比我想像中淡😕而且覺得有少少油但個魚食得出係用新鮮嘅魚，魚質算鮮嫩，都幾滑，但夾起亦都唔會好易散👍🏻不過由於個湯都唔重味，所以啲魚食落都差咁啲

派駐上海工作了幾年，我的國内同事很喜歡吃酸菜魚，我也跟他們吃了Ｎ多次，挺有特色的！去年７月調回香港上班，就沒再吃過酸菜魚，無意中發現銅鑼灣有家「廚十三」，說是香港最好吃的酸菜魚，就和同事來吃午餐，同事是從來沒吃過酸菜魚的。午市有168元２人酸菜魚套餐，１盤酸菜魚、２杯酸梅湯、米飯或米線，量足！我們吃得挺飽！味道不會太辣，適合香港人口味！我覺得最好是魚的刺不多！曾經在上海吃過很多刺的酸菜魚。酸梅湯和米線都很不錯！套餐外，我們多點了２碗「情意綿綿」其實就是冰粉，不好吃！可以省了，不用點！

記得初開業時想黎一試，結果因為好多人排隊所以試唔到。過左一段時間，咁岩今日附近放工，時間尚早就黎碰下運氣，結果唔洗等位就入到必點當然係老壇酸菜魚辣度我地要左小辣，咁的確唔係好辣，我呢種level低都食到，酸菜都比較酸，不過魚我覺得唔夠滑，同埋偏少，而且我地加左寬粉，但寬粉好似吸唔到酸菜的味咁，再者我地加左白飯黎襯托下，點知太多油，過左無耐發現d油已經浸住d飯酥炸無面男其實係豬肉，係幾好食，香口！同埋唔會太多粉！隔壁的小孩饞哭了其實我覺得係豬油渣炒椰菜，香係幾香，但由於酸菜魚已好多油，變左加埋呢個都好多油柚子特飲好開胃

星期一晚上需要食火辣辣嘅嘢刺激神經，今晚試咗早前評價甚高嘅酸菜魚餐廳酸菜魚有三個份量，今晚我哋兩個人叫咗一份細嘅，雖然份量係小份，但無論係魚片同酸菜份量十分充足，魚片經過油泡非常鮮嫩，酸菜魚喎裏面有大量嘅泡椒，酸菜同榨菜片。如果覺得唔夠亦可以加配菜，今日加咗腐竹覺得非常之夾。另外再點左一個清炒萵筍絲，可惜味道略嫌較淡，冇咩特別下次可以唔需要再叫。飲品方面，竟然有意外驚喜，我點左杯紫貝天葵百香果茶，甜度適中而且裏面亦有一啲啫喱珠珠，非常有咬口。整體而言，驚喜一般，相比於起深圳食嘅酸菜魚質素比較普通。味道 2/5環境 2/5價錢 2/5

呢間酸菜魚食左三四次，今日終於記得寫食評。一只都鍾意食酸菜魚，係大陸都食過唔少。聽講呢間酸菜魚係大陸某網紅店既分店，因為本名俾其他公司係香港註冊左所以要另起新名。食過lunch同dinner，都係覺得lunch性價比較高。Lunch可以叫lunch set $88 一人份，一盤細既酸菜魚配白飯或者麵線同一杯凍既酸梅湯，還可以格外加其他配菜。一個人食覺得太多，兩個女仔食應該剛剛好。試過dinner去食，無得叫set，試過叫細份$328，但係份量同lunch set既一人份差不多。魚肉好滑又無骨，個湯好好味唔會太辣或者太酸。我覺得係潭仔10小辣既程度。weekend lunch time上去食通常都有位唔洗等。

我唔算係資深食酸菜魚既食家，但番深圳食過幾次唔同餐廳既酸菜魚，間間都有一定水準，次次都係讚住走。呢間講到懶正宗咁，然而湯勁油，味唔夠，令人完全唔想飲個d湯。其實湯應該係精華，湯唔掂已經無野好講，仲要貴到唔合理，料又少到喊，4個人食兩鍋加個菜完全唔飽，一鍋魚片唔夠十塊，完全偷工減料，餐單仲要冇咩選擇，再幫襯就真係老襯喇！我地4個人諗住唔好淨係食魚咁單一，點知叫多個菜仲嬲，成舊水食一鍋炒菜，仲要又係得個油字！真係勁呃錢！