廚十三老壇酸菜魚 (海之戀商場) (已結業)

一大班朋友除咗打邊爐之外，食酸菜魚都係一個唔錯嘅選擇👯‍♀️👯今晚就約齊一班老友去荃灣，準備食餐勁🕺🏾=香酥雞翼=🔎 雞翼炸到卜卜脆，可以灑上辣粉一齊食，呢種隱隱約約嘅辣好刺激🤩=老壇酸菜魚=🔎4個好肚餓嘅人叫咗土豪份，一見到盤酸菜魚嘅size真係被震撼到😱個盤大之餘裡面嘅魚同配菜都唔少嘢，海量嘅酸菜、寬粉、萵筍同蓮藕，我哋仲加咗午餐肉同金菇，食完真係飽到上心口😆=碧綠脆筍=🔎涼拌萵筍刨得厚薄適中，好似闊條麵咁好有口感，同花椒麻油味好夾～～=蔥油撈豬肚=🔎蔥油好掂👍🏼有花生、芝麻同芫荽夾埋食寧舍可口，而豬肚都好新鮮，唔會肥淋淋難以入口😌

相信鍾意食川菜嘅人一定聽過｛廚十三老壇酸菜魚🐟🐟｝，嘢食選擇多又抵食，所以人氣長期高企↗️想食嘅朋友記得要早少少book定位/拎位🧚🏼‍♀️正如餐廳嘅文宣所寫，依度嘅～老壇酸菜魚～真係做到「鮮嫩爽脆 一口順滑」嘅感覺🙊魚片唔使點咬就會滑落喉嚨，近魚腩位置嘅魚片仲好肥美，魚嘅質素好高呢💯雖然有酸菜，但點都要叫返碟菜食嘅🙈～碧綠脆筍～烚嘅時間剛剛好，有啲咬口又唔會過硬，綠油油好清新添🌱仲有甜品～雨露均沾～呢💃🏻將炸過嘅糍粑灑上黃豆粉同紅糖醬，記得要趁熱食，就可以維持到糍粑嘅軟熟啦♨️

香港人好鍾意食酸菜魚，所以食酸菜魚嘅餐廳如雨後春筍般繁多。食均大大小小嘅酸菜魚，我最推薦嘅必定喺🥢廚十三，即使開咗好多間分店，食物水準仍然維持高水平😎☑️老壇酸菜魚：一上枱酸菜嘅味道已經令人流口水🤤我哋仲加錢叫咗多份量嘅酸菜，所以湯頭滿滿都係酸菜嘅甜同酸味，極之足料！☑️泡椒鳳爪：啃骨愛好者必食😙每隻鳳爪都好入味，而且好有嚼勁，肉質結實又彈牙🤩🤩☑️正經的雞被撕：惹味嘅一碟麻辣手撕雞，雞肉唔鞋仲好嫩，用依碟辣汁嚟佐飯/麵都係一個好好嘅選擇🍚☑️雨露均沾：煙煙韌韌嘅黃糖糍粑係我嘅最愛，軟熟充滿糯米嘅香味，每次都要食半碟先肯停口😍😍

朋友同我都係酸菜魚愛好者🐟今日佢特登約我入嚟荃灣，推介我一定要食呢度嘅酸菜魚，咁就一定要試吓啦😍先食小食，💛香酥雞翼💛炸得金黃酥脆，然後入面仲好有肉汁，熱辣辣嘅炸雞翼無人可以抗拒🔥🔥等咗一陣，🤎老壇酸菜魚🤎食得啦🤩魚片新鮮爽彈，好重魚味😋湯底味道好濃郁，啱哂我哋依啲重口味人士，而且非常之大碗😲好似食極都食唔完咁！雖然已經好飽，但朋友話❤️十三涼粉❤️係一定要食！辣汁較杰身所以可以掛喺涼粉上，令到每條涼粉都包裏住麻麻辣辣嘅醬汁，食落真係幾爽喎😆原來除咗荃灣，依間酸菜魚仲有5間分店遍佈全港，咁就更容易食到美食啦💕

依間川菜館同我之前去過個啲好唔同，無好老套嘅裝修同音樂，反而走小清新路線，座位之間放咗植物裝飾🌿餐具係優雅嘅湖水藍色，感覺耳目一新😄嚟依到點可以唔食🐟老壇酸菜魚～滿滿嘅花椒、泡椒、桂花瓣同酸菜，以為會好辣🌶但味道估唔到咁舒服柔和，係十分溫和嘅酸菜魚，即使唔食得好辣嘅朋友都唔會食唔到🤩🤩正經的雞被撕說穿了就係手撕雞🤣川式手撕雞唔係用麻醬撈，而係用辣油同豉油，加入芫荽、雲耳同芝麻一齊撈，食落更香更刺激😋😋而刀拍前男友就係手拍青瓜，真係好佩服餐廳嘅創意😆青瓜酸酸辣辣，爽脆清新，無論當開胃小食食或餐後解膩菜都可以😍

一行4人去食酸菜魚去🎵🎶唔使去好遠，佢屋企樓下嘅商場就有得食，真係方便呢✌🏼👄老壇酸菜魚 $338  （自選配菜另外收費）每次食老壇酸菜魚都會加好多配菜，所以多人食就可以加多啲🤟🏼魚片肉嫩無骨，厚身有口感，鮮味十足；蓮藕咬落「索索」聲，大大件仲好脆口；金菇同腐竹都吸收晒湯汁嘅精華，所以特別濃味😍👄泡椒鳳爪$68鳳爪經過冰鎮後已經無哂油脂👍🏼泡椒汁酸辣開胃，都幾正宗😚👄紅糖冰粉$38作為今餐嘅總結，透心涼滑捋捋嘅冰粉，完全中和到今餐嘅麻辣感，令人好舒服😌

今日嚟到一間專門食酸菜魚嘅餐廳，門面好乾淨企理，餐廳設計仲好新潮，怪唔得知在場有咁多後生仔女嚟食👍🏻貴為餐廳嘅招牌菜，呢味《老壇酸菜魚》果然有返咁上下質素🤪湯底除咗有酸菜味之外，仲有椒麻香，十分正宗❗️魚肉亦都冇腥味，好嫩滑😜呢味《上上簽》將鵪鶉蛋、蓮藕片、椰菜花、黑木耳、鳳爪串成一串串，再浸落辣湯入面，非常有風味嘅一味小菜，睇得又食得😛最後叫多碟《酥炸無臉男》😆其實係炸豬肉條，附送一碟辣孜然粉，沾嚟食特別香口，唔沾的話就食到豬肉嘅鮮味，不失為一個令人上癮嘅小食😋

講到食酸菜魚，點可以唔提⭐️廚十三 老壇酸菜魚⭐️大名鼎鼎嘅廚十三喺港九新界都有分店，今日我就嚟到荃灣海之戀分店，食返盤⭐️老壇酸菜魚⭐️先！-老壇酸菜魚 $338-3個人食叫咗大份，實在係超大份🙈魚肉堆滿哂成個大碗，好似座山咁高。配料可以自由選擇，寬粉同腐竹都係我哋嘅心頭好🧡吸哂啲酸菜湯，越食越入味🤤-蔥油撈豬肚$98–豬肚處理得好，無怪味，仲好有咬口🦷一路咬時蔥油嘅香氣除除飄出，我覺得可以配埋飯食都得wor😆⭐️廚十三 老壇酸菜魚⭐️唔止係酸菜魚專家，更加係川菜專家！大家一定要嚟試吓專家嘅味道，絕對滿意🧡

3蚊外賣盒都覺得合理，但仲要3蚊一個，食一個餐都成9蚊外賣盒真係有點貴😂俾人一種屈緊錢咁，而個盒都係同出面平時餐廳差5多，點解要收多人地兩倍咁多😂🤣有種搵笨感覺👎🏼

見上網話廚十三都係高質酸菜魚之一，今晚去左荃灣分店試下，啲魚有骨，好腥。一定要連湯食/夾埋酸菜入口先食到酸菜魚入面有豆腐、金菇、蓮藕。如果鍾意食寬粉既要另加加錢。我地另加左午餐肉要$32，有6件。小食係出面炒餸既價錢，$88一個麻辣牛栢葉，一般不過唔會好油，係唯一既好處。食到一半已經食唔落 平時酸菜餐廳起食越開胃，佢就相反價錢偏貴，但質素低。係其他酸菜魚既雙倍。茶餐廳環境 茶餐廳服務質素 仲要收加一冇下次😅

廚十三非常失望嘅一餐飯，之前食過尖沙咀分店，幾好食，見到荃灣店新開諗住試吓啦，點知中哂伏🥵雙人餐~$288其實入去之前我已經好奇怪點解會咁平，我以為新開張有優惠，點知一上到枱，酸菜魚份量，一個人都唔夠食啦，仲點樣雙人餐，個底仲要鋪滿左勁多粉絲，蓮藕，本身就會送埋金菇同埋豆腐，啲魚得個10舊左右，全部都係配料，大家千祈唔好俾佢呃，湯底亦都比其他分店淡味好多，唔酸又唔辣，咁樣嘅酸菜魚真係好失望，絕對唔會有下次，仲送多個飯或者米線，食完啲粉絲都飽到癡線希望店家睇完之後可以轉轉餐牌，可以做返原價，唔需要做雙人餐，用啲粉絲同白飯填飽個肚，酸菜魚嘅份量真係小得好可憐😖廚十三老壇酸菜魚🏠：荃灣大河道100號海之戀商場3樓3017-3018號舖☎️：24888911

事緣我和爸爸正在門口看餐牌，經理本身沒有理會我們，只給主餐牌另一對老夫婦； 由於我們不是想食酸菜魚，所以想看看是否有其他小食，當時門口有一個餐牌是$4xx 的酸菜魚set, 然後說送三個小食，但小食旁是有價錢的，經理表示可以不用理會上面酸菜魚，可散叫小食，更強調可叫半份。 進店後，我們有看主餐牌，叫了一個涼粉後就看剛才的小食餐牌，經理也是強調可以叫半份，但並沒有說明餐牌上的是半份的價錢。 按常理，如果一個餸可以叫半份和一份，就應有兩個價錢，如只有一個價錢，就應是一份的價錢。我們叫了一份拍青瓜（餐牌顯示$28），半份豬肚（顯示$38）和半份鳳爪（顯示$38），最後賣單發現餐牌的價錢根本是半份的價錢。好了，就當是自己沒留心所以被人家出口術騙了，咁我叫一份拍青瓜，正常$28x2=$56, 但餐廳卻收了主餐牌拍青瓜$58, 但當時我地明明係望住半份的餐牌黎點菜 而經理對此隻字不提。我有看看其他分店的cm,發現只有荃灣分店有類似的cm, 明顯是經理為吸客所用的低劣手法！希望大家不要光顧這店，也希望老闆能聘請有質素的經理。

外賣食到唔知食乜好今晚老公收工就買咗酸菜魚點知伏到不行外賣自取有折一個酸菜魚兩個飯仲有個小食棒棒雞好似好抵丫係咪？食落就知伏外賣個包裝係企理嘅無漏到周圍都係但主角個魚就真係少得可憐應該得最多10塊魚片？(佢聲稱有半條魚)剩下來嘅就係無限粉絲🤡配菜都係得單位數嘅蓮藕同金菇同埋數嚿指頭般大小嘅豆腐可能呢排菜貴 連平時常見嘅娃娃菜都無條😐魚片唔入味仲要我同老公都各自食到一塊有骨嘅🥲個湯底都好寡基本上就係用粉絲塞飽個肚我哋連個白飯都擺返入雪櫃聽日食唔想用澱粉質送澱粉質😂絕對無下次之選

去開海之戀商場，啱啱想食酸菜魚就去咗呢間老壇13，食過咁多間呢間都算係最貴嘅，我哋四個人叫咗土豪份，就要差唔多$600，另外再叫其他嘢加埋食，碟酸菜魚嚟到份量係好大嘅，佢個碟都差唔多半張枱咁大。最大問題都係價錢貴但質素都係好普通，可以話係麻麻哋，啲魚仲有啲腥味，椒麻味唔算好勁，所以唔係好去到腥味，其他配料味道都好一般，最好味就係午餐肉。如果再食酸菜魚就一定唔會再黎呢間。人均二百幾會有其他更加好嘅選擇。

當日出面落雨，商場唔算有好多人食嘢，今次同屋企人兩個人， 見到呢間好似係比較正宗嘅酸菜魚，仲有人吹話呢一間係最似某內地知名酸菜魚品牌，咁就揀咗試吓呢間酸菜魚🙈我哋嗌咗小份老壇酸菜魚（2人用 $338），一上枱好似好多咁，其實個容器比較厚，份量又唔算特別多🙈佢魚肉都算係新鮮，湯底幾夠花椒香，有埋寬粉個啲，索晒啲湯都幾正🤪🤪但個人就覺得湯底唔夠酸，而且有啲太油膩。另外，以三百幾呢個價錢來講，其實比一般嘅酸菜魚貴，但係感覺性價比唔高，兩個人食完其實都唔飽😢😢可能真係要加多啲配料先得，個人唔算大推🤭