廉記冰室 (春園街) (已結業)

而家新開系列嗰啲茶餐廳裝修都比較新穎，乾淨整潔，唔似舊有嘅茶餐廳比較舊式傳統同望落去門面暗淡。廉記冰室下午時段都非常之多人，每次都大排長龍，今日午餐去終於一試。午餐啲餐牌都幾特別，啲名好搞笑最後我揀咗男人最愛，其實類似常餐，但係佢配有菠蘿包，性價比都高。菠蘿油個皮新鮮香脆熱辣辣，菠蘿包真係好好味奄列就正常，火腿料都多。 奶茶香滑，茶味濃，我幾鍾意飲呢種茶嘅奶茶 公仔麵標明係用福字麵，都好耐冇食過福字面了，覺得都幾好味，而且香腸煎過，豬扒就比較薄同林，同埋唔係煮得咁熟，中間係紅色嘅，呢個就唔得啦茶記嚟講質素ok，價錢唔貴，都不失為一個平價之選。

有事做出左黎灣仔，行左一陣利東街就諗住搵下野食坐下，附近餐廳雖然多，但比較好坐嘅價錢都唔平，近近地去廉記食個下午茶好了。假期真係好多人，撘枱都要等位，等左陣就撘左張六人枱，都唔算好迫。睇下餐牌先，好多款式喎，見大部分食客都係叫菠蘿油或蛋撻加熱奶茶，諗住跟風，點知兩樣都賣哂要等下一輪，咁算啦，叫其他野。美式熱狗+熱奶茶（$26）茶記免加一，呢個價錢算係相當抵食，大xx都唔止啦。熱奶茶又香又滑好好飲，茶同奶比例剛好，不加糖都唔會苦澀，最正係夠哂熱，最怕熱奶茶半溫吞嘞。熱狗包正正常常，脆皮腸，生菜加蕃茄，同一堆沙律醬，烤熱左個包都幾好味啦。不用加一

嗰日要去冬日美食節所以之前去附近醫醫肚。經過廉記冰室裝修係我鐘意既粉水綠色,所以入去試吓。入到去入邊好多人要搭枱位好細,有一個短頭髮阿姊侍應態度一般非常港式服務冇乜禮貌。之後叫咗幾樣野,蛋撻同菠蘿油熱辣辣好好味炸雞脾雖然唔係好炸但有椒鹽味味道唔錯同西多士唔太甜剛好,個豬扒香腸公仔麵個豬扒非常林身。總括食物質素比其他茶餐廳冰室高但店員如果可以改善一下態度就會更好,可能多人排隊嘅食店都係唔會太好態度吧。

啲阿姐無禮貌聽錯野，黎食野啫，駛唔駛咁惡呀！一份撈公仔麵茶餐要$58，去金鳳食都唔駛咁貴啦！普通一份吉列豬扒薯條可以去到咁乾，真係第一次食！價錢又貴！唔會再黎，一定無下次！

昨晚平安夜🎅🏻出去灣仔春園街睇燈飾，夜晚週圍都係人，所以經過呢間餐廳食番個晚餐！睇完個menu 友人叫左個女人既浪漫💕，而我就叫左個煎雞扒撈公仔麵配芝士汁，等左10分鐘就上菜。友人叫既女人的浪漫💕：鰻魚烏冬、菠菜溫泉蛋，鰻魚片較薄，汁都ok,而個菠菜微暖，溫泉蛋心醬不太黃，個烏冬湯較咸，而個煎雞扒較香脆，撈埋公仔麵配芝士汁味道都好match, 唔錯！😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日中午過海去灣仔搵朋友食飯。真心好彩唔係灣仔開工。週圍餐廳都要排隊。呢間12:30來到都要排。好彩朋友一早叫我排定隊。心諗係咪咁好食呢！入到餐廳。例牌睇下人食咩。再睇餐牌。「男人的浪漫」「女人的浪漫」。標題起得不錯。來到面前「豬扒福麵。菠蘿油，奄列」全間餐廳賣點係懷舊。首先傢具已不懷舊。再講回食物。豬扒大塊就大塊。但好明顯食得出雪味。同埋用鬆肉粉過左火。「福麵」最懷舊係什麼。就係包味精。食不出個精髓。菠蘿油係算最敗北。本人做了幾十年麵包。個菠蘿皮真係唔夠地道。

一直想試唎間餐廳, 但係每次中午黎都見到好多人排隊所以冇試到有次放工6點見到冇人排,咁緊係即刻入去啦唔使等位,入面坐滿6,7成人, 係灣仔夜晚黎講都唔算少人既由於一直想試既關係, 我地2個人嗌到成枱野食嗌左蛋撻,菠蘿包,西多士,1個雜菌奄列, 2碗沙爹牛肉米蛋撻唔熱,味道同塊皮都正常菠蘿包唔熱, 但個菠蘿蓋都唔會話淋唒, 咬果時都係一大塊果甩, 仲有d脆雖然預左蛋撻,菠蘿包唎d唔熱架喇,因為到左唔知幾點就唔會再出爐,我食嗌既時候都係得返最後一兩件,但係估唔到連西多士本身應該係即炸既都唔熱,只係得微暖, 米粉同奄列一樣只得微暖雜菌奄列唔熱都算,入面d菇都幾濕下,冇乜味,出唒水咁,真係麻麻地唔記得相入面既相, 不過真係唔好睇但塊多士烘得唔錯有機會會中午再黎一次試真d, 因為上面幾樣野其實都唔太差,熱食應該好味

話說喺灣仔搵食，諗住試新野，呢間野門囗有個女職員抹緊玻璃門，要等抹咗水先入得。入到去冇人招呼，自己搵咗卡位坐。坐咗一陣都冇人招呼，於是算啦想走。走時個女人仲抺緊，得番一條「啦」叫人行，低能。我唔肯，佢死死地氣要落梯，仲差啲跌🙄邊有人呢個時間抺窗，趕客！痴線！

今日準備經灣仔行山上山頂，路過呢間裝修豪華嘅茶餐廳，比門口嘅各式麵包所吸引了。眼見佢個菠蘿🍍包好有光澤，面頭又鋪滿脆脆的菠蘿頂，決定買一個食下。果然不出所料，麵包軟滑，有咬口，再加脆脆嘅菠蘿🍍，一啖愛上而且仲係新鮮出爐。7元一個，係市區黎講都係咁上下

呢排成日經過呢度聞到陣陣既菠蘿包香次次都好想食但次次都無緣食今日終於可以一試菠蘿包個皮好脆夾住大大塊牛油牛油咸咸地甜甜地夾喺個包入面一齊食集齊咸、甜、脆原素配埋個火腿蛋奄列蛋都炒得ok呢餐早餐滿足左👍🏻

同朋友過嚟廉記呢度食個飯，裝修設計都好靚，係我鍾意嘅顏色。👉🏻黎到呢度不可不試吓佢哋嘅男人最愛，個名就夠晒特別啦，其實係豬扒腸仔福字麵加火腿奄列配菠蘿油，份量都好大份呀！尤其係塊豬扒，大過塊面⋯ 而且個菠蘿油啱啱出爐，食落好好味，外脆內軟，十份正！👉🏻另外我仲叫咗分白汁雞皇奄列配沙嗲牛肉公仔面，同樣係好大份，沙嗲牛肉件數都非常之多，面嘅份量都好大，食到我勁飽肚，另外個白汁雞皇奄列好好味！值得推介。

今日去灣仔廉記冰室食早，第一次光顧，點咗個經典早餐，嗌沙嗲牛肉公仔麵、司華力腸配煎蛋，食完兩三個鐘頭後都仲感覺到勁多味精，司華力腸啲皮又硬，份量有少，覺得唔係大家講得咁好，好難說服我再幫襯。

食過佢啲菠蘿油就返唔到轉頭食第二間，因為實在太正啦！軟綿綿嘅菠蘿皮超鬆脆，而麵包部份又軟綿綿，上枱時熱力已經將牛油溶喺夾層嘅菠蘿包之中，一啖咬落去好有滿足感啊！

每星期都會買2-3次廉記麵包拎走做早餐，佢地d包算係灣仔最好食，仲要熱辣辣。但d服務真係差到無人有。個收銀無禮貌，唔係好理d客，handle唔到muti-tasking，一多人佢就亂哂，唔係排先俾錢先。派包嗰個又係無系統，明明好多人買完飛等緊，但麵包檔成日無職員出包，或者遲買先有包。今朝我已經排緊隊買飛（個收銀收到送貨電話，講左好耐，handle唔到有人去俾錢，所以排長龍），聽到執包阿姐大嗌無菠蘿包，我問佢咁有咩包，佢好粗魯地答「你自己睇啦」就行開左，但我已經喺條龍中間，難道要我走出去睇完再由龍尾排過嗎？結果我跟左排前面嗰位小姐嗌叉燒包，點知。。。最後佢地俾左個吞拿魚包。。。我番到公司開始食先知。。。而我係唔食吞拿魚ge，結果我咬左幾啖d包邊就丟左。。。平時每次買包都覺得間野安排真係極惡劣，如果唔係d包熱辣辣，我一定唔會俾錢去受氣。

嘢食方面我哋快快手就叫咗三文魚白汁意粉，一口牛柳，酸菜配炸魚柳，同一個港式嘅西冷牛扒飯。三文魚白汁意粉，三文魚肉質鮮甜，魚既微腥因爲有奶油甜既白汁共食下，令到三文魚食落感覺風味十足，配合軟硬適中既意粉一齊食，感覺好有法式意粉嘅風味。一口牛食落應覺上偏向軟身同廚師想做到入口即溶嘅感覺，牛肉表面只係做左微微煎香既處理，醬汁亦都唔係太重口味，令到一口牛嘅牛肉味同油香都好突出！酸菜配炸魚柳呢個組合配合到真係天衣無縫，點解會咁講係因為炸魚柳本身已經大大份之餘仲非常之厚身，但係廚師上左只係好薄既炸漿務求做到外層有鬆脆嘅口感，所以食落口每一啖都係大大啖既魚肉，但係炸物點都有點熱氣，所以係呢個時候你就要試下佢哋嘅酸菜，食咗會立即比到你清新既感覺，咁樣食多兩舊都冇問題啦。