廉記冰室 (春園街) (已結業)

知道灣仔一直有好多好野食，偶爾一次經過比呢間冰室GE外牆吸引左~門口排哂一款款佢地自家出爐的麵包，最出名的當然是菠蘿包啦!Lunch係勁多人係出面排隊，好在我地早到.. 大約等左10分鐘左右就有位了!一入去就見到大大隻「廉而有信」，相信呢4隻字係現今香港已經慢慢消失了...叫左份男人最愛 $59 ，包括有豬扒腸仔福字麵，火腿奄烈配菠蘿油首先份豬扒係勁大塊同埋勁厚身，但又唔會好"鞋"好難咬! 肉質岩岩好~平時好少食菠蘿包的我，試過佢地個菠蘿油之後簡直愛上了~新鮮出爐，外皮好香脆，又唔好會似出面D普通菠蘿包咬落有8太甜GE味道!而且佢個麵包好鬆軟，值得推介!朋友話好想試多款包，於是我地叫多左一份綠茶墨西哥包 +$8同樣係新鮮出爐，好香好吸引，咬落去入面係綠茶蓉?! 口感特別! 朋友仲要食到停唔到口!相信呢間冰室真心可以一食再食!

利東街附近好多間拉麵店，要搵一間價錢食物經濟實惠既餐廳，都幾難。行行下，見到尼間餐廳幾光鮮，食物選擇亦多元化。叫左女人的浪漫，香煎雞扒撈公仔麵(芝士汁)，2個餐均附送餐飲。女人餐即係忌廉菠菜溫泉蛋，配蒲燒鰻魚讚歧烏冬。讚歧烏冬軟硬適中，仲有幾件菇。尼到既蒲燒鰻魚當然唔及日本餐廳既鰻魚，不過佢都厚身大條，可以過下口癮，如果熱d更好食。而菠菜量多，啖啖充滿忌廉creamy，食完唔會"鞋"口。不過，溫泉蛋就有待改善，因為冇咩蛋味，未做到切開流心，蛋黃係實既。香煎雞扒果然外層煎得好脆，香口，大大件，應該係煎完再炸香少少外層，有水準。醬汁3選1，芝士汁自己淋上去，鹹鹹地，d芝士汁食完唔會好濟。整體，餐廳仲有麵包賣，亦有dinner set，焗飯/麵，其實好多選擇。簡簡單單食dinner，價錢亦合理，唔錯。侍應有禮貌，環境又坐得舒服。

行完利東街就諗住喺呢頭食個快lunch，就黎左呢間廉記冰室試下，見佢裝修得幾靚幾大間同翠華有得揮咁🤓Lunch time又假期同人要搭枱都好正常，不過睇完成本menu發現超過一半都冇得叫，早餐有4頁過左時間、有一半就係下午茶加晚餐🤦🏼‍♀️除左焗飯同常餐特餐外根本冇咩可揀，想叫個雞肶公仔麵都話冇、要等下午茶🤷🏼‍♀️咁就唯有叫左個「男人」餐，有豬扒腸仔福麵、火腿奄列同菠蘿油。個麵就叫合格啦，豬扒腸仔正常煮法份量都合理，奄列比較乾身但菠蘿🍍油都唔錯、麵包鬆軟、係個菠蘿皮梳對地唔夠鬆脆，但都唔會話食到成碟碎。但呢度啲服務又好麻麻、我地兩人同對面搭枱落唔單冇幾耐、有個店員嬸嬸大聲問我地邊個叫齋麵。咁我地真係冇，我地叫豬扒腸麵、對面個叔叔都講左佢叫既係套餐、但最後個店員都仲係隊碗齋麵去我地枱（仲要喺我頭邊隊埋黎、成隻手臂完全掂哂我啲頭髮😱🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️），我地話左冇人叫齋麵佢又好勞嘈咁同其他店員講話呢度話冇呀、邊鬼個落架、有冇人叫齋麵呀！食足成程都係不時聽到啲店員咁大叫來叫去⋯雖然野食唔係話咁差、但做得茶餐廳🍴咩都冇得叫，啲店員都令我怕左佢地，我地叫套餐轉可樂，佢話加三蚊

剛在此冰室，入內等了15分鐘都無人理，可能是一個人吃，沒人招呼，另一個食客看了很久餐牌都看不完，只好取另一張枱底餐牌囉，因這樣還把人家水杯水倒了，真的不好意思；如果招呼周到一點，相信可以避免這樣事發生，整體吃餐經驗都不是太好，但價錢不便宜，不太值這個價, 或許不是假日感覺可能好一點。坐的位置也很迫，水要自己叫才有。餐是炒蛋多士，叉燒米粉，奶茶，餐價$56。多士不錯不過牛油少，叉燒也沒有驚喜；最重要奶茶都是一般；因為位置太窄，所以沒有拍攝🎬圖片為証，只有單據。吃完出櫃台埋單說要回單據還給錯了吃人單，所以說整體上都不是太好。雖然門口是排隊，讓大家認為食物應該是好的，寫這個食評是希望大家食友不要抱著太大希望去試，免得失望。

廉記以包聞名，今日專誠嚟試。叫了一個茶餐： 雜菌奄列 ，叉燒湯意，凍檸茶走甜，再另加一個菠蘿包雜菌奄列 - 內容很豐富，蛋很滑，非常好味叉燒湯意 - 湯很熱，且濃香，叉燒肥瘦適中，有咬口，意粉彈牙，好味伴碟多士 - 乾，硬，鞋，可以不吃菠蘿包 - 面鬆脆， 但包太林，有點黏口，失望埋單66個大洋，相當不便宜，應該沒下次了。

廉記冰室 (English name: Lim Kee Bing  Sutt) has come a long way from that dingy cha chan teng in Central's side street as they now have a new branch in Wanchai. And it's a lot more fancier. The seating is less cramped. Design is modern. And the menu? They have called it a Secret Menu with odd items like charcoal hot dogs.But I just wanted something simple so came here during afternoon tea session. They had  an afternoon tea menu out. Menu is in English and Chinese. There is no 10% service charge. Al

每次lunch time經過都見到廉記大排長龍今次終於有機會試一試😋我叫左個西班牙奄列加沙嗲牛意既茶餐，牛肉份量好多，非常足料！朋友就試左焗豬扒飯，蕃茄味濃郁😋可惜今次太飽，下次有機會一定要試下佢地既菠蘿油！

話說早前在某冰室失望而回後， 有朋友介紹我去這間廉記冰室。果然沒有介紹錯！他們的菠蘿油十分出色！菠蘿皮十分香脆，麵包也十分香軟。鮮牛油的分量也十分足夠，上菜時仍保持溫度沒有溶進麵包裏。品嘗時能夠感受到麵包的溫暖和牛油的冰凍，這就是菠蘿油的精髓。西多士的厚度比大部分茶餐廳的都厚。每一面都炸得金黃香脆。配合適量的牛油和糖漿，加上中間的花生醬，真是沒有什麼可以挑剔的地方。至於竹炭熱狗就有點奇怪 熱狗包的味道帶點焦炭味，熱狗腸的外皮也脆得奇怪。而且整個熱狗是凍的。芝士焗豬扒飯雖然味道有點偏甜，但豬扒十分鬆化，芝士份量亦都夠多。就憑這兩個原因這個焗飯已經「冇得輸」。

許多時經過這茶餐廳，外觀明亮闊大，曾外買波蘿包，食後回味。一天中午與妻子專程去試試，餐廰很好生意，高朋满座，被招呼到上幾级之雅座，餐牌有個叫男、女浪漫的套餐，也很吸引，故两人分别叫了一客男、女装。但一路食，充满熱情的女服務員們一路大聲叫喊，門口喊:"两個、三個有冇位？”裡面喊出去:“有呀、等陣、入嚟“，不停的呼喊令環境充满噪音，亦可能這個雅座比較困音。令我們耳朵受罪、毫不浪漫地享用這個浪漫套餐，怱怱吃罷走人。

更改了外賣送貨時段九點後，即是和用開叫外賣的顧客，光顧別的食店吧。叫開早點的消費者，可以永不錄用這間食店，價格已比同行貴也不在下話，現在還要揀客做外賣。得罪了灣仔區很多公司。

廉記冰室在港島區好出名，好耐前就聽過，一直都想試下，今天正好過海做野，順便試下，食個早餐。餐廳裝修比一般茶餐廳靚，人卻不少，我地排在門口等位，好在都糸等左一陣，便有位了。點左個經典餐，真系不錯，沙爹牛湯底的公仔面，十分滿足又好美，另外配左煎蛋，司華力腸，面包，大大的滿足吖。來到廉記冰室又怎能唔試下新鮮出爐的菠蘿包呢！所以點都要試下，雖然已經好飽。新鮮出爐果然不同凡響，十分鬆軟，酥皮脆脆，一咬就碎晒，超好味。

話說本人係非常鐘意食茶餐，志願亦係試勻全港最好食既茶餐，話說呢間廉記係新開又好似幾多人食，一於去試吓佢堅定流！一去到見要排隊，已經唔係幾想等，但特登行唻無理由唔食，橫掂一條欄，應該好快。果然約等咗五分鐘就有位，一打開個menu,估唔到佢奄列都有四款揀，我揀個磨菇奄列，配叉燒米粉！首先上菜既係奄列，我真係估唔到，佢有足足兩大塊厚多士，是兩大塊！(因為太興奮關係影相前已食咗塊)脆，牛油亦足，好好味！跟住個奄列更加係驚為天人，大概係我食過最好味既茶記奄列！啲磨菇料勁足，基本上係可以做到啖啖菇，入面應該仲加咗少少煉奶，但又唔會太甜，實在太好味喇！跟住講吓個叉燒米，基本上，佢係我食過既茶記叉米中，最足料既一碗！有好多塊叉燒，仲要塊塊都係瘦叉！(我鐘意瘦叉)，其他茶記通常俾幾塊叉你，但呢度佢可以做到食到最後仍然有叉燒！仲有，個湯，其他茶餐廳茶餐如果唔係叫沙嗲牛的話，個湯基本上係冇味的，但呢度個湯係有味的，令我覺得佢好有誠意！呢度環境舒服，員工都算有禮貌，經我實地測試之後，證實呢實老廉係名不虛傳！睇唻老廉除咗咖啡之外，宜家又多一個名物！哈哈

本身對廉記既食品都算ok既，係貴啲，同埋有支裝朱古力奶，但今日去買外賣早餐時，首先我地有排隊既，咁佢話未到我地，要收人地先，我地都接受，但之後有人排我地後面，個短頭髮收銀員就隔左我地收左後面先，咩玩法？咁其實係咪唔洗排隊？係咪鍾意收邊個錢就邊個？呢樣都算，我地兩個人買野時，叫4個早餐，用兩張50蚊優惠卷（之前同事都試過同時用過，係收左既），今次佢話唔得過，每次用一張，咁我地就話咁可唔可以分單，佢就話‘唔可以喎！入左單啦喎！改唔到！’跟住我地就話咁我地唔買啦，佢就話‘咁唔好食啦唔好買’，我地即同佢講消取張單你就可以，分返開又唔得，佢就用手勢示意叫我地走囉！咩態度！咁唔鍾意人地去你到食，我就幫下你！

第一次去呢間冰室，服務算是唔錯既，價錢就比普通冰室貴一點不是位於灣仔，所以都算是正常的。試下無妨既。先黎左碗湯，蕃茄忌廉湯，顏色比普通蕃茄湯不同，因為加了忌廉，呢個湯滑幾好飲，唔錯。5分有4分啦。我點左羊扒黑椒汁配意粉，餐牌係打錯既，唔係忌廉，不過份羊扒好少肉之餘太多筋，對於一個男仔好明顯係無肉食，所以感覺唔太好，不過有一塊羊扒就比較生，好紅。但口感係唔錯既，5分都有3.5分啦，呢個價錢就無辦法了。凍檸茶，個茶可以接受，凍檸茶有茶味 所以幾好飲。5分有4分。甜品，普普通通，唔係太甜，不過不失，如果再凍d會好D。5分有4分啦。不過最後有個小記。。。 見到有個女侍應拎完野食之後用手撩牙。唔知佢之後有無洗手啦。。呢個比我感覺真係唔多好。。。整體黎講，服務算唔錯既，環境對於冰室黎講係寬敞架，不過我就試一次就夠，當食多間餐廳分享下咁

好嘈，真係好嘈。食個tea，叫左新出既豬扒包跟沙律。沙律比勁多沙律醬，食唔落，早知食薯條。豬扒包，個包唔係用軟法做，係好普通仲要lum bat bat既，又話有美極汁，完全普通到不得了。仲要真係嘈到爆！個呀姐嘈到好想走，落個order叫出黎既，真係好嘈！