廉記冰室 (春園街) (已結業)

廉而有信。好入腦既一句slogan，高高掛喺一入門口好當眼既牆上，加上好多特式既裝修，用色，有自己包爐，好用心既一間冰室。其實一早都聽到有同事話呢間冰室既早餐幾Ok, 所以今日要去會展，一早11點到決定試下個早餐。極品早餐沙嗲牛肉麵，一個竹炭熱狗，加一個奄列,剩係聽到都覺得勁，覺得豐富，滿足。當然，你都要有返咁上下食量先得🤣沙嗲牛一啲都唔求其，食得出好香，好入味，係一齊煮左好耐，而唔係汁肉分離嗰啲。麵我無專登轉一丁，但都ok好食。熱狗係可以唔揀竹炭，有普通版既，但我想試下😋火腿奄列比平時普通茶記多好多火腿我老婆當然食唔到呢個，就叫左個普通既牛肉通，火腿旦你覺得佢就係咁? No....佢又有驚喜比你可能佢有自己包爐既原因，我整開個餐包諗住搽牛油既時候，竟然發現裡面有啲好細粒既洋蔥粒同叉燒粒，一個平平無奇既餐包就成為左主角，好野👍👍👍大家真係要試下😋😋😋

我同朋友一齊行完書展之後，想去book左嘅餐廳，結果去到先發現要在室外用餐，天時暑熱，邊個會在無冷氣嘅地方用餐，所以就決定去揾另一間餐廳食晚飯。我地經過見到呢間廉記冰室個舖面都幾靚，而且諗住食茶餐廳實無死，結果極度無奈……我地叫左A餐海鮮乾炒天使麵同B餐燒汁鯛魚配意粉。餐湯係南瓜湯，本來齋南瓜無問題嘅，但最弊係加左薑，勁辣勁難飲。個天使麵唔錯，似係中式嘅乾炒牛河，嗯!一碟要80蚊嘅牛河。唉，最騎呢就係碟意粉，成舊魚都係骨，意粉又無汁，點食呀?!不過都有一樣好嘅，就係杯凍檸茶正正常常，無可挑剔。總之可以去多次呢間餐廳嘅，但一定唔會再點呢兩個餐，只會叫三文治同公仔麵，實無死掛……

首先 我同先生都好喜歡食茶記既🤣甘岩行完展覽 人好攰，大約晚上七點左右 ， 系灣仔搵野食，無意間就搵到依間 😋首先 我要表明 其實我真系好鐘意食包🤣所以我入到去就睇佢有咩包食😆 哈哈 即時就叫左個綠茶墨西哥包試 😍哇 其實我真系唔識形容🤣 感覺 類似奶黃包？（傳統個隻喎） 總之我覺得好食🤣 都有綠茶味🍵 正喎 🤤然後我同先生分別叫左兩個餐一個系叉燒出前一丁 + 西班牙 奄列 連多士唔好話我誇張 ， 其實我真系認為出前一丁要煮得好 都唔系十分簡單的，但依到整得好好 ， 麵唔會太淋 唔會太硬 ； 奄列好特別 😝 食落似pizza 味 哈哈；仲有多士 都好鬆軟 😋👍🏻另一個就忌廉海鮮焗飯我地都認為好食 同埋多料👍🏻飲品方面 我同先生分別叫 凍奶茶 同 熱咖啡凍奶茶系滿分💯 熱咖啡就酸左小小 不過都可以接受😝以下比埋張單大家睇就系咁 我同先生都覺得 可以再食👍🏻🤣

放暑假去書展前，要食飽先有戰鬥力。早上十點幾成十一點到達灣仔的廉記冰室，唔使等位。茶餐廳都係果幾個早餐，沙爹牛麪之類同雪菜肉絲米果D囉～講真個早餐一D都唔“廉”，盛惠37蚊，係九龍食開32蚊，知道港島的確係貴幾蚊嘅，係我唔習慣啫~雖然係咁，但係佢真係俾足料，雪菜同肉絲真係800度近視冇戴眼鏡都睇到，個湯底係有煙燻味，咪誤會唔係話佢有燶味呀！係話佢有別於雞粉湯啫；個餐麭係有肉味(睇嚟似煙肉)配埋個自己擦的 anchor 牛油粒，唔使食咁油，適合我呢個怕肥嘅女仕，但缺點係個麭凍嘅；半條司華力腸脆皮好食， 煙肉都幾厚，煎得香，絕對唔係果D炸到乾柴嘅平價嘢，正；個菠蘿包係跟餐嘅，暖暖地鬆軟的麭夾埋個脆口的菠蘿面，好食；沙爹牛個麪係福麪，配個福麪湯，不過不失咁啦～喺“廉記”唔敢叫咖啡，怕唔“老嚟”，奶茶係奶茶味，鴛鴦係奶茶同咖啡味咁囉！總括而言，回頭率甚高。

小時候，常聽見新聞報導說「廉記」請人去飲咖啡。少不更事的我，當然不知道在說甚麼，後來才知道「廉記」是廉政公署的意思，請人去飲咖啡就代表邀請懷疑行賄或受賄人士到廉政公署接受調查。我是個奉公守法的人，當然不會被「廉記」邀請去飲咖啡，但最近就的確去了灣仔的這間「廉記冰室」吃東西，而喝的不是咖啡，而是另一款更加吸引我的飲品。位於春園街的這間「廉記冰室」，當然不是歷史悠久的老牌冰室，而是主打懷舊風情的新派偽冰室，幸好，這晚我在這兒吃的，不是難吃的劣食，而是好味的晚餐。 這兒的晚餐選擇不是太多，只得三款，三款都不太合我的心意，所以這夜的我，寧願散點，點來「焗飯套餐」中的「芝士鮮茄焗豬扒飯」（$70）配以跟餐另加 $9的特飲「蘆薈薄荷七」（原價 $25），來個紅綠配，實行以色相誘惑我的胃口。 「芝士鮮茄焗豬扒飯」的豬扒挺多的，大量橙紅色的茄汁茄膏，加上亮黃色的芝士，色相撩人，而且十分開胃。豬扒雖難免是雪藏貨，幸好沒有甚麼雪藏味，以焗豬扒飯來說，已算不錯。而我更喜歡的，是現在已經愈來愈少地方有得喝的「薄荷七」。這薄荷綠色的凍飲，冰凍涼快，解渴非常，加入了粒粒蘆薈在裡面，帶來更佳的口感，一邊喝著

最近每星期總有一兩日會係灣仔出沒，午餐地點太多選擇有時反而唔知點揀🤔。好在朋友同事們都好有主意。好似今日佢地就帶左我去呢間近期出名嘅冰室。老實講，我唔係好知佢出名係邊，但今次點嘅「男人最愛」套餐，我就大概明白點解唔單只男生， 就算好似我呢啲女生都愛點！個套餐好大份而且內容豐富：有火腿奄列、菠蘿油、豬扒腸仔麵，再配飲品，六十蚊有找喎，的確係「廉而有信」囉！個菠蘿包雖然唔係熱辣辣出爐，但都皮酥包嫩😜，配上一大厚片牛油，鍾意食嘅我邊內疚邊暗爽！個奄列內餡勁多火腿，一啲都冇慳住慳住。而豬扒腸仔麵，塊豬扒大到蓋住成個碗，腸仔係雞肉腸，兩樣都不過不失。麵好意外佢係用福字麵instead of大光麵，所以食起嚟好似冇咁飽滯(平衡番太多嘅餸😁) 。咁抵食，你話係咪連女生都愛吖？！

午餐來到廉記 係呢頭翻工，都一直無機會試，因為次次都排長龍，點知原來2個都好快就有位。 見好多人都會叫意粉類，焗飯類或「男人的浪漫」餐。的確好吸引，有菠蘿油，奄列，豬扒腸仔配福面，加多杯凍奶茶人生一大樂事。不過咁肥要留翻下次quota!我最後叫左carbonara 意外好味。 芝士汁好濃厚，估唔到茶餐廳都做到呢個水準🤗🤗不過杯熱奶茶就麻麻。有時我都會早上經過買菠蘿油早餐，都好正。

約左好耐無見既朋友灣仔食飯+happy hour，佢極推介呢間冰室，咁就一於黎試下啦。一黎到就比佢個環境吸引住，懷舊風既冰室一向都好受香港人歡迎，唔知食物質素點呢。睇到menu見到原來呢度都有happy hour，叫某d餐仲送啤酒一支，睇落勁抵喎。不過因為一陣仲約左幾個朋友酒吧等，所以都係唔飲酒住了。我就叫左個一口牛柳粒+酸菜薯仔，朋友就叫左個招牌香脆燒豬肘+酸菜薯仔。佢話呢個勁好味，次次食都唔厭喎，一陣一定要試下先。跟餐仲送一杯野飲，好抵喎。食物一上枱已經聞到勁香，而且賣相擺盤都好靚。我既牛柳粒好出色，夠哂牛味同唔會有筋。薯仔炸得好脆，大大粒咬落去非常滿足。而朋友既燒豬肘果然名不虛傳，表皮夠脆，肉夠嫩，食落好香，而且份量又夠多，唔怪得呢個係招牌菜啦。下次再黎我都一定會叫呢個燒豬肘呀。一路食一路飲呢杯沖得岩岩好既凍檸茶，簡單係人生一大享受呀。有機會都一定要再黎呢間冰室，試下佢其他食物先。

廉記最近大熱，同事話今日想試，但平日人龍很長，不寄予厚望。我們一到lunch時間9秒9飛到廉記，our dream comes true!Sorry, 又有間歇性選擇困難症，太多選擇，太多menu。最後跟了同事叫了「男人最愛」($62) :1) 滑滑火腿蛋奄列2) 超脆菠蘿油3) 豬扒腸仔「福」字麵4) 凍奶茶 (同事叫了凍朱古力奶，也是加$3)那個菠蘿油及豬扒腸仔「福」字麵對於我這個弱質女流實在太大了，我終於明白為何這個餐是「男人最愛」。賣單結帳後，見到平日人龍現象。要試就要早些到了!

最近發發現灣仔修頓球場對面開左間新既冰室叫廉記冰室，個名改得好忠直~而且呢間冰室睇得出快左好多心思去裝修！冰室都有咁既格局，相當有睇頭呢！！今晚打完波就專登同埋波友一齊去食啦。見到 menu有個推介就係招牌香脆燒豬肘，而且價錢仲幾抵食！一放入口，剛才等既10-15分鐘完全沒有白費！豬肘個皮真係燒到世界級正！！脆到不得了而且唔油膩添，豬肘 d肉又唔會死鹹，真係超高水準！可為高手再民間呢！！再叫左份女人浪漫餐，包含忌廉菠菜温泉蛋 and鰻魚烏冬，第一次食這款配搭！感覺非常新穎。菠菜吸哂濃香既忌廉味~好creamy呢，鰻魚亦唔錯，size亦唔細！烏冬彈牙湯底亦入味！最後飲杯紅豆冰，爽呀！！

這家冰室位於灣仔，是我在偶然的情況下發現，所以決定一試。早餐時段（大約10：30）算頗多人，要搭枱坐。餐廳的格局走懷舊路線，燈光柔和，我個人覺得幾舒服。早餐的選擇與一般茶餐廳差不多，我點了沙嗲牛麵、餐飽配司華力腸和炒蛋，加上一杯熱奶茶。食物算幾快送到，賣相不錯，份量也足，男生吃應該也會很足夠。至於食物方面，雖然不算有甚麼驚喜，但我可以用好吃來形容，沙嗲有沙嗲味（不要笑我說廢話，因為事實的確如此），炒蛋滑，司華力腸也煎得脆卜卜，只是個餐飽味道有點特別，看似是個簡單的提子飽，但又好像混入了一點橘子皮，可惜我太飽，只吃了一口，所以沒辦法確認。至於奶茶方面，我個人幾喜歡，因為茶味較濃，所以不用特別說明要少奶喔，除非你真的要很濃的茶味。這裡雖然是新潮冰室，但卻有一點點舊式冰室的人情味，大家不防來一試。

原本打算去同一條街某店食個包，經過此店見好光潔，即管試試，可以比個讃，價廉物美，個波籮油還是暖熱，個皮微脆，不是微波爐加熱，有些茶記用微波爐翻熱令個包入口帶靭，所以值得推薦此店比大家

儘管夏日炎炎，途經住處附近的廉記冰室，看見一盤盤好像是新鮮出爐的菠蘿包，個個肥大，小人又豈會抵受得了這股誘惑，即時入內吃個菠蘿油。衝著菠蘿包而來的小人，縱使餐牌上的甚麼下午茶餐等選擇很多，小人仍是二話不說的要了個菠蘿油是也。菠蘿包真的十分大個，菠蘿的覆蓋面亦夠濶，很多菠蘿。當堅硬的牛油溶入脆脆的菠蘿及香噴噴的麵包裏面時，一咬下去的豐滿滋味感覺簡直無以上之，是老港的幸福味道。一個菠蘿油，加一杯凍檸茶，就是一頓美味可口的下午茶。

之前經過見到呢間茶餐廳裝修咁靚，成間都係tiffany色已經好想黎試吓～今日就帶埋媽媽一齊嚟！入面都有幾多位，裝修新穎，仲有好多復古小物擺設！兩點就有下午茶食，咁梗係食下午茶啦！我媽咪就叫左杯紅豆冰，紅豆非常之淋，紅豆冰又夠甜，媽媽就食得非常滋味😋我太耐冇飲過樽裝牛奶🥛好懷念呀！！😍我就叫左個《鮮油鹹牛肉蕃茄炒蛋菠蘿包》$37，仲包一杯野飲添！ ！菠蘿包大大個～好抵食呀呢個菠蘿包又咸又甜，點知食落又幾夾，仲要佢既菠蘿皮非常鬆化，包又軟熟🤤好好味！👍媽媽就叫左個《招牌西多士》$30 都係包一杯野飲嘅兩塊麵包都好厚，絕對唔係用普通方包整，而且麵包非常軟熟～店員仲會好貼心咁問你要糖漿定係煉奶🍞之後就散嗌咗一個《腸仔餐肉出前一丁》$36腸仔同埋餐肉都係煎過先放落去嫁😙媽媽對呢間茶餐廳讚不絕口，話啲嘢抵食夾大份，如果係屋企樓下佢會日日去食喎🤣

廉記冰室，聽個名都覺得特別，正所謂「香港人的集體回憶」，老一輩都應該對「廉記」好有印象。香港勝在有廉記，香港人先可以生活在一個公平公正的社會！言歸正傳，午膳時間在灣仔覓食，真係唔容易，要等位，而且貴，食碗粉麵都要$30，米線要$50添！廉記的早餐至到十二點，超正！$34就有通粉、蛋、餐包及飲品，喺灣仔區真係好難得！11:55入坐都可以叫早餐，非常好！座位又寬敞，坐得舒服。食客在門外等位，唔會有趕客嘅感覺。值得推介！題外話：好喜歡這裡的裝飾，很懷舊的感覺。