康瑞甜品

营业中

休息中

由細到大唔知點解好中意食芋圓，細細個同屋企人去台灣旅行既時候食過之後就好難忘。而家香港真係好方便，想食咩國家既野都一定會有。有次放假同朋友食完飯無野做，突然好想食糖水之後就講起芋圓。因為我朋友本身住深水埗，所以佢帶左我黎呢間店到食糖水，我朋友話夜晚過黎食既話會排好耐。好彩個日我地去既時候係下午，但當我地坐低左無幾耐都開始多人。我點左個招牌黎食，上菜速度勁快我諗大約五分鐘，黎到勁有驚喜。一碗$20幾既芋圓點解可以甘多料，唔怪得甘多人黎食。材料:芋圓，仙草，薏米，珍珠，紅豆，西米出面個d舖頭唔會甘平，仲要加錢先可以加料真係誠意推薦😋😋😋

試咗個【特式仙草百配$26】 即係綜合糖水，乜嘢都有👀當中包括芋圓、地瓜圓、小丸子、仙草、珍珠、薏米、紅豆⋯配埋椰汁底🥥 話說👧🏻好鐘意食芋圓，但係喺香港食到嘅芋圓普遍都冇乜味🤭，一係就太硬倔倔；康瑞嘅芋圓算係軟硬適中，有足夠黏韌。而且價錢好抵，CP值好高🔝大家有冇好味嘅芋圓介紹我😋

今日晏就去太子果邊嘅花舖睇花,食完lunch 飯之後就去左太子花墟睇下花，有時，尤其是係呢段時間，淨係睇下d 花都好有治癒作用。行下行下已經有d hungry, 今日要去個朋友gei grand opening, 拒間舖係深水埗，甘當然要食好好食gei芋圓。因為女朋友介紹我食，令我愛上。康瑞芋圓，真心出色，以前係街檔食到依家地舖，水準一樣出色。由於我地都係雀仔肚嘅關係，所以兩個人都係嗌左一碗，1號，次次都係食呢款，yummy!!

每次嚟開深水埗必定會過嚟康瑞食糖水雖然店舖位置唔太就腳 但打從以前康瑞仲喺醫局街中醫館內兼賣糖水食過一次之後就一直念念不忘佢哋嘅手做芋圓、地瓜圓幾出色而家搬咗舖地方大好多 可以舒舒服服咁坐低食不過飯後時間通常都要等位招牌糖水有仙草系列亦有各款傳統糖水配芋圓必食推介✨1⃣號特色仙草百配甜品非常足料有芋圓、地瓜圓、小丸子、珍珠、紅豆、薏米及仙草口感豐富，味道唔會太甜另一清潤推介✨3⃣桂棗雪耳湯底配芋圓平時冰糖雪耳配桃膠或木瓜糖水就食得多其實配搭芋圓都幾match 雪耳好爽 湯底甜度亦適中芋圓同地瓜圓有濃濃嘅芋頭同蕃薯味體積細細粒 口感夠煙韌👍👍友人唔係芋圓愛好者揀咗1⃣1⃣椰汁西米露同預期差唔多 椰汁味道唔會太甜中伏之選1⃣8⃣至愛什果啫喱👿啫喱一上枱就聞到好奇怪嘅香精味起初以為會有D罐頭雜果 但裡面只係得椰果啫喱味道同口感都好怪友人每粒淺嚐咗一小啖已表示食唔到落去真心建議呢道甜品可以cut咗佢😖強烈建議大家唔好點啫喱！平均廿幾蚊碗足料糖水真係好抵食👍1號同3號係我嘅必食之選

Herbal Jelly with taro, sweet potato and gelatinous rice balls is the best! It is not over-sweet, and feels like it is not super unhealthy. The flavours of taro and sweet potato balls are really prominent. It is very peculiar and when you chew it slowly the flavours come out. The sago one is a bit too sweet in my opinion.

同一班朋友係深水埗食完晚飯，健康嘅我哋當然就選擇甜品作下場啦😎 特色仙草百配 （$26）差唔多我每次都會叫佢🤪 超多花奶，好肥，但好味！配料都好足; 有芋圓，地瓜圓，小丸子，紅豆同涼粉🤓 每款丸都有成5粒，但壞處係。。。唔夠凍😭😭😭室溫咁嘅feel桂棗雪耳糖水 （$21）好甜，umm 糖水，我明嘅🤣🤣 雪耳好硬，咬唔到咁🤧椰汁西米露 （$21）正正常常啦總結，因為我地多人，所以都等左成20分鐘，同埋最終要坐門口張枱，冇咩冷氣，同埋甜品唔夠凍，都有少少失望

推薦指數：🤩🤩🤩🤩深水埗可以話係香港地道美食天堂！係呢附近的餐廳未必有華麗的裝潢 , 不過就有好多充滿驚喜的小店/ 地道美食!🥳今日就去一試康瑞甜品！未去到已見到有人潮係門口等緊位，相信一定係唔錯啦！康瑞甜品係好港式地道的糖水鋪，飯後時段更加係人潮湧湧好熱鬧！😎👉🏻酒釀桂花丸子配芋圓　👉🏻桂棗雪耳湯底配芋圓酒釀同桂花的味道相當搭，丸子煙韌有口感，仲帶有微微的酒味！🥰桂花紅棗湯底非常滋潤，食到本身紅棗的甜味桂花的清香！芋圓亦係另一重點推介，芋圓配上中式糖水的湯底亦係異常地合拍～芋圓粒粒大小適中，有Ｑ彈的口感！😍😍😍

嚟到深水埗食嘢又點可以唔食返個甜品先走啊 本人非常之鍾意食芋圓，迫左💁🏻‍♂️去食，晚上六點幾7:00去食嘅話人流冇咁多坐得比較舒服由於依間鋪頭本身出名就係食芋圓，所以佢哋嘅選擇都唔係咁多今次我就叫咗個紅豆沙，💁🏻‍♂️就要特色仙草百配。個人唔係幾太鍾意紅豆沙入面加椰奶，所以覺得味道一般，上幾個月你食嘅時候我記得芋圓係比較煙銀啲，今次食嘅時候冇咗嗰種Q彈感，粉感重左，有d 失望😞有機會再嚟幫襯，希望佢可以回復翻以前嗰個水準啦，不過以糖水舖來講佢買嘅價錢都唔算太貴，未食過嘅人都可以黎試吓不過你話好好食嘅話我個人認為一定唔係，依間就係以價錢同材料取勝，賣得唔算貴但係味道都OK

呢間甜品店一直係我嘅bucket list🐷度，今次終於試到佢啦🥰佢嘅中式糖水真係好正👍🏻大家去開深水埗一定要試1️⃣椰汁西米露配芋圓丶地瓜圓同小丸子(熱) $26椰奶味好香濃🥥，西米嘅份量都好足！芋圓標榜每日手工製造，口感軟熟煙靭，不過芋香味比較淡。地瓜圓同小丸子亦都煙煙靭靭🥰。🙆🏻‍♀️美味指數:8.53/102️⃣暖胃薑汁配芋圓丶地瓜圓及小丸子(熱) $26薑汁味超重，唔會話一味得個甜字，食一啖會覺得辣嘅，而且好暖胃🤤而且仲有驚喜係佢加咗啲腐竹喺裏面🤩大推🎉🙆🏻‍♀️美味指數:8.88/10💡整體來講，平靚正，想食返碗養顏糖水，來呢度就最啱啦！唯一嘅缺點係服務質素......

自從發現深水埗竟然有間咁高質嘅芋圓之後 泥親深水埗都係指定食呢間🤣🤣特色仙草百配🤩🤩👍🏻呢碗野價錢唔貴但入面勁足料！！有仙草 芋圓 紅豆 黑白珍珠 西米 等等⋯口感好豐富 次次食完都好有滿足感☺️☺️唯一小小缺點係唔夠凍😢😢如果可以凍啲就完美😆😆

今晚喺深水埗食完飯之後，友人提起不如食糖水，即刻諗起康瑞，都好耐冇食，因為坊間愈出愈多花款，試極都未完。大概夜晚嘅八點幾，我哋去到門口發現冇人等位非常之開心，因為早幾個月去嘅時候，都仲係需要等最少10分鐘先有得入，但諗深一層會唔會係人潮已經轉去其他嘅甜品舖呢！坐低之後睇過餐牌，都係揀番芋圓仙草百配，友人就揀咗椰汁紅豆沙芋圓，我哋都覺得味道依舊👍🏻只係可能坊間依家有非常多嘅選擇同埋嶄新嘅口味，令到昔日吸引人潮既甜品變得有點失色，甚至乎平平無奇，但我哋仍然希望貴店生意興隆，繼續保持依份味道。

作為一個不折不扣的芋圓控，可以大聲講一句芋圓真係食唔厭！不過好味的芋圓在香港難尋，今次有朋友介紹去食佢心目中「香港最好味芋圓」，絕對要飛奔過去！唔三唔四嘅下午時間去一樣坐滿人，令我嘅期望更大。店舖唔大坐係都有少少迫，不過最緊要乾淨。點完單好快有得食，綜合仙草配即係大雜繪，咩料都有岩哂我呢D選擇困難症嘅人。仙草涼涼滑滑嘅口感好岩呢D天氣，一食即消暑；其他配料份量也很足，豆類再煮「林」少少就好啦！輪到我心中的主角芋圓，口感好煙韌，仲食到芋頭同蕃薯嘅香味，係期待以上！男朋友點左碗椰汁西米露，比起來就有點普通。$26一大碗，香港地算抵食啦，下次係香港想食芋圓就記住呢間！（或者各位食神有冇其他好介紹）

吃完晚飯，遊完車河回市區，友人說吃完甜品才回家罷！ 也好，反正這店未吃過，說是特式的圓子，去到已有不少人等位，或等外賣，當排到下一張枱到我們時，門口的四坐位給了排在我們數個號碼後面的6人(他們是一起的)，我們需再等多數分鐘才入坐，說實，坐位很狹窄(如果單坐位狹窄不是問題) ，因安排了我們2人貼埋牆閘角位坐(實是一個位) ，4人坐3人位。特式仙草百配(凍) $26百配有涼粉，西米，紅豆，珍珠，薏米 , 再配指定有的芋圓，地瓜圓，小丸子，糖水小甜，芋圓(小許芋頭味) 與地瓜圓(小許蕃薯味) 比想像中有韌度，小丸子稍微好一點，算是多料，友人說煮熟後需放入雪櫃，所以硬身是合理的，椰奶與濃度一般，沒甚麼特別。桂棗雪耳湯底配(凍) $26甜的紅棗，糖水有點桂花香，雪耳微腍帶爽口，芋圓與地瓜丸與上面的口感相同，味道正常的甜品。椰奶紅豆沙配(熱) $26紅豆起沙，濃稠度一般，因為這碗是熱的，故芋圓，地瓜丸相對較腍，而小丸子腍軟Q彈，少甜，這碗已是4碗中最好味的了。4人只有3人說ok, 2人可以不回來再吃！

今晚到深水埗食飯，朋友說深水埗有間台灣式糖水必定要去食，我當然快人一步舉手。🙋‍♂️台灣口味甜點在深水埗能食到，跟台灣是一樣的，滑滑的仙草好好食啊！超多豆有我喜愛薏仁同珍珠加軟糯芋圓太好味了🥰，價錢方面平民到令我想不到。👍👍👍特式仙草百配 $26滑不溜口😋綠豆沙配$26超貼地價👍

特登食完晚餐行過來深水埗尼間食糖水，因為之前坐車經過，見到門面感覺唔錯於是就特登過嚟食，座位都算舒服，服務OK餐牌上邊的選擇不多，大部分都有芋圓，我哋order左1号特色仙草百配和3号桂棗雪耳湯底配芋圓^_^好好味， 冇諗過雪耳咁清甜，唔會太過甜，感覺好滋潤朋友話1號都好好味，有紅豆薏米仙草西米露小丸子珍珠芋圓，有齊晒佢最鍾意的簡直就係Perfect。總括而言，CP值都好高可以下次再嚟幫襯，介紹啲朋友嚟試吓。