康瑞甜品

营业中

休息中

今日見平日得閒，就去咗深水埗一間好出名嘅芋圓糖水鋪試新野當食下午茶。 大概3:50去到，未開門，但已經見到門口好多人喺度等位，到四點正式開門，已經坐滿左人，以平日來講都算好誇張，好墟冚！食物: 我叫咗個招牌特色仙草百配，好好食，好多材料！包括有地瓜芋圓、珍珠、紅豆、薏米、西米、仙草凍，口感超級豐富！好好食，但係呢個咁熱嘅天氣環境底下，如果可以加埋啲碎冰入去就perfect池! 另外叫咗個桂棗雪耳湯底配，非常滋潤，好適合女仔！最後仲食左個椰汁西米露配芋圓地瓜圓小丸子，材料冇百配咁足，但都相當唔錯！環境: 因為我哋未開鋪已經喺度，所以又唔算話等左好耐，店員態度都好親切，唔會話見你一食完就趕你走！整體來講感覺相當不錯，可以返check!

總括嚟講.係一間唔貴.值得一去再去食芋圓嘅甜品舖！今晚同朋友係深水埗食完飯.未想散場.提議不如去康瑞食糖水啦！因朋友未去食過.都想試下😬😬點知.朋友一試完.已經返唔到轉頭啦！仲約定下星期再食過 😂😂😂

這晚在深水埗吃完晚飯後，順道來買糖水回家給家人吃。每次來康瑞都是點特色仙草配，這次家人order，要吃港式糖水。最後點了椰汁西米露（凍），並配芋圓、地瓜圓、小丸子，整碗糖水冰冰涼涼的，椰汁糖水的甜度適中，西米露的份量多，與椰汁伴著吃，帶有淡淡嘅椰香；一如以往，芋圓、地瓜圓及丸子有咬口，煙煙靭靭的，不管是配仙草、紅豆沙或綠豆沙，配上椰汁西米露原來也十分搭呢。

經過深水埗，諗住去玩具街買啲玩具，覺得熱熱地於是去咗一間好似幾出名嘅康瑞甜品食芋圓。聽聞有好多人會去，所以我哋好早就去到，點知早到原來都未開門。仲未開門門口已經有幾張枱嘅人喺度排緊隊，睇嚟真係幾出名喎。叫咗一碗咩都有嘅特色仙草百配。入面有護院、紅豆、珍珠、西米、仲有啲好似薏米嘅嘢。總括來講味道係唔錯嘅，但係芋圓同地瓜圓唔係好有芋頭同地瓜既味道。不過口感搭夠，夠煙韌，唔似得出面嘅糖水舖啲芋圓好淋同粉。珍珠同埋西米就正常發揮，冇乜特別。仙草口感唔錯，加埋花奶就幾夠味。依家出街食一碗糖水平均都三四十蚊起跳，而家呢度一碗咁大碗都只係賣緊20幾蚊，我覺得性價比好高，可以一試。

終於有機會來試了！這晚約8時來到，不算多人，不過也是打是外賣回家品嚐的。最後點了特式仙草百配（因為有齊各配料，是最抵食的一碗糖水，哈哈）等了數分鐘便可以取了。整碗糖水材料好豐盛，有西米、珍珠、薏米、仙草、紅豆、芋圓、地瓜圓、丸子。所配的糖水不太甜，與仙草伴著吃剛好，芋圓丸子珍珠口感煙韌，是一碗好滿足的糖水。

某雜誌推介左幾次呢間糖水舖，今日咁岩黎到深水埗食晚飯，仲要係隔離街咁近就留肚試下佢。一去到見到門口都有人等位，咁入去攞飛啦，不過好快就有位。呢間舖仔細細，都容納到幾多人，不過係迫d囉。攞起餐牌，心諗：咁少選擇咁就試佢招牌菜特色仙草配，呢個甜品有分凍食同暖食，今日熱熱地咁緊係叫凍食啦。出餐好快，Order完之後好快就上枱，望落去好似好正，好多配料。有西米，紅豆，薏米，珍珠同埋小丸子，當然唔少得主角芋圓仙草啦。滿心歡喜一啖食落去，喂！碗野唔凍既問左店員佢話：你呢碗咪係凍囉態度勁差服務差都算，芋圓係無味，係無味架！仲要係唔煙靭好粉無咬口，唯一優勝之處就係平，點解做到咁平我明白了。可能附近真係無選擇先咁多人啦，但唔會做到我第2次生意囉

康瑞其實係醫局街岩岩開檔時已食過果時係一間跌打舖老闆好媳婦自己自學然後試下賣最後賣到去荔枝角道開店佢間野性價比一向都好高之前玩台風有芋圓就成40幾一碗糖水但佢仍然係街親民的廿幾蚊路線講番碗糖水食個招牌即係咩都有有芋圓 仙草同埋其他的不知名東西係抵食ge

之前黎過兩次，咁岩兩次都摸門釘，有一次太早黎到未開門，有一次就直頭個日休息唔開.......呢日活動完左收工經過見到有開舖啵，見到無乜人，所以唔理三七廿一就入左去啦一向對食物都三心兩意既我就揀左碗“特式仙草百配”HKd$26一來係店家招牌，二來又樣樣配料都有啲嘛呢碗仙草百配既性價比真心高呀，廿幾蚊碗但好足料有齊仙草、芋圓、紅綠豆同薏米等等配料當中既芋圓同地瓜圓都好Q彈，煙韌控既我表示好滿意而仙草又滑嘟嘟，加上甜度適中，食完成碗都真係幾有飽肚感添啵好彩行快一步，食到一半已經愈黎愈多人！！臨走個時仲坐滿曬人添呀

煙韌控put your hands uppp!!🙌🏽我真係好鐘意mochi口感嘅食物而芋圓地瓜圓小丸子呢啲比起珍珠西米天然一點點間唔中食下都冇咩大影響🤤自己食嘅話我會當係正餐 (因為都夠飽xd)或者同朋友開心share下就冇咁肥啦～💡Tips:1. 嗌有仙草/豆類/雜糧嘅糖水底仙草比較低卡、豆類係健康蛋白質同碳水全部都係比較keep fit friendly嘅選擇😆My go to choices: 豆腐花、仙草百配、有紅豆綠豆薏米芋頭蕃薯的、喳咋2. 走花奶+走糖水因為好多時餐廳煮配料已經會加糖，唔洗再extra加糖漿都好夠甜，又可以減少額外熱量攝取👌🏽✅特色仙草百配 走奶走糖水 $26🍽仙草+薏米+紅豆+西米+珍珠+芋圓地瓜圓+小丸子康瑞嘅芋圓地瓜圓味道唔出，口感有點粉。比較好嘅一點係仙草好滑，唔似涼粉，而且可以走糖水所以唔會太甜。

整個星期也在咳嗽，尤其是在晚上更厲害，這夜家人了在康瑞買了雪耳糖水回家給我喝，說是滋潤養肺，很適合現時飲用。一直只知道康瑞的芋圓仙草好吃，原來中式糖水也很不錯。元棗雪耳糖水，顧名思義，元是桂圓 (即龍眼肉)，棗就係紅棗。桂圓肉性味甘平，入脾、心經，能補益心脾，養血安神。紅棗味甘，性溫，功效補脾和胃、益氣生津、養血安神。雪耳含豐富營養如高蛋白質和氨基酸，能養陰補肺，稱為「窮人燕窩」。揭開碗蓋就聞到好香紅棗味，呷一啖糖水，紅棗味中透著淡淡桂元香，甜度適中，不會過甜，也不會太淡，好飲啊。  雪耳大大朵，口感腍中仍然保留爽身，連糖水一起吃最正由於材料又生津又補肺，對於口乾、喉嚨敏感引致咳嗽的我頗為適用，當晚咳嗽真的減少了。

其實我都估唔到,當初以為呢間係一間涼茶舖, 內裡既環境格局又真係幾似一間傳統既涼茶舖, 原來竟然係出名食甜品。呢間康端甜品一向都出名食芋圓, 咁見咁出名於是就叫左個熱既西米露芋圓來同埋一個凍既紅豆沙芋圓來試喇。熱既板椰汁西米露既椰汁又幾香, 西米都一粒粒好分明, 而重點既芋圓又真係比預期中好食, 尤其係蕃薯芋圓, 勁香蕃薯味,而個芋頭都勁重芋香。紅豆沙方面, 紅豆沙既口感好正, 紅豆又大粒而又夠沙, 唔會太甜岩岩好。

黎到深水埗點都要食下康瑞甜品 一嚟佢係深水埗比較上出名啲鋪頭 二黎佢芋圓真係好正 同埋佢係較早期開嘅一間有芋圓嘅糖水舖頭 依間我已經食過幾次啦 每次黎食都冇令到我失望👍🏻佢個餐牌嘅款式唔係特別多 所以好快都會揀到自己想食啲咩㗎 鍾意食芋圓嘅人就一定會揀佢嗰幾款有芋圓嘅糖水 同朋友叫左兩款唔同嘅糖水返去食食椰汁西米露配芋圓 地瓜圓 小丸子我朋友話要養生所以佢食咗個熱嘅椰汁西米露配芋圓地瓜圓 小丸子甜到啱啱好 椰汁味香濃 唔會搶咗芋圓地瓜圓啲味 份量十分之多 熱嘅反而會食到芋圓嘅芋泥味地瓜圓就有甜甜嘅番薯味 而且芋圓同地瓜圓食落去比較香軟 仲有椰奶紅豆沙 配芋圓 地瓜圓 小丸子紅豆沙煲到起晒沙 食落去好有層次 有芋圓嘅煙韌感 再加上粒粒紅豆 口感方面一流 仲有少少椰汁嘅香味 同紅豆沙十分之夾

這家店是每一次來到深水埗都必定要來的！這裏是標榜手工自家製的芋圓，所有芋圓都是每一天新鮮製成，吃起來十分有口感， 十分軟熟，而且很有芋頭香！除了芋圓之外，另外的地瓜圓和紫薯圓，都有濃濃的味道，吃過一定會很難忘的！他點了酒釀桂花配芋圓，帶有淡淡的酒香，配合桂花和蛋花，令甜湯很滑，加上地瓜圓和很煙韌的小丸子，十分搭調，想吃清一點的話，點這個就最適合了。另外還點了椰汁西米露配芋圓，椰汁很香很滑很濃味，西米亦很足夠，熱食會更美味！

好耐冇食過芋圓，聽朋友講係深水埗有間食芋圓幾好食，於是就決定買個外賣返去試下去到餐廳，原來除左芋圓仲有出名仙草餐牌選擇以芋圓為主，仲有小丸子同地瓜圓最後叫左個椰汁紅豆沙配芋圓，地瓜圓同小丸子，起初以為只可以揀一樣，原來三種都有哂！椰汁味幾香，但唔會蓋過左芋圓佢地既味道，紅豆沙既豆都煲得岩岩好，唔會過淋或過硬，一次過可以試哂三種真係太好，而且價錢都唔係貴，$30有找，路過深水埗既朋友可以去試試呀，下次去都要再食呀！

夜晚同班friend食完飯未想走，所以去左出名芋圓好食既康瑞食甜品😋雖然九點到外面已經有品少人等緊，不過等地五個等左唔洗五分鐘就入到去食～我同另一個friend叫左最出名既特式仙草配，芋圓，地瓜圓同小丸子都好軟滑，同係台灣食既芋圓好似，夾埋清爽既仙草食好正！糖水都唔太甜，我次次黎都食依個有friend腸胃唔好就叫左暖胃姜汁配，姜汁真係好暖胃😂而且都係唔太甜，好夾芋圓！另外有人叫左椰奶紅豆沙配，紅豆沙有起沙，而且都係唔太甜，好食！仲有個叫左酒釀桂花配，中意飲酒應該幾中意，而且桂花好清新，唔會好膩！最後我地share左個糖不甩，無咩特別，不過裡面有花生餡，好夾啲花生！總括而言係一間唔貴，值得一去再去食芋圓既甜品舖！