康瑞甜品

营业中

休息中

今晚喺深水埗食完飯之後，友人提起不如食糖水，即刻諗起康瑞，都好耐冇食，因為坊間愈出愈多花款，試極都未完。大概夜晚嘅八點幾，我哋去到門口發現冇人等位非常之開心，因為早幾個月去嘅時候，都仲係需要等最少10分鐘先有得入，但諗深一層會唔會係人潮已經轉去其他嘅甜品舖呢！坐低之後睇過餐牌，都係揀番芋圓仙草百配，友人就揀咗椰汁紅豆沙芋圓，我哋都覺得味道依舊👍🏻只係可能坊間依家有非常多嘅選擇同埋嶄新嘅口味，令到昔日吸引人潮既甜品變得有點失色，甚至乎平平無奇，但我哋仍然希望貴店生意興隆，繼續保持依份味道。